നമോഽസ്തു സൂര്യായ സഹസ്രരശ്മയേ സഹസ്രശാഖാന്വിത സംഭവാത്മനേ । സഹസ്രയോഗോദ്ഭവ ഭാവഭാഗിനേ സഹസ്രസംഖ്യായുധധാരിണേ നമഃ ॥ 1 ॥ യന്മംഡലം ദീപ്തികരം വിശാലം രത്നപ്രഭം തീവ്രമനാദിരൂപമ് । ദാരിദ്ര്യദുഃഖക്ഷയകാരണം ച പുനാതു മാം തത്സവിതുർവരേണ്യമ് ॥ 2 ॥ യന്മംഡലം ദേവഗണൈഃ സുപൂജിതം വിപ്രൈഃ സ്തുതം ഭാവനമുക്തികോവിദമ് । തം ദേവദേവം പ്രണമാമി സൂര്യം പുനാതു മാം തത്സവിതുർവരേണ്യമ് ॥ 3 ॥ യന്മംഡലം ജ്ഞാനഘനംത്വഗമ്യം ത്രൈലോക്യപൂജ്യം ത്രിഗുണാത്മരൂപമ് । സമസ്തതേജോമയദിവ്യരൂപം പുനാതു മാം തത്സവിതുർവരേണ്യമ് ॥ 4 ॥ യന്മംഡലം ഗൂഢമതിപ്രബോധം ധര്മസ്യ വൃദ്ധിം കുരുതേ ജനാനാമ് । യത്സർവപാപക്ഷയകാരണം ച പുനാതു മാം തത്സവിതുർവരേണ്യമ് ॥ 5 ॥ യന്മംഡലം വ്യാധിവിനാശദക്ഷം യദൃഗ്യജുഃ സാമസു സംപ്രഗീതമ് । പ്രകാശിതം യേന ച ഭൂര്ഭുവഃ സ്വഃ പുനാതു മാം തത്സവിതുർവരേണ്യമ് ॥ 6 ॥ യന്മംഡലം വേദവിദോ വദംതി ഗായംതി യച്ചാരണസിദ്ധസംഘാഃ । യദ്യോഗിനോ യോഗജുഷാം ച സംഘാഃ പുനാതു മാം തത്സവിതുർവരേണ്യമ് ॥ 7 ॥ യന്മംഡലം സർവജനൈശ്ച പൂജിതം ജ്യോതിശ്ച കുര്യാദിഹ മര്ത്യലോകേ । യത്കാലകാലാദ്യമനാദിരൂപം പുനാതു മാം തത്സവിതുർവരേണ്യമ് ॥ 8 ॥ യന്മംഡലം വിഷ്ണുചതുര്മുഖാഖ്യം യദക്ഷരം പാപഹരം ജനാനാമ് । യത്കാലകല്പക്ഷയകാരണം ച പുനാതു മാം തത്സവിതുർവരേണ്യമ് ॥ 9 ॥ യന്മംഡലം വിശ്വസൃജം പ്രസിദ്ധം ഉത്പത്തിരക്ഷപ്രളയ പ്രഗല്ഭമ് । യസ്മിന് ജഗത്സംഹരതേഽഖിലം ച പുനാതു മാം തത്സവിതുർവരേണ്യമ് ॥ 10 ॥ യന്മംഡലം സർവഗതസ്യ വിഷ്ണോഃ ആത്മാ പരം‍ധാമ വിശുദ്ധതത്ത്വമ് । സൂക്ഷ്മാംതരൈര്യോഗപഥാനുഗമ്യം പുനാതു മാം തത്സവിതുർവരേണ്യമ് ॥ 11 ॥ യന്മംഡലം വേദവിദോപഗീതം യദ്യോഗിനാം യോഗ പഥാനുഗമ്യമ് । തത്സർവ വേദ്യം പ്രണമാമി സൂര്യം പുനാതു മാം തത്സവിതുർവരേണ്യമ് ॥ 12 ॥ സൂര്യമംഡലസു സ്തോത്രം യഃ പഠേത്സതതം നരഃ । സർവപാപവിശുദ്ധാത്മാ സൂര്യലോകേ മഹീയതേ ॥ ഇതി ശ്രീ ഭവിഷ്യോത്തരപുരാണേ ശ്രീ കൃഷ്ണാര്ജുന സംവാദേ സൂര്യമംഡല സ്തോത്രമ് ।