ஹிந்தவம்
हैंహై
ஹிந்தவம்
ஹிહિં📍
Font Size:
ஶ்ரீ ராம ஸஹஸ்ரநாம ஸ்தோத்ரம்
அஸ்ய ஶ்ரீராமஸஹஸ்ரநாமஸ்தோத்ர மஹாமந்த்ரஸ்ய, ப⁴க³வான் ஈஶ்வர ருʼஷி꞉, அனுஷ்டுப்ச²ந்த³꞉, ஶ்ரீராம꞉ பரமாத்மா தே³வதா, ஶ்ரீமான்மஹாவிஷ்ணுரிதி பீ³ஜம்ʼ, கு³ணப்⁴ருʼந்நிர்கு³ணோ மஹானிதி ஶக்தி꞉, ஸம்ʼஸாரதாரகோ ராம இதி மந்த்ர꞉, ஸச்சிதா³னந்த³விக்³ரஹ இதி கீலகம்ʼ, அக்ஷய꞉ புருஷ꞉ ஸாக்ஷீதி கவசம்ʼ, அஜேய꞉ ஸர்வபூ⁴தானாம்ʼ இத்யஸ்த்ரம்ʼ, ராஜீவலோசன꞉ ஶ்ரீமானிதி த்⁴யானம் ஶ்ரீராமப்ரீத்யர்தே² தி³வ்யஸஹஸ்ரநாமஜபே விநியோக³꞉ ।
த்⁴யானம் ।
த்⁴யாயேதா³ஜானுபா³ஹும்ʼ த்⁴ருʼதஶரத⁴னுஷம்ʼ ப³த்³த⁴பத்³மாஸனஸ்த²ம்ʼ
பீதம்ʼ வாஸோ வஸானம்ʼ நவகமலத³லஸ்பர்தி⁴நேத்ரம்ʼ ப்ரஸன்னம் ।
வாமாங்காரூட⁴ஸீதாமுக²கமலமிலல்லோசனம்ʼ நீரதா³ப⁴ம்ʼ
நானாலங்காரதீ³ப்தம்ʼ த³த⁴தமுருஜடாமண்ட³லம்ʼ ராமசந்த்³ரம் ॥
நீலாம்போ⁴த⁴ரகாந்திகாந்தமநிஶம்ʼ வீராஸனாத்⁴யாஸினம்ʼ
முத்³ராம்ʼ ஜ்ஞானமயீம்ʼ த³தா⁴னமபரம்ʼ ஹஸ்தாம்பு³ஜம்ʼ ஜானுனி ।
ஸீதாம்ʼ பார்ஶ்வக³தாம்ʼ ஸரோருஹகராம்ʼ வித்³யுன்னிபா⁴ம்ʼ ராக⁴வம்ʼ
பஶ்யந்தீம்ʼ முகுடாங்க³தா³தி³விவிதா⁴கல்போஜ்ஜ்வலாங்க³ம்ʼ ப⁴ஜே ॥
அத² ஸ்தோத்ரம் ।
ராஜீவலோசன꞉ ஶ்ரீமான் ஶ்ரீராமோ ரகு⁴புங்க³வ꞉ ।
ராமப⁴த்³ர꞉ ஸதா³சாரோ ராஜேந்த்³ரோ ஜானகீபதி꞉ ॥ 1 ॥
அக்³ரக³ண்யோ வரேண்யஶ்ச வரத³꞉ பரமேஶ்வர꞉ ।
ஜனார்த³னோ ஜிதாமித்ர꞉ பரார்தை²கப்ரயோஜன꞉ ॥ 2 ॥
விஶ்வாமித்ரப்ரியோ தா³ந்த꞉ ஶத்ருஜிச்ச²த்ருதாபன꞉ ।
ஸர்வஜ்ஞ꞉ ஸர்வதே³வாதி³꞉ ஶரண்யோ வாலிமர்த³ன꞉ ॥ 3 ॥
ஜ்ஞானபா⁴வ்யோ(அ)பரிச்சே²த்³யோ வாக்³மீ ஸத்யவ்ரத꞉ ஶுசி꞉ ।
ஜ்ஞானக³ம்யோ த்³ருʼட⁴ப்ரஜ்ஞ꞉ க²ரத்⁴வம்ʼஸீ ப்ரதாபவான் ॥ 4 ॥
த்³யுதிமானாத்மவான்வீரோ ஜிதக்ரோதோ⁴(அ)ரிமர்த³ன꞉ ।
விஶ்வரூபோ விஶாலாக்ஷ꞉ ப்ரபு⁴꞉ பரிவ்ருʼடோ⁴ த்³ருʼட⁴꞉ ॥ 5 ॥
ஈஶ꞉ க²ட்³க³த⁴ர꞉ ஶ்ரீமான் கௌஸலேயோ(அ)னஸூயக꞉ ।
விபுலாம்ʼஸோ மஹோரஸ்க꞉ பரமேஷ்டீ² பராயண꞉ ॥ 6 ॥
ஸத்யவ்ரத꞉ ஸத்யஸந்தோ⁴ கு³ரு꞉ பரமதா⁴ர்மிக꞉ ।
லோகஜ்ஞோ லோகவந்த்³யஶ்ச லோகாத்மா லோகக்ருʼத்பர꞉ ॥ 7 ॥
அநாதி³ர்ப⁴க³வான் ஸேவ்யோ ஜிதமாயோ ரகூ⁴த்³வஹ꞉ ।
ராமோ த³யாகரோ த³க்ஷ꞉ ஸர்வஜ்ஞ꞉ ஸர்வபாவன꞉ ॥ 8 ॥
ப்³ரஹ்மண்யோ நீதிமான் கோ³ப்தா ஸர்வதே³வமயோ ஹரி꞉ ।
ஸுந்த³ர꞉ பீதவாஸாஶ்ச ஸூத்ரகார꞉ புராதன꞉ ॥ 9 ॥
ஸௌம்யோ மஹர்ஷி꞉ கோத³ண்டீ³ ஸர்வஜ்ஞ꞉ ஸர்வகோவித³꞉ ।
கவி꞉ ஸுக்³ரீவவரத³꞉ ஸர்வபுண்யாதி⁴கப்ரத³꞉ ॥ 10 ॥
ப⁴வ்யோ ஜிதாரிஷட்³வர்கோ³ மஹோதா³ரோ(அ)க⁴நாஶன꞉ ।
ஸுகீர்திராதி³புருஷ꞉ காந்த꞉ புண்யக்ருʼதாக³ம꞉ ॥ 11 ॥
அகல்மஷஶ்சதுர்பா³ஹு꞉ ஸர்வாவாஸோ து³ராஸத³꞉ ।
ஸ்மிதபா⁴ஷீ நிவ்ருʼத்தாத்மா ஸ்ம்ருʼதிமான் வீர்யவான் ப்ரபு⁴꞉ ॥ 12 ॥
தீ⁴ரோ தா³ந்தோ க⁴னஶ்யாம꞉ ஸர்வாயுத⁴விஶாரத³꞉ ।
அத்⁴யாத்மயோக³நிலய꞉ ஸுமனா லக்ஷ்மணாக்³ரஜ꞉ ॥ 13 ॥
ஸர்வதீர்த²மய꞉ ஶூர꞉ ஸர்வயஜ்ஞப²லப்ரத³꞉ ।
யஜ்ஞஸ்வரூபீ யஜ்ஞேஶோ ஜராமரணவர்ஜித꞉ ॥ 14 ॥
வர்ணாஶ்ரமகரோ வர்ணீ ஶத்ருஜித் புருஷோத்தம꞉ ।
விபீ⁴ஷணப்ரதிஷ்டா²தா பரமாத்மா பராத்பர꞉ ॥ 15 ॥
ப்ரமாணபூ⁴தோ து³ர்ஜ்ஞேய꞉ பூர்ண꞉ பரபுரஞ்ஜய꞉ ।
அனந்தத்³ருʼஷ்டிரானந்தோ³ த⁴னுர்வேதோ³ த⁴னுர்த⁴ர꞉ ॥ 16 ॥
கு³ணாகரோ கு³ணஶ்ரேஷ்ட²꞉ ஸச்சிதா³னந்த³விக்³ரஹ꞉ ।
அபி⁴வந்த்³யோ மஹாகாயோ விஶ்வகர்மா விஶாரத³꞉ ॥ 17 ॥
வினீதாத்மா வீதராக³ஸ்தபஸ்வீஶோ ஜனேஶ்வர꞉ ।
கல்யாணப்ரக்ருʼதி꞉ கல்ப꞉ ஸர்வேஶ꞉ ஸர்வகாமத³꞉ ॥ 18 ॥
அக்ஷய꞉ புருஷ꞉ ஸாக்ஷீ கேஶவ꞉ புருஷோத்தம꞉ ।
லோகாத்⁴யக்ஷோ மஹாமாயோ விபீ⁴ஷணவரப்ரத³꞉ ॥ 19 ॥
ஆனந்த³விக்³ரஹோ ஜ்யோதிர்ஹனுமத்ப்ரபு⁴ரவ்யய꞉ ।
ப்⁴ராஜிஷ்ணு꞉ ஸஹனோ போ⁴க்தா ஸத்யவாதீ³ ப³ஹுஶ்ருத꞉ ॥ 20 ॥
ஸுக²த³꞉ காரணம்ʼ கர்தா ப⁴வப³ந்த⁴விமோசன꞉ ।
தே³வசூடா³மணிர்னேதா ப்³ரஹ்மண்யோ ப்³ரஹ்மவர்த⁴ன꞉ ॥ 21 ॥
ஸம்ʼஸாரோத்தாரகோ ராம꞉ ஸர்வது³꞉க²விமோக்ஷக்ருʼத் ।
வித்³வத்தமோ விஶ்வகர்தா விஶ்வஹர்தா ச விஶ்வத்⁴ருʼத் ॥ 22 ॥ [க்ருʼத்]
நித்யோ நியதகல்யாண꞉ ஸீதாஶோகவிநாஶக்ருʼத் ।
காகுத்ஸ்த²꞉ புண்ட³ரீகாக்ஷோ விஶ்வாமித்ரப⁴யாபஹ꞉ ॥ 23 ॥
மாரீசமத²னோ ராமோ விராத⁴வத⁴பண்டி³த꞉ ।
து³꞉ஸ்வப்னநாஶனோ ரம்ய꞉ கிரீடீ த்ரித³ஶாதி⁴ப꞉ ॥ 24 ॥
மஹாத⁴னுர்மஹாகாயோ பீ⁴மோ பீ⁴மபராக்ரம꞉ ।
தத்த்வஸ்வரூபீ தத்த்வஜ்ஞஸ்தத்த்வவாதீ³ ஸுவிக்ரம꞉ ॥ 25 ॥
பூ⁴தாத்மா பூ⁴தக்ருʼத் ஸ்வாமீ காலஜ்ஞானீ மஹாபடு꞉ ।
அநிர்விண்ணோ கு³ணக்³ராஹீ நிஷ்கலங்க꞉ கலங்கஹா ॥ 26 ॥
ஸ்வபா⁴வப⁴த்³ர꞉ ஶத்ருக்⁴ன꞉ கேஶவ꞉ ஸ்தா²ணுரீஶ்வர꞉ ।
பூ⁴தாதி³꞉ ஶம்பு⁴ராதி³த்ய꞉ ஸ்த²விஷ்ட²꞉ ஶாஶ்வதோ த்⁴ருவ꞉ ॥ 27 ॥
கவசீ குண்ட³லீ சக்ரீ க²ட்³கீ³ ப⁴க்தஜனப்ரிய꞉ ।
அம்ருʼத்யுர்ஜன்மரஹித꞉ ஸர்வஜித்ஸர்வகோ³சர꞉ ॥ 28 ॥
அனுத்தமோ(அ)ப்ரமேயாத்மா ஸர்வாதி³ர்கு³ணஸாக³ர꞉ ।
ஸம꞉ ஸமாத்மா ஸமகோ³ ஜடாமுகுடமண்டி³த꞉ ॥ 29 ॥
அஜேய꞉ ஸர்வபூ⁴தாத்மா விஷ்வக்ஸேனோ மஹாதப꞉ ।
லோகாத்⁴யக்ஷோ மஹாபா³ஹுரம்ருʼதோ வேத³வித்தம꞉ ॥ 30 ॥
ஸஹிஷ்ணு꞉ ஸத்³க³தி꞉ ஶாஸ்தா விஶ்வயோநிர்மஹாத்³யுதி꞉ ।
அதீந்த்³ர ஊர்ஜித꞉ ப்ராம்ʼஶுருபேந்த்³ரோ வாமனோ ப³லீ ॥ 31 ॥
த⁴னுர்வேதோ³ விதா⁴தா ச ப்³ரஹ்மா விஷ்ணுஶ்ச ஶங்கர꞉ ।
ஹம்ʼஸோ மரீசிர்கோ³விந்தோ³ ரத்நக³ர்போ⁴ மஹாமதி꞉ ॥ 32 ॥
வ்யாஸோ வாசஸ்பதி꞉ ஸர்வத³ர்பிதாஸுரமர்த³ன꞉ ।
ஜானகீவல்லப⁴꞉ பூஜ்ய꞉ ப்ரகட꞉ ப்ரீதிவர்த⁴ன꞉ ॥ 33 ॥
ஸம்ப⁴வோ(அ)தீந்த்³ரியோ வேத்³யோ(அ)நிர்தே³ஶோ ஜாம்ப³வத்ப்ரபு⁴꞉ ।
மத³னோ மத²னோ வ்யாபீ விஶ்வரூபோ நிரஞ்ஜன꞉ ॥ 34 ॥
நாராயணோ(அ)க்³ரணீ꞉ ஸாது⁴ர்ஜடாயுப்ரீதிவர்த⁴ன꞉ ।
நைகரூபோ ஜக³ந்நாத²꞉ ஸுரகார்யஹித꞉ ஸ்வபூ⁴꞉ ॥ 35 ॥
ஜிதக்ரோதோ⁴ ஜிதாராதி꞉ ப்லவகா³தி⁴பராஜ்யத³꞉ ।
வஸுத³꞉ ஸுபு⁴ஜோ நைகமாயோ ப⁴வ்யப்ரமோத³ன꞉ ॥ 36 ॥
சண்டா³ம்ʼஶு꞉ ஸித்³தி⁴த³꞉ கல்ப꞉ ஶரணாக³தவத்ஸல꞉ ।
அக³தோ³ ரோக³ஹர்தா ச மந்த்ரஜ்ஞோ மந்த்ரபா⁴வன꞉ ॥ 37 ॥
ஸௌமித்ரிவத்ஸலோ து⁴ர்யோ வ்யக்தாவ்யக்தஸ்வரூபத்⁴ருʼத் ।
வஸிஷ்டோ² க்³ராமணீ꞉ ஶ்ரீமானனுகூல꞉ ப்ரியம்ʼவத³꞉ ॥ 38 ॥
அதுல꞉ ஸாத்த்விகோ தீ⁴ர꞉ ஶராஸனவிஶாரத³꞉ ।
ஜ்யேஷ்ட²꞉ ஸர்வகு³ணோபேத꞉ ஶக்திமாம்ʼஸ்தாடகாந்தக꞉ ॥ 39 ॥
வைகுண்ட²꞉ ப்ராணினாம்ʼ ப்ராண꞉ கமட²꞉ கமலாபதி꞉ ।
கோ³வர்த⁴னத⁴ரோ மத்ஸ்யரூப꞉ காருண்யஸாக³ர꞉ ॥ 40 ॥
கும்ப⁴கர்ணப்ரபே⁴த்தா ச கோ³பீகோ³பாலஸம்ʼவ்ருʼத꞉ ।
மாயாவீ வ்யாபகோ வ்யாபீ ரைணுகேயப³லாபஹ꞉ ॥ 41 ॥ [ஸ்வாபனோ]
பினாகமத²னோ வந்த்³ய꞉ ஸமர்தோ² க³ருட³த்⁴வஜ꞉ ।
லோகத்ரயாஶ்ரயோ லோகசரிதோ ப⁴ரதாக்³ரஜ꞉ ॥ 42 ॥
ஶ்ரீத⁴ர꞉ ஸத்³க³திர்லோகஸாக்ஷீ நாராயணோ பு³த⁴꞉ ।
மனோவேகீ³ மனோரூபீ பூர்ண꞉ புருஷபுங்க³வ꞉ ॥ 43 ॥
யது³ஶ்ரேஷ்டோ² யது³பதிர்பூ⁴தாவாஸ꞉ ஸுவிக்ரம꞉ ।
தேஜோத⁴ரோ த⁴ராதா⁴ரஶ்சதுர்மூர்திர்மஹாநிதி⁴꞉ ॥ 44 ॥
சாணூரமர்த³னோ தி³வ்ய꞉ ஶாந்தோ ப⁴ரதவந்தி³த꞉ ।
ஶப்³தா³திகோ³ க³பீ⁴ராத்மா கோமலாங்க³꞉ ப்ரஜாக³ர꞉ ॥ 45 ॥
லோகக³ர்ப⁴꞉ ஶேஷஶாயீ க்ஷீராப்³தி⁴நிலயோ(அ)மல꞉ ।
ஆத்மயோநிரதீ³னாத்மா ஸஹஸ்ராக்ஷ꞉ ஸஹஸ்ரபாத் ॥ 46 ॥
அம்ருʼதாம்ʼஶுர்மஹாக³ர்போ⁴ நிவ்ருʼத்தவிஷயஸ்ப்ருʼஹ꞉ ।
த்ரிகாலஜ்ஞோ முனி꞉ ஸாக்ஷீ விஹாயஸக³தி꞉ க்ருʼதீ ॥ 47 ॥
பர்ஜன்ய꞉ குமுதோ³ பூ⁴தாவாஸ꞉ கமலலோசன꞉ ।
ஶ்ரீவத்ஸவக்ஷா꞉ ஶ்ரீவாஸோ வீரஹா லக்ஷ்மணாக்³ரஜ꞉ ॥ 48 ॥
லோகாபி⁴ராமோ லோகாரிமர்த³ன꞉ ஸேவகப்ரிய꞉ ।
ஸனாதனதமோ மேக⁴ஶ்யாமலோ ராக்ஷஸாந்தக்ருʼத் ॥ 49 ॥
தி³வ்யாயுத⁴த⁴ர꞉ ஶ்ரீமானப்ரமேயோ ஜிதேந்த்³ரிய꞉ ।
பூ⁴தே³வவந்த்³யோ ஜனகப்ரியக்ருʼத் ப்ரபிதாமஹ꞉ ॥ 50 ॥
உத்தம꞉ ஸாத்த்விக꞉ ஸத்ய꞉ ஸத்யஸந்த⁴ஸ்த்ரிவிக்ரம꞉ ।
ஸுவ்ரத꞉ ஸுலப⁴꞉ ஸூக்ஷ்ம꞉ ஸுகோ⁴ஷ꞉ ஸுக²த³꞉ ஸுதீ⁴꞉ ॥ 51 ॥
தா³மோத³ரோ(அ)ச்யுத꞉ ஶார்ங்கீ³ வாமனோ மது⁴ராதி⁴ப꞉ ।
தே³வகீநந்த³ன꞉ ஶௌரி꞉ ஶூர꞉ கைடப⁴மர்த³ன꞉ ॥ 52 ॥
ஸப்ததாலப்ரபே⁴த்தா ச மித்ரவம்ʼஶப்ரவர்த⁴ன꞉ ।
காலஸ்வரூபீ காலாத்மா கால꞉ கல்யாணத³꞉ கவி꞉ ।
ஸம்ʼவத்ஸர ருʼது꞉ பக்ஷோ ஹ்யயனம்ʼ தி³வஸோ யுக³꞉ ॥ 53 ॥
ஸ்தவ்யோ விவிக்தோ நிர்லேப꞉ ஸர்வவ்யாபீ நிராகுல꞉ ।
அநாதி³நித⁴ன꞉ ஸர்வலோகபூஜ்யோ நிராமய꞉ ॥ 54 ॥
ரஸோ ரஸஜ்ஞ꞉ ஸாரஜ்ஞோ லோகஸாரோ ரஸாத்மக꞉ ।
ஸர்வது³꞉கா²திகோ³ வித்³யாராஶி꞉ பரமகோ³சர꞉ ॥ 55 ॥
ஶேஷோ விஶேஷோ விக³தகல்மஷோ ரகு⁴நாயக꞉ ।
வர்ணஶ்ரேஷ்டோ² வர்ணவாஹ்யோ வர்ண்யோ வர்ண்யகு³ணோஜ்ஜ்வல꞉ ॥ 56 ॥
கர்மஸாக்ஷ்யமரஶ்ரேஷ்டோ² தே³வதே³வ꞉ ஸுக²ப்ரத³꞉ ।
தே³வாதி⁴தே³வோ தே³வர்ஷிர்தே³வாஸுரநமஸ்க்ருʼத꞉ ॥ 57 ॥
ஸர்வதே³வமயஶ்சக்ரீ ஶார்ங்க³பாணீ ரகூ⁴த்தம꞉ ।
மனோ பு³த்³தி⁴ரஹங்கார꞉ ப்ரக்ருʼதி꞉ புருஷோ(அ)வ்யய꞉ ॥ 58 ॥
அஹல்யாபாவன꞉ ஸ்வாமீ பித்ருʼப⁴க்தோ வரப்ரத³꞉ ।
ந்யாயோ ந்யாயீ நயீ ஶ்ரீமான்னயோ நக³த⁴ரோ த்⁴ருவ꞉ ॥ 59 ॥
லக்ஷ்மீவிஶ்வம்ப⁴ராப⁴ர்தா தே³வேந்த்³ரோ ப³லிமர்த³ன꞉ ।
வாணாரிமர்த³னோ யஜ்வானுத்தமோ முநிஸேவித꞉ ॥ 60 ॥
தே³வாக்³ரணீ꞉ ஶிவத்⁴யானதத்பர꞉ பரம꞉ பர꞉ ।
ஸாமகே³ய꞉ ப்ரியோ(அ)க்ரூர꞉ புண்யகீர்தி꞉ ஸுலோசன꞉ ॥ 61 ॥
புண்ய꞉ புண்யாதி⁴க꞉ பூர்வ꞉ பூர்ண꞉ பூரயிதா ரவி꞉ ।
ஜடில꞉ கல்மஷத்⁴வாந்தப்ரப⁴ஞ்ஜனவிபா⁴வஸு꞉ ॥ 62 ॥
அவ்யக்தலக்ஷணோ(அ)வ்யக்தோ த³ஶாஸ்யத்³வீபகேஸரீ ।
கலாநிதி⁴꞉ கலாநாதோ² கமலானந்த³வர்த⁴ன꞉ ॥ 63 ॥
ஜயீ ஜிதாரி꞉ ஸர்வாதி³꞉ ஶமனோ ப⁴வப⁴ஞ்ஜன꞉ ।
அலங்கரிஷ்ணுரசலோ ரோசிஷ்ணுர்விக்ரமோத்தம꞉ ॥ 64 ॥
ஆஶு꞉ ஶப்³த³பதி꞉ ஶப்³த³கோ³சரோ ரஞ்ஜனோ ரகு⁴꞉ ।
நிஶ்ஶப்³த³꞉ ப்ரணவோ மாலீ ஸ்தூ²ல꞉ ஸூக்ஷ்மோ விலக்ஷண꞉ ॥ 65 ॥
ஆத்மயோநிரயோநிஶ்ச ஸப்தஜிஹ்வ꞉ ஸஹஸ்ரபாத் ।
ஸனாதனதம꞉ ஸ்ரக்³வீ பேஶலோ ஜவினாம்ʼ வர꞉ ॥ 66 ॥
ஶக்திமான் ஶங்க²ப்⁴ருʼந்நாத²꞉ க³தா³பத்³மரதா²ங்க³ப்⁴ருʼத் ।
நிரீஹோ நிர்விகல்பஶ்ச சித்³ரூபோ வீதஸாத்⁴வஸ꞉ ॥ 67 ॥
ஶதானன꞉ ஸஹஸ்ராக்ஷ꞉ ஶதமூர்திர்க⁴னப்ரப⁴꞉ ।
ஹ்ருʼத்புண்ட³ரீகஶயன꞉ கடி²னோ த்³ரவ ஏவ ச ॥ 68 ॥
உக்³ரோ க்³ரஹபதி꞉ ஶ்ரீமான் ஸமர்தோ²(அ)னர்த²நாஶன꞉ । [க்ருʼஷ்ணோ]
அத⁴ர்மஶத்ரூ ரக்ஷோக்⁴ன꞉ புருஹூத꞉ புருஷ்டுத꞉ ॥ 69 ॥
ப்³ரஹ்மக³ர்போ⁴ ப்³ருʼஹத்³க³ர்போ⁴ த⁴ர்மதே⁴னுர்த⁴நாக³ம꞉ ।
ஹிரண்யக³ர்போ⁴ ஜ்யோதிஷ்மான் ஸுலலாட꞉ ஸுவிக்ரம꞉ ॥ 70 ॥
ஶிவபூஜாரத꞉ ஶ்ரீமான் ப⁴வானீப்ரியக்ருʼத்³வஶீ ।
நரோ நாராயண꞉ ஶ்யாம꞉ கபர்தீ³ நீலலோஹித꞉ ॥ 71 ॥
ருத்³ர꞉ பஶுபதி꞉ ஸ்தா²ணுர்விஶ்வாமித்ரோ த்³விஜேஶ்வர꞉ ।
மாதாமஹோ மாதரிஶ்வா விரிஞ்சோ விஷ்டரஶ்ரவா꞉ ॥ 72 ॥
அக்ஷோப்⁴ய꞉ ஸர்வபூ⁴தானாம்ʼ சண்ட³꞉ ஸத்யபராக்ரம꞉ ।
வாலகி²ல்யோ மஹாகல்ப꞉ கல்பவ்ருʼக்ஷ꞉ கலாத⁴ர꞉ ॥ 73 ॥
நிதா³க⁴ஸ்தபனோ(அ)மோக⁴꞉ ஶ்லக்ஷ்ண꞉ பரப³லாபஹ்ருʼத் ।
கப³ந்த⁴மத²னோ தி³வ்ய꞉ கம்பு³க்³ரீவ꞉ ஶிவப்ரிய꞉ ॥ 74 ॥
ஶங்கோ²(அ)னில꞉ ஸுநிஷ்பன்ன꞉ ஸுலப⁴꞉ ஶிஶிராத்மக꞉ ।
அஸம்ʼஸ்ருʼஷ்டோ(அ)திதி²꞉ ஶூர꞉ ப்ரமாதீ² பாபநாஶக்ருʼத் ॥ 75 ॥
வஸுஶ்ரவா꞉ கவ்யவாஹ꞉ ப்ரதப்தோ விஶ்வபோ⁴ஜன꞉ ।
ராமோ நீலோத்பலஶ்யாமோ ஜ்ஞானஸ்கந்தோ⁴ மஹாத்³யுதி꞉ ॥ 76 ॥
பவித்ரபாத³꞉ பாபாரிர்மணிபூரோ நபோ⁴க³தி꞉ ।
உத்தாரணோ து³ஷ்க்ருʼதிஹா து³ர்த⁴ர்ஷோ து³ஸ்ஸஹோ(அ)ப⁴ய꞉ ॥ 77 ॥
அம்ருʼதேஶோ(அ)ம்ருʼதவபுர்த⁴ர்மீ த⁴ர்ம꞉ க்ருʼபாகர꞉ ।
ப⁴ர்கோ³ விவஸ்வாநாதி³த்யோ யோகா³சார்யோ தி³வஸ்பதி꞉ ॥ 78 ॥
உதா³ரகீர்திருத்³யோகீ³ வாங்மய꞉ ஸத³ஸன்மய꞉ ।
நக்ஷத்ரமாலீ நாகேஶ꞉ ஸ்வாதி⁴ஷ்டா²னஷடா³ஶ்ரய꞉ ॥ 79 ॥
சதுர்வர்க³ப²லோ வர்ணீ ஶக்தித்ரயப²லம்ʼ நிதி⁴꞉ ।
நிதா⁴நக³ர்போ⁴ நிர்வ்யாஜோ கி³ரீஶோ வ்யாலமர்த³ன꞉ ॥ 80 ॥
ஶ்ரீவல்லப⁴꞉ ஶிவாரம்ப⁴꞉ ஶாந்திர்ப⁴த்³ர꞉ ஸமஞ்ஜஸ꞉ ।
பூ⁴ஶயோ பூ⁴திக்ருʼத்³பூ⁴திர்பூ⁴ஷணோ பூ⁴தவாஹன꞉ ॥ 81 ॥
அகாயோ ப⁴க்தகாயஸ்த²꞉ காலஜ்ஞானீ மஹாவடு꞉ ।
பரார்த²வ்ருʼத்திரசலோ விவிக்த꞉ ஶ்ருதிஸாக³ர꞉ ॥ 82 ॥
ஸ்வபா⁴வப⁴த்³ரோ மத்⁴யஸ்த²꞉ ஸம்ʼஸாரப⁴யநாஶன꞉ ।
வேத்³யோ வைத்³யோ வியத்³கோ³ப்தா ஸர்வாமரமுனீஶ்வர꞉ ॥ 83 ॥
ஸுரேந்த்³ர꞉ கரணம்ʼ கர்ம கர்மக்ருʼத்கர்ம்யதோ⁴க்ஷஜ꞉ ।
த்⁴யேயோ து⁴ர்யோ த⁴ராதீ⁴ஶ꞉ ஸங்கல்ப꞉ ஶர்வரீபதி꞉ ॥ 84 ॥
பரமார்த²கு³ருர்வ்ருʼத்³த⁴꞉ ஶுசிராஶ்ரிதவத்ஸல꞉ ।
விஷ்ணுர்ஜிஷ்ணுர்விபு⁴ர்வந்த்³யோ யஜ்ஞேஶோ யஜ்ஞபாலக꞉ ॥ 85 ॥ [யஜ்ஞோ]
ப்ரப⁴விஷ்ணுர்க்³ரஸிஷ்ணுஶ்ச லோகாத்மா லோகபா⁴வன꞉ ।
கேஶவ꞉ கேஶிஹா காவ்ய꞉ கவி꞉ காரணகாரணம் ॥ 86 ॥
காலகர்தா காலஶேஷோ வாஸுதே³வ꞉ புருஷ்டுத꞉ ।
ஆதி³கர்தா வராஹஶ்ச மாத⁴வோ மது⁴ஸூத³ன꞉ ॥ 87 ॥
நாராயணோ நரோ ஹம்ʼஸோ விஷ்வக்ஸேனோ ஜனார்த³ன꞉ ।
விஶ்வகர்தா மஹாயஜ்ஞோ ஜ்யோதிஷ்மான் புருஷோத்தம꞉ ॥ 88 ॥
வைகுண்ட²꞉ புண்ட³ரீகாக்ஷ꞉ க்ருʼஷ்ண꞉ ஸூர்ய꞉ ஸுரார்சித꞉ ।
நாரஸிம்ʼஹோ மஹாபீ⁴மோ வக்ரத³ம்ʼஷ்ட்ரோ நகா²யுத⁴꞉ ॥ 89 ॥
ஆதி³தே³வோ ஜக³த்கர்தா யோகீ³ஶோ க³ருட³த்⁴வஜ꞉ ।
கோ³விந்தோ³ கோ³பதிர்கோ³ப்தா பூ⁴பதிர்பு⁴வனேஶ்வர꞉ ॥ 90 ॥
பத்³மநாபோ⁴ ஹ்ருʼஷீகேஶோ தா⁴தா தா³மோத³ர꞉ ப்ரபு⁴꞉ ।
த்ரிவிக்ரமஸ்த்ரிலோகேஶோ ப்³ரஹ்மேஶ꞉ ப்ரீதிவர்த⁴ன꞉ ॥ 91 ॥
வாமனோ து³ஷ்டத³மனோ கோ³விந்தோ³ கோ³பவல்லப⁴꞉ ।
ப⁴க்தப்ரியோ(அ)ச்யுத꞉ ஸத்ய꞉ ஸத்யகீர்திர்த்⁴ருʼதி꞉ ஸ்ம்ருʼதி꞉ ॥ 92 ॥
காருண்யம்ʼ கருணோ வ்யாஸ꞉ பாபஹா ஶாந்திவர்த⁴ன꞉ ।
ஸம்ʼந்யாஸீ ஶாஸ்த்ரதத்த்வஜ்ஞோ மந்த³ராத்³ரிநிகேதன꞉ ॥ 93 ॥
ப³த³ரீநிலய꞉ ஶாந்தஸ்தபஸ்வீ வைத்³யுதப்ரப⁴꞉ ।
பூ⁴தாவாஸோ கு³ஹாவாஸ꞉ ஶ்ரீநிவாஸ꞉ ஶ்ரிய꞉ பதி꞉ ॥ 94 ॥
தபோவாஸோ முதா³வாஸ꞉ ஸத்யவாஸ꞉ ஸனாதன꞉ ।
புருஷ꞉ புஷ்கர꞉ புண்ய꞉ புஷ்கராக்ஷோ மஹேஶ்வர꞉ ॥ 95 ॥
பூர்ணமூர்தி꞉ புராணஜ்ஞ꞉ புண்யத³꞉ புண்யவர்த⁴ன꞉ ।
ஶங்கீ² சக்ரீ க³தீ³ ஶார்ங்கீ³ லாங்க³லீ முஸலீ ஹலீ ॥ 96 ॥
கிரீடீ குண்ட³லீ ஹாரீ மேக²லீ கவசீ த்⁴வஜீ ।
யோத்³தா⁴ ஜேதா மஹாவீர்ய꞉ ஶத்ருஜிச்ச²த்ருதாபன꞉ ॥ 97 ॥
ஶாஸ்தா ஶாஸ்த்ரகர꞉ ஶாஸ்த்ரம்ʼ ஶங்கர꞉ ஶங்கரஸ்துத꞉ ।
ஸாரதி²꞉ ஸாத்த்விக꞉ ஸ்வாமீ ஸாமவேத³ப்ரிய꞉ ஸம꞉ ॥ 98 ॥
பவன꞉ ஸம்ʼஹத꞉ ஶக்தி꞉ ஸம்பூர்ணாங்க³꞉ ஸம்ருʼத்³தி⁴மான் । [ஸாஹஸ꞉]
ஸ்வர்க³த³꞉ காமத³꞉ ஶ்ரீத³꞉ கீர்திதோ³(அ)கீர்திநாஶன꞉ ॥ 99 ॥
மோக்ஷத³꞉ புண்ட³ரீகாக்ஷ꞉ க்ஷீராப்³தி⁴க்ருʼதகேதன꞉ ।
ஸர்வாத்மா ஸர்வலோகேஶ꞉ ப்ரேரக꞉ பாபநாஶன꞉ ॥ 100 ॥
ஸர்வவ்யாபீ ஜக³ந்நாத²꞉ ஸர்வலோகமஹேஶ்வர꞉ । [ஸர்வதே³வோ]
ஸர்க³ஸ்தி²த்யந்தக்ருʼத்³தே³வ꞉ ஸர்வலோகஸுகா²வஹ꞉ ॥ 101 ॥
அக்ஷய்ய꞉ ஶாஶ்வதோ(அ)னந்த꞉ க்ஷயவ்ருʼத்³தி⁴விவர்ஜித꞉ ।
நிர்லேபோ நிர்கு³ண꞉ ஸூக்ஷ்மோ நிர்விகாரோ நிரஞ்ஜன꞉ ॥ 102 ॥
ஸர்வோபாதி⁴விநிர்முக்த꞉ ஸத்தாமாத்ரவ்யவஸ்தி²த꞉ ।
அதி⁴காரீ விபு⁴ர்நித்ய꞉ பரமாத்மா ஸனாதன꞉ ॥ 103 ॥
அசலோ நிர்மலோ வ்யாபீ நித்யத்ருʼப்தோ நிராஶ்ரய꞉ ।
ஶ்யாமோ யுவா லோஹிதாக்ஷோ தீ³ப்தாஸ்யோ மிதபா⁴ஷண꞉ ॥ 104 ॥
ஆஜானுபா³ஹு꞉ ஸுமுக²꞉ ஸிம்ʼஹஸ்கந்தோ⁴ மஹாபு⁴ஜ꞉ ।
ஸத்யவான் கு³ணஸம்பன்ன꞉ ஸ்வயந்தேஜா꞉ ஸுதீ³ப்திமான் ॥ 105 ॥
காலாத்மா ப⁴க³வான் கால꞉ காலசக்ரப்ரவர்தக꞉ ।
நாராயண꞉ பரஞ்ஜ்யோதி꞉ பரமாத்மா ஸனாதன꞉ ॥ 106 ॥
விஶ்வஸ்ருʼட்³விஶ்வகோ³ப்தா ச விஶ்வபோ⁴க்தா ச ஶாஶ்வத꞉ ।
விஶ்வேஶ்வரோ விஶ்வமூர்திர்விஶ்வாத்மா விஶ்வபா⁴வன꞉ ॥ 107 ॥
ஸர்வபூ⁴தஸுஹ்ருʼச்சா²ந்த꞉ ஸர்வபூ⁴தானுகம்பன꞉ ।
ஸர்வேஶ்வரேஶ்வர꞉ ஸர்வ꞉ ஶ்ரீமாநாஶ்ரிதவத்ஸல꞉ ॥ 108 ॥
ஸர்வக³꞉ ஸர்வபூ⁴தேஶ꞉ ஸர்வபூ⁴தாஶயஸ்தி²த꞉ ।
அப்⁴யந்தரஸ்த²ஸ்தமஸஶ்சே²த்தா நாராயண꞉ பர꞉ ॥ 109 ॥
அநாதி³நித⁴ன꞉ ஸ்ரஷ்டா ப்ரஜாபதிபதிர்ஹரி꞉ ।
நரஸிம்ʼஹோ ஹ்ருʼஷீகேஶ꞉ ஸர்வாத்மா ஸர்வத்³ருʼக்³வஶீ ॥ 110 ॥
ஜக³தஸ்தஸ்து²ஷஶ்சைவ ப்ரபு⁴ர்னேதா ஸனாதன꞉ ।
கர்தா தா⁴தா விதா⁴தா ச ஸர்வேஷாம்ʼ ப்ரபு⁴ரீஶ்வர꞉ ॥ 111 ॥
ஸஹஸ்ரமூர்திர்விஶ்வாத்மா விஷ்ணுர்விஶ்வத்³ருʼக³வ்யய꞉ ।
புராணபுருஷ꞉ ஸ்ரஷ்டா ஸஹஸ்ராக்ஷ꞉ ஸஹஸ்ரபாத் ॥ 112 ॥
தத்த்வம்ʼ நாராயணோ விஷ்ணுர்வாஸுதே³வ꞉ ஸனாதன꞉ ।
பரமாத்மா பரம்ʼ ப்³ரஹ்ம ஸச்சிதா³னந்த³விக்³ரஹ꞉ ॥ 113 ॥
பரஞ்ஜ்யோதி꞉ பரந்தா⁴ம꞉ பராகாஶ꞉ பராத்பர꞉ ।
அச்யுத꞉ புருஷ꞉ க்ருʼஷ்ண꞉ ஶாஶ்வத꞉ ஶிவ ஈஶ்வர꞉ ॥ 114 ॥
நித்ய꞉ ஸர்வக³த꞉ ஸ்தா²ணுருக்³ர꞉ ஸாக்ஷீ ப்ரஜாபதி꞉ ।
ஹிரண்யக³ர்ப⁴꞉ ஸவிதா லோகக்ருʼல்லோகப்⁴ருʼத்³விபு⁴꞉ ॥ 115 ॥
ராம꞉ ஶ்ரீமான் மஹாவிஷ்ணுர்ஜிஷ்ணுர்தே³வஹிதாவஹ꞉ ।
தத்த்வாத்மா தாரகம்ʼ ப்³ரஹ்ம ஶாஶ்வத꞉ ஸர்வஸித்³தி⁴த³꞉ ॥ 116 ॥
அகாரவாச்யோ ப⁴க³வான் ஶ்ரீர்பூ⁴லீலாபதி꞉ புமான் ।
ஸர்வலோகேஶ்வர꞉ ஶ்ரீமான் ஸர்வஜ்ஞ꞉ ஸர்வதோமுக²꞉ ॥ 117 ॥
ஸ்வாமீ ஸுஶீல꞉ ஸுலப⁴꞉ ஸர்வஜ்ஞ꞉ ஸர்வஶக்திமான் ।
நித்ய꞉ ஸம்பூர்ணகாமஶ்ச நைஸர்கி³கஸுஹ்ருʼத்ஸுகீ² ॥ 118 ॥
க்ருʼபாபீயூஷஜலதி⁴꞉ ஶரண்ய꞉ ஸர்வதே³ஹினாம் ।
ஶ்ரீமாந்நாராயண꞉ ஸ்வாமீ ஜக³தாம்ʼ பதிரீஶ்வர꞉ ॥ 119 ॥
ஶ்ரீஶ꞉ ஶரண்யோ பூ⁴தானாம்ʼ ஸம்ʼஶ்ரிதாபீ⁴ஷ்டதா³யக꞉ ।
அனந்த꞉ ஶ்ரீபதீ ராமோ கு³ணப்⁴ருʼந்நிர்கு³ணோ மஹான் ॥ 120 ॥
இதி ஶ்ரீஆனந்த³ராமாயணே வால்மீகீயே ஶ்ரீராமஸஹஸ்ரநாமஸ்தோத்ரம் ।
Recite with devotion and pure heart
Regular practice brings spiritual benefits