അഗസ്തിരുവാച ആജാനുബാഹുമരവിന്ദദലായതാക്ഷ- -മാജന്മശുദ്ധരസഹാസമുഖപ്രസാദം । ശ്യാമം ഗൃഹീത ശരചാപമുദാരരൂപം രാമം സരാമമഭിരാമമനുസ്മരാമി ॥ 1 ॥ അസ്യ ശ്രീരാമകവചസ്യ അഗസ്ത്യ ഋഷിഃ അനുഷ്ടുപ് ഛന്ദഃ സീതാലക്ഷ്മണോപേതഃ ശ്രീരാമചന്ദ്രോ ദേവതാ ശ്രീരാമചന്ദ്രപ്രസാദസിദ്ധ്യർഥേ ജപേ വിനിയോഗഃ । അഥ ധ്യാനം നീലജീമൂതസങ്കാശം വിദ്യുദ്വർണാംബരാവൃതം । കോമലാംഗം വിശാലാക്ഷം യുവാനമതിസുന്ദരം ॥ 1 ॥ സീതാസൗമിത്രിസഹിതം ജടാമുകുടധാരിണം । സാസിതൂണധനുർബാണപാണിം ദാനവമർദനം ॥ 2 ॥ യദാ ചോരഭയേ രാജഭയേ ശത്രുഭയേ തഥാ । ധ്യാത്വാ രഘുപതിം ക്രുദ്ധം കാലാനലസമപ്രഭം ॥ 3 ॥ ചീരകൃഷ്ണാജിനധരം ഭസ്മോദ്ധൂലിതവിഗ്രഹം । ആകർണാകൃഷ്ടവിശിഖകോദണ്ഡഭുജമണ്ഡിതം ॥ 4 ॥ രണേ രിപൂൻ രാവണാദീംസ്തീക്ഷ്ണമാർഗണവൃഷ്ടിഭിഃ । സംഹരന്തം മഹാവീരമുഗ്രമൈന്ദ്രരഥസ്ഥിതം ॥ 5 ॥ ലക്ഷ്മണാദ്യൈർമഹാവീരൈർവൃതം ഹനുമദാദിഭിഃ । സുഗ്രീവാദ്യൈർമാഹാവീരൈഃ ശൈലവൃക്ഷകരോദ്യതൈഃ ॥ 6 ॥ വേഗാത്കരാലഹുങ്കാരൈർഭുഭുക്കാരമഹാരവൈഃ । നദദ്ഭിഃ പരിവാദദ്ഭിഃ സമരേ രാവണം പ്രതി ॥ 7 ॥ ശ്രീരാമ ശത്രുസംഘാന്മേ ഹന മർദയ ഖാദയ । ഭൂതപ്രേതപിശാചാദീൻ ശ്രീരാമാശു വിനാശയ ॥ 8 ॥ ഏവം ധ്യാത്വാ ജപേദ്രാമകവചം സിദ്ധിദായകം । സുതീക്ഷ്ണ വജ്രകവചം ശൃണു വക്ഷ്യാമ്യനുത്തമം ॥ 9 ॥ അഥ കവചം ശ്രീരാമഃ പാതു മേ മൂർധ്നി പൂർവേ ച രഘുവംശജഃ । ദക്ഷിണേ മേ രഘുവരഃ പശ്ചിമേ പാതു പാവനഃ ॥ 10 ॥ ഉത്തരേ മേ രഘുപതിർഭാലം ദശരഥാത്മജഃ । ഭ്രുവോർദൂർവാദലശ്യാമസ്തയോർമധ്യേ ജനാർദനഃ ॥ 11 ॥ ശ്രോത്രം മേ പാതു രാജേന്ദ്രോ ദൃശൗ രാജീവലോചനഃ । ഘ്രാണം മേ പാതു രാജർഷിർഗണ്ഡൗ മേ ജാനകീപതിഃ ॥ 12 ॥ കർണമൂലേ ഖരധ്വംസീ ഭാലം മേ രഘുവല്ലഭഃ । ജിഹ്വാം മേ വാക്പതിഃ പാതു ദന്തപങ്ക്തീ രഘൂത്തമഃ ॥ 13 ॥ ഓഷ്ഠൗ ശ്രീരാമചന്ദ്രോ മേ മുഖം പാതു പരാത്പരഃ । കണ്ഠം പാതു ജഗദ്വന്ദ്യഃ സ്കന്ധൗ മേ രാവണാന്തകഃ ॥ 14 ॥ ധനുർബാണധരഃ പാതു ഭുജൗ മേ വാലിമർദനഃ । സർവാണ്യംഗുലിപർവാണി ഹസ്തൗ മേ രാക്ഷസാന്തകഃ ॥ 15 ॥ വക്ഷോ മേ പാതു കാകുത്സ്ഥഃ പാതു മേ ഹൃദയം ഹരിഃ । സ്തനൗ സീതാപതിഃ പാതു പാർശ്വം മേ ജഗദീശ്വരഃ ॥ 16 ॥ മധ്യം മേ പാതു ലക്ഷ്മീശോ നാഭിം മേ രഘുനായകഃ । കൗസല്യേയഃ കടീ പാതു പൃഷ്ഠം ദുർഗതിനാശനഃ ॥ 17 ॥ ഗുഹ്യം പാതു ഹൃഷീകേശഃ സക്ഥിനീ സത്യവിക്രമഃ । ഊരൂ ശാർങ്ഗധരഃ പാതു ജാനുനീ ഹനുമത്പ്രിയഃ ॥ 18 ॥ ജംഘേ പാതു ജഗദ്വ്യാപീ പാദൗ മേ താടകാന്തകഃ । സർവാംഗം പാതു മേ വിഷ്ണുഃ സർവസന്ധീനനാമയഃ ॥ 19 ॥ ജ്ഞാനേന്ദ്രിയാണി പ്രാണാദീൻ പാതു മേ മധുസൂദനഃ । പാതു ശ്രീരാമഭദ്രോ മേ ശബ്ദാദീന്വിഷയാനപി ॥ 20 ॥ ദ്വിപദാദീനി ഭൂതാനി മത്സംബന്ധീനി യാനി ച । ജാമദഗ്ന്യമഹാദർപദലനഃ പാതു താനി മേ ॥ 21 ॥ സൗമിത്രിപൂർവജഃ പാതു വാഗാദീനീന്ദ്രിയാണി ച । രോമാങ്കുരാണ്യശേഷാണി പാതു സുഗ്രീവരാജ്യദഃ ॥ 22 ॥ വാങ്മനോബുദ്ധ്യഹങ്കാരൈർജ്ഞാനാജ്ഞാനകൃതാനി ച । ജന്മാന്തരകൃതാനീഹ പാപാനി വിവിധാനി ച ॥ 23 ॥ താനി സർവാണി ദഗ്ധ്വാശു ഹരകോദണ്ഡഖണ്ഡനഃ । പാതു മാം സർവതോ രാമഃ ശാർങ്ഗബാണധരഃ സദാ ॥ 24 ॥ ഇതി ശ്രീരാമചന്ദ്രസ്യ കവചം വജ്രസമ്മിതം । ഗുഹ്യാദ്ഗുഹ്യതമം ദിവ്യം സുതീക്ഷ്ണ മുനിസത്തമ ॥ 25 ॥ യഃ പഠേച്ഛൃണുയാദ്വാപി ശ്രാവയേദ്വാ സമാഹിതഃ । സ യാതി പരമം സ്ഥാനം രാമചന്ദ്രപ്രസാദതഃ ॥ 26 ॥ മഹാപാതകയുക്തോ വാ ഗോഘ്നോ വാ ഭ്രൂണഹാ തഥാ । ശ്രീരാമചന്ദ്രകവചപഠനാച്ഛുദ്ധിമാപ്നുയാത് ॥ 27 ॥ ബ്രഹ്മഹത്യാദിഭിഃ പാപൈർമുച്യതേ നാത്ര സംശയഃ । ഭോ സുതീക്ഷ്ണ യഥാ പൃഷ്ടം ത്വയാ മമ പുരാഃ ശുഭം । തഥാ ശ്രീരാമകവചം മയാ തേ വിനിവേദിതം ॥ 28 ॥ ഇതി ശ്രീമദാനന്ദരാമായണേ മനോഹരകാണ്ഡേ സുതീക്ഷ്ണാഗസ്ത്യസംവാദേ ശ്രീരാമകവചം ॥