അരുണായ ശരണ്യായ കരുണാരസസിന്ധവേ । അസമാനബലായാഽഽര്തരക്ഷകായ നമോ നമഃ ॥ 1 ॥ ആദിത്യായാഽഽദിഭൂതായ അഖിലാഗമവേദിനേ । അച്യുതായാഽഖിലജ്ഞായ അനന്തായ നമോ നമഃ ॥ 2 ॥ ഇനായ വിശ്വരൂപായ ഇജ്യായൈന്ദ്രായ ഭാനവേ । ഇന്ദിരാമന്ദിരാപ്തായ വന്ദനീയായ തേ നമഃ ॥ 3 ॥ ഈശായ സുപ്രസന്നായ സുശീലായ സുവര്ചസേ । വസുപ്രദായ വസവേ വാസുദേവായ തേ നമഃ ॥ 4 ॥ ഉജ്ജ്വലായോഗ്രരൂപായ ഊര്ധ്വഗായ വിവസ്വതേ । ഉദ്യത്കിരണജാലായ ഹൃഷീകേശായ തേ നമഃ ॥ 5 ॥ ഊര്ജസ്വലായ വീരായ നിര്ജരായ ജയായ ച । ഊരുദ്വയാഭാവരൂപയുക്തസാരഥയേ നമഃ ॥ 6 ॥ ഋഷിവന്ദ്യായ രുഗ്ഘന്ത്രേ ഋക്ഷചക്രചരായ ച । ഋജുസ്വഭാവചിത്തായ നിത്യസ്തുത്യായ തേ നമഃ ॥ 7 ॥ ൠകാരമാതൃകാവര്ണരൂപായോജ്ജ്വലതേജസേ । ൠക്ഷാധിനാഥമിത്രായ പുഷ്കരാക്ഷായ തേ നമഃ ॥ 8 ॥ ലുപ്തദന്തായ ശാന്തായ കാന്തിദായ ഘനായ ച । കനത്കനകഭൂഷായ ഖദ്യോതായ നമോ നമഃ ॥ 9 ॥ ലൂനിതാഖിലദൈത്യായ സത്യാനന്ദസ്വരൂപിണേ । അപവര്ഗപ്രദായാഽഽര്തശരണ്യായ നമോ നമഃ ॥ 10 ॥ ഏകാകിനേ ഭഗവതേ സൃഷ്ടിസ്ഥിത്യന്തകാരിണേ । ഗുണാത്മനേ ഘൃണിഭൃതേ ബൃഹതേ ബ്രഹ്മണേ നമഃ ॥ 11 ॥ ഐശ്വര്യദായ ശര്വായ ഹരിദശ്വായ ശൌരയേ । ദശദിക്സമ്പ്രകാശായ ഭക്തവശ്യായ തേ നമഃ ॥ 12 ॥ ഓജസ്കരായ ജയിനേ ജഗദാനന്ദഹേതവേ । ജന്മമൃത്യുജരാവ്യാധിവര്ജിതായ നമോ നമഃ ॥ 13 ॥ ഔച്ച്യസ്ഥാനസമാരൂഢരഥസ്ഥായാഽസുരാരയേ । കമനീയകരായാഽബ്ജവല്ലഭായ നമോ നമഃ ॥ 14 ॥ അന്തര്ബഹിഃപ്രകാശായ അചിന്ത്യായാഽഽത്മരൂപിണേ । അച്യുതായാഽമരേശായ പരസ്മൈ ജ്യോതിഷേ നമഃ ॥ 15 ॥ അഹസ്കരായ രവയേ ഹരയേ പരമാത്മനേ । തരുണായ വരേണ്യായ ഗ്രഹാണാം പതയേ നമഃ ॥ 16 ॥ ഓം നമോ ഭാസ്കരായാഽഽദിമധ്യാന്തരഹിതായ ച । സൗഖ്യപ്രദായ സകലജഗതാം പതയേ നമഃ ॥ 17 ॥ നമഃ സൂര്യായ കവയേ നമോ നാരായണായ ച । നമോ നമഃ പരേശായ തേജോരൂപായ തേ നമഃ ॥ 18 ॥ ഓം ശ്രീം ഹിരണ്യഗര്ഭായ ഓം ഹ്രീം സമ്പത്കരായ ച । ഓം ഐം ഇഷ്ടാര്ഥദായാഽനുപ്രസന്നായ നമോ നമഃ ॥ 19 ॥ ശ്രീമതേ ശ്രേയസേ ഭക്തകോടിസൗഖ്യപ്രദായിനേ । നിഖിലാഗമവേദ്യായ നിത്യാനന്ദായ തേ നമഃ ॥ 20 ॥ ഇത്യഥര്വണരഹസ്യേ ശ്രീ സൂര്യ അഷ്ടോത്തരശതനാമ സ്തോത്രമ് ।