ஶ்ரீமத்³வால்மீகீய ராமாயணே பா³லகாண்ட³ம் । அத² ப்ரத²மஸ்ஸர்க³꞉ । தபஸ்ஸ்வாத்⁴யாயநிரதம்ʼ தபஸ்வீ வாக்³விதா³ம்ʼ வரம் । நாரத³ம்ʼ பரிபப்ரச்ச² வால்மீகிர்முனிபுங்க³வம் ॥ 1 ॥ கோ(அ)ன்வஸ்மின்ஸாம்ப்ரதம்ʼ லோகே கு³ணவான் கஶ்ச வீர்யவான் । த⁴ர்மஜ்ஞஶ்ச க்ருʼதஜ்ஞஶ்ச ஸத்யவாக்யோ த்³ருʼட⁴வ்ரத꞉ ॥ 2 ॥ சாரித்ரேண ச கோ யுக்த꞉ ஸர்வபூ⁴தேஷு கோ ஹித꞉ । வித்³வான் க꞉ க꞉ ஸமர்த²ஶ்ச கஶ்சைகப்ரியத³ர்ஶன꞉ ॥ 3 ॥ ஆத்மவான் கோ ஜிதக்ரோதோ⁴ த்³யுதிமான் கோ(அ)னஸூயக꞉ । கஸ்ய பி³ப்⁴யதி தே³வாஶ்ச ஜாதரோஷஸ்ய ஸம்ʼயுகே³ ॥ 4 ॥ ஏததி³ச்சா²ம்யஹம்ʼ ஶ்ரோதும்ʼ பரம்ʼ கௌதூஹலம்ʼ ஹி மே । மஹர்ஷே த்வம்ʼ ஸமர்தோ²(அ)ஸி ஜ்ஞாதுமேவம்ʼவித⁴ம்ʼ நரம் ॥ 5 ॥ ஶ்ருத்வா சைதத்த்ரிலோகஜ்ஞோ வால்மீகேர்நாரதோ³ வச꞉ । ஶ்ரூயதாமிதி சாமந்த்ர்ய ப்ரஹ்ருʼஷ்டோ வாக்யமப்³ரவீத் ॥ 6 ॥ ப³ஹவோ து³ர்லபா⁴ஶ்சைவ யே த்வயா கீர்திதா கு³ணா꞉ । முனே வக்ஷ்யாம்யஹம்ʼ பு³த்³த்⁴வா தைர்யுக்த꞉ ஶ்ரூயதாம்ʼ நர꞉ ॥ 7 ॥ இக்ஷ்வாகுவம்ʼஶப்ரப⁴வோ ராமோ நாம ஜனை꞉ ஶ்ருத꞉ । நியதாத்மா மஹாவீர்யோ த்³யுதிமான் த்⁴ருʼதிமான் வஶீ ॥ 8 ॥ பு³த்³தி⁴மான் நீதிமான் வாக்³மீ ஶ்ரீமான் ஶத்ருனிப³ர்ஹண꞉ । விபுலாம்ʼஸோ மஹாபா³ஹு꞉ கம்பு³க்³ரீவோ மஹாஹனு꞉ ॥ 9 ॥ மஹோரஸ்கோ மஹேஷ்வாஸோ கூ³ட⁴ஜத்ருரரிந்த³ம꞉ । ஆஜானுபா³ஹு꞉ ஸுஶிரா꞉ ஸுலலாட꞉ ஸுவிக்ரம꞉ ॥ 10 ॥ ஸம꞉ ஸமவிப⁴க்தாங்க³꞉ ஸ்னிக்³த⁴வர்ண꞉ ப்ரதாபவான் । பீனவக்ஷா விஶாலாக்ஷோ லக்ஷ்மீவான் ஶுப⁴லக்ஷண꞉ ॥ 11 ॥ த⁴ர்மஜ்ஞ꞉ ஸத்யஸந்த⁴ஶ்ச ப்ரஜானாம்ʼ ச ஹிதே ரத꞉ । யஶஸ்வீ ஜ்ஞானஸம்பன்ன꞉ ஶுசிர்வஶ்ய꞉ ஸமாதி⁴மான் ॥ 12 ॥ ப்ரஜாபதிஸம꞉ ஶ்ரீமான் தா⁴தா ரிபுநிஷூத³ன꞉ । ரக்ஷிதா ஜீவலோகஸ்ய த⁴ர்மஸ்ய பரிரக்ஷிதா ॥ 13 ॥ ரக்ஷிதா ஸ்வஸ்ய த⁴ர்மஸ்ய ஸ்வஜனஸ்ய ச ரக்ஷிதா । வேத³வேதா³ங்க³தத்த்வஜ்ஞோ த⁴னுர்வேதே³ ச நிஷ்டி²த꞉ ॥ 14 ॥ ஸர்வஶாஸ்த்ரார்த²தத்த்வஜ்ஞோ ஸ்ம்ருʼதிமான்ப்ரதிபா⁴னவான் । ஸர்வலோகப்ரிய꞉ ஸாது⁴ரதீ³னாத்மா விசக்ஷண꞉ ॥ 15 ॥ ஸர்வதா³பி⁴க³த꞉ ஸத்³பி⁴꞉ ஸமுத்³ர இவ ஸிந்து⁴பி⁴꞉ । ஆர்ய꞉ ஸர்வஸமஶ்சைவ ஸதை³கப்ரியத³ர்ஶன꞉ ॥ 16 ॥ ஸ ச ஸர்வகு³ணோபேத꞉ கௌஸல்யானந்த³வர்த⁴ன꞉ । ஸமுத்³ர இவ கா³ம்பீ⁴ர்யே தை⁴ர்யேண ஹிமவானிவ ॥ 17 ॥ விஷ்ணுனா ஸத்³ருʼஶோ வீர்யே ஸோமவத்ப்ரியத³ர்ஶன꞉ । காலாக்³நிஸத்³ருʼஶ꞉ க்ரோதே⁴ க்ஷமயா ப்ருʼதி²வீஸம꞉ ॥ 18 ॥ த⁴னதே³ன ஸமஸ்த்யாகே³ ஸத்யே த⁴ர்ம இவாபர꞉ । தமேவம்ʼ கு³ணஸம்பன்னம்ʼ ராமம்ʼ ஸத்யபராக்ரமம் ॥ 19 ॥ ஜ்யேஷ்ட²ம்ʼ ஶ்ரேஷ்ட²கு³ணைர்யுக்தம்ʼ ப்ரியம்ʼ த³ஶரத²꞉ ஸுதம் । ப்ரக்ருʼதீனாம்ʼ ஹிதைர்யுக்தம்ʼ ப்ரக்ருʼதி ப்ரிய காம்யயா ॥ 20 ॥ யௌவராஜ்யேன ஸம்ʼயோக்துமைச்ச²த்ப்ரீத்யா மஹீபதி꞉ । தஸ்யாபி⁴ஷேகஸம்பா⁴ரான் த்³ருʼஷ்ட்வா பா⁴ர்யா(அ)த² கைகயீ ॥ 21 ॥ பூர்வம்ʼ த³த்தவரா தே³வீ வரமேனமயாசத । விவாஸனம்ʼ ச ராமஸ்ய ப⁴ரதஸ்யாபி⁴ஷேசனம் ॥ 22 ॥ ஸ ஸத்யவசநாத்³ராஜா த⁴ர்மபாஶேன ஸம்ʼயத꞉ । விவாஸயாமாஸ ஸுதம்ʼ ராமம்ʼ த³ஶரத²꞉ ப்ரியம் ॥ 23 ॥ ஸ ஜகா³ம வனம்ʼ வீர꞉ ப்ரதிஜ்ஞாமனுபாலயன் । பிதுர்வசனநிர்தே³ஶாத்கைகேய்யா꞉ ப்ரியகாரணாத் ॥ 24 ॥ தம்ʼ வ்ரஜந்தம்ʼ ப்ரியோ ப்⁴ராதா லக்ஷ்மணோ(அ)னுஜகா³ம ஹ । ஸ்னேஹாத்³வினயஸம்பன்ன꞉ ஸுமித்ரானந்த³வர்த⁴ன꞉ ॥ 25 ॥ ப்⁴ராதரம்ʼ த³யிதோ ப்⁴ராது꞉ ஸௌப்⁴ராத்ரமனுத³ர்ஶயன் । ராமஸ்ய த³யிதா பா⁴ர்யா நித்யம்ʼ ப்ராணஸமாஹிதா ॥ 26 ॥ ஜனகஸ்ய குலே ஜாதா தே³வமாயேவ நிர்மிதா । ஸர்வலக்ஷணஸம்பன்னா நாரீணாமுத்தமா வதூ⁴꞉ ॥ 27 ॥ ஸீதா(அ)ப்யனுக³தா ராமம்ʼ ஶஶினம்ʼ ரோஹிணீ யதா² । பௌரைரனுக³தோ தூ³ரம்ʼ பித்ரா த³ஶரதே²ன ச ॥ 28 ॥ ஶ்ருʼங்கி³பே³ரபுரே ஸூதம்ʼ க³ங்கா³கூலே வ்யஸர்ஜயத் । கு³ஹமாஸாத்³ய த⁴ர்மாத்மா நிஷாதா³தி⁴பதிம்ʼ ப்ரியம் ॥ 29 ॥ கு³ஹேன ஸஹிதோ ராம꞉ லக்ஷ்மணேன ச ஸீதயா । தே வனேன வனம்ʼ க³த்வா நதீ³ஸ்தீர்த்வா ப³ஹூத³கா꞉ ॥ 30 ॥ சித்ரகூடமனுப்ராப்ய ப⁴ரத்³வாஜஸ்ய ஶாஸனாத் । ரம்யமாவஸத²ம்ʼ க்ருʼத்வா ரமமாணா வனே த்ரய꞉ ॥ 31 ॥ தே³வக³ந்த⁴ர்வஸங்காஶாஸ்தத்ர தே ந்யவஸன்ஸுக²ம் । சித்ரகூடம்ʼ க³தே ராமே புத்ரஶோகாதுரஸ்ததா² ॥ 32 ॥ ராஜா த³ஶரத²꞉ ஸ்வர்க³ம்ʼ ஜகா³ம விலபன்ஸுதம் । ம்ருʼதே து தஸ்மின்ப⁴ரதோ வஸிஷ்ட²ப்ரமுகை²ர்த்³விஜை꞉ ॥ 33 ॥ நியுஜ்யமானோ ராஜ்யாய நைச்ச²த்³ராஜ்யம்ʼ மஹாப³ல꞉ । ஸ ஜகா³ம வனம்ʼ வீரோ ராமபாத³ப்ரஸாத³க꞉ ॥ 34 ॥ க³த்வா து ஸ மஹாத்மானம்ʼ ராமம்ʼ ஸத்யபராக்ரமம் । அயாசத்³ப்⁴ராதரம்ʼ ராமம்ʼ ஆர்யபா⁴வபுரஸ்க்ருʼத꞉ ॥ 35 ॥ த்வமேவ ராஜா த⁴ர்மஜ்ஞ இதி ராமம்ʼ வசோ(அ)ப்³ரவீத் । ராமோ(அ)பி பரமோதா³ர꞉ ஸுமுக²ஸ்ஸுமஹாயஶா꞉ ॥ 36 ॥ ந சைச்ச²த்பிதுராதே³ஶாத்³ராஜ்யம்ʼ ராமோ மஹாப³ல꞉ । பாது³கே சாஸ்ய ராஜ்யாய ந்யாஸம்ʼ த³த்த்வா புன꞉ புன꞉ ॥ 37 ॥ நிவர்தயாமாஸ ததோ ப⁴ரதம்ʼ ப⁴ரதாக்³ரஜ꞉ । ஸ காமமனவாப்யைவ ராமபாதா³வுபஸ்ப்ருʼஶன் ॥ 38 ॥ நந்தி³க்³ராமே(அ)கரோத்³ராஜ்யம்ʼ ராமாக³மனகாங்க்ஷயா । க³தே து ப⁴ரதே ஶ்ரீமான் ஸத்யஸந்தோ⁴ ஜிதேந்த்³ரிய꞉ ॥ 39 ॥ ராமஸ்து புனராலக்ஷ்ய நாக³ரஸ்ய ஜனஸ்ய ச । தத்ராக³மனமேகாக்³ரோ த³ண்ட³கான்ப்ரவிவேஶ ஹ ॥ 40 ॥ ப்ரவிஶ்ய து மஹாரண்யம்ʼ ராமோ ராஜீவலோசன꞉ । விராத⁴ம்ʼ ராக்ஷஸம்ʼ ஹத்வா ஶரப⁴ங்க³ம்ʼ த³த³ர்ஶ ஹ ॥ 41 ॥ ஸுதீக்ஷ்ணம்ʼ சாப்யக³ஸ்த்யம்ʼ ச அக³ஸ்த்யப்⁴ராதரம்ʼ ததா² । அக³ஸ்த்யவசனாச்சைவ ஜக்³ராஹைந்த்³ரம்ʼ ஶராஸனம் ॥ 42 ॥ க²ட்³க³ம்ʼ ச பரமப்ரீதஸ்தூணீ சாக்ஷயஸாயகௌ । வஸதஸ்தஸ்ய ராமஸ்ய வனே வனசரை꞉ ஸஹ ॥ 43 ॥ ருʼஷயோ(அ)ப்⁴யாக³மன்ஸர்வே வதா⁴யாஸுரரக்ஷஸாம் । ஸ தேஷாம்ʼ ப்ரதிஶுஶ்ராவ ராக்ஷஸானாம்ʼ ததா² வனே ॥ 44 ॥ ப்ரதிஜ்ஞாதஶ்ச ராமேண வத⁴꞉ ஸம்ʼயதி ரக்ஷஸாம் । ருʼஷீணாமக்³னிகல்பானாம்ʼ த³ண்ட³காரண்யவாஸினாம் ॥ 45 ॥ தேன தத்ரைவ வஸதா ஜனஸ்தா²னநிவாஸினீ । விரூபிதா ஶூர்பணகா² ராக்ஷஸீ காமரூபிணீ ॥ 46 ॥ தத꞉ ஶூர்பணகா²வாக்யாது³த்³யுக்தான்ஸர்வராக்ஷஸான் । க²ரம்ʼ த்ரிஶிரஸம்ʼ சைவ தூ³ஷணம்ʼ சைவ ராக்ஷஸம் ॥ 47 ॥ நிஜகா⁴ன ரணே ராமஸ்தேஷாம்ʼ சைவ பதா³னுகா³ன் । வனே தஸ்மிந்நிவஸதா ஜனஸ்தா²னநிவாஸினாம் ॥ 48 ॥ ரக்ஷஸாம்ʼ நிஹதாந்யாஸன்ஸஹஸ்ராணி சதுர்த³ஶ । ததோ ஜ்ஞாதிவத⁴ம்ʼ ஶ்ருத்வா ராவண꞉ க்ரோத⁴மூர்சி²த꞉ ॥ 49 ॥ ஸஹாயம்ʼ வரயாமாஸ மாரீசம்ʼ நாம ராக்ஷஸம் । வார்யமாண꞉ ஸுப³ஹுஶோ மாரீசேன ஸ ராவண꞉ ॥ 50 ॥ ந விரோதோ⁴ ப³லவதா க்ஷமோ ராவண தேன தே । அநாத்³ருʼத்ய து தத்³வாக்யம்ʼ ராவண꞉ காலசோதி³த꞉ ॥ 51 ॥ ஜகா³ம ஸஹமாரீச꞉ தஸ்யாஶ்ரமபத³ம்ʼ ததா³ । தேன மாயாவினா தூ³ரமபவாஹ்ய ந்ருʼபாத்மஜௌ ॥ 52 ॥ ஜஹார பா⁴ர்யாம்ʼ ராமஸ்ய க்³ருʼத்⁴ரம்ʼ ஹத்வா ஜடாயுஷம் । க்³ருʼத்⁴ரம்ʼ ச நிஹதம்ʼ த்³ருʼஷ்ட்வா ஹ்ருʼதாம்ʼ ஶ்ருத்வா ச மைதி²லீம் ॥ 53 ॥ ராக⁴வ꞉ ஶோகஸந்தப்தோ விலலாபாகுலேந்த்³ரிய꞉ । ததஸ்தேனைவ ஶோகேன க்³ருʼத்⁴ரம்ʼ த³க்³த்⁴வா ஜடாயுஷம் ॥ 54 ॥ மார்க³மாணோ வனே ஸீதாம்ʼ ராக்ஷஸம்ʼ ஸந்த³த³ர்ஶ ஹ । கப³ந்த⁴ம்ʼ நாம ரூபேண விக்ருʼதம்ʼ கோ⁴ரத³ர்ஶனம் ॥ 55 ॥ தம்ʼ நிஹத்ய மஹாபா³ஹு꞉ த³தா³ஹ ஸ்வர்க³தஶ்ச ஸ꞉ । ஸ சாஸ்ய கத²யாமாஸ ஶப³ரீம்ʼ த⁴ர்மசாரிணீம் ॥ 56 ॥ ஶ்ரமணீம்ʼ த⁴ர்மநிபுணாமபி⁴க³ச்சே²தி ராக⁴வம் । ஸோ(அ)ப்⁴யக³ச்ச²ன்மஹாதேஜா꞉ ஶப³ரீம்ʼ ஶத்ருஸூத³ன꞉ ॥ 57 ॥ ஶப³ர்யா பூஜித꞉ ஸம்யக்³ராமோ த³ஶரதா²த்மஜ꞉ । பம்பாதீரே ஹனுமதா ஸங்க³தோ வானரேண ஹ ॥ 58 ॥ ஹனுமத்³வசனாச்சைவ ஸுக்³ரீவேண ஸமாக³த꞉ । ஸுக்³ரீவாய ச தத்ஸர்வம்ʼ ஶம்ʼஸத்³ராமோ மஹாப³ல꞉ ॥ 59 ॥ ஆதி³தஸ்தத்³யதா²வ்ருʼத்தம்ʼ ஸீதயாஶ்ச விஶேஷத꞉ । ஸுக்³ரீவஶ்சாபி தத்ஸர்வம்ʼ ஶ்ருத்வா ராமஸ்ய வானர꞉ ॥ 60 ॥ சகார ஸக்²யம்ʼ ராமேண ப்ரீதஶ்சைவாக்³நிஸாக்ஷிகம் । ததோ வானரராஜேன வைரானுகத²னம்ʼ ப்ரதி ॥ 61 ॥ ராமாயாவேதி³தம்ʼ ஸர்வம்ʼ ப்ரணயாத்³து³꞉கி²தேன ச । ப்ரதிஜ்ஞாதம்ʼ ச ராமேண ததா³ வாலிவத⁴ம்ʼ ப்ரதி ॥ 62 ॥ வாலினஶ்ச ப³லம்ʼ தத்ர கத²யாமாஸ வானர꞉ । ஸுக்³ரீவ꞉ ஶங்கிதஶ்சாஸீந்நித்யம்ʼ வீர்யேண ராக⁴வே ॥ 63 ॥ ராக⁴வ꞉ ப்ரத்யயார்த²ம்ʼ து து³ந்து³பே⁴꞉ காயமுத்தமம் । த³ர்ஶயாமாஸ ஸுக்³ரீவோ மஹாபர்வத ஸன்னிப⁴ம் ॥ 64 ॥ உத்ஸ்மயித்வா மஹாபா³ஹு꞉ ப்ரேக்ஷ்ய சாஸ்தி² மஹாப³ல꞉ । பாதா³ங்கு³ஷ்டே²ன சிக்ஷேப ஸம்பூர்ணம்ʼ த³ஶயோஜனம் ॥ 65 ॥ பி³பே⁴த³ ச புன꞉ ஸாலான்ஸப்தைகேன மஹேஷுணா । கி³ரிம்ʼ ரஸாதலம்ʼ சைவ ஜநயன் ப்ரத்யயம்ʼ ததா³ ॥ 66 ॥ தத꞉ ப்ரீதமனாஸ்தேன விஶ்வஸ்த꞉ ஸ மஹாகபி꞉ । கிஷ்கிந்தா⁴ம்ʼ ராமஸஹிதோ ஜகா³ம ச கு³ஹாம்ʼ ததா³ ॥ 67 ॥ ததோ(அ)க³ர்ஜத்³த⁴ரிவர꞉ ஸுக்³ரீவோ ஹேமபிங்க³ல꞉ । தேன நாதே³ன மஹதா நிர்ஜகா³ம ஹரீஶ்வர꞉ ॥ 68 ॥ அனுமான்ய ததா³ தாராம்ʼ ஸுக்³ரீவேண ஸமாக³த꞉ । நிஜகா⁴ன ச தத்ரைனம்ʼ ஶரேணைகேன ராக⁴வ꞉ ॥ 69 ॥ தத꞉ ஸுக்³ரீவவசநாத்³த⁴த்வா வாலினமாஹவே । ஸுக்³ரீவமேவ தத்³ராஜ்யே ராக⁴வ꞉ ப்ரத்யபாத³யத் ॥ 70 ॥ ஸ ச ஸர்வான்ஸமானீய வானரான்வானரர்ஷப⁴꞉ । தி³ஶ꞉ ப்ரஸ்தா²பயாமாஸ தி³த்³ருʼக்ஷுர்ஜனகாத்மஜாம் ॥ 71 ॥ ததோ க்³ருʼத்⁴ரஸ்ய வசனாத்ஸம்பாதேர்ஹனுமான்ப³லீ । ஶதயோஜனவிஸ்தீர்ணம்ʼ புப்லுவே லவணார்ணவம் ॥ 72 ॥ தத்ர லங்காம்ʼ ஸமாஸாத்³ய புரீம்ʼ ராவணபாலிதாம் । த³த³ர்ஶ ஸீதாம்ʼ த்⁴யாயந்தீம்ʼ அஶோகவநிகாம்ʼ க³தாம் ॥ 73 ॥ நிவேத³யித்வா(அ)பி⁴ஜ்ஞானம்ʼ ப்ரவ்ருʼத்திம்ʼ ச நிவேத்³ய ச । ஸமாஶ்வாஸ்ய ச வைதே³ஹீம்ʼ மர்த³யாமாஸ தோரணம் ॥ 74 ॥ பஞ்ச ஸேநாக்³ரகா³ன்ஹத்வா ஸப்த மந்த்ரிஸுதானபி । ஶூரமக்ஷம்ʼ ச நிஷ்பிஷ்ய க்³ரஹணம்ʼ ஸமுபாக³மத் ॥ 75 ॥ அஸ்த்ரேணோன்முக்தமாத்மானம்ʼ ஜ்ஞாத்வா பைதாமஹாத்³வராத் । மர்ஷயன்ராக்ஷஸான்வீரோ யந்த்ரிணஸ்தான்யத்³ருʼச்ச²யா ॥ 76 ॥ ததோ த³க்³த்⁴வா புரீம்ʼ லங்காம்ʼ ருʼதே ஸீதாம்ʼ ச மைதி²லீம் । ராமாய ப்ரியமாக்²யாதும்ʼ புனராயான்மஹாகபி꞉ ॥ 77 ॥ ஸோ(அ)பி⁴க³ம்ய மஹாத்மானம்ʼ க்ருʼத்வா ராமம்ʼ ப்ரத³க்ஷிணம் । ந்யவேத³யத³மேயாத்மா த்³ருʼஷ்டா ஸீதேதி தத்த்வத꞉ ॥ 78 ॥ தத꞉ ஸுக்³ரீவஸஹிதோ க³த்வா தீரம்ʼ மஹோத³தே⁴꞉ । ஸமுத்³ரம்ʼ க்ஷோப⁴யாமாஸ ஶரைராதி³த்யஸன்னிபை⁴꞉ ॥ 79 ॥ த³ர்ஶயாமாஸ சாத்மானம்ʼ ஸமுத்³ர꞉ ஸரிதாம்ʼ பதி꞉ । ஸமுத்³ரவசனாச்சைவ நலம்ʼ ஸேதுமகாரயத் ॥ 80 ॥ தேன க³த்வா புரீம்ʼ லங்காம்ʼ ஹத்வா ராவணமாஹவே । ராம꞉ ஸீதாமனுப்ராப்ய பராம்ʼ வ்ரீடா³முபாக³மத் ॥ 81 ॥ தாமுவாச ததோ ராம꞉ பருஷம்ʼ ஜனஸம்ʼஸதி³ । அம்ருʼஷ்யமாணா ஸா ஸீதா விவேஶ ஜ்வலனம்ʼ ஸதீ ॥ 82 ॥ ததோ(அ)க்³னிவசனாத்ஸீதாம்ʼ ஜ்ஞாத்வா விக³தகல்மஷாம் । ப³பௌ⁴ ராம꞉ ஸம்ப்ரஹ்ருʼஷ்ட꞉ பூஜித꞉ ஸர்வதை³வதை꞉ ॥ 83 ॥ கர்மணா தேன மஹதா த்ரைலோக்யம்ʼ ஸசராசரம் । ஸதே³வர்ஷிக³ணம்ʼ துஷ்டம்ʼ ராக⁴வஸ்ய மஹாத்மன꞉ ॥ 84 ॥ அபி⁴ஷிச்ய ச லங்காயாம்ʼ ராக்ஷஸேந்த்³ரம்ʼ விபீ⁴ஷணம் । க்ருʼதக்ருʼத்யஸ்ததா³ ராமோ விஜ்வர꞉ ப்ரமுமோத³ ஹ ॥ 85 ॥ தே³வதாப்⁴யோ வரம்ʼ ப்ராப்ய ஸமுத்தா²ப்ய ச வானரான் । அயோத்⁴யாம்ʼ ப்ரஸ்தி²தோ ராம꞉ புஷ்பகேண ஸுஹ்ருʼத்³வ்ருʼத꞉ ॥ 86 ॥ ப⁴ரத்³வாஜாஶ்ரமம்ʼ க³த்வா ராம꞉ ஸத்யபராக்ரம꞉ । ப⁴ரதஸ்யாந்திகம்ʼ ராமோ ஹனூமந்தம்ʼ வ்யஸர்ஜயத் ॥ 87 ॥ புனராக்²யாயிகாம்ʼ ஜல்பன்ஸுக்³ரீவஸஹிதஶ்ச ஸ꞉ । புஷ்பகம்ʼ தத்ஸமாருஹ்ய நந்தி³க்³ராமம்ʼ யயௌ ததா³ ॥ 88 ॥ நந்தி³க்³ராமே ஜடாம்ʼ ஹித்வா ப்⁴ராத்ருʼபி⁴꞉ ஸஹிதோ(அ)னக⁴꞉ । ராம꞉ ஸீதாமனுப்ராப்ய ராஜ்யம்ʼ புனரவாப்தவான் ॥ 89 ॥ ப்ரஹ்ருʼஷ்டமுதி³தோ லோகஸ்துஷ்ட꞉ புஷ்ட꞉ ஸுதா⁴ர்மிக꞉ । நிராமயோ ஹ்யரோக³ஶ்ச து³ர்பி⁴க்ஷ ப⁴யவர்ஜித꞉ ॥ 90 ॥ ந புத்ரமரணம்ʼ கிஞ்சித்³த்³ரக்ஷ்யந்தி புருஷா꞉ க்வசித் । நார்யஶ்சாவித⁴வா நித்யம்ʼ ப⁴விஷ்யந்தி பதிவ்ரதா꞉ ॥ 91 ॥ ந சாக்³நிஜம்ʼ ப⁴யம்ʼ கிஞ்சின்னாப்ஸு மஜ்ஜந்தி ஜந்தவ꞉ । ந வாதஜம்ʼ ப⁴யம்ʼ கிஞ்சின்னாபி ஜ்வரக்ருʼதம்ʼ ததா² ॥ 92 ॥ ந சாபி க்ஷுத்³ப⁴யம்ʼ தத்ர ந தஸ்கரப⁴யம்ʼ ததா² । நக³ராணி ச ராஷ்ட்ராணி த⁴னதா⁴ன்யயுதானி ச ॥ 93 ॥ நித்யம்ʼ ப்ரமுதி³தா꞉ ஸர்வே யதா² க்ருʼதயுகே³ ததா² । அஶ்வமேத⁴ஶதைரிஷ்ட்வா ததா² ப³ஹுஸுவர்ணகை꞉ ॥ 94 ॥ க³வாம்ʼ கோட்யயுதம்ʼ த³த்வா ப்³ரஹ்மலோகம்ʼ ப்ரயாஸ்யதி । அஸங்க்²யேயம்ʼ த⁴னம்ʼ த³த்வா ப்³ராஹ்மணேப்⁴யோ மஹாயஶா꞉ ॥ 95 ॥ ராஜவம்ʼஶான் ஶதகு³ணான் ஸ்தா²பயிஷ்யதி ராக⁴வ꞉ । சாதுர்வர்ண்யம்ʼ ச லோகே(அ)ஸ்மின் ஸ்வே ஸ்வே த⁴ர்மே நியோக்ஷ்யதி ॥ 96 ॥ த³ஶவர்ஷஸஹஸ்ராணி த³ஶவர்ஷஶதானி ச । ராமோ ராஜ்யமுபாஸித்வா ப்³ரஹ்மலோகம்ʼ க³மிஷ்யதி ॥ 97 ॥ இத³ம்ʼ பவித்ரம்ʼ பாபக்⁴னம்ʼ புண்யம்ʼ வேதை³ஶ்ச ஸம்மிதம் । ய꞉ படே²த்³ராமசரிதம்ʼ ஸர்வபாபை꞉ ப்ரமுச்யதே ॥ 98 ॥ ஏததா³க்²யானமாயுஷ்யம்ʼ பட²ன்ராமாயணம்ʼ நர꞉ । ஸபுத்ரபௌத்ர꞉ ஸக³ண꞉ ப்ரேத்ய ஸ்வர்கே³ மஹீயதே ॥ 99 ॥ பட²ன் த்³விஜோ வாக்³ருʼஷப⁴த்வமீயாத் ஸ்யாத் க்ஷத்ரியோ பூ⁴மிபதித்வமீயாத் । வணிக்³ஜன꞉ பண்யப²லத்வமீயாத் ஜனஶ்ச ஶூத்³ரோ(அ)பி மஹத்த்வமீயாத் ॥ 100 ॥ இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ நாரத³வாக்யம்ʼ நாம ப்ரத²ம꞉ ஸர்க³꞉ ॥