నమోఽస్తు దేవీ వారాహీ జయైకారస్వరూపిణి । జపిత్వా భూమిరూపేణ నమో భగవతీ ప్రియే ॥ 1 ॥ జయ క్రోడాస్తు వారాహీ దేవీ త్వం చ నమామ్యహం । జయ వారాహి విశ్వేశీ ముఖ్యవారాహి తే నమః ॥ 2 ॥ ముఖ్యవారాహి వందే త్వాం అంధే అంధిని తే నమః । సర్వదుష్టప్రదుష్టానాం వాక్స్తంభనకరీ నమః ॥ 3 ॥ నమః స్తంభిని స్తంభే త్వాం జృంభే జృంభిణి తే నమః । రుంధే రుంధిని వందే త్వాం నమో దేవీ తు మోహినీ ॥ 4 ॥ స్వభక్తానాం హి సర్వేషాం సర్వకామప్రదే నమః । బాహ్వోః స్తంభకరీ వందే త్వాం జిహ్వాస్తంభకారిణీ ॥ 5 ॥ స్తంభనం కురు శత్రూణాం కురు మే శత్రునాశనం । శీఘ్రం వశ్యం చ కురుతే యోఽగ్నౌ వాచాత్మికే నమః ॥ 6 ॥ ఠచతుష్టయరూపే త్వాం శరణం సర్వదా భజే । హోమాత్మకే ఫడ్రూపేణ జయ ఆద్యాననే శివే ॥ 7 ॥ దేహి మే సకలాన్ కామాన్ వారాహీ జగదీశ్వరీ । నమస్తుభ్యం నమస్తుభ్యం నమస్తుభ్యం నమో నమః ॥ 8 ॥ ఇదమాద్యాననా స్తోత్రం సర్వపాపవినాశనం । పఠేద్యః సర్వదా భక్త్యా పాతకైర్ముచ్యతే తథా ॥ 9 ॥ లభంతే శత్రవో నాశం దుఃఖరోగాపమృత్యవః । మహదాయుష్యమాప్నోతి అలక్ష్మీర్నాశమాప్నుయాత్ ॥ 10 ॥ ఇతి శ్రీ ఆదివారాహీ స్తోత్రం ।