ഓം നമഃ ശിവായ ശിവായ നമഃ ഓം ഓം നമഃ ശിവായ ശിവായ നമഃ ഓം നാഗേംദ്രഹാരായ ത്രിലോചനായ ഭസ്മാംഗരാഗായ മഹേശ്വരായ । നിത്യായ ശുദ്ധായ ദിഗംബരായ തസ്മൈ "ന" കാരായ നമഃ ശിവായ ॥ 1 ॥ മംദാകിനീ സലില ചംദന ചര്ചിതായ നംദീശ്വര പ്രമഥനാഥ മഹേശ്വരായ । മംദാര മുഖ്യ ബഹുപുഷ്പ സുപൂജിതായ തസ്മൈ "മ" കാരായ നമഃ ശിവായ ॥ 2 ॥ ശിവായ ഗൌരീ വദനാബ്ജ ബൃംദ സൂര്യായ ദക്ഷാധ്വര നാശകായ । ശ്രീ നീലകംഠായ വൃഷഭധ്വജായ തസ്മൈ "ശി" കാരായ നമഃ ശിവായ ॥ 3 ॥ വശിഷ്ഠ കുംഭോദ്ഭവ ഗൌതമാര്യ മുനീംദ്ര ദേവാര്ചിത ശേഖരായ । ചംദ്രാര്ക വൈശ്വാനര ലോചനായ തസ്മൈ "വ" കാരായ നമഃ ശിവായ ॥ 4 ॥ യജ്ഞ-സ്വരൂപായ ജടാധരായ [യക്ഷ-] പിനാക ഹസ്തായ സനാതനായ । ദിവ്യായ ദേവായ ദിഗംബരായ തസ്മൈ "യ" കാരായ നമഃ ശിവായ ॥ 5 ॥ പംചാക്ഷരമിദം പുണ്യം യഃ പഠേച്ഛിവ സന്നിധൌ । ശിവലോകമവാപ്നോതി ശിവേന സഹ മോദതേ ॥