வாராஹீ நிக்³ரஹாஷ்டகம்

தே³வி க்ரோட³முகி² த்வத³ங்க்⁴ரிகமலத்³வந்த்³வானுரக்தாத்மனே

மஹ்யம்ʼ த்³ருஹ்யதி யோ மஹேஶி மனஸா காயேன வாசா நர꞉ ।

தஸ்யாஶு த்வத³யோக்³ரநிஷ்டு²ரஹலாகா⁴தப்ரபூ⁴தவ்யதா²-

-பர்யஸ்யன்மனஸோ ப⁴வந்து வபுஷ꞉ ப்ராணா꞉ ப்ரயாணோன்முகா²꞉ ॥ 1 ॥

தே³வி த்வத்பத³பத்³மப⁴க்திவிப⁴வப்ரக்ஷீணது³ஷ்கர்மணி

ப்ராது³ர்பூ⁴தந்ருʼஶம்ʼஸபா⁴வமலினாம்ʼ வ்ருʼத்திம்ʼ வித⁴த்தே மயி ।

யோ தே³ஹீ பு⁴வனே ததீ³யஹ்ருʼத³யாந்நிர்க³த்வரைர்லோஹிதை꞉

ஸத்³ய꞉ பூரயஸே கராப்³ஜசஷகம்ʼ வாஞ்சா²ப²லைர்மாமபி ॥ 2 ॥

சண்டோ³த்துண்ட³விதீ³ர்ணத³ம்ʼஷ்ட்ரஹ்ருʼத³யப்ரோத்³பி⁴ந்நரக்தச்ச²டா

ஹாலாபானமதா³ட்டஹாஸனினதா³டோபப்ரதாபோத்கடம் ।

மாதர்மத்பரிபந்தி²நாமபஹ்ருʼதை꞉ ப்ராணைஸ்த்வத³ங்க்⁴ரித்³வயம்ʼ

த்⁴யானோத்³தா³மரவைர்ப⁴வோத³யவஶாத்ஸந்தர்பயாமி க்ஷணாத் ॥ 3 ॥

ஶ்யாமாம்ʼ தாமரஸானனாங்க்⁴ரிநயனாம்ʼ ஸோமார்த⁴சூடா³ம்ʼ ஜக³-

-த்த்ராணவ்யக்³ரஹலாயுதா⁴க்³ரமுஸலாம்ʼ ஸந்த்ராஸமுத்³ராவதீம் ।

யே த்வாம்ʼ ரக்தகபாலினீம்ʼ ஹரவராரோஹே வராஹானனாம்ʼ

பா⁴வை꞉ ஸந்த³த⁴தே கத²ம்ʼ க்ஷணமபி ப்ராணந்தி தேஷாம்ʼ த்³விஷ꞉ ॥ 4 ॥

விஶ்வாதீ⁴ஶ்வரவல்லபே⁴ விஜயஸே யா த்வம்ʼ நியந்த்ர்யாத்மிகா

பூ⁴தாந்தா புருஷாயுஷாவதி⁴கரீ பாகப்ரதா³கர்மணாம் ।

த்வாம்ʼ யாசே ப⁴வதீம்ʼ கிமப்யவிதத²ம்ʼ யோ மத்³விரோதீ⁴ஜன-

-ஸ்தஸ்யாயுர்மம வாஞ்சி²தாவதி⁴ப⁴வேன்மாதஸ்தவைவாஜ்ஞயா ॥ 5 ॥

மாத꞉ ஸம்யகு³பாஸிதும்ʼ ஜட³மதிஸ்த்வாம்ʼ நைவ ஶக்னோம்யஹம்ʼ

யத்³யப்யன்விததை³ஶிகாங்க்⁴ரிகமலானுக்ரோஶபாத்ரஸ்ய மே ।

ஜந்து꞉ கஶ்சன சிந்தயத்யகுஶலம்ʼ யஸ்தஸ்ய தத்³வைஶஸம்ʼ

பூ⁴யாத்³தே³வி விரோதி⁴னோ மம ச தே ஶ்ரேய꞉ பதா³ஸங்கி³ன꞉ ॥ 6 ॥

வாராஹீ வ்யத²மானமானஸக³லத்ஸௌக்²யம்ʼ ததா³ஶாப³லிம்ʼ

ஸீத³ந்தம்ʼ யமபாக்ருʼதாத்⁴யவஸிதம்ʼ ப்ராப்தாகி²லோத்பாதி³தம் ।

க்ரந்த³த்³ப³ந்து⁴ஜனை꞉ கலங்கிததுலம்ʼ கண்ட²வ்ரணோத்³யத்க்ருʼமி

பஶ்யாமி ப்ரதிபக்ஷமாஶு பதிதம்ʼ ப்⁴ராந்தம்ʼ லுட²ந்தம்ʼ முஹு꞉ ॥ 7 ॥

வாராஹீ த்வமஶேஷஜந்துஷு புன꞉ ப்ராணாத்மிகா ஸ்பந்த³ஸே

ஶக்திவ்யாப்தசராசரா க²லு யதஸ்த்வாமேதத³ப்⁴யர்த²யே ।

த்வத்பாதா³ம்பு³ஜஸங்கி³னோ மம ஸக்ருʼத்பாபம்ʼ சிகீர்ஷந்தி யே

தேஷாம்ʼ மா குரு ஶங்கரப்ரியதமே தே³ஹாந்தராவஸ்தி²திம் ॥ 8 ॥

இதி ஶ்ரீவாராஹீநிக்³ரஹாஷ்டகம் ।

Recite with devotion and pure heart

Regular practice brings spiritual benefits