വാസുദേവം ഹൃഷീകേശം വാമനം ജലശായിനമ് । ജനാര്ദനം ഹരിം കൃഷ്ണം ശ്രീവക്ഷം ഗരുഡധ്വജമ് ॥ 1 ॥ വാരാഹം പുംഡരീകാക്ഷം നൃസിംഹം നരകാംതകമ് । അവ്യക്തം ശാശ്വതം വിഷ്ണുമനംതമജമവ്യയമ് ॥ 2 ॥ നാരായണം ഗദാധ്യക്ഷം ഗോവിംദം കീര്തിഭാജനമ് । ഗോവര്ധനോദ്ധരം ദേവം ഭൂധരം ഭുവനേശ്വരമ് ॥ 3 ॥ വേത്താരം യജ്ഞപുരുഷം യജ്ഞേശം യജ്ഞവാഹനമ് । ചക്രപാണിം ഗദാപാണിം ശംഖപാണിം നരോത്തമമ് ॥ 4 ॥ വൈകുംഠം ദുഷ്ടദമനം ഭൂഗര്ഭം പീതവാസസമ് । ത്രിവിക്രമം ത്രികാലജ്ഞം ത്രിമൂര്തിം നംദകേശ്വരമ് ॥ 5 ॥ രാമം രാമം ഹയഗ്രീവം ഭീമം രഽഉദ്രം ഭവോദ്ഭവമ് । ശ്രീപതിം ശ്രീധരം ശ്രീശം മംഗലം മംഗലായുധമ് ॥ 6 ॥ ദാമോദരം ദമോപേതം കേശവം കേശിസൂദനമ് । വരേണ്യം വരദം വിഷ്ണുമാനംദം വാസുദേവജമ് ॥ 7 ॥ ഹിരണ്യരേതസം ദീപ്തം പുരാണം പുരുഷോത്തമമ് । സകലം നിഷ്കലം ശുദ്ധം നിര്ഗുണം ഗുണശാശ്വതമ് ॥ 8 ॥ ഹിരണ്യതനുസംകാശം സൂര്യായുതസമപ്രഭമ് । മേഘശ്യാമം ചതുര്ബാഹും കുശലം കമലേക്ഷണമ് ॥ 9 ॥ ജ്യോതീരൂപമരൂപം ച സ്വരൂപം രൂപസംസ്ഥിതമ് । സർവജ്ഞം സർവരൂപസ്ഥം സർവേശം സർവതോമുഖമ് ॥ 10 ॥ ജ്ഞാനം കൂടസ്ഥമചലം ജ്ഞ്ഹാനദം പരമം പ്രഭുമ് । യോഗീശം യോഗനിഷ്ണാതം യോഗിസംയോഗരൂപിണമ് ॥ 11 ॥ ഈശ്വരം സർവഭൂതാനാം വംദേ ഭൂതമയം പ്രഭുമ് । ഇതി നാമശതം ദിവ്യം വൈഷ്ണവം ഖലു പാപഹമ് ॥ 12 ॥ വ്യാസേന കഥിതം പൂർവം സർവപാപപ്രണാശനമ് । യഃ പഠേത് പ്രാതരുത്ഥായ സ ഭവേദ് വൈഷ്ണവോ നരഃ ॥ 13 ॥ സർവപാപവിശുദ്ധാത്മാ വിഷ്ണുസായുജ്യമാപ്നുയാത് । ചാംദ്രായണസഹസ്രാണി കന്യാദാനശതാനി ച ॥ 14 ॥ ഗവാം ലക്ഷസഹസ്രാണി മുക്തിഭാഗീ ഭവേന്നരഃ । അശ്വമേധായുതം പുണ്യം ഫലം പ്രാപ്നോതി മാനവഃ ॥ 15 ॥ ॥ ഇതി ശ്രീവിഷ്ണുപുരാണേ ശ്രീ വിഷ്ണു അഷ്ടോത്തര ശതനാസ്തോത്രമ് ॥