அக³ஸ்த்ய உவாச । அஶ்வாநந மஹாபு³த்³தே⁴ ஸர்வஶாஸ்த்ரவிஶாரத³ । கதி²தம் லலிதாதே³வ்யாஶ்சரிதம் பரமாத்³பு⁴தம் ॥ 1 ॥ பூர்வம் ப்ராது³ர்ப⁴வோ மாதுஸ்தத꞉ பட்டாபி⁴ஷேசநம் । ப⁴ண்டா³ஸுரவத⁴ஶ்சைவ விஸ்தரேண த்வயோதி³த꞉ ॥ 2 ॥ வர்ணிதம் ஶ்ரீபுரம் சாபி மஹாவிப⁴வவிஸ்தரம் । ஶ்ரீமத்பஞ்சத³ஶாக்ஷர்யா꞉ மஹிமா வர்ணிதஸ்ததா² ॥ 3 ॥ ஷோடா⁴ந்யாஸாத³யோ ந்யாஸா꞉ ந்யாஸக²ண்டே³ ஸமீரிதா꞉ । அந்தர்யாக³க்ரமஶ்சைவ ப³ஹிர்யாக³க்ரமஸ்ததா² ॥ 4 ॥ மஹாயாக³க்ரமஶ்சைவ பூஜாக²ண்டே³ ப்ரகீர்திதா꞉ । [ஸமீரித꞉] புரஶ்சரணக²ண்டே³ து ஜபலக்ஷணமீரிதம் ॥ 5 ॥ ஹோமக²ண்டே³ த்வயா ப்ரோக்தோ ஹோமத்³ரவ்யவிதி⁴க்ரம꞉ । சக்ரராஜஸ்ய வித்³யாயா꞉ ஶ்ரீதே³வ்யா தே³ஶிகாத்மநோ꞉ ॥ 6 ॥ ரஹஸ்யக²ண்டே³ தாதா³த்ம்யம் பரஸ்பரமுதீ³ரிதம் । ஸ்தோத்ரக²ண்டே³ ப³ஹுவிதா⁴꞉ ஸ்துதய꞉ பரிகீர்திதா꞉ ॥ 7 ॥ மந்த்ரிணீத³ண்டி³நீதே³வ்யோ꞉ ப்ரோக்தே நாமஸஹஸ்ரகே । ந து ஶ்ரீலலிதாதே³வ்யா꞉ ப்ரோக்தம் நாமஸஹஸ்ரகம் ॥ 8 ॥ தத்ர மே ஸம்ஶயோ ஜாதோ ஹயக்³ரீவ த³யாநிதே⁴ । கிம் வா த்வயா விஸ்ம்ருதம் தஜ்ஜ்ஞாத்வா வா ஸமுபேக்ஷிதம் ॥ 9 ॥ மம வா யோக்³யதா நாஸ்தி ஶ்ரோதும் நாமஸஹஸ்ரகம் । கிமர்த²ம் ப⁴வதா நோக்தம் தத்ர மே காரணம் வத³ ॥ 10 ॥ ஸூத உவாச । இதி ப்ருஷ்டோ ஹயக்³ரீவோ முநிநா கும்ப⁴ஜந்மநா । ப்ரஹ்ருஷ்டோ வசநம் ப்ராஹ தாபஸம் கும்ப⁴ஸம்ப⁴வம் ॥ 11 ॥ ஶ்ரீஹயக்³ரீவ உவாச । லோபாமுத்³ராபதே(அ)க³ஸ்த்ய ஸாவதா⁴நமநா꞉ ஶ்ருணு । நாம்நாம் ஸஹஸ்ரம் யந்நோக்தம் காரணம் தத்³வதா³மி தே ॥ 12 ॥ ரஹஸ்யமிதி மத்வாஹம் நோக்தவாம்ஸ்தே ந சாந்யதா² । புநஶ்ச ப்ருச்ச²தே ப⁴க்த்யா தஸ்மாத்தத்தே வதா³ம்யஹம் ॥ 13 ॥ ப்³ரூயாச்சி²ஷ்யாய ப⁴க்தாய ரஹஸ்யமபி தே³ஶிக꞉ । ப⁴வதா ந ப்ரதே³யம் ஸ்யாத³ப⁴க்தாய கதா³சந ॥ 14 ॥ ந ஶடா²ய ந து³ஷ்டாய நாவிஶ்வாஸாய கர்ஹிசித் । ஶ்ரீமாத்ருப⁴க்தியுக்தாய ஶ்ரீவித்³யாராஜவேதி³நே ॥ 15 ॥ உபாஸகாய ஶுத்³தா⁴ய தே³யம் நாமஸஹஸ்ரகம் । யாநி நாமஸஹஸ்ராணி ஸத்³ய꞉ ஸித்³தி⁴ப்ரதா³நி வை ॥ 16 ॥ தந்த்ரேஷு லலிதாதே³வ்யாஸ்தேஷு முக்²யமித³ம் முநே । ஶ்ரீவித்³யைவ து மந்த்ராணாம் தத்ர காதி³ர்யதா² பரா ॥ 17 ॥ புராணாம் ஶ்ரீபுரமிவ ஶக்தீநாம் லலிதா ததா² । ஶ்ரீவித்³யோபாஸகாநாம் ச யதா² தே³வோ பர꞉ ஶிவ꞉ ॥ 18 ॥ ததா² நாமஸஹஸ்ரேஷு பரமேதத்ப்ரகீர்திதம் । யதா²ஸ்ய பட²நாத்³தே³வீ ப்ரீயதே லலிதாம்பி³கா ॥ 19 ॥ அந்யநாமஸஹஸ்ரஸ்ய பாடா²ந்ந ப்ரீயதே ததா² । ஶ்ரீமாது꞉ ப்ரீதயே தஸ்மாத³நிஶம் கீர்தயேதி³த³ம் ॥ 20 ॥ பி³ல்வபத்ரைஶ்சக்ரராஜே யோ(அ)ர்சயேல்லலிதாம்பி³காம் । பத்³மைர்வா துலஸீபுஷ்பைரேபி⁴ர்நாமஸஹஸ்ரகை꞉ ॥ 21 ॥ [பத்ரை꞉] ஸத்³ய꞉ ப்ரஸாத³ம் குருதே தஸ்ய ஸிம்ஹாஸநேஶ்வரீ । சக்ராதி⁴ராஜமப்⁴யர்ச்ய ஜப்த்வா பஞ்சத³ஶாக்ஷரீம் ॥ 22 ॥ ஜபாந்தே கீர்தயேந்நித்யமித³ம் நாமஸஹஸ்ரகம் । ஜபபூஜாத்³யஶக்தஶ்சேத்படே²ந்நாமஸஹஸ்ரகம் ॥ 23 ॥ ஸாங்கா³ர்சநே ஸாங்க³ஜபே யத்ப²லம் தத³வாப்நுயாத் । உபாஸநே ஸ்துதீரந்யா꞉ படே²த³ப்⁴யுத³யோ ஹி ஸ꞉ ॥ 24 ॥ இத³ம் நாமஸஹஸ்ரம் து கீர்தயேந்நித்யகர்மவத் । சக்ரராஜார்சநம் தே³வ்யா ஜபோ நாம்நாம் ச கீர்தநம் ॥ 25 ॥ ப⁴க்தஸ்ய க்ருத்யமேதாவத³ந்யத³ப்⁴யுத³யம் விது³꞉ । ப⁴க்தஸ்யாவஶ்யகமித³ம் நாமஸாஹஸ்ரகீர்தநம் ॥ 26 ॥ தத்ர ஹேதும் ப்ரவக்ஷ்யாமி ஶ்ருணு த்வம் கும்ப⁴ஸம்ப⁴வ । புரா ஶ்ரீலலிதாதே³வீ ப⁴க்தாநாம் ஹிதகாம்யயா ॥ 27 ॥ வாக்³தே³வீர்வஶிநீமுக்²யா꞉ ஸமாஹூயேத³மப்³ரவீத் । வாக்³தே³வதா வஶிந்யாத்³யா꞉ ஶ்ருணுத்⁴வம் வசநம் மம ॥ 28 ॥ ப⁴வத்யோ மத்ப்ரஸாதே³ந ப்ரோல்லஸத்³வாக்³விபூ⁴தய꞉ । மத்³ப⁴க்தாநாம் வாக்³விபூ⁴திப்ரதா³நே விநியோஜிதா꞉ ॥ 29 ॥ மச்சக்ரஸ்ய ரஹஸ்யஜ்ஞா மம நாமபராயணா꞉ । மம ஸ்தோத்ரவிதா⁴நாய தஸ்மாதா³ஜ்ஞாபயாமி வ꞉ ॥ 30 ॥ குருத்⁴வமங்கிதம் ஸ்தோத்ரம் மம நாமஸஹஸ்ரகை꞉ । யேந ப⁴க்தை꞉ ஸ்துதாயா மே ஸத்³ய꞉ ப்ரீதி꞉ பரா ப⁴வேத் ॥ 31 ॥ இத்யாஜ்ஞப்தாஸ்ததோ தே³வ்ய꞉ ஶ்ரீதே³வ்யா லலிதாம்ப³யா । ரஹஸ்யைர்நாமபி⁴ர்தி³வ்யைஶ்சக்ரு꞉ ஸ்தோத்ரமநுத்தமம் ॥ 32 ॥ ரஹஸ்யநாமஸாஹஸ்ரமிதி தத்³விஶ்ருதம் பரம் । தத꞉ கதா³சித்ஸத³ஸி ஸ்தி²த்வா ஸிம்ஹாஸநே(அ)ம்பி³கா ॥ 33 ॥ ஸ்வஸேவாவஸரம் ப்ராதா³த்ஸர்வேஷாம் கும்ப⁴ஸம்ப⁴வ । ஸேவார்த²மாக³தாஸ்தத்ர ப்³ரஹ்மாணீப்³ரஹ்மகோடய꞉ ॥ 34 ॥ லக்ஷ்மீநாராயணாநாம் ச கோடய꞉ ஸமுபாக³தா꞉ । கௌ³ரீகோடிஸமேதாநாம் ருத்³ராணாமபி கோடய꞉ ॥ 35 ॥ மந்த்ரிணீத³ண்டி³நீமுக்²யா꞉ ஸேவார்த²ம் ய꞉ ஸமாக³தா꞉ । ஶக்தயோ விவிதா⁴காராஸ்தாஸாம் ஸங்க்²யா ந வித்³யதே ॥ 36 ॥ தி³வ்யௌகா⁴ மாநவௌகா⁴ஶ்ச ஸித்³தௌ⁴கா⁴ஶ்ச ஸமாக³தா꞉ । தத்ர ஶ்ரீலலிதாதே³வீ ஸர்வேஷாம் த³ர்ஶநம் த³தௌ³ ॥ 37 ॥ தேஷு த்³ருஷ்ட்வோபவிஷ்டேஷு ஸ்வே ஸ்வே ஸ்தா²நே யதா²க்ரமம் । தத்ர ஶ்ரீலலிதாதே³வீகடாக்ஷாக்ஷேபசோதி³தா꞉ ॥ 38 ॥ உத்தா²ய வஶிநீமுக்²யா ப³த்³தா⁴ஞ்ஜலிபுடாஸ்ததா³ । அஸ்துவந்நாமஸாஹஸ்ரை꞉ ஸ்வக்ருதைர்லலிதாம்பி³காம் ॥ 39 ॥ ஶ்ருத்வா ஸ்தவம் ப்ரஸந்நாபூ⁴ல்லலிதா பரமேஶ்வரீ । தே ஸர்வே விஸ்மயம் ஜக்³முர்யே தத்ர ஸத³ஸி ஸ்தி²தா꞉ ॥ 40 ॥ தத꞉ ப்ரோவாச லலிதா ஸத³ஸ்யான் தே³வதாக³ணான் । தே³வ்யுவாச । மமாஜ்ஞயைவ வாக்³தே³வ்யஶ்சக்ரு꞉ ஸ்தோத்ரமநுத்தமம் ॥ 41 ॥ அங்கிதம் நாமபி⁴ர்தி³வ்யைர்மம ப்ரீதிவிதா⁴யகை꞉ । தத்பட²த்⁴வம் ஸதா³ யூயம் ஸ்தோத்ரம் மத்ப்ரீதிவ்ருத்³த⁴யே ॥ 42 ॥ ப்ரவர்தயத்⁴வம் ப⁴க்தேஷு மம நாமஸாஹஸ்ரகம் । இத³ம் நாமஸஹஸ்ரம் மே யோ ப⁴க்த꞉ பட²தே ஸக்ருத் ॥ 43 ॥ ஸ மே ப்ரியதமோ ஜ்ஞேயஸ்தஸ்மை காமான் த³தா³ம்யஹம் । ஶ்ரீசக்ரே மாம் ஸமப்⁴யர்ச்ய ஜப்த்வா பஞ்சத³ஶாக்ஷரீம் ॥ 44 ॥ பஶ்சாந்நாமஸஹஸ்ரம் மே கீர்தயேந்மம துஷ்டயே । மாமர்சயது வா மா வா வித்³யாம் ஜபது வா ந வா ॥ 45 ॥ கீர்தயேந்நாமஸாஹஸ்ரமித³ம் மத்ப்ரீதயே ஸதா³ । மத்ப்ரீத்யா ஸகலாந்காமாம்ல்லப⁴தே நாத்ர ஸம்ஶய꞉ ॥ 46 ॥ தஸ்மாந்நாமஸஹஸ்ரம் மே கீர்தயத்⁴வம் ஸதா³த³ராத் । ஶ்ரீஹயக்³ரீவ உவாச । இதி ஶ்ரீலலிதேஶாநீ ஶாஸ்தி தே³வான் ஸஹாநுகா³ன் ॥ 47 ॥ ததா³ஜ்ஞயா ததா³ரப்⁴ய ப்³ரஹ்மவிஷ்ணுமஹேஶ்வரா꞉ । ஶக்தயோ மந்த்ரிணீமுக்²யா இத³ம் நாமஸஹஸ்ரகம் ॥ 48 ॥ பட²ந்தி ப⁴க்த்யா ஸததம் லலிதாபரிதுஷ்டயே । தஸ்மாத³வஶ்யம் ப⁴க்தேந கீர்தநீயமித³ம் முநே ॥ 49 ॥ ஆவஶ்யகத்வே ஹேதுஸ்தே மயா ப்ரோக்தோ முநீஶ்வர । இதா³நீம் நாமஸாஹஸ்ரம் வக்ஷ்யாமி ஶ்ரத்³த⁴யா ஶ்ருணு ॥ 50 ॥ இதி ஶ்ரீப்³ரஹ்மாண்ட³புராணே ஹயக்³ரீவாக³ஸ்த்யஸம்வாதே³ லலிதாஸஹஸ்ரநாமபூர்வபா⁴கோ³ நாம ப்ரத²மோ(அ)த்⁴யாய꞉ ॥ அஸ்ய ஶ்ரீலலிதா த்ரிஶதீஸ்தோத்ர மஹாமந்த்ரஸ்ய, ப⁴க³வான் ஹயக்³ரீவ ருஷி:, அனுஷ்டுப் ச²ந்த:³, ஶ்ரீலலிதாமஹாத்ரிபுரஸுந்த³ரீ தே³வதா, ஐம் பீ³ஜம், ஸௌ: ஶக்தி:, க்லீம் கீலகம், மம சதுர்வித⁴புருஷார்த²ப²லஸித்³த்⁴யர்தே² ஜபே வினியோக:³ । ஐமித்யாதி³பி⁴ரங்க³ன்யாஸகரன்யாஸா: கார்யா: । த்⁴யானம் । அதிமது⁴ரசாபஹஸ்தா- -மபரிமிதாமோத³பா³ணஸௌபா⁴க்³யாம் । அருணாமதிஶயகருணா- -மபி⁴னவகுலஸுந்த³ரீம் வந்தே³ । ஶ்ரீ ஹயக்³ரீவ உவாச । ககாரரூபா கல்யாணீ கல்யாணகு³ணஶாலினீ । கல்யாணஶைலனிலயா கமனீயா கலாவதீ ॥ 1 ॥ கமலாக்ஷீ கல்மஷக்⁴னீ கருணாம்ருதஸாக³ரா । கத³ம்ப³கானநாவாஸா கத³ம்ப³குஸுமப்ரியா ॥ 2 ॥ கந்த³ர்பவித்³யா கந்த³ர்பஜனகாபாங்க³வீக்ஷணா । கர்பூரவீடிஸௌரப்⁴யகல்லோலிதககுப்தடா ॥ 3 ॥ கலிதோ³ஷஹரா கஞ்ஜலோசனா கம்ரவிக்³ரஹா । கர்மாதி³ஸாக்ஷிணீ காரயித்ரீ கர்மப²லப்ரதா³ ॥ 4 ॥ ஏகாரரூபா சைகாக்ஷர்யேகானேகாக்ஷராக்ருதி: । ஏதத்ததி³த்யனிர்தே³ஶ்யா சைகானந்த³சிதா³க்ருதி: ॥ 5 ॥ ஏவமித்யாக³மாபோ³த்⁴யா சைகப⁴க்திமத³ர்சிதா । ஏகாக்³ரசித்தனிர்த்⁴யாதா சைஷணாரஹிதாத்³ருதா ॥ 6 ॥ ஏலாஸுக³ந்தி⁴சிகுரா சைன:கூடவினாஶினீ । ஏகபோ⁴கா³ சைகரஸா சைகைஶ்வர்யப்ரதா³யினீ ॥ 7 ॥ ஏகாதபத்ரஸாம்ராஜ்யப்ரதா³ சைகாந்தபூஜிதா । ஏத⁴மானப்ரபா⁴ சைஜத³னேகஜக³தீ³ஶ்வரீ ॥ 8 ॥ ஏகவீராதி³ஸம்ஸேவ்யா சைகப்ராப⁴வஶாலினீ । ஈகாரரூபா சேஶித்ரீ சேப்ஸிதார்த²ப்ரதா³யினீ ॥ 9 ॥ ஈத்³ருகி³த்யவினிர்தே³ஶ்யா சேஶ்வரத்வவிதா⁴யினீ । ஈஶானாதி³ப்³ரஹ்மமயீ சேஶித்வாத்³யஷ்டஸித்³தி⁴தா³ ॥ 10 ॥ ஈக்ஷித்ரீக்ஷணஸ்ருஷ்டாண்ட³கோடிரீஶ்வரவல்லபா⁴ । ஈடி³தா சேஶ்வரார்தா⁴ங்க³ஶரீரேஶாதி⁴தே³வதா ॥ 11 ॥ ஈஶ்வரப்ரேரணகரீ சேஶதாண்ட³வஸாக்ஷிணீ । ஈஶ்வரோத்ஸங்க³னிலயா சேதிபா³தா⁴வினாஶினீ ॥ 12 ॥ ஈஹாவிரஹிதா சேஶஶக்திரீஷத்ஸ்மிதானநா । லகாரரூபா லலிதா லக்ஷ்மீவாணீனிஷேவிதா ॥ 13 ॥ லாகினீ லலனாரூபா லஸத்³தா³டி³மபாடலா । லலந்திகாலஸத்பா²லா லலாடனயனார்சிதா ॥ 14 ॥ லக்ஷணோஜ்ஜ்வலதி³வ்யாங்கீ³ லக்ஷகோட்யண்ட³னாயிகா । லக்ஷ்யார்தா² லக்ஷணாக³ம்யா லப்³த⁴காமா லதாதனு: ॥ 15 ॥ லலாமராஜத³லிகா லம்பி³முக்தாலதாஞ்சிதா । லம்போ³த³ரப்ரஸூர்லப்⁴யா லஜ்ஜாட்⁴யா லயவர்ஜிதா ॥ 16 ॥ ஹ்ரீம்‍காரரூபா ஹ்ரீம்‍காரனிலயா ஹ்ரீம்‍பத³ப்ரியா । ஹ்ரீம்‍காரபீ³ஜா ஹ்ரீம்‍காரமந்த்ரா ஹ்ரீம்‍காரலக்ஷணா ॥ 17 ॥ ஹ்ரீம்‍காரஜபஸுப்ரீதா ஹ்ரீம்‍மதீ ஹ்ரீம்‍விபூ⁴ஷணா । ஹ்ரீம்‍ஶீலா ஹ்ரீம்‍பதா³ராத்⁴யா ஹ்ரீம்‍க³ர்பா⁴ ஹ்ரீம்‍பதா³பி⁴தா⁴ ॥ 18 ॥ ஹ்ரீம்‍காரவாச்யா ஹ்ரீம்‍காரபூஜ்யா ஹ்ரீம்‍காரபீடி²கா । ஹ்ரீம்‍காரவேத்³யா ஹ்ரீம்‍காரசிந்த்யா ஹ்ரீம் ஹ்ரீம்‍ஶரீரிணீ ॥ 19 ॥ ஹகாரரூபா ஹலத்⁴ருக்பூஜிதா ஹரிணேக்ஷணா । ஹரப்ரியா ஹராராத்⁴யா ஹரிப்³ரஹ்மேந்த்³ரவந்தி³தா ॥ 20 ॥ ஹயாரூடா⁴ஸேவிதாங்க்⁴ரிர்ஹயமேத⁴ஸமர்சிதா । ஹர்யக்ஷவாஹனா ஹம்ஸவாஹனா ஹததா³னவா ॥ 21 ॥ ஹத்யாதி³பாபஶமனீ ஹரித³ஶ்வாதி³ஸேவிதா । ஹஸ்திகும்போ⁴த்துங்க³குசா ஹஸ்திக்ருத்திப்ரியாங்க³னா ॥ 22 ॥ ஹரித்³ராகுங்குமாதி³க்³தா⁴ ஹர்யஶ்வாத்³யமரார்சிதா । ஹரிகேஶஸகீ² ஹாதி³வித்³யா ஹாலாமதா³லஸா ॥ 23 ॥ ஸகாரரூபா ஸர்வஜ்ஞா ஸர்வேஶீ ஸர்வமங்க³லா । ஸர்வகர்த்ரீ ஸர்வப⁴ர்த்ரீ ஸர்வஹந்த்ரீ ஸனாதனா ॥ 24 ॥ ஸர்வானவத்³யா ஸர்வாங்க³ஸுந்த³ரீ ஸர்வஸாக்ஷிணீ । ஸர்வாத்மிகா ஸர்வஸௌக்²யதா³த்ரீ ஸர்வவிமோஹினீ ॥ 25 ॥ ஸர்வாதா⁴ரா ஸர்வக³தா ஸர்வாவகு³ணவர்ஜிதா । ஸர்வாருணா ஸர்வமாதா ஸர்வபூ⁴ஷணபூ⁴ஷிதா ॥ 26 ॥ ககாரார்தா² காலஹந்த்ரீ காமேஶீ காமிதார்த²தா³ । காமஸஞ்ஜீவனீ கல்யா கடி²னஸ்தனமண்ட³லா ॥ 27 ॥ கரபோ⁴ரூ: கலானாத²முகீ² கசஜிதாம்பு³தா³ । கடாக்ஷஸ்யந்தி³கருணா கபாலிப்ராணனாயிகா ॥ 28 ॥ காருண்யவிக்³ரஹா காந்தா காந்திதூ⁴தஜபாவலி: । கலாலாபா கம்பு³கண்டீ² கரனிர்ஜிதபல்லவா ॥ 29 ॥ கல்பவல்லீஸமபு⁴ஜா கஸ்தூரீதிலகாஞ்சிதா । ஹகாரார்தா² ஹம்ஸக³திர்ஹாடகாப⁴ரணோஜ்ஜ்வலா ॥ 30 ॥ ஹாரஹாரிகுசாபோ⁴கா³ ஹாகினீ ஹல்யவர்ஜிதா । ஹரித்பதிஸமாராத்⁴யா ஹடா²த்காரஹதாஸுரா ॥ 31 ॥ ஹர்ஷப்ரதா³ ஹவிர்போ⁴க்த்ரீ ஹார்த³ஸந்தமஸாபஹா । ஹல்லீஸலாஸ்யஸந்துஷ்டா ஹம்ஸமந்த்ரார்த²ரூபிணீ ॥ 32 ॥ ஹானோபாதா³னநிர்முக்தா ஹர்ஷிணீ ஹரிஸோத³ரீ । ஹாஹாஹூஹூமுக²ஸ்துத்யா ஹானிவ்ருத்³தி⁴விவர்ஜிதா ॥ 33 ॥ ஹய்யங்க³வீனஹ்ருத³யா ஹரிகோ³பாருணாம்ஶுகா । லகாராக்²யா லதாபூஜ்யா லயஸ்தி²த்யுத்³ப⁴வேஶ்வரீ ॥ 34 ॥ லாஸ்யத³ர்ஶனஸந்துஷ்டா லாபா⁴லாப⁴விவர்ஜிதா । லங்க்⁴யேதராஜ்ஞா லாவண்யஶாலினீ லகு⁴ஸித்³தி⁴தா³ ॥ 35 ॥ லாக்ஷாரஸஸவர்ணாபா⁴ லக்ஷ்மணாக்³ரஜபூஜிதா । லப்⁴யேதரா லப்³த⁴ப⁴க்திஸுலபா⁴ லாங்க³லாயுதா⁴ ॥ 36 ॥ லக்³னசாமரஹஸ்தஶ்ரீஶாரதா³பரிவீஜிதா । லஜ்ஜாபத³ஸமாராத்⁴யா லம்படா லகுலேஶ்வரீ ॥ 37 ॥ லப்³த⁴மானா லப்³த⁴ரஸா லப்³த⁴ஸம்பத்ஸமுன்னதி: । ஹ்ரீம்‍காரிணீ ஹ்ரீம்‍காராத்³யா ஹ்ரீம்‍மத்⁴யா ஹ்ரீம்‍ஶிகா²மணி: ॥ 38 ॥ ஹ்ரீம்‍காரகுண்டா³க்³னிஶிகா² ஹ்ரீம்‍காரஶஶிசந்த்³ரிகா । ஹ்ரீம்‍காரபா⁴ஸ்கரருசிர்ஹ்ரீம்‍காராம்போ⁴த³சஞ்சலா ॥ 39 ॥ ஹ்ரீம்‍காரகந்தா³ங்குரிகா ஹ்ரீம்‍காரைகபராயணா । ஹ்ரீம்‍காரதீ³ர்கி⁴காஹம்ஸீ ஹ்ரீம்‍காரோத்³யானகேகினீ ॥ 40 ॥ ஹ்ரீம்‍காராரண்யஹரிணீ ஹ்ரீம்‍காராவாலவல்லரீ । ஹ்ரீம்‍காரபஞ்ஜரஶுகீ ஹ்ரீம்‍காராங்க³ணதீ³பிகா ॥ 41 ॥ ஹ்ரீம்‍காரகந்த³ராஸிம்ஹீ ஹ்ரீம்‍காராம்போ⁴ஜப்⁴ருங்கி³கா । ஹ்ரீம்‍காரஸுமனோமாத்⁴வீ ஹ்ரீம்‍காரதருமஞ்ஜரீ ॥ 42 ॥ ஸகாராக்²யா ஸமரஸா ஸகலாக³மஸம்ஸ்துதா । ஸர்வவேதா³ந்ததாத்பர்யபூ⁴மி: ஸத³ஸதா³ஶ்ரயா ॥ 43 ॥ ஸகலா ஸச்சிதா³னந்தா³ ஸாத்⁴யா ஸத்³க³திதா³யினீ । ஸனகாதி³முனித்⁴யேயா ஸதா³ஶிவகுடும்பி³னீ ॥ 44 ॥ ஸகாலாதி⁴ஷ்டா²னரூபா ஸத்யரூபா ஸமாக்ருதி: । ஸர்வப்ரபஞ்சனிர்மாத்ரீ ஸமனாதி⁴கவர்ஜிதா ॥ 45 ॥ ஸர்வோத்துங்கா³ ஸங்க³ஹீனா ஸகு³ணா ஸகலேஷ்டதா³ । ககாரிணீ காவ்யலோலா காமேஶ்வரமனோஹரா ॥ 46 ॥ காமேஶ்வரப்ராணனாடீ³ காமேஶோத்ஸங்க³வாஸினீ । காமேஶ்வராலிங்கி³தாங்கீ³ காமேஶ்வரஸுக²ப்ரதா³ ॥ 47 ॥ காமேஶ்வரப்ரணயினீ காமேஶ்வரவிலாஸினீ । காமேஶ்வரதப:ஸித்³தி⁴: காமேஶ்வரமன:ப்ரியா ॥ 48 ॥ காமேஶ்வரப்ராணனாதா² காமேஶ்வரவிமோஹினீ । காமேஶ்வரப்³ரஹ்மவித்³யா காமேஶ்வரக்³ருஹேஶ்வரீ ॥ 49 ॥ காமேஶ்வராஹ்லாத³கரீ காமேஶ்வரமஹேஶ்வரீ । காமேஶ்வரீ காமகோடினிலயா காங்க்ஷிதார்த²தா³ ॥ 50 ॥ லகாரிணீ லப்³த⁴ரூபா லப்³த⁴தீ⁴ர்லப்³த⁴வாஞ்சி²தா । லப்³த⁴பாபமனோதூ³ரா லப்³தா⁴ஹங்காரது³ர்க³மா ॥ 51 ॥ லப்³த⁴ஶக்திர்லப்³த⁴தே³ஹா லப்³தை⁴ஶ்வர்யஸமுன்னதி: । லப்³த⁴வ்ருத்³தி⁴ர்லப்³த⁴லீலா லப்³த⁴யௌவனஶாலினீ ॥ 52 ॥ லப்³தா⁴திஶயஸர்வாங்க³ஸௌந்த³ர்யா லப்³த⁴விப்⁴ரமா । லப்³த⁴ராகா³ லப்³த⁴பதிர்லப்³த⁴னானாக³மஸ்தி²தி: ॥ 53 ॥ லப்³த⁴போ⁴கா³ லப்³த⁴ஸுகா² லப்³த⁴ஹர்ஷாபி⁴பூரிதா । ஹ்ரீம்‍காரமூர்திர்ஹ்ரீம்‍காரஸௌத⁴ஶ்ருங்க³கபோதிகா ॥ 54 ॥ ஹ்ரீம்‍காரது³க்³தா⁴ப்³தி⁴ஸுதா⁴ ஹ்ரீம்‍காரகமலேந்தி³ரா । ஹ்ரீம்‍காரமணிதீ³பார்சிர்ஹ்ரீம்‍காரதருஶாரிகா ॥ 55 ॥ ஹ்ரீம்‍காரபேடகமணிர்ஹ்ரீம்‍காராத³ர்ஶபி³ம்பி³தா । ஹ்ரீம்‍காரகோஶாஸிலதா ஹ்ரீம்‍காராஸ்தா²னநர்தகீ ॥ 56 ॥ ஹ்ரீம்‍காரஶுக்திகாமுக்தாமணிர்ஹ்ரீம்‍காரபோ³தி⁴தா । ஹ்ரீம்‍காரமயஸௌவர்ணஸ்தம்ப⁴வித்³ருமபுத்ரிகா ॥ 57 ॥ ஹ்ரீம்‍காரவேதோ³பனிஷத்³ ஹ்ரீம்‍காராத்⁴வரத³க்ஷிணா । ஹ்ரீம்‍காரனந்த³னாராமனவகல்பகவல்லரீ ॥ 58 ॥ ஹ்ரீம்‍காரஹிமவத்³க³ங்கா³ ஹ்ரீம்‍காரார்ணவகௌஸ்துபா⁴ । ஹ்ரீம்‍காரமந்த்ரஸர்வஸ்வா ஹ்ரீம்‍காரபரஸௌக்²யதா³ ॥ 59 ॥ உத்தரபீடி²கா (ப²லஶ்ருதி:) ஹயக்³ரீவ உவாச । இத்யேவம் தே மயாக்²யாதம் தே³வ்யா நாமஶதத்ரயம் । ரஹஸ்யாதிரஹஸ்யத்வாத்³கோ³பனீயம் த்வயா முனே ॥ 1 ॥ ஶிவவர்ணானி நாமானி ஶ்ரீதே³வ்யா கதி²தானி ஹி । ஶக்த்யக்ஷராணி நாமானி காமேஶகதி²தானி ச ॥ 2 ॥ உப⁴யாக்ஷரனாமானி ஹ்யுபா⁴ப்⁴யாம் கதி²தானி வை । தத³ன்யைர்க்³ரதி²தம் ஸ்தோத்ரமேதஸ்ய ஸத்³ருஶம் கிமு ॥ 3 ॥ நானேன ஸத்³ருஶம் ஸ்தோத்ரம் ஶ்ரீதே³வீப்ரீதிதா³யகம் । லோகத்ரயேபி கல்யாணம் ஸம்ப⁴வேன்னாத்ர ஸம்ஶய: ॥ 4 ॥ ஸூத உவாச । இதி ஹயமுக²கீ³தம் ஸ்தோத்ரராஜம் நிஶம்ய ப்ரக³லிதகலுஷோபூ⁴ச்சித்தபர்யாப்திமேத்ய । நிஜகு³ருமத² நத்வா கும்பஜ⁴ன்மா தது³க்தம் புனரதி⁴கரஹஸ்யம் ஜ்ஞாதுமேவம் ஜகா³த³ ॥ 5 ॥ அக³ஸ்த்ய உவாச । அஶ்வானந மஹாபா⁴க³ ரஹஸ்யமபி மே வத³ । ஶிவவர்ணானி கான்யத்ர ஶக்திவர்ணானி கானி ஹி ॥ 6 ॥ உப⁴யோரபி வர்ணானி கானி வா வத³ தே³ஶிக । இதி ப்ருஷ்ட: கும்பஜ⁴ேன ஹயக்³ரீவோவத³த்புன: ॥ 7 ॥ ஹயக்³ரீவ உவாச । தவ கோ³ப்யம் கிமஸ்தீஹ ஸாக்ஷாத³ம்பா³னுஶாஸனாத் । இத³ம் த்வதிரஹஸ்யம் தே வக்ஷ்யாமி ஶ்ருணு கும்பஜ⁴ ॥ 8 ॥ ஏதத்³விஜ்ஞானமாத்ரேண ஶ்ரீவித்³யா ஸித்³தி⁴தா³ ப⁴வேத் । கத்ரயம் ஹத்³வயம் சைவ ஶைவோ பா⁴க:³ ப்ரகீர்தித: ॥ 9 ॥ ஶக்த்யக்ஷராணி ஶேஷாணி ஹ்ரீங்கார உப⁴யாத்மக: । ஏவம் விபா⁴க³மஜ்ஞாத்வா யே வித்³யாஜபஶாலின: ॥ 10 ॥ ந தேஷாம் ஸித்³தி⁴தா³ வித்³யா கல்பகோடிஶதைரபி । சதுர்பி⁴: ஶிவசக்ரைஶ்ச ஶக்திசக்ரைஶ்ச பஞ்சபி⁴: ॥ 11 ॥ நவசக்ரைஶ்ச ஸம்ஸித்³த⁴ம் ஶ்ரீசக்ரம் ஶிவயோர்வபு: । த்ரிகோணமஷ்டகோணம் ச த³ஶகோணத்³வயம் ததா² ॥ 12 ॥ சதுர்த³ஶாரம் சைதானி ஶக்திசக்ராணி பஞ்ச ச । பி³ந்து³ஶ்சாஷ்டத³லம் பத்³மம் பத்³மம் ஷோட³ஶபத்ரகம் ॥ 13 ॥ சதுரஶ்ரம் ச சத்வாரி ஶிவசக்ராண்யனுக்ரமாத் । த்ரிகோணே பை³ந்த³வம் ஶ்லிஷ்டம் அஷ்டாரேஷ்டத³லாம்பு³ஜம் ॥ 14 ॥ த³ஶாரயோ: ஷோட³ஶாரம் பூ⁴க்³ருஹம் பு⁴வனாஶ்ரகே । ஶைவானாமபி ஶாக்தானாம் சக்ராணாம் ச பரஸ்பரம் ॥ 15 ॥ அவினாபா⁴வஸம்ப³ந்த⁴ம் யோ ஜானாதி ஸ சக்ரவித் । த்ரிகோணரூபிணீ ஶக்திர்பி³ந்து³ரூபபர: ஶிவ: ॥ 16 ॥ அவினாபா⁴வஸம்ப³ந்த⁴ம் தஸ்மாத்³பி³ந்து³த்ரிகோணயோ: । ஏவம் விபா⁴க³மஜ்ஞாத்வா ஶ்ரீசக்ரம் ய: ஸமர்சயேத் ॥ 17 ॥ ந தத்ப²லமவாப்னோதி லலிதாம்பா³ ந துஷ்யதி । யே ச ஜானந்தி லோகேஸ்மின் ஶ்ரீவித்³யாசக்ரவேதி³ன: ॥ 18 ॥ ஸாமன்யவேதி³ன: ஸர்வே விஶேஷஜ்ஞோதிது³ர்லப:⁴ । ஸ்வயம்வித்³யாவிஶேஷஜ்ஞோ விஶேஷஜ்ஞம் ஸமர்சயேத் ॥ 19 ॥ தஸ்மை தே³யம் ததோ க்³ராஹ்யமஶக்தஸ்தஸ்ய தா³பயேத் । அந்த⁴ம் தம: ப்ரவிஶந்தி யேவித்³யாம் ஸமுபாஸதே ॥ 20 ॥ இதி ஶ்ருதிரபாஹைதானவித்³யோபாஸகான்புன: । வித்³யான்யோபாஸகானேவ நிந்த³த்யாருணிகீ ஶ்ருதி: ॥ 21 ॥ அஶ்ருதா ஸஶ்ருதாஸஶ்ச யஜ்வானோ யேப்யயஜ்வன: । ஸ்வர்யந்தோ நாபேக்ஷந்தே இந்த்³ரமக்³னிம் ச யே விது³: ॥ 22 ॥ ஸிகதா இவ ஸம்யந்தி ரஶ்மிபி⁴: ஸமுதீ³ரிதா: । அஸ்மால்லோகாத³முஷ்மாச்சேத்யாஹ சாரண்யகஶ்ருதி: ॥ 23 ॥ யஸ்ய நோ பஶ்சிமம் ஜன்ம யதி³ வா ஶங்கர: ஸ்வயம் । தேனைவ லப்⁴யதே வித்³யா ஶ்ரீமத்பஞ்சத³ஶாக்ஷரீ ॥ 24 ॥ இதி மந்த்ரேஷு ப³ஹுதா⁴ வித்³யாயா மஹிமோச்யதே । மோக்ஷைகஹேதுவித்³யா து ஶ்ரீவித்³யா நாத்ர ஸம்ஶய: ॥ 25 ॥ ந ஶில்பாதி³ஜ்ஞானயுக்தே வித்³வச்ச²ப்³த:⁴ ப்ரயுஜ்யதே । மோக்ஷைகஹேதுவித்³யா ஸா ஶ்ரீவித்³யைவ ந ஸம்ஶய: ॥ 26 ॥ தஸ்மாத்³வித்³யாவிதே³வாத்ர வித்³வான்வித்³வானிதீர்யதே । ஸ்வயம் வித்³யாவிதே³ த³த்³யாத்க்²யாபயேத்தத்³கு³ணான்ஸுதீ⁴: ॥ 27 ॥ ஸ்வயம்வித்³யாரஹஸ்யஜ்ஞோ வித்³யாமாஹாத்ம்யவேத்³யபி । வித்³யாவித³ம் நார்சயேச்சேத்கோ வா தம் பூஜயேஜ்ஜன: ॥ 28 ॥ ப்ரஸங்கா³தி³த³முக்தம் தே ப்ரக்ருதம் ஶ்ருணு கும்பஜ⁴ । ய: கீர்தயேத்ஸக்ருத்³ப⁴க்த்யா தி³வ்யனாமஶதத்ரயம் ॥ 29 ॥ தஸ்ய புண்யமஹம் வக்ஷ்யே ஶ்ருணு த்வம் கும்ப⁴ஸம்ப⁴வ । ரஹஸ்யனாமஸாஹஸ்ரபாடே² யத்ப²லமீரிதம் ॥ 30 ॥ தத்ப²லம் கோடிகு³ணிதமேகனாமஜபாத்³ப⁴வேத் । காமேஶ்வரீகாமேஶாப்⁴யாம் க்ருதம் நாமஶதத்ரயம் ॥ 31 ॥ நான்யேன துலயேதே³தத் ஸ்தோத்ரேணான்யக்ருதேன ச । ஶ்ரிய: பரம்பரா யஸ்ய பா⁴வி வா சோத்தரோத்தரம் ॥ 32 ॥ தேனைவ லப்⁴யதே சைதத்பஶ்சாச்ச்²ரேய: பரீக்ஷயேத் । அஸ்யா நாம்னாம் த்ரிஶத்யாஸ்து மஹிமா கேன வர்ண்யதே ॥ 33 ॥ யா ஸ்வயம் ஶிவயோர்வக்த்ரபத்³மாப்⁴யாம் பரினி:ஸ்ருதா । நித்யம் ஷோட³ஶஸங்க்³யாகான்விப்ரானாதௌ³ து போ⁴ஜயேத் ॥ 34 ॥ அப்⁴யக்தாம்ஸ்திலதைலேன ஸ்னாதானுஷ்ணேன வாரிணா । அப்⁴யர்ச்ய க³ந்த⁴புஷ்பாத்³யை: காமேஶ்வர்யாதி³னாமபி⁴: ॥ 35 ॥ ஸூபாபூபை: ஶர்கராத்³யை: பாயஸை: ப²லஸம்யுதை: । வித்³யாவிதோ³ விஶேஷேண போ⁴ஜயேத்ஷோட³ஶ த்³விஜான் ॥ 36 ॥ ஏவம் நித்யார்சனம் குர்யாதா³தௌ³ ப்³ராஹ்மணபோ⁴ஜனம் । த்ரிஶதீனாமபி⁴: பஶ்சாத்³ப்³ராஹ்மணான்க்ரமஶோர்சயேத் ॥ 37 ॥ தைலாப்⁴யங்கா³தி³கம் த³த்வா விப⁴வே ஸதி ப⁴க்தித: । ஶுக்லப்ரதிபதா³ரப்⁴ய பௌர்ணமாஸ்யவதி⁴ க்ரமாத் ॥ 38 ॥ தி³வஸே தி³வஸே விப்ரா போ⁴ஜ்யா விம்ஶதிஸங்க்³யயா । த³ஶபி⁴: பஞ்சபி⁴ர்வாபி த்ரிபி⁴ரேகேன வா தி³னை: ॥ 39 ॥ த்ரிம்ஶத்ஷஷ்டி: ஶதம் விப்ரா: ஸம்போ⁴ஜ்யாஸ்த்ரிஶதம் க்ரமாத் । ஏவம் ய: குருதே ப⁴க்த்யா ஜன்மமத்⁴யே ஸக்ருன்னர: ॥ 40 ॥ தஸ்யைவ ஸப²லம் ஜன்ம முக்திஸ்தஸ்ய கரே ஸ்தி²ரா । ரஹஸ்யனாமஸாஹஸ்ரபோ⁴ஜனேப்யேவமேவ ஹி ॥ 41 ॥ ஆதௌ³ நித்யப³லிம் குர்யாத்பஶ்சாத்³ப்³ராஹ்மணபோ⁴ஜனம் । ரஹஸ்யனாமஸாஹஸ்ரமஹிமா யோ மயோதி³த: ॥ 42 ॥ ஸ ஶீகராணுரத்னைகனாம்னோ மஹிமவாரிதே⁴: । வாக்³தே³வீரசிதே நாமஸாஹஸ்ரே யத்³யதீ³ரிதம் ॥ 43 ॥ தத்ப²லம் கோடிகு³ணிதம் நாம்னோப்யேகஸ்ய கீர்தனாத் । ஏதத³ன்யைர்ஜபை: ஸ்தோத்ரைரர்சனைர்யத்ப²லம் ப⁴வேத் ॥ 44 ॥ தத்ப²லம் கோடிகு³ணிதம் ப⁴வேன்னாமஶதத்ரயாத் । வாக்³தே³வீரசிதே ஸ்தோத்ரே தாத்³ருஶோ மஹிமா யதி³ ॥ 45 ॥ ஸாக்ஷாத்காமேஶகாமேஶீக்ருதேஸ்மின்க்³ருஹ்யதாமிதி । ஸக்ருத்ஸங்கீர்தனாதே³வ நாம்னாமஸ்மின் ஶதத்ரயே ॥ 46 ॥ ப⁴வேச்சித்தஸ்ய பர்யாப்திர்ன்யூனமன்யானபேக்ஷிணீ । ந ஜ்ஞாதவ்யமிதோப்யன்யத்ர ஜப்தவ்யம் ச கும்பஜ⁴ ॥ 47 ॥ யத்³யத்ஸாத்⁴யதமம் கார்யம் தத்தத³ர்த²மித³ம் ஜபேத் । தத்தத்ப²லமவாப்னோதி பஶ்சாத்கார்யம் பரீக்ஷயேத் ॥ 48 ॥ யே யே ப்ரயோகா³ஸ்தந்த்ரேஷு தைஸ்தைர்யத்ஸாத்⁴யதே ப²லம் । தத்ஸர்வம் ஸித்⁴யதி க்ஷிப்ரம் நாமத்ரிஶதகீர்தனாத் ॥ 49 ॥ ஆயுஷ்கரம் புஷ்டிகரம் புத்ரத³ம் வஶ்யகாரகம் । வித்³யாப்ரத³ம் கீர்திகரம் ஸுகவித்வப்ரதா³யகம் ॥ 50 ॥ ஸர்வஸம்பத்ப்ரத³ம் ஸர்வபோ⁴க³த³ம் ஸர்வஸௌக்²யத³ம் । ஸர்வாபீ⁴ஷ்டப்ரத³ம் சைவ தே³வ்யா நாமஶதத்ரயம் ॥ 51 ॥ ஏதஜ்ஜபபரோ பூ⁴யான்னான்யதி³ச்சே²த்கதா³சன । ஏதத்கீர்தனஸந்துஷ்டா ஶ்ரீதே³வீ லலிதாம்பி³கா ॥ 52 ॥ ப⁴க்தஸ்ய யத்³யதி³ஷ்டம் ஸ்யாத்தத்தத்பூரயதே த்⁴ருவம் । தஸ்மாத்கும்போ⁴த்³ப⁴வ முனே கீர்தய த்வமித³ம் ஸதா³ ॥ 53 ॥ நாபரம் கிஞ்சித³பி தே போ³த்³த⁴வ்யமவஶிஷ்யதே । இதி தே கதி²தம் ஸ்தோத்ரம் லலிதாப்ரீதிதா³யகம் ॥ 54 ॥ நாவித்³யாவேதி³னே ப்³ரூயான்னாப⁴க்தாய கதா³சன । ந ஶடா²ய ந து³ஷ்டாய நாவிஶ்வாஸாய கர்ஹிசித் ॥ 56 ॥ யோ ப்³ரூயாத்த்ரிஶதீம் நாம்னாம் தஸ்யானர்தோ² மஹான்ப⁴வேத் । இத்யாஜ்ஞா ஶாங்கரீ ப்ரோக்தா தஸ்மாத்³கோ³ப்யமித³ம் த்வயா ॥ 57 ॥ லலிதாப்ரேரிதேனைவ மயோக்தம் ஸ்தோத்ரமுத்தமம் । ரஹஸ்யனாமஸாஹஸ்ராத³பி கோ³ப்யமித³ம் முனே ॥ 58 ॥ ஸூத உவாச । ஏவமுக்த்வா ஹயக்³ரீவ: கும்பஜ⁴ம் தாபஸோத்தமம் । ஸ்தோத்ரேணானேன லலிதாம் ஸ்துத்வா த்ரிபுரஸுந்த³ரீம் । ஆனந்த³லஹரீமக்³னமானஸ: ஸமவர்தத ॥ 59 ॥ இதி ப்³ரஹ்மாண்ட³புராணே உத்தரக²ண்டே³ ஹயக்³ரீவாக³ஸ்த்யஸம்வாதே³ லலிதோபாக்²யானே ஸ்தோத்ரக²ண்டே³ ஶ்ரீலலிதாத்ரிஶதீஸ்தோத்ரரத்னம் ।