ಶ್ರೀ ವಿಷ್ಣು ಕವಚ ಸ್ತೋತ್ರಂ

ಧ್ಯಾನಂ –

ಶಾಂತಾಕಾರಂ ಭುಜಗಶಯನಂ ಪದ್ಮನಾಭಂ ಸುರೇಶಂ

ವಿಶ್ವಾಕಾರಂ ಗಗನಸದೃಶಂ ಮೇಘವರ್ಣಂ ಶುಭಾಂಗಂ ।

ಲಕ್ಷ್ಮೀಕಾಂತಂ ಕಮಲನಯನಂ ಯೋಗಿಹೃದ್ಧ್ಯಾನಗಮ್ಯಂ

ವಂದೇ ವಿಷ್ಣುಂ ಭವಭಯಹರಂ ಸರ್ವಲೋಕೈಕನಾಥಂ ॥

ಕವಚಂ –

ಓಂ । ಪೂರ್ವತೋ ಮಾಂ ಹರಿಃ ಪಾತು ಪಶ್ಚಾಚ್ಚಕ್ರೀ ಚ ದಕ್ಷಿಣೇ ।

ಕೃಷ್ಣ ಉತ್ತರತಃ ಪಾತು ಶ್ರೀಶೋ ವಿಷ್ಣುಶ್ಚ ಸರ್ವತಃ ॥ 1 ॥

ಊರ್ಧ್ವಮಾನಂದಕೃತ್ ಪಾತು ಅಧಸ್ತಾಚ್ಛಾರ್ಙ್ಗಭೃತ್ ಸದಾ ।

ಪಾದೌ ಪಾತು ಸರೋಜಾಂಘ್ರಿಃ ಜಂಘೇ ಪಾತು ಜನಾರ್ದನಃ ॥ 2 ॥

ಜಾನುನೀ ಮೇ ಜಗನ್ನಾಥಃ ಊರೂ ಪಾತು ತ್ರಿವಿಕ್ರಮಃ ।

ಗುಹ್ಯಂ ಪಾತು ಹೃಷೀಕೇಶಃ ಪೃಷ್ಠಂ ಪಾತು ಮಮಾವ್ಯಯಃ ॥ 3 ॥

ಪಾತು ನಾಭಿಂ ಮಮಾನಂತಃ ಕುಕ್ಷಿಂ ರಾಕ್ಷಸಮರ್ದನಃ ।

ದಾಮೋದರೋ ಮೇ ಹೃದಯಂ ವಕ್ಷಃ ಪಾತು ನೃಕೇಸರೀ ॥ 4 ॥

ಕರೌ ಮೇ ಕಾಲಿಯಾರಾತಿಃ ಭುಜೌ ಭಕ್ತಾರ್ತಿಭಂಜನಃ ।

ಕಂಠಂ ಕಾಲಾಂಬುದಶ್ಯಾಮಃ ಸ್ಕಂಧೌ ಮೇ ಕಂಸಮರ್ದನಃ ॥ 5 ॥

ನಾರಾಯಣೋಽವ್ಯಾನ್ನಾಸಾಂ ಮೇ ಕರ್ಣೌ ಕೇಶಿಪ್ರಭಂಜನಃ ।

ಕಪೋಲೇ ಪಾತು ವೈಕುಂಠೋ ಜಿಹ್ವಾಂ ಪಾತು ದಯಾನಿಧಿಃ ॥ 6 ॥

ಆಸ್ಯಂ ದಶಾಸ್ಯಹಂತಾಽವ್ಯಾನ್ನೇತ್ರೇ ಮೇ ಹರಿಲೋಚನಃ ।

ಭ್ರುವೌ ಮೇ ಪಾತು ಭೂಮೀಶೋ ಲಲಾಟಂ ಮೇ ಸದಾಽಚ್ಯುತಃ ॥ 7 ॥

ಮುಖಂ ಮೇ ಪಾತು ಗೋವಿಂದಃ ಶಿರೋ ಗರುಡವಾಹನಃ ।

ಮಾಂ ಶೇಷಶಾಯೀ ಸರ್ವೇಭ್ಯೋ ವ್ಯಾಧಿಭ್ಯೋ ಭಕ್ತವತ್ಸಲಃ ॥ 8 ॥

ಪಿಶಾಚಾಗ್ನಿ ಜಲೇಭ್ಯೋ ಮಾಮಾಪದ್ಭ್ಯೋ ಪಾತು ವಾಮನಃ ।

ಸರ್ವೇಭ್ಯೋ ದುರಿತೇಭ್ಯಶ್ಚ ಪಾತು ಮಾಂ ಪುರುಷೋತ್ತಮಃ ॥ 9 ॥

ಇದಂ ಶ್ರೀವಿಷ್ಣುಕವಚಂ ಸರ್ವಮಂಗಲದಾಯಕಂ ।

ಸರ್ವರೋಗಪ್ರಶಮನಂ ಸರ್ವಶತ್ರುವಿನಾಶನಂ ॥ 10 ॥

ಇತಿ ಶ್ರೀ ವಿಷ್ಣು ಕವಚಂ ।

Recite with devotion and pure heart

Regular practice brings spiritual benefits