ശ്രീ രാമ പഞ്ച രത്ന സ്തോത്രം

കഞ്ജാതപത്രായത ലോചനായ കർണാവതംസോജ്ജ്വല കുണ്ഡലായ

കാരുണ്യപാത്രായ സുവംശജായ നമോസ്തു രാമായസലക്ഷ്മണായ ॥ 1 ॥

വിദ്യുന്നിഭാംഭോദ സുവിഗ്രഹായ വിദ്യാധരൈസ്സംസ്തുത സദ്ഗുണായ

വീരാവതാരയ വിരോധിഹർത്രേ നമോസ്തു രാമായസലക്ഷ്മണായ ॥ 2 ॥

സംസക്ത ദിവ്യായുധ കാർമുകായ സമുദ്ര ഗർവാപഹരായുധായ

സുഗ്രീവമിത്രായ സുരാരിഹന്ത്രേ നമോസ്തു രാമായസലക്ഷ്മണായ ॥ 3 ॥

പീതാംബരാലങ്കൃത മധ്യകായ പിതാമഹേന്ദ്രാമര വന്ദിതായ

പിത്രേ സ്വഭക്തസ്യ ജനസ്യ മാത്രേ നമോസ്തു രാമായസലക്ഷ്മണായ ॥ 4 ॥

നമോ നമസ്തേ ഖില പൂജിതായ നമോ നമസ്തേന്ദുനിഭാനനായ

നമോ നമസ്തേ രഘുവംശജായ നമോസ്തു രാമായസലക്ഷ്മണായ ॥ 5 ॥

ഇമാനി പഞ്ചരത്നാനി ത്രിസന്ധ്യം യഃ പഠേന്നരഃ

സർവപാപ വിനിർമുക്തഃ സ യാതി പരമാം ഗതിം ॥

ഇതി ശ്രീശങ്കരാചാര്യ വിരചിത ശ്രീരാമപഞ്ചരത്നം സമ്പൂർണം

Recite with devotion and pure heart

Regular practice brings spiritual benefits