हैंహైഹൈന്ദവംஹிહિં
📍
Font Size:
ആദിത്യ ഹൃദയ സ്തോത്രം
ധ്യാനം –
നമസ്സവിത്രേ ജഗദേക ചക്ഷുസേ
ജഗത്പ്രസൂതി സ്ഥിതി നാശഹേതവേ
ത്രയീമയായ ത്രിഗുണാത്മ ധാരിണേ
വിരിഞ്ചി നാരായണ ശങ്കരാത്മനേ
തതോ യുദ്ധ പരിശ്രാന്തം സമരേ ചിന്തയാസ്ഥിതം ।
രാവണം ചാഗ്രതോ ദൃഷ്ട്വാ യുദ്ധായ സമുപസ്ഥിതം ॥ 1 ॥
ദൈവതൈശ്ച സമാഗമ്യ ദ്രഷ്ടുമഭ്യാഗതോ രണം ।
ഉപാഗമ്യാബ്രവീദ്രാമം അഗസ്ത്യോ ഭഗവാൻ ഋഷിഃ ॥ 2 ॥
രാമ രാമ മഹാബാഹോ ശൃണു ഗുഹ്യം സനാതനം ।
യേന സർവാനരീൻ വത്സ സമരേ വിജയിഷ്യസി ॥ 3 ॥
ആദിത്യഹൃദയം പുണ്യം സർവശത്രു-വിനാശനം ।
ജയാവഹം ജപേന്നിത്യം അക്ഷയ്യം പരമം ശിവം ॥ 4 ॥
സർവമംഗല-മാംഗല്യം സർവപാപ-പ്രണാശനം ।
ചിന്താശോക-പ്രശമനം ആയുർവർധനമുത്തമം ॥ 5 ॥
രശ്മിമന്തം സമുദ്യന്തം ദേവാസുര നമസ്കൃതം ।
പൂജയസ്വ വിവസ്വന്തം ഭാസ്കരം ഭുവനേശ്വരം ॥ 6 ॥
സർവദേവാത്മകോ ഹ്യേഷ തേജസ്വീ രശ്മിഭാവനഃ ।
ഏഷ ദേവാസുര-ഗണാൻ ലോകാൻ പാതി ഗഭസ്തിഭിഃ ॥ 7 ॥
ഏഷ ബ്രഹ്മാ ച വിഷ്ണുശ്ച ശിവഃ സ്കന്ദഃ പ്രജാപതിഃ ।
മഹേന്ദ്രോ ധനദഃ കാലോ യമഃ സോമോ ഹ്യപാം പതിഃ ॥ 8 ॥
പിതരോ വസവഃ സാധ്യാ ഹ്യശ്വിനൗ മരുതോ മനുഃ ।
വായുർവഹ്നിഃ പ്രജാപ്രാണഃ ഋതുകർതാ പ്രഭാകരഃ ॥ 9 ॥
ആദിത്യഃ സവിതാ സൂര്യഃ ഖഗഃ പൂഷാ ഗഭസ്തിമാൻ ।
സുവർണസദൃശോ ഭാനുഃ ഹിരണ്യരേതാ ദിവാകരഃ ॥ 10 ॥
ഹരിദശ്വഃ സഹസ്രാർചിഃ സപ്തസപ്തി-ര്മരീചിമാൻ ।
തിമിരോന്മഥനഃ ശംഭുഃ ത്വഷ്ടാ മാർതാണ്ഡകോംഽശുമാൻ ॥ 11 ॥
ഹിരണ്യഗർഭഃ ശിശിരഃ തപനോ ഭാസ്കരോ രവിഃ ।
അഗ്നിഗർഭോഽദിതേഃ പുത്രഃ ശംഖഃ ശിശിരനാശനഃ ॥ 12 ॥
വ്യോമനാഥ-സ്തമോഭേദീ ഋഗ്യജുഃസാമ-പാരഗഃ ।
ഘനാവൃഷ്ടിരപാം മിത്രഃ വിന്ധ്യവീഥീ പ്ലവംഗമഃ ॥ 13 ॥
ആതപീ മണ്ഡലീ മൃത്യുഃ പിംഗലഃ സർവതാപനഃ ।
കവിർവിശ്വോ മഹാതേജാ രക്തഃ സർവഭവോദ്ഭവഃ ॥ 14 ॥
നക്ഷത്ര ഗ്രഹ താരാണാം അധിപോ വിശ്വഭാവനഃ ।
തേജസാമപി തേജസ്വീ ദ്വാദശാത്മ-ന്നമോഽസ്തു തേ ॥ 15 ॥
നമഃ പൂർവായ ഗിരയേ പശ്ചിമായാദ്രയേ നമഃ ।
ജ്യോതിർഗണാനാം പതയേ ദിനാധിപതയേ നമഃ ॥ 16 ॥
ജയായ ജയഭദ്രായ ഹര്യശ്വായ നമോ നമഃ ।
നമോ നമഃ സഹസ്രാംശോ ആദിത്യായ നമോ നമഃ ॥ 17 ॥
നമ ഉഗ്രായ വീരായ സാരംഗായ നമോ നമഃ ।
നമഃ പദ്മപ്രബോധായ മാർതാണ്ഡായ നമോ നമഃ ॥ 18 ॥
ബ്രഹ്മേശാനാച്യുതേശായ സൂര്യായാദിത്യ-വർചസേ ।
ഭാസ്വതേ സർവഭക്ഷായ രൗദ്രായ വപുഷേ നമഃ ॥ 19 ॥
തമോഘ്നായ ഹിമഘ്നായ ശത്രുഘ്നായാ മിതാത്മനേ ।
കൃതഘ്നഘ്നായ ദേവായ ജ്യോതിഷാം പതയേ നമഃ ॥ 20 ॥
തപ്ത ചാമീകരാഭായ വഹ്നയേ വിശ്വകർമണേ ।
നമസ്തമോഽഭി നിഘ്നായ രവയേ ലോകസാക്ഷിണേ ॥ 21 ॥
നാശയത്യേഷ വൈ ഭൂതം തദേവ സൃജതി പ്രഭുഃ ।
പായത്യേഷ തപത്യേഷ വർഷത്യേഷ ഗഭസ്തിഭിഃ ॥ 22 ॥
ഏഷ സുപ്തേഷു ജാഗർതി ഭൂതേഷു പരിനിഷ്ഠിതഃ ।
ഏഷ ഏവാഗ്നിഹോത്രം ച ഫലം ചൈവാഗ്നി ഹോത്രിണാം ॥ 23 ॥
വേദാശ്ച ക്രതവശ്ചൈവ ക്രതൂനാം ഫലമേവ ച ।
യാനി കൃത്യാനി ലോകേഷു സർവ ഏഷ രവിഃ പ്രഭുഃ ॥ 24 ॥
ഫലശ്രുതിഃ –
ഏന മാപത്സു കൃച്ഛ്രേഷു കാന്താരേഷു ഭയേഷു ച ।
കീർതയൻ പുരുഷഃ കശ്ചിന്നാവശീദതി രാഘവ ॥ 25 ॥
പൂജയസ്വൈന മേകാഗ്രഃ ദേവദേവം ജഗത്പതിം ।
ഏതത് ത്രിഗുണിതം ജപ്ത്വാ യുദ്ധേഷു വിജയിഷ്യസി ॥ 26 ॥
അസ്മിൻ ക്ഷണേ മഹാബാഹോ രാവണം ത്വം വധിഷ്യസി ।
ഏവമുക്ത്വാ തദാഗസ്ത്യോ ജഗാമ ച യഥാഗതം ॥ 27 ॥
ഏതച്ഛ്രുത്വാ മഹാതേജാ നഷ്ടശോകോഽഭവത്തദാ ।
ധാരയാമാസ സുപ്രീതോ രാഘവഃ പ്രയതാത്മവാൻ ॥ 28 ॥
ആദിത്യം പ്രേക്ഷ്യ ജപ്ത്വാ തു പരം ഹർഷമവാപ്തവാൻ ।
ത്രിരാചമ്യ ശുചിർഭൂത്വാ ധനുരാദായ വീര്യവാൻ ॥ 29 ॥
രാവണം പ്രേക്ഷ്യ ഹൃഷ്ടാത്മാ യുദ്ധായ സമുപാഗമത് ।
സർവയത്നേന മഹതാ വധേ തസ്യ ധൃതോഽഭവത് ॥ 30 ॥
അഥ രവിരവദന്നിരീക്ഷ്യ രാമം മുദിതമനാഃ പരമം പ്രഹൃഷ്യമാണഃ ।
നിശിചരപതിസങ്ക്ഷയം വിദിത്വാ സുരഗണമധ്യഗതോ വചസ്ത്വരേതി ॥ 31 ॥
ഇതി ശ്രീ ആദിത്യ ഹൃദയ സ്തോത്രം ॥
Recite with devotion and pure heart
Regular practice brings spiritual benefits