ப⁴ஜே விஶேஷஸுந்த³ரம்ʼ ஸமஸ்தபாபக²ண்ட³னம் । ஸ்வப⁴க்தசித்தரஞ்ஜனம்ʼ ஸதை³வ ராமமத்³வயம் ॥ 1 ॥ ஜடாகலாபஶோபி⁴தம்ʼ ஸமஸ்தபாபநாஶகம் । ஸ்வப⁴க்தபீ⁴திப⁴ஞ்ஜனம்ʼ ப⁴ஜே ஹ ராமமத்³வயம் ॥ 2 ॥ நிஜஸ்வரூபபோ³த⁴கம்ʼ க்ருʼபாகரம்ʼ ப⁴வா(அ)பஹம் । ஸமம்ʼ ஶிவம்ʼ நிரஞ்ஜனம்ʼ ப⁴ஜே ஹ ராமமத்³வயம் ॥ 3 ॥ ஸதா³ ப்ரபஞ்சகல்பிதம்ʼ ஹ்யநாமரூபவாஸ்தவம் । நிராக்ருʼதிம்ʼ நிராமயம்ʼ ப⁴ஜே ஹ ராமமத்³வயம் ॥ 4 ॥ நிஷ்ப்ரபஞ்ச நிர்விகல்ப நிர்மலம்ʼ நிராமயம் । சிதே³கரூபஸந்ததம்ʼ ப⁴ஜே ஹ ராமமத்³வயம் ॥ 5 ॥ ப⁴வாப்³தி⁴போதரூபகம்ʼ ஹ்யஶேஷதே³ஹகல்பிதம் । கு³ணாகரம்ʼ க்ருʼபாகரம்ʼ ப⁴ஜே ஹ ராமமத்³வயம் ॥ 6 ॥ மஹாஸுவாக்யபோ³த⁴கைர்விராஜமானவாக்பதை³꞉ । பரம்ʼ ச ப்³ரஹ்ம வ்யாபகம்ʼ ப⁴ஜே ஹ ராமமத்³வயம் ॥ 7 ॥ ஶிவப்ரத³ம்ʼ ஸுக²ப்ரத³ம்ʼ ப⁴வச்சி²த³ம்ʼ ப்⁴ரமாபஹம் । விராஜமானதை³ஶிகம்ʼ ப⁴ஜே ஹ ராமமத்³வயம் ॥ 8 ॥ ராமாஷ்டகம்ʼ பட²தி ய꞉ ஸுக²த³ம்ʼ ஸுபுண்யம்ʼ வ்யாஸேன பா⁴ஷிதமித³ம்ʼ ஶ்ருʼணுதே மனுஷ்ய꞉ । வித்³யாம்ʼ ஶ்ரியம்ʼ விபுலஸௌக்²யமனந்தகீர்திம்ʼ ஸம்ப்ராப்ய தே³ஹவிலயே லப⁴தே ச மோக்ஷம் ॥ 9 ॥ இதி ஶ்ரீவ்யாஸ ப்ரோக்த ஶ்ரீராமாஷ்டகம் ।