യാജ്ഞവല്ക്യ ഉവാച കൃപാം കുരു ജഗന്മാതര്‌-മാമേവം ഹതതേജസമ്‌ । ഗുരുശാപാത് സ്മൃതിഭ്രഷ്ടം വിദ്യാഹീനം ച ദുഃഖിതമ്‌ ॥ 1 ॥ ജ്ഞാനം ദേഹി സ്മൃതിം വിദ്യാം ശക്തിം ശിഷ്യ പ്രബോധിനീമ്‌ । ഗ്രംഥകര്തൃത്വ ശക്തിം ച സുശിഷ്യം സുപ്രതിഷ്ഠിതമ്‌ ॥ 2 ॥ പ്രതിഭാം സത്സഭായാം ച വിചാരക്ഷമതാം ശുഭാമ്‌ । ലുപ്തം സർവം ദൈവ യോഗാ-ന്നവീഭൂതം പുനഃ കുരു ॥ 3 ॥ യഥാംകുരം ഭസ്മനി ച കരോതി ദേവതാ പുനഃ । ബ്രഹ്മസ്വരൂപാ പരമാ ജ്യോതീരൂപാ സനാതനീ ॥ 4 ॥ സർവവിദ്യാധിദേവീ യാ തസ്യൈ വാണ്യൈ നമോ നമഃ । വിസര്ഗ ബിംദുമാത്രാസു യദധിഷ്ഠാനമേവച ॥ 5 ॥ തദധിഷ്ഠാത്രീ യാ ദേവീ തസ്യൈ വാണ്യൈ നമോ നമഃ । വ്യാഖ്യാസ്വരൂപാ സാ ദേവീ വ്യാഖ്യാധിഷ്ഠാതൃരൂപിണീ ॥ 6 ॥ യയാ വിനാ പ്രസംഖ്യാവാന് സംഖ്യാം കര്തും ന ശക്യതേ । കാലസംഖ്യാ സ്വരൂപാ യാ തസ്യൈ ദേവ്യൈ നമോ നമഃ ॥ 7 ॥ ഭ്രമ സിദ്ധാംതരൂപാ യാ തസ്യൈ ദേവ്യൈ നമോ നമഃ । സ്മൃതിശക്തി ജ്ഞാനശക്തി ബുദ്ധിശക്തി സ്വരൂപിണീ ॥ 8 ॥ പ്രതിഭാകല്പനാശക്തിര്‌-യാ ച തസ്യൈ നമോനമഃ । സനത്കുമാരോ ബ്രഹ്മാണം ജ്ഞാനം പപ്രച്ഛ യത്ര വൈ ॥ 9 ॥ ബഭൂവ മൂകവത്സോസ്പി സിദ്ധാംതം കര്തു മക്ഷമഃ । തദാഷ്ജഗാമ ഭഗവാ-നാത്മാ ശ്രീകൃഷ്ണ ഈശ്വരഃ ॥ 10 ॥ ഉവാച സ ച താം സ്തൌഹി വാണീ മിഷ്ടാം പ്രജാപതേ । സ ച തുഷ്ടാവ താം ബ്രഹ്മാ ചാജ്ഞയാ പരമാത്മനഃ ॥ 11 ॥ ചകാര തത്പ്രസാദേന തദാ സിദ്ധാംത മുത്തമമ്‌ । യദാപ്യനംതം പപ്രച്ഛ ജ്ഞാനമേകം വസുംധരാ ॥ 12 ॥ ബഭൂവ മൂകവത്സോസ്പി സിദ്ധാംതം കര്തു മക്ഷമഃ । തദാ താം ച സ തുഷ്ടാവ സംത്രസ്തഃ കശ്യപാജ്ഞയാ ॥ 13 ॥ തത ശ്ചകാര സിദ്ധാംതം നിര്മലം ഭ്രമ ഭംജനമ്‌ । വ്യാസഃ പുരാണസൂത്രം ച പപ്രച്ഛ വാല്മീകിം യദാ ॥ 14 ॥ മൌനീഭൂത ശ്ച സസ്മാര താമേവ ജഗദംബികാമ്‌ । തദാ ചകാര സിദ്ധാംതം തദ്വരേണ മുനീശ്വരഃ ॥ 15 ॥ സംപ്രാപ്യ നിര്മലം ജ്ഞാനം ഭ്രമാംധ്യ ധ്വംസദീപകമ്‌ । പുരാണസൂത്രം ശ്രുത്വാ ച വ്യാസഃ കൃഷ്ണകലോദ്ഭവഃ ॥ 16 ॥ താം ശിവാം വേദ ദധ്യൌ ച ശതവര്ഷം ച പുഷ്കരേ । തദാ ത്വത്തോ വരം പ്രാപ്യ സത്കവീംദ്രോ ബഭൂവ ഹ ॥ 17 ॥ തദാ വേദവിഭാഗം ച പുരാണം ച ചകാര സഃ । യദാ മഹേംദ്രഃ പപ്രച്ഛ തത്ത്വജ്ഞാനം സദാശിവമ്‌ ॥ 18 ॥ ക്ഷണം താമേവ സംചിംത്യ തസ്മൈ ജ്ഞാനം ദദൌ വിഭുഃ । പപ്രച്ഛ ശബ്ദശാസ്ത്രം ച മഹേംദ്ര ശ്ച ബൃഹസ്പതിമ്‌ ॥ 19 ॥ ദിവ്യ വര്ഷ സഹസ്രം ച സ ത്വാം ദധ്യൌ ച പുഷ്കരേ । തദാ ത്വത്തോ വരം പ്രാപ്യ ദിവ്യവര്ഷസഹസ്രകമ്‌ ॥ 20 ॥ ഉവാച ശബ്ദ ശാസ്ത്രം ച തദര്ഥം ച സുരേശ്വരമ്‌ । അധ്യാപിതാശ്ച യേ ശിഷ്യാ യൈരധീതം മുനീശ്വരൈഃ ॥ 21 ॥ തേ ച താം പരിസംചിത്യ പ്രവര്തംതേ സുരേശ്വരീമ്‌ । ത്വം സംസ്തുതാ പൂജിതാ ച മുനീംദ്രൈ ര്മനു മാനവൈഃ ॥ 22 ॥ ദൈത്യേംദ്രൈ ശ്ച സുരൈശ്ചാപി ബ്രഹ്മ വിഷ്ണുശിവാദിഭിഃ । ജഡീഭൂത സ്സഹസ്രാസ്യഃ പംചവക്ത്ര ശ്ചതുര്മുഖഃ ॥ 23 ॥ യാം സ്തോതും കി മഹം സ്തൌമി താമേകാസ്യേന മാനവഃ । ഇത്യുക്ത്വാ യാജ്ഞവല്ക്യ ശ്ച ഭക്തിനമ്രാത്മ കംധരഃ ॥ 24 ॥ പ്രണനാമ നിരാഹാരോ രുരോദ ച മുഹുര്മുഹുഃ । ജ്യോതീരൂപാ മഹാമായാ തേന ദൃഷ്ടാ7പ്യുവാച തമ്‌ ॥ 25 ॥ സുകവീംദ്രോ ഭവേത്യുക്ത്വാ വൈകുംഠം ച ജഗാമ ഹ । യാജ്ഞവല്ക്യ കൃതം വാണീ സ്തോത്രമേതത്തു യഃ പഠേത്‌ ॥ 26 ॥ സ കവീംദ്രോ മഹാവാഗ്മീ ബൃഹസ്പതിസമോ ഭവേത്‌ । മഹാ മൂര്ഖശ്ച ദുര്ബുദ്ധിര്‌-വര്ഷമേകം യദാ പഠേത്‌ । സ പംഡിതശ്ച മേധാവീ സുകവീംദ്രോ ഭവേദ്ധ്രുവമ്‌ ॥ 27 ॥ ഇതി ശ്രീ ദേവീ ഭാഗവതേ മഹാപുരാണേ നവമസ്കംധേ സരസ്വതീസ്തവം നാമ പംചമോധ്യായഃ । സരസ്വതീ കടാക്ഷ സിദ്ധിരസ്തു । ഇദം മയാകൃതം പാരായണം ശ്രീസദ്ഗുരു ചരണാരവിംദാര്പണമസ്തു ।