భజే విశేషసుందరం సమస్తపాపఖండనం । స్వభక్తచిత్తరంజనం సదైవ రామమద్వయం ॥ 1 ॥ జటాకలాపశోభితం సమస్తపాపనాశకం । స్వభక్తభీతిభంజనం భజే హ రామమద్వయం ॥ 2 ॥ నిజస్వరూపబోధకం కృపాకరం భవాఽపహం । సమం శివం నిరంజనం భజే హ రామమద్వయం ॥ 3 ॥ సదా ప్రపంచకల్పితం హ్యనామరూపవాస్తవం । నిరాకృతిం నిరామయం భజే హ రామమద్వయం ॥ 4 ॥ నిష్ప్రపంచ నిర్వికల్ప నిర్మలం నిరామయం । చిదేకరూపసంతతం భజే హ రామమద్వయం ॥ 5 ॥ భవాబ్ధిపోతరూపకం హ్యశేషదేహకల్పితం । గుణాకరం కృపాకరం భజే హ రామమద్వయం ॥ 6 ॥ మహాసువాక్యబోధకైర్విరాజమానవాక్పదైః । పరం చ బ్రహ్మ వ్యాపకం భజే హ రామమద్వయం ॥ 7 ॥ శివప్రదం సుఖప్రదం భవచ్ఛిదం భ్రమాపహం । విరాజమానదైశికం భజే హ రామమద్వయం ॥ 8 ॥ రామాష్టకం పఠతి యః సుఖదం సుపుణ్యం వ్యాసేన భాషితమిదం శృణుతే మనుష్యః । విద్యాం శ్రియం విపులసౌఖ్యమనంతకీర్తిం సంప్రాప్య దేహవిలయే లభతే చ మోక్షం ॥ 9 ॥ ఇతి శ్రీవ్యాస ప్రోక్త శ్రీరామాష్టకం ।