ஶ்ரீ ஶிவராமாஷ்டகம்

ஶிவ ஹரே ஶிவராமஸகே² ப்ரபோ⁴

த்ரிவித⁴தாபநிவாரண ஹே விபோ⁴ ।

அஜஜனேஶ்வரயாத³வ பாஹி மாம்ʼ

ஶிவ ஹரே விஜயம்ʼ குரு மே வரம் ॥ 1 ॥

கமலலோசன ராம த³யாநிதே⁴

ஹர கு³ரோ க³ஜரக்ஷக கோ³பதே ।

ஶிவதனோ ப⁴வஶங்கர பாஹி மாம்ʼ

ஶிவ ஹரே விஜயம்ʼ குரு மே வரம் ॥ 2 ॥

ஸுஜனரஞ்ஜனமங்க³லமந்தி³ரம்ʼ

ப⁴ஜதி தே புருஷ꞉ பரமம்ʼ பத³ம் ।

ப⁴வதி தஸ்ய ஸுக²ம்ʼ பரமாத்³பு⁴தம்ʼ

ஶிவ ஹரே விஜயம்ʼ குரு மே வரம் ॥ 3 ॥

ஜய யுதி⁴ஷ்டி²ரவல்லப⁴ பூ⁴பதே

ஜய ஜயார்ஜித புண்யபயோநிதே⁴ ।

ஜய க்ருʼபாமய க்ருʼஷ்ண நமோ(அ)ஸ்து தே

ஶிவ ஹரே விஜயம்ʼ குரு மே வரம் ॥ 4 ॥

ப⁴வவிமோசன மாத⁴வ மாபதே

ஸுகவிமானஸஹம்ʼஸ ஶிவாரதே ।

ஜனகஜாரத ராக⁴வ ரக்ஷ மாம்ʼ

ஶிவ ஹரே விஜயம்ʼ குரு மே வரம் ॥ 5 ॥

அவனிமண்ட³லமங்க³ல மாபதே

ஜலத³ஸுந்த³ர ராம ரமாபதே ।

நிக³மகீர்திகு³ணார்ணவ கோ³பதே

ஶிவ ஹரே விஜயம்ʼ குரு மே வரம் ॥ 6 ॥

பதிதபாவன நாமமயீ லதா

தவ யஶோ விமலம்ʼ பரிகீ³யதே ।

தத³பி மாத⁴வ மாம்ʼ கிமுபேக்ஷஸே

ஶிவ ஹரே விஜயம்ʼ குரு மே வரம் ॥ 7 ॥

அமரதாபரதே³வ ரமாபதே

விஜயதஸ்தவ நாமத⁴னோபமா ।

மயி கத²ம்ʼ கருணார்ணவ ஜாயதே

ஶிவ ஹரே விஜயம்ʼ குரு மே வரம் ॥ 8 ॥

ஹனுமத꞉ ப்ரியசாபகர ப்ரபோ⁴

ஸுரஸரித்³த்⁴ருʼதஶேக²ர ஹே கு³ரோ ।

மம விபோ⁴ கிமு விஸ்மரணம்ʼ க்ருʼதம்ʼ

ஶிவ ஹரே விஜயம்ʼ குரு மே வரம் ॥ 9 ॥

அஹரஹர்ஜன ரஞ்ஜனஸுந்த³ரம்ʼ

பட²தி ய꞉ ஶிவராமக்ருʼதஸ்தவம் ।

விஶதி ராமரமாசரணாம்பு³ஜே

ஶிவ ஹரே விஜயம்ʼ குரு மே வரம் ॥ 10 ॥

ப்ராதருத்தா²ய யோ ப⁴க்த்யா படே²தே³காக்³ரமானஸ꞉ ।

விஜயோ ஜாயதே தஸ்ய விஷ்ணுமாராத்⁴யமாப்னுயாத் ॥ 11 ॥

இதி ³ ஶ்ரீஶிவராமஸ்தோத்ரம் ।

Recite with devotion and pure heart

Regular practice brings spiritual benefits