हैंహైHaindavamஹிહિં
📍
Font Size:
Subrahmanya Ashtakam Karavalamba Stotram
hē svāminātha karuṇākara dīnabandhō,
śrīpārvatīśamukhapaṅkaja padmabandhō ।
śrīśādidēvagaṇapūjitapādapadma,
vallīsanātha mama dēhi karāvalambam ॥ 1 ॥
dēvādidēvanuta dēvagaṇādhinātha,
dēvēndravandya mṛdupaṅkajamañjupāda ।
dēvarṣināradamunīndrasugītakīrtē,
vallīsanātha mama dēhi karāvalambam ॥ 2 ॥
nityānnadāna niratākhila rōgahārin,
tasmātpradāna paripūritabhaktakāma ।
śṛtyāgamapraṇavavāchyanijasvarūpa,
vallīsanātha mama dēhi karāvalambam ॥ 3 ॥
krauñchāsurēndra parikhaṇḍana śaktiśūla,
pāśādiśastraparimaṇḍitadivyapāṇē ।
śrīkuṇḍalīśa dhṛtatuṇḍa śikhīndravāha,
vallīsanātha mama dēhi karāvalambam ॥ 4 ॥
dēvādidēva rathamaṇḍala madhya vēdya,
dēvēndra pīṭhanagaraṃ dṛḍhachāpahastam ।
śūraṃ nihatya surakōṭibhirīḍyamāna,
vallīsanātha mama dēhi karāvalambam ॥ 5 ॥
hārādiratnamaṇiyuktakirīṭahāra,
kēyūrakuṇḍalalasatkavachābhirāma ।
hē vīra tāraka jayā'marabṛndavandya,
vallīsanātha mama dēhi karāvalambam ॥ 6 ॥
pañchākṣarādimanumantrita gāṅgatōyaiḥ,
pañchāmṛtaiḥ pramuditēndramukhairmunīndraiḥ ।
paṭṭābhiṣikta hariyukta parāsanātha,
vallīsanātha mama dēhi karāvalambam ॥ 7 ॥
śrīkārtikēya karuṇāmṛtapūrṇadṛṣṭyā,
kāmādirōgakaluṣīkṛtaduṣṭachittam ।
bhaktvā tu māmavakaḻādhara kāntikāntyā,
vallīsanātha mama dēhi karāvalambam ॥ 8 ॥
subrahmaṇya karāvalambaṃ puṇyaṃ yē paṭhanti dvijōttamāḥ ।
tē sarvē mukti māyānti subrahmaṇya prasādataḥ ।
subrahmaṇya karāvalambamidaṃ prātarutthāya yaḥ paṭhēt ।
kōṭijanmakṛtaṃ pāpaṃ tatkṣaṇādēva naśyati ॥
Recite with devotion and pure heart
Regular practice brings spiritual benefits