हैंహైHaindavamஹிહિં
📍
Font Size:
ஶ்ரீ ராம பு⁴ஜங்க³ப்ரயாத ஸ்தோத்ரம்
விஶுத்³த⁴ம்ʼ பரம்ʼ ஸச்சிதா³னந்த³ரூபம்ʼ
கு³ணாதா⁴ரமாதா⁴ரஹீனம்ʼ வரேண்யம் ।
மஹாந்தம்ʼ விபா⁴ந்தம்ʼ கு³ஹாந்தம்ʼ கு³ணாந்தம்ʼ
ஸுகா²ந்தம்ʼ ஸ்வயம்ʼ தா⁴ம ராமம்ʼ ப்ரபத்³யே ॥ 1 ॥
ஶிவம்ʼ நித்யமேகம்ʼ விபு⁴ம்ʼ தாரகாக்²யம்ʼ
ஸுகா²காரமாகாரஶூன்யம்ʼ ஸுமான்யம் ।
மஹேஶம்ʼ கலேஶம்ʼ ஸுரேஶம்ʼ பரேஶம்ʼ
நரேஶம்ʼ நிரீஶம்ʼ மஹீஶம்ʼ ப்ரபத்³யே ॥ 2 ॥
யதா³வர்ணயத்கர்ணமூலே(அ)ந்தகாலே
ஶிவோ ராம ராமேதி ராமேதி காஶ்யாம் ।
ததே³கம்ʼ பரம்ʼ தாரகப்³ரஹ்மரூபம்ʼ
ப⁴ஜே(அ)ஹம்ʼ ப⁴ஜே(அ)ஹம்ʼ ப⁴ஜே(அ)ஹம்ʼ ப⁴ஜே(அ)ஹம் ॥ 3 ॥
மஹாரத்னபீடே² ஶுபே⁴ கல்பமூலே
ஸுகா²ஸீனமாதி³த்யகோடிப்ரகாஶம் ।
ஸதா³ ஜானகீலக்ஷ்மணோபேதமேகம்ʼ
ஸதா³ ராமசந்த்³ரம்ʼ ப⁴ஜே(அ)ஹம்ʼ ப⁴ஜே(அ)ஹம் ॥ 4 ॥
க்வணத்³ரத்னமஞ்ஜீரபாதா³ரவிந்த³ம்ʼ
லஸன்மேக²லாசாருபீதாம்ப³ராட்⁴யம் ।
மஹாரத்னஹாரோல்லஸத்கௌஸ்துபா⁴ங்க³ம்ʼ
நத³ச்சஞ்சரீமஞ்ஜரீலோலமாலம் ॥ 5 ॥
லஸச்சந்த்³ரிகாஸ்மேரஶோணாத⁴ராப⁴ம்ʼ
ஸமுத்³யத்பதங்கே³ந்து³கோடிப்ரகாஶம் ।
நமத்³ப்³ரஹ்மருத்³ராதி³கோடீரரத்ன
ஸ்பு²ரத்காந்திநீராஜனாராதி⁴தாங்க்⁴ரிம் ॥ 6 ॥
புர꞉ ப்ராஞ்ஜலீனாஞ்ஜனேயாதி³ப⁴க்தான்
ஸ்வசின்முத்³ரயா ப⁴த்³ரயா போ³த⁴யந்தம் ।
ப⁴ஜே(அ)ஹம்ʼ ப⁴ஜே(அ)ஹம்ʼ ஸதா³ ராமசந்த்³ரம்ʼ
த்வத³ன்யம்ʼ ந மன்யே ந மன்யே ந மன்யே ॥ 7 ॥
யதா³ மத்ஸமீபம்ʼ க்ருʼதாந்த꞉ ஸமேத்ய
ப்ரசண்ட³ப்ரகோபைர்ப⁴டைர்பீ⁴ஷயேன்மாம் ।
ததா³விஷ்கரோஷி த்வதீ³யம்ʼ ஸ்வரூபம்ʼ
ஸதா³பத்ப்ரணாஶம்ʼ ஸகோத³ண்ட³பா³ணம் ॥ 8 ॥
நிஜே மானஸே மந்தி³ரே ஸந்நிதே⁴ஹி
ப்ரஸீத³ ப்ரஸீத³ ப்ரபோ⁴ ராமசந்த்³ர ।
ஸஸௌமித்ரிணா கைகயீநந்த³னேன
ஸ்வஶக்த்யானுப⁴க்த்யா ச ஸம்ʼஸேவ்யமான ॥ 9 ॥
ஸ்வப⁴க்தாக்³ரக³ண்யை꞉ கபீஶைர்மஹீஶை-
-ரனீகைரனேகைஶ்ச ராம ப்ரஸீத³ ।
நமஸ்தே நமோ(அ)ஸ்த்வீஶ ராம ப்ரஸீத³
ப்ரஶாதி⁴ ப்ரஶாதி⁴ ப்ரகாஶம்ʼ ப்ரபோ⁴ மாம் ॥ 10 ॥
த்வமேவாஸி தை³வம்ʼ பரம்ʼ மே யதே³கம்ʼ
ஸுசைதன்யமேதத்த்வத³ன்யம்ʼ ந மன்யே ।
யதோ(அ)பூ⁴த³மேயம்ʼ வியத்³வாயுதேஜோ
ஜலோர்வ்யாதி³கார்யம்ʼ சரம்ʼ சாசரம்ʼ ச ॥ 11 ॥
நம꞉ ஸச்சிதா³னந்த³ரூபாய தஸ்மை
நமோ தே³வதே³வாய ராமாய துப்⁴யம் ।
நமோ ஜானகீஜீவிதேஶாய துப்⁴யம்ʼ
நம꞉ புண்ட³ரீகாயதாக்ஷாய துப்⁴யம் ॥ 12 ॥
நமோ ப⁴க்தியுக்தானுரக்தாய துப்⁴யம்ʼ
நம꞉ புண்யபுஞ்ஜைகலப்⁴யாய துப்⁴யம் ।
நமோ வேத³வேத்³யாய சாத்³யாய பும்ʼஸே
நம꞉ ஸுந்த³ராயேந்தி³ராவல்லபா⁴ய ॥ 13 ॥
நமோ விஶ்வகர்த்ரே நமோ விஶ்வஹர்த்ரே
நமோ விஶ்வபோ⁴க்த்ரே நமோ விஶ்வமாத்ரே ।
நமோ விஶ்வநேத்ரே நமோ விஶ்வஜேத்ரே
நமோ விஶ்வபித்ரே நமோ விஶ்வமாத்ரே ॥ 14 ॥
நமஸ்தே நமஸ்தே ஸமஸ்தப்ரபஞ்ச-
-ப்ரபோ⁴க³ப்ரயோக³ப்ரமாணப்ரவீண ।
மதீ³யம்ʼ மனஸ்த்வத்பத³த்³வந்த்³வஸேவாம்ʼ
விதா⁴தும்ʼ ப்ரவ்ருʼத்தம்ʼ ஸுசைதன்யஸித்³த்⁴யை ॥ 15 ॥
ஶிலாபி த்வத³ங்க்⁴ரிக்ஷமாஸங்கி³ரேணு
ப்ரஸாதா³த்³தி⁴ சைதன்யமாத⁴த்த ராம ।
நரஸ்த்வத்பத³த்³வந்த்³வஸேவாவிதா⁴னா-
-த்ஸுசைதன்யமேதீதி கிம்ʼ சித்ரமத்ர ॥ 16 ॥
பவித்ரம்ʼ சரித்ரம்ʼ விசித்ரம்ʼ த்வதீ³யம்ʼ
நரா யே ஸ்மரந்த்யன்வஹம்ʼ ராமசந்த்³ர ।
ப⁴வந்தம்ʼ ப⁴வாந்தம்ʼ ப⁴ரந்தம்ʼ ப⁴ஜந்தோ
லப⁴ந்தே க்ருʼதாந்தம்ʼ ந பஶ்யந்த்யதோ(அ)ந்தே ॥ 17 ॥
ஸ புண்ய꞉ ஸ க³ண்ய꞉ ஶரண்யோ மமாயம்ʼ
நரோ வேத³ யோ தே³வசூடா³மணிம்ʼ த்வாம் ।
ஸதா³காரமேகம்ʼ சிதா³னந்த³ரூபம்ʼ
மனோவாக³க³ம்யம்ʼ பரம்ʼ தா⁴ம ராம ॥ 18 ॥
ப்ரசண்ட³ப்ரதாபப்ரபா⁴வாபி⁴பூ⁴த-
-ப்ரபூ⁴தாரிவீர ப்ரபோ⁴ ராமசந்த்³ர ।
ப³லம்ʼ தே கத²ம்ʼ வர்ண்யதே(அ)தீவ பா³ல்யே
யதோ(அ)க²ண்டி³ சண்டீ³ஶகோத³ண்ட³த³ண்ட³ம் ॥ 19 ॥
த³ஶக்³ரீவமுக்³ரம்ʼ ஸபுத்ரம்ʼ ஸமித்ரம்ʼ
ஸரித்³து³ர்க³மத்⁴யஸ்த²ரக்ஷோக³ணேஶம் ।
ப⁴வந்தம்ʼ வினா ராம வீரோ நரோ வா
ஸுரோ வா(அ)மரோ வா ஜயேத்கஸ்த்ரிலோக்யாம் ॥ 20 ॥
ஸதா³ ராம ராமேதி ராமாம்ருʼதம்ʼ தே
ஸதா³ராமமாநந்த³நிஷ்யந்த³கந்த³ம் ।
பிப³ந்தம்ʼ நமந்தம்ʼ ஸுத³ந்தம்ʼ ஹஸந்தம்ʼ
ஹனூமந்தமந்தர்ப⁴ஜே தம்ʼ நிதாந்தம் ॥ 21 ॥
ஸதா³ ராம ராமேதி ராமாம்ருʼதம்ʼ தே
ஸதா³ராமமாநந்த³நிஷ்யந்த³கந்த³ம் ।
பிப³ன்னன்வஹம்ʼ நன்வஹம்ʼ நைவ ம்ருʼத்யோ-
-ர்பி³பே⁴மி ப்ரஸாதா³த³ஸாதா³த்தவைவ ॥ 22 ॥
அஸீதாஸமேதைரகோத³ண்ட³பூ⁴ஷை-
-ரஸௌமித்ரிவந்த்³யைரசண்ட³ப்ரதாபை꞉ ।
அலங்கேஶகாலைரஸுக்³ரீவமித்ரை-
-ரராமாபி⁴தே⁴யைரலம்ʼ தை³வதைர்ன꞉ ॥ 23 ॥
அவீராஸனஸ்தை²ரசின்முத்³ரிகாட்⁴யை-
-ரப⁴க்தாஞ்ஜனேயாதி³தத்த்வப்ரகாஶை꞉ ।
அமந்தா³ரமூலைரமந்தா³ரமாலை-
-ரராமாபி⁴தே⁴யைரலம்ʼ தை³வதைர்ன꞉ ॥ 24 ॥
அஸிந்து⁴ப்ரகோபைரவந்த்³யப்ரதாபை-
-ரப³ந்து⁴ப்ரயாணைரமந்த³ஸ்மிதாட்⁴யை꞉ ।
அத³ண்ட³ப்ரவாஸைரக²ண்ட³ப்ரபோ³தை⁴-
-ரராமாபி⁴தே⁴யைரலம்ʼ தை³வதைர்ன꞉ ॥ 25 ॥
ஹரே ராம ஸீதாபதே ராவணாரே
க²ராரே முராரே(அ)ஸுராரே பரேதி ।
லபந்தம்ʼ நயந்தம்ʼ ஸதா³காலமேவம்ʼ
ஸமாலோகயாலோகயாஶேஷப³ந்தோ⁴ ॥ 26 ॥
நமஸ்தே ஸுமித்ராஸுபுத்ராபி⁴வந்த்³ய
நமஸ்தே ஸதா³ கைகயீநந்த³னேட்³ய ।
நமஸ்தே ஸதா³ வானராதீ⁴ஶவந்த்³ய
நமஸ்தே நமஸ்தே ஸதா³ ராமசந்த்³ர ॥ 27 ॥
ப்ரஸீத³ ப்ரஸீத³ ப்ரசண்ட³ப்ரதாப
ப்ரஸீத³ ப்ரஸீத³ ப்ரசண்டா³ரிகால ।
ப்ரஸீத³ ப்ரஸீத³ ப்ரபன்னானுகம்பின்
ப்ரஸீத³ ப்ரஸீத³ ப்ரபோ⁴ ராமசந்த்³ர ॥ 28 ॥
பு⁴ஜங்க³ப்ரயாதம்ʼ பரம்ʼ வேத³ஸாரம்ʼ
முதா³ ராமசந்த்³ரஸ்ய ப⁴க்த்யா ச நித்யம் ।
பட²ன்ஸந்ததம்ʼ சிந்தயன்ஸ்வாந்தரங்கே³
ஸ ஏவ ஸ்வயம்ʼ ராமசந்த்³ர꞉ ஸ த⁴ன்ய꞉ ॥ 29 ॥
இதி ஶ்ரீமச்ச²ங்கராசார்ய க்ருʼதம்ʼ ஶ்ரீ ராம பு⁴ஜங்க³ப்ரயாத ஸ்தோத்ரம் ।
Recite with devotion and pure heart
Regular practice brings spiritual benefits