arkapatra snāna ślokāḥ । saptasaptipriye devi saptalokaikadīpike । saptajanmārjitaṃ pāpaṃ hara saptami satvaram ॥ 1 ॥ yanmayātra kṛtaṃ pāpaṃ pūrvaṃ saptasu janmasu । tatsarvaṃ śokamohau ca mākarī hantu saptamī ॥ 2 ॥ namāmi saptamīṃ devīṃ sarvapāpapraṇāśinīm । saptārkapatrasnānena mama pāpaṃ vyāpohatu ॥ 3 ॥ arghya ślokam । sapta sapti vahaprīta saptaloka pradīpana । saptamī sahito deva gṛhāṇārghyaṃ divākara ॥ 1 ॥ anya pāṭhaḥ – yadā janmakṛtaṃ pāpaṃ mayā janmasu janmasu । tanme rogaṃ ca śokaṃ ca mākarī hantu saptamī ॥ 1 etajjanma kṛtaṃ pāpaṃ yacca janmāntarārjitam । mano vākkāyajaṃ yacca jñātājñāte ca ye punaḥ ॥ 2 iti saptavidhaṃ pāpaṃ snānānme sapta saptike । saptavyādhi samāyuktaṃ hara mākari saptamī ॥ 3 sapta sapta mahāsapta sapta dvīpā vasundharā । śvetārka parṇamādāya saptamī ratha saptamī ॥ 4