हैंహైHaindavamஹிહિં
📍
Font Size:
ஶ்ரீ ராம ஸ்தவராஜ ஸ்தோத்ரம்
அஸ்ய ஶ்ரீராமசந்த்³ர ஸ்தவராஜஸ்தோத்ரமந்த்ரஸ்ய ஸனத்குமாரருʼஷி꞉ । ஶ்ரீராமோ தே³வதா । அனுஷ்டுப் ச²ந்த³꞉ । ஸீதா பீ³ஜம் । ஹனுமான் ஶக்தி꞉ । ஶ்ரீராமப்ரீத்யர்தே² ஜபே விநியோக³꞉ ॥
ஸூத உவாச ।
ஸர்வஶாஸ்த்ரார்த²தத்த்வஜ்ஞம்ʼ வ்யாஸம்ʼ ஸத்யவதீஸுதம் ।
த⁴ர்மபுத்ர꞉ ப்ரஹ்ருʼஷ்டாத்மா ப்ரத்யுவாச முனீஶ்வரம் ॥ 1 ॥
யுதி⁴ஷ்டி²ர உவாச ।
ப⁴க³வன்யோகி³னாம்ʼ ஶ்ரேஷ்ட² ஸர்வஶாஸ்த்ரவிஶாரத³ ।
கிம்ʼ தத்த்வம்ʼ கிம்ʼ பரம்ʼ ஜாப்யம்ʼ கிம்ʼ த்⁴யானம் முக்திஸாத⁴னம் ॥ 2 ॥
ஶ்ரோதுமிச்சா²மி தத்ஸர்வம்ʼ ப்³ரூஹி மே முநிஸத்தம ॥ 3 ॥
வேத³வ்யாஸ உவாச ।
த⁴ர்மராஜ மஹாபா⁴க³ ஶ்ருʼணு வக்ஷ்யாமி தத்த்வத꞉ ॥ 4 ॥
யத்பரம்ʼ யத்³கு³ணாதீதம்ʼ யஜ்ஜ்யோதிரமலம்ʼ ஶிவம் ।
ததே³வ பரமம்ʼ தத்த்வம்ʼ கைவல்யபத³காரணம் ॥ 5 ॥
ஶ்ரீராமேதி பரம்ʼ ஜாப்யம்ʼ தாரகம்ʼ ப்³ரஹ்மஸஞ்ஜ்ஞகம் ।
ப்³ரஹ்மஹத்யாதி³பாபக்⁴னமிதி வேத³விதோ³ விது³꞉ ॥ 6 ॥
ஶ்ரீராம ராமேதி ஜனா யே ஜபந்தி ச ஸர்வதா³ ।
தேஷாம்ʼ பு⁴க்திஶ்ச முக்திஶ்ச ப⁴விஷ்யதி ந ஸம்ʼஶய꞉ ॥ 7 ॥
ஸ்தவராஜம்ʼ புரா ப்ரோக்தம்ʼ நாரதே³ன ச தீ⁴மதா ।
தத்ஸர்வம்ʼ ஸம்ப்ரவக்ஷ்யாமி ஹரித்⁴யானபுர꞉ஸரம் ॥ 8 ॥
தாபத்ரயாக்³நிஶமனம்ʼ ஸர்வாகௌ⁴க⁴நிக்ருʼந்தனம் ।
தா³ரித்³ர்யது³꞉க²ஶமனம்ʼ ஸர்வஸம்பத்கரம்ʼ ஶிவம் ॥ 9 ॥
விஜ்ஞானப²லத³ம்ʼ தி³வ்யம்ʼ மோக்ஷைகப²லஸாத⁴னம் ।
நமஸ்க்ருʼத்ய ப்ரவக்ஷ்யாமி ராமம்ʼ க்ருʼஷ்ணம்ʼ ஜக³ன்மயம் ॥ 10 ॥
அயோத்⁴யாநக³ரே ரம்யே ரத்னமண்ட³பமத்⁴யகே³ ।
ஸ்மரேத்கல்பதரோர்மூலே ரத்னஸிம்ʼஹாஸனம்ʼ ஶுப⁴ம் ॥ 11 ॥
தன்மத்⁴யே(அ)ஷ்டத³லம்ʼ பத்³மம்ʼ நாநாரத்னைஶ்ச வேஷ்டிதம் ।
ஸ்மரேன்மத்⁴யே தா³ஶரதி²ம்ʼ ஸஹஸ்ராதி³த்யதேஜஸம் ॥ 12 ॥
பிதுரங்கக³தம்ʼ ராமமிந்த்³ரநீலமணிப்ரப⁴ம் ।
கோமலாங்க³ம்ʼ விஶாலாக்ஷம்ʼ வித்³யுத்³வர்ணாம்ப³ராவ்ருʼதம் ॥ 13 ॥
பா⁴னுகோடிப்ரதீகாஶ கிரீடேன விராஜிதம் ।
ரத்னக்³ரைவேயகேயூரரத்னகுண்ட³லமண்டி³தம் ॥ 14 ॥
ரத்னகங்கணமஞ்ஜீரகடிஸூத்ரைரலங்க்ருʼதம் ।
ஶ்ரீவத்ஸகௌஸ்துபோ⁴ரஸ்கம்ʼ முக்தாஹாரோபஶோபி⁴தம் ॥ 15 ॥
தி³வ்யரத்னஸமாயுக்தமுத்³ரிகாபி⁴ரலங்க்ருʼதம் ।
ராக⁴வம்ʼ த்³விபு⁴ஜம்ʼ பா³லம்ʼ ராமமீஷத்ஸ்மிதானனம் ॥ 16 ॥
துலஸீகுந்த³மந்தா³ரபுஷ்பமால்யைரலங்க்ருʼதம் ।
கர்பூராகு³ருகஸ்தூரீதி³வ்யக³ந்தா⁴னுலேபனம் ॥ 17 ॥
யோக³ஶாஸ்த்ரேஷ்வபி⁴ரதம்ʼ யோகே³ஶம்ʼ யோக³தா³யகம் ।
ஸதா³ ப⁴ரதஸௌமித்ரிஶத்ருக்⁴னைருபஶோபி⁴தம் ॥ 18 ॥
வித்³யாத⁴ரஸுராதீ⁴ஶஸித்³த⁴க³ந்த⁴ர்வகின்னரை꞉ ।
யோகீ³ந்த்³ரைர்நாரதா³த்³யைஶ்ச ஸ்தூயமானமஹர்நிஶம் ॥ 19 ॥
விஶ்வாமித்ரவஸிஷ்டா²தி³முனிபி⁴꞉ பரிஸேவிதம் ।
ஸனகாதி³முநிஶ்ரேஷ்டை²ர்யோகி³வ்ருʼந்தை³ஶ்ச ஸேவிதம் ॥ 20 ॥
ராமம்ʼ ரகு⁴வரம்ʼ வீரம்ʼ த⁴னுர்வேத³விஶாரத³ம் ।
மங்க³லாயதனம்ʼ தே³வம்ʼ ராமம்ʼ ராஜீவலோசனம் ॥ 21 ॥
ஸர்வஶாஸ்த்ரார்த²தத்த்வஜ்ஞமானந்த³கரஸுந்த³ரம் ।
கௌஸல்யாநந்த³னம்ʼ ராமம்ʼ த⁴னுர்பா³ணத⁴ரம்ʼ ஹரிம் ॥ 22 ॥
ஏவம்ʼ ஸஞ்சிந்தயன்விஷ்ணும்ʼ யஜ்ஜ்யோதிரமலம்ʼ விபு⁴ம் ।
ப்ரஹ்ருʼஷ்டமானஸோ பூ⁴த்வா முநிவர்ய꞉ ஸ நாரத³꞉ ॥ 23 ॥
ஸர்வலோகஹிதார்தா²ய துஷ்டாவ ரகு⁴நந்த³னம் ।
க்ருʼதாஞ்ஜலிபுடோ பூ⁴த்வா சிந்தயன்னத்³பு⁴தம்ʼ ஹரிம் ॥ 24 ॥
யதே³கம்ʼ யத்பரம்ʼ நித்யம்ʼ யத³னந்தம்ʼ சிதா³த்மகம் ।
யதே³கம்ʼ வ்யாபகம்ʼ லோகே தத்³ரூபம்ʼ சிந்தயாம்யஹம் ॥ 25 ॥
விஜ்ஞானஹேதும்ʼ விமலாயதாக்ஷம்ʼ
ப்ரஜ்ஞானரூபம்ʼ ஸ்வஸுகை²கஹேதும் ।
ஶ்ரீராமசந்த்³ரம்ʼ ஹரிமாதி³தே³வம்ʼ
பராத்பரம்ʼ ராமமஹம்ʼ ப⁴ஜாமி ॥ 26 ॥
கவிம்ʼ புராணம்ʼ புருஷம்ʼ புரஸ்தா-
-த்ஸனாதனம்ʼ யோகி³னமீஶிதாரம் ।
அணோரணீயாம்ʼஸமனந்தவீர்யம்ʼ
ப்ராணேஶ்வரம்ʼ ராமமஸௌ த³த³ர்ஶ ॥ 27 ॥
நாரத³ உவாச ।
நாராயணம்ʼ ஜக³ந்நாத²மபி⁴ராமம்ʼ ஜக³த்பதிம் ।
கவிம்ʼ புராணம்ʼ வாகீ³ஶம்ʼ ராமம்ʼ த³ஶரதா²த்மஜம் ॥ 28 ॥
ராஜராஜம்ʼ ரகு⁴வரம்ʼ கௌஸல்யானந்த³வர்த⁴னம் ।
ப⁴ர்க³ம்ʼ வரேண்யம்ʼ விஶ்வேஶம்ʼ ரகு⁴நாத²ம்ʼ ஜக³த்³கு³ரும் ॥ 29 ॥
ஸத்யம்ʼ ஸத்யப்ரியம்ʼ ஶ்ரேஷ்ட²ம்ʼ ஜானகீவல்லப⁴ம்ʼ விபு⁴ம் ।
ஸௌமித்ரிபூர்வஜம்ʼ ஶாந்தம்ʼ காமத³ம்ʼ கமலேக்ஷணம் ॥ 30 ॥
ஆதி³த்யம்ʼ ரவிமீஶானம்ʼ க்⁴ருʼணிம்ʼ ஸூர்யமநாமயம் ।
ஆனந்த³ரூபிணம்ʼ ஸௌம்யம்ʼ ராக⁴வம்ʼ கருணாமயம் ॥ 31 ॥
ஜாமத³க்³னிம்ʼ தபோமூர்திம்ʼ ராமம்ʼ பரஶுதா⁴ரிணம் ।
வாக்பதிம்ʼ வரத³ம்ʼ வாச்யம்ʼ ஶ்ரீபதிம்ʼ பக்ஷிவாஹனம் ॥ 32 ॥
ஶ்ரீஶார்ங்க³தா⁴ரிணம்ʼ ராமம்ʼ சின்மயானந்த³விக்³ரஹம் ।
ஹலத்⁴ருʼக்³விஷ்ணுமீஶானம்ʼ ப³லராமம்ʼ க்ருʼபாநிதி⁴ம் ॥ 33 ॥
ஶ்ரீவல்லப⁴ம்ʼ க்ருʼபாநாத²ம்ʼ ஜக³ன்மோஹனமச்யுதம் ।
மத்ஸ்யகூர்மவராஹாதி³ரூபதா⁴ரிணமவ்யயம் ॥ 34 ॥
வாஸுதே³வம்ʼ ஜக³த்³யோனிமநாதி³நித⁴னம்ʼ ஹரிம் ।
கோ³விந்த³ம்ʼ கோ³பதிம்ʼ விஷ்ணும்ʼ கோ³பீஜனமனோஹரம் ॥ 35 ॥
கோ³கோ³பாலபரீவாரம்ʼ கோ³பகந்யாஸமாவ்ருʼதம் ।
வித்³யுத்புஞ்ஜப்ரதீகாஶம்ʼ ராமம்ʼ க்ருʼஷ்ணம்ʼ ஜக³ன்மயம் ॥ 36 ॥
கோ³கோ³பிகாஸமாகீர்ணம்ʼ வேணுவாத³னதத்பரம் ।
காமரூபம்ʼ கலாவந்தம்ʼ காமினீகாமத³ம்ʼ விபு⁴ம் ॥ 37 ॥
மன்மத²ம்ʼ மது²ராநாத²ம்ʼ மாத⁴வம்ʼ மகரத்⁴வஜம் ।
ஶ்ரீத⁴ரம்ʼ ஶ்ரீகரம்ʼ ஶ்ரீஶம்ʼ ஶ்ரீநிவாஸம்ʼ பராத்பரம் ॥ 38 ॥
பூ⁴தேஶம்ʼ பூ⁴பதிம்ʼ ப⁴த்³ரம்ʼ விபூ⁴திம்ʼ பூ⁴மிபூ⁴ஷணம் ।
ஸர்வது³꞉க²ஹரம்ʼ வீரம்ʼ து³ஷ்டதா³னவவைரிணம் ॥ 39 ॥
ஶ்ரீந்ருʼஸிம்ʼஹம்ʼ மஹாபா³ஹும்ʼ மஹாந்தம்ʼ தீ³ப்ததேஜஸம் ।
சிதா³னந்த³மயம்ʼ நித்யம்ʼ ப்ரணவம்ʼ ஜ்யோதிரூபிணம் ॥ 40 ॥
ஆதி³த்யமண்ட³லக³தம்ʼ நிஶ்சிதார்த²ஸ்வரூபிணம் ।
ப⁴க்திப்ரியம்ʼ பத்³மநேத்ரம்ʼ ப⁴க்தாநாமீப்ஸிதப்ரத³ம் ॥ 41 ॥
கௌஸல்யேயம்ʼ கலாமூர்திம்ʼ காகுத்ஸ்த²ம்ʼ கமலாப்ரியம் ।
ஸிம்ʼஹாஸனே ஸமாஸீனம்ʼ நித்யவ்ரதமகல்மஷம் ॥ 42 ॥
விஶ்வாமித்ரப்ரியம்ʼ தா³ந்தம்ʼ ஸ்வதா³ரநியதவ்ரதம் ।
யஜ்ஞேஶம்ʼ யஜ்ஞபுருஷம்ʼ யஜ்ஞபாலனதத்பரம் ॥ 43 ॥
ஸத்யஸந்த⁴ம்ʼ ஜிதக்ரோத⁴ம்ʼ ஶரணாக³தவத்ஸலம் ।
ஸர்வக்லேஶாபஹரணம்ʼ விபீ⁴ஷணவரப்ரத³ம் ॥ 44 ॥
த³ஶக்³ரீவஹரம்ʼ ரௌத்³ரம்ʼ கேஶவம்ʼ கேஶிமர்த³னம் ।
வாலிப்ரமத²னம்ʼ வீரம்ʼ ஸுக்³ரீவேப்ஸிதராஜ்யத³ம் ॥ 45 ॥
நரவானரதே³வைஶ்சஸேவிதம்ʼ ஹனுமத்ப்ரியம் ।
ஶுத்³த⁴ம்ʼ ஸூக்ஷ்மம்ʼ பரம்ʼ ஶாந்தம்ʼ தாரகம்ʼ ப்³ரஹ்மரூபிணம் ॥ 46 ॥
ஸர்வபூ⁴தாத்மபூ⁴தஸ்த²ம்ʼ ஸர்வாதா⁴ரம்ʼ ஸனாதனம் ।
ஸர்வகாரணகர்தாரம்ʼ நிதா³னம்ʼ ப்ரக்ருʼதே꞉ பரம் ॥ 47 ॥
நிராமயம்ʼ நிராபா⁴ஸம்ʼ நிரவத்³யம்ʼ நிரஞ்ஜனம் ।
நித்யானந்த³ம்ʼ நிராகாரமத்³வைதம்ʼ தமஸ꞉ பரம் ॥ 48 ॥
பராத்பரதரம்ʼ தத்த்வம்ʼ ஸத்யானந்த³ம்ʼ சிதா³த்மகம் ।
மனஸா ஶிரஸா நித்யம்ʼ ப்ரணமாமி ரகூ⁴த்தமம் ॥ 49 ॥
ஸூர்யமண்ட³லமத்⁴யஸ்த²ம்ʼ ராமம்ʼ ஸீதாஸமன்விதம் ।
நமாமி புண்ட³ரீகாக்ஷமமேயம்ʼ கு³ருதத்பரம் ॥ 50 ॥
நமோ(அ)ஸ்து வாஸுதே³வாய ஜ்யோதிஷாம்ʼ பதயே நம꞉ ।
நமோ(அ)ஸ்து ராமதே³வாய ஜக³தா³னந்த³ரூபிணே ॥ 51 ॥
நமோ வேதா³ந்தநிஷ்டா²ய யோகி³னே ப்³ரஹ்மவாதி³னே ।
மாயாமயநிராஸாய ப்ரபன்னஜனஸேவினே ॥ 52 ॥
வந்தா³மஹே மஹேஶானசண்ட³கோத³ண்ட³க²ண்ட³னம் ।
ஜானகீஹ்ருʼத³யானந்த³வர்த⁴னம்ʼ ரகு⁴நந்த³னம் ॥ 53 ॥
உத்பு²ல்லாமலகோமலோத்பலத³லஶ்யாமாய ராமாய தே-
-(அ)காமாய ப்ரமதா³மனோஹரகு³ணக்³ராமாய ராமாத்மனே ।
யோகா³ரூட⁴முனீந்த்³ரமானஸஸரோஹம்ʼஸாய ஸம்ʼஸாரவி-
-த்⁴வம்ʼஸாய ஸ்பு²ரதோ³ஜஸே ரகு⁴குலோத்தம்ʼஸாய பும்ʼஸே நம꞉ ॥ 54 ॥
ப⁴வோத்³ப⁴வம்ʼ வேத³விதா³ம்ʼ வரிஷ்ட²-
-மாதி³த்யசந்த்³ரானலஸுப்ரபா⁴வம் ।
ஸர்வாத்மகம்ʼ ஸர்வக³தஸ்வரூபம்ʼ
நமாமி ராமம்ʼ தமஸ꞉ பரஸ்தாத் ॥ 55 ॥
நிரஞ்ஜனம்ʼ நிஷ்ப்ரதிமம்ʼ நிரீஹம்ʼ
நிராஶ்ரயம்ʼ நிஷ்கலமப்ரபஞ்சம் ।
நித்யம்ʼ த்⁴ருவம்ʼ நிர்விஷயஸ்வரூபம்ʼ
நிரந்தரம்ʼ ராமமஹம்ʼ ப⁴ஜாமி ॥ 56 ॥
ப⁴வாப்³தி⁴போதம்ʼ ப⁴ரதாக்³ரஜம்ʼ தம்ʼ
ப⁴க்திப்ரியம்ʼ பா⁴னுகுலப்ரதீ³பம் ।
பூ⁴தத்ரிநாத²ம்ʼ பு⁴வனாதி⁴பம்ʼ தம்ʼ
ப⁴ஜாமி ராமம்ʼ ப⁴வரோக³வைத்³யம் ॥ 57 ॥
ஸர்வாதி⁴பத்யம்ʼ ஸமராங்க³தீ⁴ரம்ʼ
ஸத்யம்ʼ சிதா³னந்த³மயஸ்வரூபம் ।
ஸத்யம்ʼ ஶிவம்ʼ ஶாந்திமயம்ʼ ஶரண்யம்ʼ
ஸனாதனம்ʼ ராமமஹம்ʼ ப⁴ஜாமி ॥ 58 ॥
கார்யக்ரியாகாரணமப்ரமேயம்ʼ
கவிம்ʼ புராணம்ʼ கமலாயதாக்ஷம் ।
குமாரவேத்³யம்ʼ கருணாமயம்ʼ தம்ʼ
கல்பத்³ருமம்ʼ ராமமஹம்ʼ ப⁴ஜாமி ॥ 59 ॥
த்ரைலோக்யநாத²ம்ʼ ஸரஸீருஹாக்ஷம்ʼ
த³யாநிதி⁴ம்ʼ த்³வந்த்³வவிநாஶஹேதும் ।
மஹாப³லம்ʼ வேத³நிதி⁴ம்ʼ ஸுரேஶம்ʼ
ஸனாதனம்ʼ ராமமஹம்ʼ ப⁴ஜாமி ॥ 60 ॥
வேதா³ந்தவேத்³யம்ʼ கவிமீஶிதார-
-மநாதி³மத்⁴யாந்தமசிந்த்யமாத்³யம் ।
அகோ³சரம்ʼ நிர்மலமேகரூபம்ʼ
நமாமி ராமம்ʼ தமஸ꞉ பரஸ்தாத் ॥ 61 ॥
அஶேஷவேதா³த்மகமாதி³ஸஞ்ஜ்ஞ-
-மஜம்ʼ ஹரிம்ʼ விஷ்ணுமனந்தமாத்³யம் ।
அபாரஸம்ʼவித்ஸுக²மேகரூபம்ʼ
பராத்பரம்ʼ ராமமஹம்ʼ ப⁴ஜாமி ॥ 62 ॥
தத்த்வஸ்வரூபம்ʼ புருஷம்ʼ புராணம்ʼ
ஸ்வதேஜஸா பூரிதவிஶ்வமேகம் ।
ராஜாதி⁴ராஜம்ʼ ரவிமண்ட³லஸ்த²ம்ʼ
விஶ்வேஶ்வரம்ʼ ராமமஹம்ʼ ப⁴ஜாமி ॥ 63 ॥
லோகாபி⁴ராமம்ʼ ரகு⁴வம்ʼஶநாத²ம்ʼ
ஹரிம்ʼ சிதா³னந்த³மயம்ʼ முகுந்த³ம் ।
அஶேஷவித்³யாதி⁴பதிம்ʼ கவீந்த்³ரம்ʼ
நமாமி ராமம்ʼ தமஸ꞉ பரஸ்தாத் ॥ 64 ॥
யோகீ³ந்த்³ரஸங்கை⁴ஶ்ச ஸுஸேவ்யமானம்ʼ
நாராயணம்ʼ நிர்மலமாதி³தே³வம் ।
நதோ(அ)ஸ்மி நித்யம்ʼ ஜக³தே³கநாத²-
-மாதி³த்யவர்ணம்ʼ தமஸ꞉ பரஸ்தாத் ॥ 65 ॥
விபூ⁴தித³ம்ʼ விஶ்வஸ்ருʼஜம்ʼ விராமம்ʼ
ராஜேந்த்³ரமீஶம்ʼ ரகு⁴வம்ʼஶநாத²ம் ।
அசிந்த்யமவ்யக்தமனந்தமூர்திம்ʼ
ஜ்யோதிர்மயம்ʼ ராமமஹம்ʼ ப⁴ஜாமி ॥ 66 ॥
அஶேஷஸம்ʼஸாரவிஹாரஹீன-
-மாதி³த்யக³ம்ʼ பூர்ணஸுகா²பி⁴ராமம் ।
ஸமஸ்தஸாக்ஷிம்ʼ தமஸ꞉ பரஸ்தா-
-ந்நாராயணம்ʼ விஷ்ணுமஹம்ʼ ப⁴ஜாமி ॥ 67 ॥
முனீந்த்³ரகு³ஹ்யம்ʼ பரிபூர்ணகாமம்ʼ
கலாநிதி⁴ம்ʼ கல்மஷநாஶஹேதும் ।
பராத்பரம்ʼ யத்பரமம்ʼ பவித்ரம்ʼ
நமாமி ராமம்ʼ மஹதோ மஹாந்தம் ॥ 68 ॥
ப்³ரஹ்மா விஷ்ணுஶ்ச ருத்³ரஶ்ச தே³வேந்த்³ரோ தே³வதாஸ்ததா² ।
ஆதி³த்யாதி³க்³ரஹாஶ்சைவ த்வமேவ ரகு⁴நந்த³ன ॥ 69 ॥
தாபஸா ருʼஷய꞉ ஸித்³தா⁴꞉ ஸாத்⁴யாஶ்ச மருதஸ்ததா² ।
விப்ரா வேதா³ஸ்ததா² யஜ்ஞா꞉ புராணம்ʼ த⁴ர்மஸம்ʼஹிதா꞉ ॥ 70 ॥
வர்ணாஶ்ரமாஸ்ததா² த⁴ர்மா வர்ணத⁴ர்மாஸ்ததை²வ ச ।
யக்ஷராக்ஷஸக³ந்த⁴ர்வாதி³க்பாலா தி³க்³க³ஜாத³ய꞉ ॥ 71 ॥
ஸனகாதி³முநிஶ்ரேஷ்டா²ஸ்த்வமேவ ரகு⁴புங்க³வ ।
வஸவோ(அ)ஷ்டௌ த்ரய꞉ காலா ருத்³ரா ஏகாத³ஶ ஸ்ம்ருʼதா꞉ ॥ 72 ॥
தாரகா꞉ த³ஶ தி³க் சைவ த்வமேவ ரகு⁴நந்த³ன ।
ஸப்தத்³வீபா꞉ ஸமுத்³ராஶ்ச நகா³꞉ நத்³யஸ்ததா² த்³ருமா꞉ ॥ 73 ॥
ஸ்தா²வரா꞉ ஜங்க³மாஶ்சைவ த்வமேவ ரகு⁴நாயக ।
தே³வதிர்யங்மனுஷ்யாணாம்ʼ தா³னவானாம்ʼ ததை²வ ச ॥ 74 ॥
மாதா பிதா ததா² ப்⁴ராதா த்வமேவ ரகு⁴வல்லப⁴ ।
ஸர்வேஷாம்ʼ த்வம்ʼ பரம்ʼ ப்³ரஹ்ம த்வன்மயம்ʼ ஸர்வமேவ ஹி ॥ 75 ॥
த்வமக்ஷரம்ʼ பரம்ʼ ஜ்யோதிஸ்த்வமேவ புருஷோத்தம ।
த்வமேவ தாரகம்ʼ ப்³ரஹ்ம த்வத்தோ(அ)ன்யன்னைவ கிஞ்சன ॥ 76 ॥
ஶாந்தம்ʼ ஸர்வக³தம்ʼ ஸூக்ஷ்மம்ʼ பரம்ʼ ப்³ரஹ்ம ஸனாதனம் ।
ராஜீவலோசனம்ʼ ராமம்ʼ ப்ரணமாமி ஜக³த்பதிம் ॥ 77 ॥
வ்யாஸ உவாச ।
தத꞉ ப்ரஸன்ன꞉ ஶ்ரீராம꞉ ப்ரோவாச முனிபுங்க³வம் ।
துஷ்டோ(அ)ஸ்மி முநிஶார்தூ³ல வ்ருʼணீஷ்வ வரமுத்தமம் ॥ 78 ॥
நாரத³ உவாச ।
யதி³ துஷ்டோ(அ)ஸி ஸர்வஜ்ஞ ஶ்ரீராம கருணாநிதே⁴ ।
த்வன்மூர்தித³ர்ஶனேனைவ க்ருʼதார்தோ²(அ)ஹம்ʼ ச ஸர்வதா³ ॥ 79 ॥
த⁴ன்யோ(அ)ஹம்ʼ க்ருʼதக்ருʼத்யோ(அ)ஹம்ʼ புண்யோ(அ)ஹம்ʼ புருஷோத்தம ।
அத்³ய மே ஸப²லம்ʼ ஜன்ம ஜீவிதம்ʼ ஸப²லம்ʼ ச மே ॥ 80 ॥
அத்³ய மே ஸப²லம்ʼ ஜ்ஞானமத்³ய மே ஸப²லம்ʼ தப꞉ ।
அத்³ய மே ஸப²லம்ʼ கர்ம த்வத்பாதா³ம்போ⁴ஜத³ர்ஶனாத் ॥ 81 ॥
அத்³ய மே ஸப²லம்ʼ ஸர்வம்ʼ த்வந்நாமஸ்மரணம்ʼ ததா² ।
த்வத்பாதா³ம்போ⁴ருஹத்³வந்த்³வஸத்³ப⁴க்திம்ʼ தே³ஹி ராக⁴வ ॥ 82
தத꞉ பரமஸம்ப்ரீத꞉ ஸ ராம꞉ ப்ராஹ நாரத³ம் ।
மேக⁴க³ம்பீ⁴ரயா வாசா த⁴ன்வீ வீஜிதமன்மத²꞉ ॥ 83 ॥
ஶ்ரீராம உவாச ।
முநிவர்ய மஹாபா⁴க³ முனே த்விஷ்டம்ʼ த³தா³மி தே ।
யத்த்வயா சேப்ஸிதம்ʼ ஸர்வம்ʼ மனஸா தத்³ப⁴விஷ்யதி ॥ 84 ॥
நாரத³ உவாச ।
வரம்ʼ ந யாசே ரகு⁴நாத² யுஷ்ம-
-த்பதா³ப்³ஜப⁴க்தி꞉ ஸததம்ʼ மமாஸ்து ।
இத³ம்ʼ ப்ரியம்ʼ நாத² வரம்ʼ ப்ரயாச்ச²
புன꞉ புனஸ்த்வாமித³மேவ யாசே ॥ 85 ॥
வ்யாஸ உவாச ।
இத்யேவமீடி³தோ ராம꞉ ப்ராதா³த்தஸ்மை வராந்தரம் ।
வீரோ ராமோ மஹாதேஜா꞉ ஸச்சிதா³னந்த³விக்³ரஹ꞉ ॥ 86 ॥
அத்³வைதமமலம்ʼ ஜ்ஞானம்ʼ ஸ்வநாமஸ்மரணம்ʼ ததா² ।
அந்தர்த³தௌ⁴ ஜக³ந்நாத²꞉ புரதஸ்தஸ்ய ராக⁴வ꞉ ॥ 87 ॥
இதி ஶ்ரீரகு⁴நாத²ஸ்ய ஸ்தவராஜமனுத்தமம் ।
ஸர்வஸௌபா⁴க்³யஸம்பத்திதா³யகம்ʼ முக்தித³ம்ʼ ஶுப⁴ம் ॥ 88 ॥
கதி²தம்ʼ ப்³ரஹ்மபுத்ரேண வேதா³னாம்ʼ ஸாரமுத்தமம் ।
கு³ஹ்யாத்³கு³ஹ்யதமம்ʼ தி³வ்யம்ʼ தவ ஸ்னேஹாத்ப்ரகீர்திதம் ॥ 89 ॥
ய꞉ படே²ச்ச்²ருʼணுயாத்³வாபி த்ரிஸந்த்⁴யம்ʼ ஶ்ரத்³த⁴யான்வித꞉ ।
ப்³ரஹ்மஹத்யாதி³பாபானி தத்ஸமானி ப³ஹூனி ச ॥ 90 ॥
ஸ்வர்ணஸ்தேயம்ʼ ஸுராபானம்ʼ கு³ருதல்பக³திஸ்ததா² ।
கோ³வதா⁴த்³யுபபாபானி அந்ருʼதாத்ஸம்ப⁴வானி ச ॥ 91 ॥
ஸர்வை꞉ ப்ரமுச்யதே பாபை꞉ கல்பாயுதஶதோத்³ப⁴வை꞉ ।
மானஸம்ʼ வாசிகம்ʼ பாபம்ʼ கர்மணா ஸமுபார்ஜிதம் ॥ 92 ॥
ஶ்ரீராமஸ்மரணேனைவ தத்க்ஷணான்னஶ்யதி த்⁴ருவம் ।
இத³ம்ʼ ஸத்யமித³ம்ʼ ஸத்யம்ʼ ஸத்யமேததி³ஹோச்யதே ॥ 93 ॥
ராமம்ʼ ஸத்யம்ʼ பரம்ʼ ப்³ரஹ்ம ராமாத்கிஞ்சின்ன வித்³யதே ।
தஸ்மாத்³ராமஸ்வரூபம்ʼ ஹி ஸத்யம்ʼ ஸத்யமித³ம்ʼ ஜக³த் ॥ 94 ॥
ஶ்ரீராமசந்த்³ர ரகு⁴புங்க³வ ராஜவர்ய
ரஜேந்த்³ர ராம ரகு⁴நாயக ராக⁴வேஶ ।
ராஜாதி⁴ராஜ ரகு⁴நந்த³ன ராமசந்த்³ர
தா³ஸோ(அ)ஹமத்³ய ப⁴வத꞉ ஶரணாக³தோ(அ)ஸ்மி ॥ 95 ॥
வைதே³ஹீஸஹிதம்ʼ ஸுரத்³ருமதலே ஹைமே மஹாமண்ட³பே
மத்⁴யே புஷ்பகமாஸனே மணிமயே வீராஸனே ஸம்ʼஸ்தி²தம் ।
அக்³ரே வாசயதி ப்ரப⁴ஞ்ஜனஸுதே தத்த்வம்ʼ முனிப்⁴ய꞉ பரம்ʼ
வ்யாக்²யாதம்ʼ ப⁴ரதாதி³பி⁴꞉ பரிவ்ருʼதம்ʼ ராமம்ʼ ப⁴ஜே ஶ்யாமலம் ॥ 96 ॥
ராமம்ʼ ரத்னகிரீடகுண்ட³லயுதம்ʼ கேயூரஹாரான்விதம்ʼ
ஸீதாலங்க்ருʼதவாமபா⁴க³மமலம்ʼ ஸிம்ʼஹாஸனஸ்த²ம்ʼ விபு⁴ம் ।
ஸுக்³ரீவாதி³ஹரீஶ்வரை꞉ ஸுரக³ணை꞉ ஸம்ʼஸேவ்யமானம்ʼ ஸதா³
விஶ்வாமித்ரபராஶராதி³முனிபி⁴꞉ ஸம்ʼஸ்தூயமானம்ʼ ப்ரபு⁴ம் ॥ 97 ॥
ஸகலகு³ணநிதா⁴னம்ʼ யோகி³பி⁴꞉ ஸ்தூயமானம்ʼ
பு⁴ஜவிஜிதஸமானம்ʼ ராக்ஷஸேந்த்³ராதி³மானம் ।
மஹிதந்ருʼபப⁴யானம்ʼ ஸீதயா ஶோப⁴மானம்ʼ
ஸ்மர ஹ்ருʼத³ய விமானம்ʼ ப்³ரஹ்ம ராமாபி⁴தா⁴னம் ॥ 98 ॥
ரகு⁴வர தவ மூர்திர்மாமகே மானஸாப்³ஜே
நரகக³திஹரம்ʼ தே நாமதே⁴யம்ʼ முகே² மே ।
அநிஶமதுலப⁴க்த்யா மஸ்தகம்ʼ த்வத்பதா³ப்³ஜே
ப⁴வஜலநிதி⁴மக்³னம்ʼ ரக்ஷ மாமார்தப³ந்தோ⁴ ॥ 99 ॥
ராமரத்னமஹம்ʼ வந்தே³ சித்ரகூடபதிம்ʼ ஹரிம் ।
கௌஸல்யாப⁴க்திஸம்பூ⁴தம்ʼ ஜானகீகண்ட²பூ⁴ஷணம் ॥ 100 ॥
இதி ஶ்ரீஸனத்குமாரஸம்ʼஹிதாயாம்ʼ நாரதோ³க்தம்ʼ ஶ்ரீராமஸ்தவராஜஸ்தோத்ரம்ʼ ஸம்பூர்ணம் ।
Recite with devotion and pure heart
Regular practice brings spiritual benefits