हैंహైHaindavamஹிહિં
📍
Font Size:
ശ്രീ ലലിതാ ത്രിശതി സ്തോത്രം
അഗസ്ത്യ ഉവാച ।
അശ്വാനന മഹാബുദ്ധേ സർവശാസ്ത്രവിശാരദ ।
കഥിതം ലലിതാദേവ്യാശ്ചരിതം പരമാദ്ഭുതം ॥ 1 ॥
പൂർവം പ്രാദുർഭവോ മാതുസ്തതഃ പട്ടാഭിഷേചനം ।
ഭണ്ഡാസുരവധശ്ചൈവ വിസ്തരേണ ത്വയോദിതഃ ॥ 2 ॥
വർണിതം ശ്രീപുരം ചാപി മഹാവിഭവവിസ്തരം ।
ശ്രീമത്പഞ്ചദശാക്ഷര്യാഃ മഹിമാ വർണിതസ്തഥാ ॥ 3 ॥
ഷോഢാന്യാസാദയോ ന്യാസാഃ ന്യാസഖണ്ഡേ സമീരിതാഃ ।
അന്തര്യാഗക്രമശ്ചൈവ ബഹിര്യാഗക്രമസ്തഥാ ॥ 4 ॥
മഹായാഗക്രമശ്ചൈവ പൂജാഖണ്ഡേ പ്രകീർതിതാഃ ।
പുരശ്ചരണഖണ്ഡേ തു ജപലക്ഷണമീരിതം ॥ 5 ॥
ഹോമഖണ്ഡേ ത്വയാ പ്രോക്തോ ഹോമദ്രവ്യവിധിക്രമഃ ।
ചക്രരാജസ്യ വിദ്യായാഃ ശ്രീദേവ്യാ ദേശികാത്മനോഃ ॥ 6 ॥
രഹസ്യഖണ്ഡേ താദാത്മ്യം പരസ്പരമുദീരിതം ।
സ്തോത്രഖണ്ഡേ ബഹുവിധാഃ സ്തുതയഃ പരികീർതിതാഃ ॥ 7 ॥
മന്ത്രിണീദണ്ഡിനീദേവ്യോഃ പ്രോക്തേ നാമസഹസ്രകേ ।
ന തു ശ്രീലലിതാദേവ്യാഃ പ്രോക്തം നാമസഹസ്രകം ॥ 8 ॥
തത്ര മേ സംശയോ ജാതോ ഹയഗ്രീവ ദയാനിധേ ।
കിം വാ ത്വയാ വിസ്മൃതം തജ്ജ്ഞാത്വാ വാ സമുപേക്ഷിതം ॥ 9 ॥
മമ വാ യോഗ്യതാ നാസ്തി ശ്രോതും നാമസഹസ്രകം ।
കിമർഥം ഭവതാ നോക്തം തത്ര മേ കാരണം വദ ॥ 10 ॥
സൂത ഉവാച ।
ഇതി പൃഷ്ടോ ഹയഗ്രീവോ മുനിനാ കുംഭജന്മനാ ।
പ്രഹൃഷ്ടോ വചനം പ്രാഹ താപസം കുംഭസംഭവം ॥ 11 ॥
ശ്രീഹയഗ്രീവ ഉവാച ।
ലോപാമുദ്രാപതേഽഗസ്ത്യ സാവധാനമനാഃ ശൃണു ।
നാമ്നാം സഹസ്രം യന്നോക്തം കാരണം തദ്വദാമി തേ ॥ 12 ॥
രഹസ്യമിതി മത്വാഹം നോക്തവാംസ്തേ ന ചാന്യഥാ ।
പുനശ്ച പൃച്ഛതേ ഭക്ത്യാ തസ്മാത്തത്തേ വദാമ്യഹം ॥ 13 ॥
ബ്രൂയാച്ഛിഷ്യായ ഭക്തായ രഹസ്യമപി ദേശികഃ ।
ഭവതാ ന പ്രദേയം സ്യാദഭക്തായ കദാചന ॥ 14 ॥
ന ശഠായ ന ദുഷ്ടായ നാവിശ്വാസായ കർഹിചിത് ।
ശ്രീമാതൃഭക്തിയുക്തായ ശ്രീവിദ്യാരാജവേദിനേ ॥ 15 ॥
ഉപാസകായ ശുദ്ധായ ദേയം നാമസഹസ്രകം ।
യാനി നാമസഹസ്രാണി സദ്യഃ സിദ്ധിപ്രദാനി വൈ ॥ 16 ॥
തന്ത്രേഷു ലലിതാദേവ്യാസ്തേഷു മുഖ്യമിദം മുനേ ।
ശ്രീവിദ്യൈവ തു മന്ത്രാണാം തത്ര കാദിര്യഥാ പരാ ॥ 17 ॥
പുരാണാം ശ്രീപുരമിവ ശക്തീനാം ലലിതാ തഥാ ।
ശ്രീവിദ്യോപാസകാനാം ച യഥാ ദേവോ പരഃ ശിവഃ ॥ 18 ॥
തഥാ നാമസഹസ്രേഷു പരമേതത്പ്രകീർതിതം ।
യഥാസ്യ പഠനാദ്ദേവീ പ്രീയതേ ലലിതാംബികാ ॥ 19 ॥
അന്യനാമസഹസ്രസ്യ പാഠാന്ന പ്രീയതേ തഥാ ।
ശ്രീമാതുഃ പ്രീതയേ തസ്മാദനിശം കീർതയേദിദം ॥ 20 ॥
ബില്വപത്രൈശ്ചക്രരാജേ യോഽർചയേല്ലലിതാംബികാം ।
പദ്മൈർവാ തുലസീപുഷ്പൈരേഭിർനാമസഹസ്രകൈഃ ॥ 21 ॥
സദ്യഃ പ്രസാദം കുരുതേ തസ്യ സിംഹാസനേശ്വരീ ।
ചക്രാധിരാജമഭ്യർച്യ ജപ്ത്വാ പഞ്ചദശാക്ഷരീം ॥ 22 ॥
ജപാന്തേ കീർതയേന്നിത്യമിദം നാമസഹസ്രകം ।
ജപപൂജാദ്യശക്തശ്ചേത്പഠേന്നാമസഹസ്രകം ॥ 23 ॥
സാംഗാർചനേ സാംഗജപേ യത്ഫലം തദവാപ്നുയാത് ।
ഉപാസനേ സ്തുതീരന്യാഃ പഠേദഭ്യുദയോ ഹി സഃ ॥ 24 ॥
ഇദം നാമസഹസ്രം തു കീർതയേന്നിത്യകർമവത് ।
ചക്രരാജാർചനം ദേവ്യാ ജപോ നാമ്നാം ച കീർതനം ॥ 25 ॥
ഭക്തസ്യ കൃത്യമേതാവദന്യദഭ്യുദയം വിദുഃ ।
ഭക്തസ്യാവശ്യകമിദം നാമസാഹസ്രകീർതനം ॥ 26 ॥
തത്ര ഹേതും പ്രവക്ഷ്യാമി ശൃണു ത്വം കുംഭസംഭവ ।
പുരാ ശ്രീലലിതാദേവീ ഭക്താനാം ഹിതകാമ്യയാ ॥ 27 ॥
വാഗ്ദേവീർവശിനീമുഖ്യാഃ സമാഹൂയേദമബ്രവീത് ।
വാഗ്ദേവതാ വശിന്യാദ്യാഃ ശൃണുധ്വം വചനം മമ ॥ 28 ॥
ഭവത്യോ മത്പ്രസാദേന പ്രോല്ലസദ്വാഗ്വിഭൂതയഃ ।
മദ്ഭക്താനാം വാഗ്വിഭൂതിപ്രദാനേ വിനിയോജിതാഃ ॥ 29 ॥
മച്ചക്രസ്യ രഹസ്യജ്ഞാ മമ നാമപരായണാഃ ।
മമ സ്തോത്രവിധാനായ തസ്മാദാജ്ഞാപയാമി വഃ ॥ 30 ॥
കുരുധ്വമങ്കിതം സ്തോത്രം മമ നാമസഹസ്രകൈഃ ।
യേന ഭക്തൈഃ സ്തുതായാ മേ സദ്യഃ പ്രീതിഃ പരാ ഭവേത് ॥ 31 ॥
ഇത്യാജ്ഞപ്താസ്തതോ ദേവ്യഃ ശ്രീദേവ്യാ ലലിതാംബയാ ।
രഹസ്യൈർനാമഭിർദിവ്യൈശ്ചക്രുഃ സ്തോത്രമനുത്തമം ॥ 32 ॥
രഹസ്യനാമസാഹസ്രമിതി തദ്വിശ്രുതം പരം ।
തതഃ കദാചിത്സദസി സ്ഥിത്വാ സിംഹാസനേഽമ്ബികാ ॥ 33 ॥
സ്വസേവാവസരം പ്രാദാത്സർവേഷാം കുംഭസംഭവ ।
സേവാർഥമാഗതാസ്തത്ര ബ്രഹ്മാണീബ്രഹ്മകോടയഃ ॥ 34 ॥
ലക്ഷ്മീനാരായണാനാം ച കോടയഃ സമുപാഗതാഃ ।
ഗൗരീകോടിസമേതാനാം രുദ്രാണാമപി കോടയഃ ॥ 35 ॥
മന്ത്രിണീദണ്ഡിനീമുഖ്യാഃ സേവാർഥം യഃ സമാഗതാഃ ।
ശക്തയോ വിവിധാകാരാസ്താസാം സംഖ്യാ ന വിദ്യതേ ॥ 36 ॥
ദിവ്യൗഘാ മാനവൗഘാശ്ച സിദ്ധൗഘാശ്ച സമാഗതാഃ ।
തത്ര ശ്രീലലിതാദേവീ സർവേഷാം ദർശനം ദദൗ ॥ 37 ॥
തേഷു ദൃഷ്ട്വോപവിഷ്ടേഷു സ്വേ സ്വേ സ്ഥാനേ യഥാക്രമം ।
തത്ര ശ്രീലലിതാദേവീകടാക്ഷാക്ഷേപചോദിതാഃ ॥ 38 ॥
ഉത്ഥായ വശിനീമുഖ്യാ ബദ്ധാഞ്ജലിപുടാസ്തദാ ।
അസ്തുവന്നാമസാഹസ്രൈഃ സ്വകൃതൈർലലിതാംബികാം ॥ 39 ॥
ശ്രുത്വാ സ്തവം പ്രസന്നാഭൂല്ലലിതാ പരമേശ്വരീ ।
തേ സർവേ വിസ്മയം ജഗ്മുര്യേ തത്ര സദസി സ്ഥിതാഃ ॥ 40 ॥
തതഃ പ്രോവാച ലലിതാ സദസ്യാൻ ദേവതാഗണാൻ ।
ദേവ്യുവാച ।
മമാജ്ഞയൈവ വാഗ്ദേവ്യശ്ചക്രുഃ സ്തോത്രമനുത്തമം ॥ 41 ॥
അങ്കിതം നാമഭിർദിവ്യൈർമമ പ്രീതിവിധായകൈഃ ।
തത്പഠധ്വം സദാ യൂയം സ്തോത്രം മത്പ്രീതിവൃദ്ധയേ ॥ 42 ॥
പ്രവർതയധ്വം ഭക്തേഷു മമ നാമസാഹസ്രകം ।
ഇദം നാമസഹസ്രം മേ യോ ഭക്തഃ പഠതേ സകൃത് ॥ 43 ॥
സ മേ പ്രിയതമോ ജ്ഞേയസ്തസ്മൈ കാമാൻ ദദാമ്യഹം ।
ശ്രീചക്രേ മാം സമഭ്യർച്യ ജപ്ത്വാ പഞ്ചദശാക്ഷരീം ॥ 44 ॥
പശ്ചാന്നാമസഹസ്രം മേ കീർതയേന്മമ തുഷ്ടയേ ।
മാമർചയതു വാ മാ വാ വിദ്യാം ജപതു വാ ന വാ ॥ 45 ॥
കീർതയേന്നാമസാഹസ്രമിദം മത്പ്രീതയേ സദാ ।
മത്പ്രീത്യാ സകലാൻകാമാംല്ലഭതേ നാത്ര സംശയഃ ॥ 46 ॥
തസ്മാന്നാമസഹസ്രം മേ കീർതയധ്വം സദാദരാത് ।
ശ്രീഹയഗ്രീവ ഉവാച ।
ഇതി ശ്രീലലിതേശാനീ ശാസ്തി ദേവാൻ സഹാനുഗാൻ ॥ 47 ॥
തദാജ്ഞയാ തദാരഭ്യ ബ്രഹ്മവിഷ്ണുമഹേശ്വരാഃ ।
ശക്തയോ മന്ത്രിണീമുഖ്യാ ഇദം നാമസഹസ്രകം ॥ 48 ॥
പഠന്തി ഭക്ത്യാ സതതം ലലിതാപരിതുഷ്ടയേ ।
തസ്മാദവശ്യം ഭക്തേന കീർതനീയമിദം മുനേ ॥ 49 ॥
ആവശ്യകത്വേ ഹേതുസ്തേ മയാ പ്രോക്തോ മുനീശ്വര ।
ഇദാനീം നാമസാഹസ്രം വക്ഷ്യാമി ശ്രദ്ധയാ ശൃണു ॥ 50 ॥
ഇതി ശ്രീബ്രഹ്മാണ്ഡപുരാണേ ഹയഗ്രീവാഗസ്ത്യസംവാദേ ലലിതാസഹസ്രനാമപൂർവഭാഗോ നാമ പ്രഥമോഽധ്യായഃ ॥
അസ്യ ശ്രീലലിതാ ത്രിശതീസ്തോത്ര മഹാമന്ത്രസ്യ, ഭഗവാൻ ഹയഗ്രീവ ഋഷിഃ, അനുഷ്ടുപ് ഛന്ദഃ, ശ്രീലലിതാമഹാത്രിപുരസുന്ദരീ ദേവതാ, ഐം ബീജം, സൗഃ ശക്തിഃ, ക്ലീം കീലകം, മമ ചതുർവിധപുരുഷാർഥഫലസിദ്ധ്യർഥേ ജപേ വിനിയോഗഃ ।
ഐമിത്യാദിഭിരംഗന്യാസകരന്യാസാഃ കാര്യാഃ ।
ധ്യാനം ।
അതിമധുരചാപഹസ്താ-
-മപരിമിതാമോദബാണസൗഭാഗ്യാം ।
അരുണാമതിശയകരുണാ-
-മഭിനവകുലസുന്ദരീം വന്ദേ ।
ശ്രീ ഹയഗ്രീവ ഉവാച ।
കകാരരൂപാ കല്യാണീ കല്യാണഗുണശാലിനീ ।
കല്യാണശൈലനിലയാ കമനീയാ കലാവതീ ॥ 1 ॥
കമലാക്ഷീ കല്മഷഘ്നീ കരുണാമൃതസാഗരാ ।
കദംബകാനനാവാസാ കദംബകുസുമപ്രിയാ ॥ 2 ॥
കന്ദർപവിദ്യാ കന്ദർപജനകാപാംഗവീക്ഷണാ ।
കർപൂരവീടിസൗരഭ്യകല്ലോലിതകകുപ്തടാ ॥ 3 ॥
കലിദോഷഹരാ കഞ്ജലോചനാ കമ്രവിഗ്രഹാ ।
കർമാദിസാക്ഷിണീ കാരയിത്രീ കർമഫലപ്രദാ ॥ 4 ॥
ഏകാരരൂപാ ചൈകാക്ഷര്യേകാനേകാക്ഷരാകൃതിഃ ।
ഏതത്തദിത്യനിർദേശ്യാ ചൈകാനന്ദചിദാകൃതിഃ ॥ 5 ॥
ഏവമിത്യാഗമാബോധ്യാ ചൈകഭക്തിമദർചിതാ ।
ഏകാഗ്രചിത്തനിർധ്യാതാ ചൈഷണാരഹിതാദൃതാ ॥ 6 ॥
ഏലാസുഗന്ധിചികുരാ ചൈനഃകൂടവിനാശിനീ ।
ഏകഭോഗാ ചൈകരസാ ചൈകൈശ്വര്യപ്രദായിനീ ॥ 7 ॥
ഏകാതപത്രസാമ്രാജ്യപ്രദാ ചൈകാന്തപൂജിതാ ।
ഏധമാനപ്രഭാ ചൈജദനേകജഗദീശ്വരീ ॥ 8 ॥
ഏകവീരാദിസംസേവ്യാ ചൈകപ്രാഭവശാലിനീ ।
ഈകാരരൂപാ ചേശിത്രീ ചേപ്സിതാർഥപ്രദായിനീ ॥ 9 ॥
ഈദൃഗിത്യവിനിർദേശ്യാ ചേശ്വരത്വവിധായിനീ ।
ഈശാനാദിബ്രഹ്മമയീ ചേശിത്വാദ്യഷ്ടസിദ്ധിദാ ॥ 10 ॥
ഈക്ഷിത്രീക്ഷണസൃഷ്ടാണ്ഡകോടിരീശ്വരവല്ലഭാ ।
ഈഡിതാ ചേശ്വരാർധാംഗശരീരേശാധിദേവതാ ॥ 11 ॥
ഈശ്വരപ്രേരണകരീ ചേശതാണ്ഡവസാക്ഷിണീ ।
ഈശ്വരോത്സംഗനിലയാ ചേതിബാധാവിനാശിനീ ॥ 12 ॥
ഈഹാവിരഹിതാ ചേശശക്തിരീഷത്സ്മിതാനനാ ।
ലകാരരൂപാ ലലിതാ ലക്ഷ്മീവാണീനിഷേവിതാ ॥ 13 ॥
ലാകിനീ ലലനാരൂപാ ലസദ്ദാഡിമപാടലാ ।
ലലന്തികാലസത്ഫാലാ ലലാടനയനാർചിതാ ॥ 14 ॥
ലക്ഷണോജ്ജ്വലദിവ്യാംഗീ ലക്ഷകോട്യണ്ഡനായികാ ।
ലക്ഷ്യാർഥാ ലക്ഷണാഗമ്യാ ലബ്ധകാമാ ലതാതനുഃ ॥ 15 ॥
ലലാമരാജദലികാ ലംബിമുക്താലതാഞ്ചിതാ ।
ലംബോദരപ്രസൂർലഭ്യാ ലജ്ജാഢ്യാ ലയവർജിതാ ॥ 16 ॥
ഹ്രീങ്കാരരൂപാ ഹ്രീങ്കാരനിലയാ ഹ്രീമ്പദപ്രിയാ ।
ഹ്രീങ്കാരബീജാ ഹ്രീങ്കാരമന്ത്രാ ഹ്രീങ്കാരലക്ഷണാ ॥ 17 ॥
ഹ്രീങ്കാരജപസുപ്രീതാ ഹ്രീംമതീ ഹ്രീംവിഭൂഷണാ ।
ഹ്രീംശീലാ ഹ്രീമ്പദാരാധ്യാ ഹ്രീംഗർഭാ ഹ്രീമ്പദാഭിധാ ॥ 18 ॥
ഹ്രീങ്കാരവാച്യാ ഹ്രീങ്കാരപൂജ്യാ ഹ്രീങ്കാരപീഠികാ ।
ഹ്രീങ്കാരവേദ്യാ ഹ്രീങ്കാരചിന്ത്യാ ഹ്രീം ഹ്രീംശരീരിണീ ॥ 19 ॥
ഹകാരരൂപാ ഹലധൃക്പൂജിതാ ഹരിണേക്ഷണാ ।
ഹരപ്രിയാ ഹരാരാധ്യാ ഹരിബ്രഹ്മേന്ദ്രവന്ദിതാ ॥ 20 ॥
ഹയാരൂഢാസേവിതാംഘ്രിർഹയമേധസമർചിതാ ।
ഹര്യക്ഷവാഹനാ ഹംസവാഹനാ ഹതദാനവാ ॥ 21 ॥
ഹത്യാദിപാപശമനീ ഹരിദശ്വാദിസേവിതാ ।
ഹസ്തികുംഭോത്തുംഗകുചാ ഹസ്തികൃത്തിപ്രിയാംഗനാ ॥ 22 ॥
ഹരിദ്രാകുങ്കുമാദിഗ്ധാ ഹര്യശ്വാദ്യമരാർചിതാ ।
ഹരികേശസഖീ ഹാദിവിദ്യാ ഹാലാമദാലസാ ॥ 23 ॥
സകാരരൂപാ സർവജ്ഞാ സർവേശീ സർവമംഗലാ ।
സർവകർത്രീ സർവഭർത്രീ സർവഹന്ത്രീ സനാതനാ ॥ 24 ॥
സർവാനവദ്യാ സർവാംഗസുന്ദരീ സർവസാക്ഷിണീ ।
സർവാത്മികാ സർവസൗഖ്യദാത്രീ സർവവിമോഹിനീ ॥ 25 ॥
സർവാധാരാ സർവഗതാ സർവാവഗുണവർജിതാ ।
സർവാരുണാ സർവമാതാ സർവഭൂഷണഭൂഷിതാ ॥ 26 ॥
കകാരാർഥാ കാലഹന്ത്രീ കാമേശീ കാമിതാർഥദാ ।
കാമസഞ്ജീവനീ കല്യാ കഠിനസ്തനമണ്ഡലാ ॥ 27 ॥
കരഭോരൂഃ കലാനാഥമുഖീ കചജിതാംബുദാ ।
കടാക്ഷസ്യന്ദികരുണാ കപാലിപ്രാണനായികാ ॥ 28 ॥
കാരുണ്യവിഗ്രഹാ കാന്താ കാന്തിധൂതജപാവലിഃ ।
കലാലാപാ കംബുകണ്ഠീ കരനിർജിതപല്ലവാ ॥ 29 ॥
കല്പവല്ലീസമഭുജാ കസ്തൂരീതിലകാഞ്ചിതാ ।
ഹകാരാർഥാ ഹംസഗതിർഹാടകാഭരണോജ്ജ്വലാ ॥ 30 ॥
ഹാരഹാരികുചാഭോഗാ ഹാകിനീ ഹല്യവർജിതാ ।
ഹരിത്പതിസമാരാധ്യാ ഹഠാത്കാരഹതാസുരാ ॥ 31 ॥
ഹർഷപ്രദാ ഹവിർഭോക്ത്രീ ഹാർദസന്തമസാപഹാ ।
ഹല്ലീസലാസ്യസന്തുഷ്ടാ ഹംസമന്ത്രാർഥരൂപിണീ ॥ 32 ॥
ഹാനോപാദാനനിർമുക്താ ഹർഷിണീ ഹരിസോദരീ ।
ഹാഹാഹൂഹൂമുഖസ്തുത്യാ ഹാനിവൃദ്ധിവിവർജിതാ ॥ 33 ॥
ഹയ്യംഗവീനഹൃദയാ ഹരിഗോപാരുണാംശുകാ ।
ലകാരാഖ്യാ ലതാപൂജ്യാ ലയസ്ഥിത്യുദ്ഭവേശ്വരീ ॥ 34 ॥
ലാസ്യദർശനസന്തുഷ്ടാ ലാഭാലാഭവിവർജിതാ ।
ലംഘ്യേതരാജ്ഞാ ലാവണ്യശാലിനീ ലഘുസിദ്ധിദാ ॥ 35 ॥
ലാക്ഷാരസസവർണാഭാ ലക്ഷ്മണാഗ്രജപൂജിതാ ।
ലഭ്യേതരാ ലബ്ധഭക്തിസുലഭാ ലാംഗലായുധാ ॥ 36 ॥
ലഗ്നചാമരഹസ്തശ്രീശാരദാപരിവീജിതാ ।
ലജ്ജാപദസമാരാധ്യാ ലമ്പടാ ലകുലേശ്വരീ ॥ 37 ॥
ലബ്ധമാനാ ലബ്ധരസാ ലബ്ധസമ്പത്സമുന്നതിഃ ।
ഹ്രീങ്കാരിണീ ഹ്രീങ്കാരാദ്യാ ഹ്രീംമധ്യാ ഹ്രീംശിഖാമണിഃ ॥ 38 ॥
ഹ്രീങ്കാരകുണ്ഡാഗ്നിശിഖാ ഹ്രീങ്കാരശശിചന്ദ്രികാ ।
ഹ്രീങ്കാരഭാസ്കരരുചിർഹ്രീങ്കാരാംഭോദചഞ്ചലാ ॥ 39 ॥
ഹ്രീങ്കാരകന്ദാങ്കുരികാ ഹ്രീങ്കാരൈകപരായണാ ।
ഹ്രീങ്കാരദീർഘികാഹംസീ ഹ്രീങ്കാരോദ്യാനകേകിനീ ॥ 40 ॥
ഹ്രീങ്കാരാരണ്യഹരിണീ ഹ്രീങ്കാരാവാലവല്ലരീ ।
ഹ്രീങ്കാരപഞ്ജരശുകീ ഹ്രീങ്കാരാംഗണദീപികാ ॥ 41 ॥
ഹ്രീങ്കാരകന്ദരാസിംഹീ ഹ്രീങ്കാരാംഭോജഭൃംഗികാ ।
ഹ്രീങ്കാരസുമനോമാധ്വീ ഹ്രീങ്കാരതരുമഞ്ജരീ ॥ 42 ॥
സകാരാഖ്യാ സമരസാ സകലാഗമസംസ്തുതാ ।
സർവവേദാന്തതാത്പര്യഭൂമിഃ സദസദാശ്രയാ ॥ 43 ॥
സകലാ സച്ചിദാനന്ദാ സാധ്യാ സദ്ഗതിദായിനീ ।
സനകാദിമുനിധ്യേയാ സദാശിവകുടുംബിനീ ॥ 44 ॥
സകാലാധിഷ്ഠാനരൂപാ സത്യരൂപാ സമാകൃതിഃ ।
സർവപ്രപഞ്ചനിർമാത്രീ സമനാധികവർജിതാ ॥ 45 ॥
സർവോത്തുംഗാ സംഗഹീനാ സഗുണാ സകലേഷ്ടദാ ।
കകാരിണീ കാവ്യലോലാ കാമേശ്വരമനോഹരാ ॥ 46 ॥
കാമേശ്വരപ്രാണനാഡീ കാമേശോത്സംഗവാസിനീ ।
കാമേശ്വരാലിംഗിതാംഗീ കാമേശ്വരസുഖപ്രദാ ॥ 47 ॥
കാമേശ്വരപ്രണയിനീ കാമേശ്വരവിലാസിനീ ।
കാമേശ്വരതപഃസിദ്ധിഃ കാമേശ്വരമനഃപ്രിയാ ॥ 48 ॥
കാമേശ്വരപ്രാണനാഥാ കാമേശ്വരവിമോഹിനീ ।
കാമേശ്വരബ്രഹ്മവിദ്യാ കാമേശ്വരഗൃഹേശ്വരീ ॥ 49 ॥
കാമേശ്വരാഹ്ലാദകരീ കാമേശ്വരമഹേശ്വരീ ।
കാമേശ്വരീ കാമകോടിനിലയാ കാങ്ക്ഷിതാർഥദാ ॥ 50 ॥
ലകാരിണീ ലബ്ധരൂപാ ലബ്ധധീർലബ്ധവാഞ്ഛിതാ ।
ലബ്ധപാപമനോദൂരാ ലബ്ധാഹങ്കാരദുർഗമാ ॥ 51 ॥
ലബ്ധശക്തിർലബ്ധദേഹാ ലബ്ധൈശ്വര്യസമുന്നതിഃ ।
ലബ്ധവൃദ്ധിർലബ്ധലീലാ ലബ്ധയൗവനശാലിനീ ॥ 52 ॥
ലബ്ധാതിശയസർവാംഗസൗന്ദര്യാ ലബ്ധവിഭ്രമാ ।
ലബ്ധരാഗാ ലബ്ധപതിർലബ്ധനാനാഗമസ്ഥിതിഃ ॥ 53 ॥
ലബ്ധഭോഗാ ലബ്ധസുഖാ ലബ്ധഹർഷാഭിപൂരിതാ ।
ഹ്രീങ്കാരമൂർതിർഹ്രീങ്കാരസൗധശൃംഗകപോതികാ ॥ 54 ॥
ഹ്രീങ്കാരദുഗ്ധാബ്ധിസുധാ ഹ്രീങ്കാരകമലേന്ദിരാ ।
ഹ്രീങ്കാരമണിദീപാർചിർഹ്രീങ്കാരതരുശാരികാ ॥ 55 ॥
ഹ്രീങ്കാരപേടകമണിർഹ്രീങ്കാരാദർശബിംബിതാ ।
ഹ്രീങ്കാരകോശാസിലതാ ഹ്രീങ്കാരാസ്ഥാനനർതകീ ॥ 56 ॥
ഹ്രീങ്കാരശുക്തികാമുക്താമണിർഹ്രീങ്കാരബോധിതാ ।
ഹ്രീങ്കാരമയസൗവർണസ്തംഭവിദ്രുമപുത്രികാ ॥ 57 ॥
ഹ്രീങ്കാരവേദോപനിഷദ് ഹ്രീങ്കാരാധ്വരദക്ഷിണാ ।
ഹ്രീങ്കാരനന്ദനാരാമനവകല്പകവല്ലരീ ॥ 58 ॥
ഹ്രീങ്കാരഹിമവദ്ഗംഗാ ഹ്രീങ്കാരാർണവകൗസ്തുഭാ ।
ഹ്രീങ്കാരമന്ത്രസർവസ്വാ ഹ്രീങ്കാരപരസൗഖ്യദാ ॥ 59 ॥
॥ ഉത്തരപീഠികാ ॥
ഹയഗ്രീവ ഉവാച ।
ഇത്യേവം തേ മയാഖ്യാതം ദേവ്യാ നാമശതത്രയം ।
രഹസ്യാതിരഹസ്യത്വാദ്ഗോപനീയം ത്വയാ മുനേ ॥ 1 ॥
ശിവവർണാനി നാമാനി ശ്രീദേവ്യാ കഥിതാനി ഹി ।
ശക്ത്യക്ഷരാണി നാമാനി കാമേശകഥിതാനി ച ॥ 2 ॥
ഉഭയാക്ഷരനാമാനി ഹ്യുഭാഭ്യാം കഥിതാനി വൈ ।
തദന്യൈർഗ്രഥിതം സ്തോത്രമേതസ്യ സദൃശം കിമു ॥ 3 ॥
നാനേന സദൃശം സ്തോത്രം ശ്രീദേവീപ്രീതിദായകം ।
ലോകത്രയേഽപി കല്യാണം സംഭവേന്നാത്ര സംശയഃ ॥ 4 ॥
സൂത ഉവാച ।
ഇതി ഹയമുഖഗീതം സ്തോത്രരാജം നിശമ്യ
പ്രഗലിതകലുഷോഽഭൂച്ചിത്തപര്യാപ്തിമേത്യ ।
നിജഗുരുമഥ നത്വാ കുംഭജന്മാ തദുക്തം
പുനരധികരഹസ്യം ജ്ഞാതുമേവം ജഗാദ ॥ 5 ॥
അഗസ്ത്യ ഉവാച ।
അശ്വാനന മഹാഭാഗ രഹസ്യമപി മേ വദ ।
ശിവവർണാനി കാന്യത്ര ശക്തിവർണാനി കാനി ഹി ॥ 6 ॥
ഉഭയോരപി വർണാനി കാനി വാ വദ ദേശിക ।
ഇതി പൃഷ്ടഃ കുംഭജേന ഹയഗ്രീവോഽവദത്പുനഃ ॥ 7 ॥
ഹയഗ്രീവ ഉവാച ।
തവ ഗോപ്യം കിമസ്തീഹ സാക്ഷാദംബാനുശാസനാത് ।
ഇദം ത്വതിരഹസ്യം തേ വക്ഷ്യാമി ശൃണു കുംഭജ ॥ 8 ॥
ഏതദ്വിജ്ഞാനമാത്രേണ ശ്രീവിദ്യാ സിദ്ധിദാ ഭവേത് ।
കത്രയം ഹദ്വയം ചൈവ ശൈവോ ഭാഗഃ പ്രകീർതിതഃ ॥ 9 ॥
ശക്ത്യക്ഷരാണി ശേഷാണി ഹ്രീങ്കാര ഉഭയാത്മകഃ ।
ഏവം വിഭാഗമജ്ഞാത്വാ യേ വിദ്യാജപശാലിനഃ ॥ 10 ॥
ന തേഷാം സിദ്ധിദാ വിദ്യാ കല്പകോടിശതൈരപി ।
ചതുർഭിഃ ശിവചക്രൈശ്ച ശക്തിചക്രൈശ്ച പഞ്ചഭിഃ ॥ 11 ॥
നവചക്രൈശ്ച സംസിദ്ധം ശ്രീചക്രം ശിവയോർവപുഃ ।
ത്രികോണമഷ്ടകോണം ച ദശകോണദ്വയം തഥാ ॥ 12 ॥
ചതുർദശാരം ചൈതാനി ശക്തിചക്രാണി പഞ്ച ച ।
ബിന്ദുശ്ചാഷ്ടദലം പദ്മം പദ്മം ഷോഡശപത്രകം ॥ 13 ॥
ചതുരശ്രം ച ചത്വാരി ശിവചക്രാണ്യനുക്രമാത് ।
ത്രികോണേ ബൈന്ദവം ശ്ലിഷ്ടം അഷ്ടാരേഽഷ്ടദലാംബുജം ॥ 14 ॥
ദശാരയോഃ ഷോഡശാരം ഭൂഗൃഹം ഭുവനാശ്രകേ ।
ശൈവാനാമപി ശാക്താനാം ചക്രാണാം ച പരസ്പരം ॥ 15 ॥
അവിനാഭാവസംബന്ധം യോ ജാനാതി സ ചക്രവിത് ।
ത്രികോണരൂപിണീ ശക്തിർബിന്ദുരൂപപരഃ ശിവഃ ॥ 16 ॥
അവിനാഭാവസംബന്ധം തസ്മാദ്ബിന്ദുത്രികോണയോഃ ।
ഏവം വിഭാഗമജ്ഞാത്വാ ശ്രീചക്രം യഃ സമർചയേത് ॥ 17 ॥
ന തത്ഫലമവാപ്നോതി ലലിതാംബാ ന തുഷ്യതി ।
യേ ച ജാനന്തി ലോകേഽസ്മിൻ ശ്രീവിദ്യാചക്രവേദിനഃ ॥ 18 ॥
സാമന്യവേദിനഃ സർവേ വിശേഷജ്ഞോഽതിദുർലഭഃ ।
സ്വയംവിദ്യാവിശേഷജ്ഞോ വിശേഷജ്ഞം സമർചയേത് ॥ 19 ॥
തസ്മൈ ദേയം തതോ ഗ്രാഹ്യമശക്തസ്തസ്യ ദാപയേത് ।
അന്ധം തമഃ പ്രവിശന്തി യേഽവിദ്യാം സമുപാസതേ ॥ 20 ॥
ഇതി ശ്രുതിരപാഹൈതാനവിദ്യോപാസകാൻപുനഃ ।
വിദ്യാന്യോപാസകാനേവ നിന്ദത്യാരുണികീ ശ്രുതിഃ ॥ 21 ॥
അശ്രുതാ സശ്രുതാസശ്ച യജ്വാനോ യേഽപ്യയജ്വനഃ ।
സ്വര്യന്തോ നാപേക്ഷന്തേ ഇന്ദ്രമഗ്നിം ച യേ വിദുഃ ॥ 22 ॥
സികതാ ഇവ സംയന്തി രശ്മിഭിഃ സമുദീരിതാഃ ।
അസ്മാല്ലോകാദമുഷ്മാച്ചേത്യാഹ ചാരണ്യകശ്രുതിഃ ॥ 23 ॥
യസ്യ നോ പശ്ചിമം ജന്മ യദി വാ ശങ്കരഃ സ്വയം ।
തേനൈവ ലഭ്യതേ വിദ്യാ ശ്രീമത്പഞ്ചദശാക്ഷരീ ॥ 24 ॥
ഇതി മന്ത്രേഷു ബഹുധാ വിദ്യായാ മഹിമോച്യതേ ।
മോക്ഷൈകഹേതുവിദ്യാ തു ശ്രീവിദ്യാ നാത്ര സംശയഃ ॥ 25 ॥
ന ശില്പാദിജ്ഞാനയുക്തേ വിദ്വച്ഛബ്ധഃ പ്രയുജ്യതേ ।
മോക്ഷൈകഹേതുവിദ്യാ സാ ശ്രീവിദ്യൈവ ന സംശയഃ ॥ 26 ॥
തസ്മാദ്വിദ്യാവിദേവാത്ര വിദ്വാന്വിദ്വാനിതീര്യതേ ।
സ്വയം വിദ്യാവിദേ ദദ്യാത്ഖ്യാപയേത്തദ്ഗുണാൻസുധീഃ ॥ 27 ॥
സ്വയംവിദ്യാരഹസ്യജ്ഞോ വിദ്യാമാഹാത്മ്യവേദ്യപി ।
വിദ്യാവിദം നാർചയേച്ചേത്കോ വാ തം പൂജയേജ്ജനഃ ॥ 28 ॥
പ്രസംഗാദിദമുക്തം തേ പ്രകൃതം ശൃണു കുംഭജ ।
യഃ കീർതയേത്സകൃദ്ഭക്ത്യാ ദിവ്യനാമശതത്രയം ॥ 29 ॥
തസ്യ പുണ്യമഹം വക്ഷ്യേ ശൃണു ത്വം കുംഭസംഭവ ।
രഹസ്യനാമസാഹസ്രപാഠേ യത്ഫലമീരിതം ॥ 30 ॥
തത്ഫലം കോടിഗുണിതമേകനാമജപാദ്ഭവേത് ।
കാമേശ്വരീകാമേശാഭ്യാം കൃതം നാമശതത്രയം ॥ 31 ॥
നാന്യേന തുലയേദേതത് സ്തോത്രേണാന്യകൃതേന ച ।
ശ്രിയഃ പരമ്പരാ യസ്യ ഭാവി വാ ചോത്തരോത്തരം ॥ 32 ॥
തേനൈവ ലഭ്യതേ ചൈതത്പശ്ചാച്ഛ്രേയഃ പരീക്ഷയേത് ।
അസ്യാ നാമ്നാം ത്രിശത്യാസ്തു മഹിമാ കേന വർണ്യതേ ॥ 33 ॥
യാ സ്വയം ശിവയോർവക്ത്രപദ്മാഭ്യാം പരിനിഃസൃതാ ।
നിത്യം ഷോഡശസംഖ്യാകാന്വിപ്രാനാദൗ തു ഭോജയേത് ॥ 34 ॥
അഭ്യക്താംസ്തിലതൈലേന സ്നാതാനുഷ്ണേന വാരിണാ ।
അഭ്യർച്യ ഗന്ധപുഷ്പാദ്യൈഃ കാമേശ്വര്യാദിനാമഭിഃ ॥ 35 ॥
സൂപാപൂപൈഃ ശർകരാദ്യൈഃ പായസൈഃ ഫലസംയുതൈഃ ।
വിദ്യാവിദോ വിശേഷേണ ഭോജയേത്ഷോഡശ ദ്വിജാൻ ॥ 36 ॥
ഏവം നിത്യാർചനം കുര്യാദാദൗ ബ്രാഹ്മണഭോജനം ।
ത്രിശതീനാമഭിഃ പശ്ചാദ്ബ്രാഹ്മണാൻക്രമശോഽർചയേത് ॥ 37 ॥
തൈലാഭ്യംഗാദികം ദത്വാ വിഭവേ സതി ഭക്തിതഃ ।
ശുക്ലപ്രതിപദാരഭ്യ പൗർണമാസ്യവധി ക്രമാത് ॥ 38 ॥
ദിവസേ ദിവസേ വിപ്രാ ഭോജ്യാ വിംശതിസംഖ്യയാ ।
ദശഭിഃ പഞ്ചഭിർവാപി ത്രിഭിരേകേന വാ ദിനൈഃ ॥ 39 ॥
ത്രിംശത്ഷഷ്ടിഃ ശതം വിപ്രാഃ സംഭോജ്യാസ്ത്രിശതം ക്രമാത് ।
ഏവം യഃ കുരുതേ ഭക്ത്യാ ജന്മമധ്യേ സകൃന്നരഃ ॥ 40 ॥
തസ്യൈവ സഫലം ജന്മ മുക്തിസ്തസ്യ കരേ സ്ഥിരാ ।
രഹസ്യനാമസാഹസ്രഭോജനേഽപ്യേവമേവ ഹി ॥ 41 ॥
ആദൗ നിത്യബലിം കുര്യാത്പശ്ചാദ്ബ്രാഹ്മണഭോജനം ।
രഹസ്യനാമസാഹസ്രമഹിമാ യോ മയോദിതഃ ॥ 42 ॥
സ ശീകരാണുരത്നൈകനാമ്നോ മഹിമവാരിധേഃ ।
വാഗ്ദേവീരചിതേ നാമസാഹസ്രേ യദ്യദീരിതം ॥ 43 ॥
തത്ഫലം കോടിഗുണിതം നാമ്നോഽപ്യേകസ്യ കീർതനാത് ।
ഏതദന്യൈർജപൈഃ സ്തോത്രൈരർചനൈര്യത്ഫലം ഭവേത് ॥ 44 ॥
തത്ഫലം കോടിഗുണിതം ഭവേന്നാമശതത്രയാത് ।
വാഗ്ദേവീരചിതേ സ്തോത്രേ താദൃശോ മഹിമാ യദി ॥ 45 ॥
സാക്ഷാത്കാമേശകാമേശീകൃതേഽസ്മിൻഗൃഹ്യതാമിതി ।
സകൃത്സങ്കീർതനാദേവ നാമ്നാമസ്മിൻ ശതത്രയേ ॥ 46 ॥
ഭവേച്ചിത്തസ്യ പര്യാപ്തിർന്യൂനമന്യാനപേക്ഷിണീ ।
ന ജ്ഞാതവ്യമിതോഽപ്യന്യത്ര ജപ്തവ്യം ച കുംഭജ ॥ 47 ॥
യദ്യത്സാധ്യതമം കാര്യം തത്തദർഥമിദം ജപേത് ।
തത്തത്ഫലമവാപ്നോതി പശ്ചാത്കാര്യം പരീക്ഷയേത് ॥ 48 ॥
യേ യേ പ്രയോഗാസ്തന്ത്രേഷു തൈസ്തൈര്യത്സാധ്യതേ ഫലം ।
തത്സർവം സിധ്യതി ക്ഷിപ്രം നാമത്രിശതകീർതനാത് ॥ 49 ॥
ആയുഷ്കരം പുഷ്ടികരം പുത്രദം വശ്യകാരകം ।
വിദ്യാപ്രദം കീർതികരം സുകവിത്വപ്രദായകം ॥ 50 ॥
സർവസമ്പത്പ്രദം സർവഭോഗദം സർവസൗഖ്യദം ।
സർവാഭീഷ്ടപ്രദം ചൈവ ദേവ്യാ നാമശതത്രയം ॥ 51 ॥
ഏതജ്ജപപരോ ഭൂയാന്നാന്യദിച്ഛേത്കദാചന ।
ഏതത്കീർതനസന്തുഷ്ടാ ശ്രീദേവീ ലലിതാംബികാ ॥ 52 ॥
ഭക്തസ്യ യദ്യദിഷ്ടം സ്യാത്തത്തത്പൂരയതേ ധ്രുവം ।
തസ്മാത്കുംഭോദ്ഭവ മുനേ കീർതയ ത്വമിദം സദാ ॥ 53 ॥
നാപരം കിഞ്ചിദപി തേ ബോദ്ധവ്യമവശിഷ്യതേ ।
ഇതി തേ കഥിതം സ്തോത്രം ലലിതാപ്രീതിദായകം ॥ 54 ॥
നാവിദ്യാവേദിനേ ബ്രൂയാന്നാഭക്തായ കദാചന ।
ന ശഠായ ന ദുഷ്ടായ നാവിശ്വാസായ കർഹിചിത് ॥ 56 ॥
യോ ബ്രൂയാത്ത്രിശതീം നാമ്നാം തസ്യാനർഥോ മഹാൻഭവേത് ।
ഇത്യാജ്ഞാ ശാങ്കരീ പ്രോക്താ തസ്മാദ്ഗോപ്യമിദം ത്വയാ ॥ 57 ॥
ലലിതാപ്രേരിതേനൈവ മയോക്തം സ്തോത്രമുത്തമം ।
രഹസ്യനാമസാഹസ്രാദപി ഗോപ്യമിദം മുനേ ॥ 58 ॥
സൂത ഉവാച ।
ഏവമുക്ത്വാ ഹയഗ്രീവഃ കുംഭജം താപസോത്തമം ।
സ്തോത്രേണാനേന ലലിതാം സ്തുത്വാ ത്രിപുരസുന്ദരീം ।
ആനന്ദലഹരീമഗ്നമാനസഃ സമവർതത ॥ 59 ॥
ഇതി ശ്രീ ലലിതാ ത്രിശതീ സ്തോത്രരത്നം ।
Recite with devotion and pure heart
Regular practice brings spiritual benefits