ஸ்பு²ரத்³வித்³யுத்³வல்லீவலயிதமகோ³த்ஸங்க³வஸதிம் ப⁴வாப்பித்தப்லுஷ்டானமிதகருணாஜீவனவஶாத் । அவந்தம் ப⁴க்தானாமுத³யகரமம்போ⁴த⁴ர இதி ப்ரமோதா³தா³வாஸம் வ்யதனுத மயூரோஸ்ய ஸவிதே⁴ ॥ 1 ॥ ஸுப்³ரஹ்மண்யோ யோ ப⁴வேஜ்ஜ்ஞானஶக்த்யா ஸித்³த⁴ம் தஸ்மிந்தே³வஸேனாபதித்வம் । இத்த²ம் ஶக்திம் தே³வஸேனாபதித்வம் ஸுப்³ரஹ்மண்யோ பி³ப்⁴ரதே³ஷ வ்யனக்தி ॥ 2 ॥ பக்ஷோனிர்வசனீயோ த³க்ஷிண இதி தி⁴யமஶேஷஜனதாயா: । ஜனயதி ப³ர்ஹீ த³க்ஷிணனிர்வசனாயோக்³யபக்ஷயுக்தோயம் ॥ 3 ॥ ய: பக்ஷமனிர்வசனம் யாதி ஸமவலம்ப்³ய த்³ருஶ்யதே தேன । ப்³ரஹ்ம பராத்பரமமலம் ஸுப்³ரஹ்மண்யாபி⁴த⁴ம் பரம் ஜ்யோதி: ॥ 4 ॥ ஷண்முக²ம் ஹஸன்முக²ம் ஸுகா²ம்பு³ராஶிகே²லனம் ஸன்முனீந்த்³ரஸேவ்யமானபாத³பங்கஜம் ஸதா³ । மன்மதா²தி³ஶத்ருவர்க³னாஶகம் க்ருபாம்பு³தி⁴ம் மன்மஹே முதா³ ஹ்ருதி³ ப்ரபன்னகல்பபூ⁴ருஹம் ॥ 5 ॥ இதி ஜக³த்³கு³ரு ஶ்ருங்கே³ரீபீடா²தி⁴ப ஶ்ரீசந்த்³ரஶேக²ரபா⁴ரதீ ஶ்ரீபாதை³: விரசிதா ஶ்ரீஷண்முக²பஞ்சரத்னஸ்துதி: ।