हैंహైHaindavamஹிહિં
📍
Font Size:
వారాహీ దేవి స్తవం
శ్రీ వారాహీ దేవి స్తవం
ధ్యానం –
ఐంకారద్వయమధ్యసంస్థిత లసద్భూబీజవర్ణాత్మికాం
దుష్టారాతిజనాక్షి వక్త్రకరపదస్తంభినీం జృంభిణీం ।
లోకాన్ మోహయంతీం దృశా చ మహాసాదంష్ట్రాకరాలాకృతిం
వార్తాలీం ప్రణతోఽస్మి సంతతమహం ఘోణిం రథోపస్థితాం ॥
శ్రీకిరిరథమధ్యస్థాం పోత్రిముఖీం చిద్ఘనైకసద్రూపాం ।
హలముసలాయుధహస్తాం నౌమి శ్రీదండనాయికామంబాం ॥ 1 ॥
వాగ్భవభూవాగీశీ బీజత్రయఠార్ణవైశ్చ సమ్యుక్తాం ।
కవచాస్త్రానలజాయాయతరూపాం నౌమి శుద్ధవారాహీం ॥ 2 ॥
స్వప్నఫలబోధయిత్రీం స్వప్నేశీం సర్వదుఃఖవినిహంత్రీం ।
నతజనశుభకారిణీం శ్రీకిరివదనాం నౌమి సచ్చిదానందాం ॥ 3 ॥
పంచదశవర్ణవిహితాం పంచమ్యంబాం సదా కృపాలంబాం ।
అంచితమణిమయభూషాం చింతితఫలదాం నమామి వారాహీం ॥ 4 ॥
విఘ్నాపన్నిర్మూలన విద్యేశీం సర్వదుఃఖవినిహంత్రీం ।
సకలజగత్సంస్తంభనచతురాం శ్రీస్తంభినీం కలయే ॥ 5 ॥
దశవర్ణరూపమనువర విశదాం తురగాధిరాజసంరూఢాం ।
శుభదాం దివ్యజగత్త్రయవాసినీం సుఖదాయినీం సదా కలయే ॥ 6 ॥
ఉద్ధత్రీక్ష్మాం జలనిధి మగ్నాం దంష్ట్రాగ్రలగ్నభూగోలాం ।
భక్తనదిమోదమానాం ఉన్మత్తాకార భైరవీం వందే ॥ 7 ॥
సప్తదశాక్షరరూపాం సప్తోదధిపీఠమధ్యగాం దివ్యాం ।
భక్తార్తినాశనిపుణాం భవభయవిధ్వంసినీం పరాం వందే ॥ 8 ॥
నీలతురగాధిరూఢాం నీలాంచిత వస్త్రభూషణోపేతాం ।
నీలాభాం సర్వతిరస్కరిణీం సంభావయే మహామాయాం ॥ 9 ॥
సలసంఖ్యమంత్రరూపాం విలసద్భూషాం విచిత్రవస్త్రాఢ్యాం ।
సులలితతన్వీం నీలాం కలయే పశువర్గ మోహినీం దేవీం ॥ 10 ॥
వైరికృతసకలభీకర కృత్యావిధ్వంసినీం కరాలాస్యాం ।
శత్రుగణభీమరూపాం ధ్యాయే త్వాం శ్రీకిరాతవారాహీం ॥ 11 ॥
చత్వారింశద్వర్ణకమనురూపాం సూర్యకోటిసంకాశాం ।
దేవీం సింహతురంగాం వివిధాయుధధారిణీం కీటీం నౌమి ॥ 12 ॥
ధూమాకారవికారాం ధూమానలసన్నిభాం సదా మత్తాం ।
పరిపంథియూథహంత్రీం వందే నిత్యం చ ధూమ్రవారాహీం ॥ 13 ॥
వర్ణచతుర్వింశతికాం మంత్రేశీం సమదమహిషపృష్ఠస్థాం ।
ఉగ్రాం వినీలదేహాం ధ్యాయే కిరివక్త్ర దేవతాం నిత్యం ॥ 14 ॥
బిందుగణతాత్మకోణాం గజదలావృత్తత్రయాత్మికాం దివ్యాం ।
సదనత్రయసంశోభిత చక్రస్థాం నౌమి సిద్ధవారాహీం ॥ 15 ॥
వారాహీ స్తోత్రమేతద్యః ప్రపఠేద్భక్తిసమ్యుతః ।
స వై ప్రాప్నోతి సతతం సర్వసౌఖ్యాస్పదం పదం ॥ 16 ॥
ఇతి శ్రీ వారాహీ దేవి స్తవం ।
Recite with devotion and pure heart
Regular practice brings spiritual benefits