ഭജേ വിശേഷസുന്ദരം സമസ്തപാപഖണ്ഡനം । സ്വഭക്തചിത്തരഞ്ജനം സദൈവ രാമമദ്വയം ॥ 1 ॥ ജടാകലാപശോഭിതം സമസ്തപാപനാശകം । സ്വഭക്തഭീതിഭഞ്ജനം ഭജേ ഹ രാമമദ്വയം ॥ 2 ॥ നിജസ്വരൂപബോധകം കൃപാകരം ഭവാഽപഹം । സമം ശിവം നിരഞ്ജനം ഭജേ ഹ രാമമദ്വയം ॥ 3 ॥ സദാ പ്രപഞ്ചകല്പിതം ഹ്യനാമരൂപവാസ്തവം । നിരാകൃതിം നിരാമയം ഭജേ ഹ രാമമദ്വയം ॥ 4 ॥ നിഷ്പ്രപഞ്ച നിർവികല്പ നിർമലം നിരാമയം । ചിദേകരൂപസന്തതം ഭജേ ഹ രാമമദ്വയം ॥ 5 ॥ ഭവാബ്ധിപോതരൂപകം ഹ്യശേഷദേഹകല്പിതം । ഗുണാകരം കൃപാകരം ഭജേ ഹ രാമമദ്വയം ॥ 6 ॥ മഹാസുവാക്യബോധകൈർവിരാജമാനവാക്പദൈഃ । പരം ച ബ്രഹ്മ വ്യാപകം ഭജേ ഹ രാമമദ്വയം ॥ 7 ॥ ശിവപ്രദം സുഖപ്രദം ഭവച്ഛിദം ഭ്രമാപഹം । വിരാജമാനദൈശികം ഭജേ ഹ രാമമദ്വയം ॥ 8 ॥ രാമാഷ്ടകം പഠതി യഃ സുഖദം സുപുണ്യം വ്യാസേന ഭാഷിതമിദം ശൃണുതേ മനുഷ്യഃ । വിദ്യാം ശ്രിയം വിപുലസൗഖ്യമനന്തകീർതിം സമ്പ്രാപ്യ ദേഹവിലയേ ലഭതേ ച മോക്ഷം ॥ 9 ॥ ഇതി ശ്രീവ്യാസ പ്രോക്ത ശ്രീരാമാഷ്ടകം ।