हैंహైHaindavamஹிહિં
📍
Font Size:
ശ്രീ സീതാരാമ സ്തോത്രം
അയോധ്യാപുരനേതാരം മിഥിലാപുരനായികാം ।
രാഘവാണാമലങ്കാരം വൈദേഹാനാമലങ്ക്രിയാം ॥ 1 ॥
രഘൂണാം കുലദീപം ച നിമീനാം കുലദീപികാം ।
സൂര്യവംശസമുദ്ഭൂതം സോമവംശസമുദ്ഭവാം ॥ 2 ॥
പുത്രം ദശരഥസ്യാദ്യം പുത്രീം ജനകഭൂപതേഃ ।
വശിഷ്ഠാനുമതാചാരം ശതാനന്ദമതാനുഗാം ॥ 3 ॥
കൗസല്യാഗർഭസംഭൂതം വേദിഗർഭോദിതാം സ്വയം ।
പുണ്ഡരീകവിശാലാക്ഷം സ്ഫുരദിന്ദീവരേക്ഷണാം ॥ 4 ॥
ചന്ദ്രകാന്താനനാംഭോജം ചന്ദ്രബിംബോപമാനനാം ।
മത്തമാതംഗഗമനം മത്തഹംസവധൂഗതാം ॥ 5 ॥
ചന്ദനാർദ്രഭുജാമധ്യം കുങ്കുമാർദ്രകുചസ്ഥലീം ।
ചാപാലങ്കൃതഹസ്താബ്ജം പദ്മാലങ്കൃതപാണികാം ॥ 6 ॥
ശരണാഗതഗോപ്താരം പ്രണിപാദപ്രസാദികാം ।
കാലമേഘനിഭം രാമം കാർതസ്വരസമപ്രഭാം ॥ 7 ॥
ദിവ്യസിംഹാസനാസീനം ദിവ്യസ്രഗ്വസ്ത്രഭൂഷണാം ।
അനുക്ഷണം കടാക്ഷാഭ്യാം അന്യോന്യേക്ഷണകാങ്ക്ഷിണൗ ॥ 8 ॥
അന്യോന്യസദൃശാകാരൗ ത്രൈലോക്യഗൃഹദമ്പതീ।
ഇമൗ യുവാം പ്രണമ്യാഹം ഭജാമ്യദ്യ കൃതാർഥതാം ॥ 9 ॥
അനേന സ്തൗതി യഃ സ്തുത്യം രാമം സീതാം ച ഭക്തിതഃ ।
തസ്യ തൗ തനുതാം പുണ്യാഃ സമ്പദഃ സകലാർഥദാഃ ॥ 10 ॥
ഏവം ശ്രീരാമചന്ദ്രസ്യ ജാനക്യാശ്ച വിശേഷതഃ ।
കൃതം ഹനൂമതാ പുണ്യം സ്തോത്രം സദ്യോ വിമുക്തിദം ।
യഃ പഠേത്പ്രാതരുത്ഥായ സർവാൻ കാമാനവാപ്നുയാത് ॥ 11 ॥
ഇതി ഹനൂമത്കൃത-സീതാരാമ സ്തോത്രം സമ്പൂർണം ॥
Recite with devotion and pure heart
Regular practice brings spiritual benefits