ಶ್ರೀ ರಾಮಚಂದ್ರ ಸ್ತುತಿಃ

ನಮಾಮಿ ಭಕ್ತವತ್ಸಲಂ ಕೃಪಾಲು ಶೀಲಕೋಮಲಂ

ಭಜಾಮಿ ತೇ ಪದಾಂಬುಜಂ ಹ್ಯಕಾಮಿನಾಂ ಸ್ವಧಾಮದಂ ।

ನಿಕಾಮಶ್ಯಾಮಸುಂದರಂ ಭವಾಂಬುವಾರ್ಧಿಮಂದರಂ

ಪ್ರಫುಲ್ಲಕಂಜಲೋಚನಂ ಮದಾದಿದೋಷಮೋಚನಂ ॥ 1 ॥

ಪ್ರಲಂಬಬಾಹುವಿಕ್ರಮಂ ಪ್ರಭೋಽಪ್ರಮೇಯವೈಭವಂ

ನಿಷಂಗಚಾಪಸಾಯಕಂ ಧರಂ ತ್ರಿಲೋಕನಾಯಕಂ ।

ದಿನೇಶವಂಶಮಂಡನಂ ಮಹೇಶಚಾಪಖಂಡನಂ

ಮುನೀಂದ್ರಚಿತ್ತರಂಜನಂ ಸುರಾರಿಬೃಂದಭಂಜನಂ ॥ 2 ॥

ಮನೋಜವೈರಿವಂದಿತಂ ಹ್ಯಜಾದಿದೇವಸೇವಿತಂ

ವಿಶುದ್ಧಬೋಧವಿಗ್ರಹಂ ಸಮಸ್ತದೂಷಣಾಪಹಂ ।

ನಮಾಮಿ ಜಾನಕೀಪತಿಂ ಸುಖಾಕರಂ ಸತಾಂ ಗತಿಂ

ಭಜೇ ಸಶಕ್ತಿಸಾನುಜಂ ಶಚೀಪತಿಪ್ರಿಯಾನುಜಂ ॥ 3 ॥

ತ್ವದಂಘ್ರಿಸೀಮ ಯೇ ನರಾ ಭಜಂತಿ ಹೀನಮತ್ಸರಾಃ

ಪತಂತಿ ನೋ ಭವಾರ್ಣವೇ ವಿತರ್ಕವೀಚಿಸಂಕುಲೇ ।

ವಿವಿಕ್ತವಾಸಿನಃ ಸದಾ ಭಜಂತಿ ಮುಕ್ತಯೇ ಮುದಾ

ನಿರಸ್ಯ ಹೀಂದ್ರಿಯಾದಿಕಂ ಪ್ರಯಾಂತಿ ತೇ ಗತಿಂ ಸ್ವಕಂ ॥ 4 ॥

ತ್ವಮೇಕಮದ್ಭುತಂ ಪ್ರಭುಂ ನಿರೀಹಮೀಶ್ವರಂ ವಿಭುಂ

ಜಗದ್ಗುರುಂ ಚ ಶಾಶ್ವತಂ ತುರೀಯಮೇವ ಕೇವಲಂ ।

ಭಜಾಮಿ ಭಾವವಲ್ಲಭಂ ಸುಯೋಗಿನಾಂ ಸುದುರ್ಲಭಂ

ಸ್ವಭಕ್ತಕಲ್ಪಪಾದಪಂ ಸಮಸ್ತಸೇವ್ಯಮನ್ವಹಂ ॥ 5 ॥

ಅನೂಪರೂಪಭೂಪತಿಂ ನತೋಽಹಮುರ್ವಿಜಾಪತಿಂ

ಪ್ರಸೀದ ಮೇ ನಮಾಮಿ ತೇ ಪದಾಬ್ಜಭಕ್ತಿ ದೇಹಿ ಮೇ ।

ಪಠಂತಿ ಯೇ ಸ್ತವಂ ತ್ವಿದಂ ಸದಾದರೇಣ ತೇ ಪದಂ

ವ್ರಜಂತಿ ನಾತ್ರ ಸಂಶಯಂ ತ್ವದೀಯ ಭಕ್ತಿಸಮ್ಯುತಾಃ ॥ 6 ॥

ಇತಿ ಶ್ರೀರಾಮಚಂದ್ರ ಸ್ತುತಿಃ ।

Recite with devotion and pure heart

Regular practice brings spiritual benefits