bhṛguruvācha । brahmanbrahmavidāṃśrēṣṭha brahmajñānaviśārada । sarvajña sarvajanaka sarvapūjakapūjita ॥ 60 sarasvatyāścha kavachaṃ brūhi viśvajayaṃ prabhō । ayātayāmamantrāṇāṃ samūhō yatra saṃyutaḥ ॥ 61 ॥ brahmōvācha । śṛṇu vatsa pravakṣyāmi kavachaṃ sarvakāmadam । śrutisāraṃ śrutisukhaṃ śrutyuktaṃ śrutipūjitam ॥ 62 ॥ uktaṃ kṛṣṇēna gōlōkē mahyaṃ vṛndāvanē vanē । rāsēśvarēṇa vibhunā rāsē vai rāsamaṇḍalē ॥ 63 ॥ atīva gōpanīyañcha kalpavṛkṣasamaṃ param । aśrutādbhutamantrāṇāṃ samūhaiścha samanvitam ॥ 64 ॥ yaddhṛtvā paṭhanādbrahmanbuddhimāṃścha bṛhaspatiḥ । yaddhṛtvā bhagavāñChukraḥ sarvadaityēṣu pūjitaḥ ॥ 65 ॥ paṭhanāddhāraṇādvāgmī kavīndrō vālmikī muniḥ । svāyambhuvō manuśchaiva yaddhṛtvā sarvapūjitāḥ ॥ 66 ॥ kaṇādō gautamaḥ kaṇvaḥ pāṇiniḥ śākaṭāyanaḥ । granthaṃ chakāra yaddhṛtvā dakṣaḥ kātyāyanaḥ svayam ॥ 67 ॥ dhṛtvā vēdavibhāgañcha purāṇānyakhilāni cha । chakāra līlāmātrēṇa kṛṣṇadvaipāyanaḥ svayam ॥ 68 ॥ śātātapaścha saṃvartō vasiṣṭhaścha parāśaraḥ । yaddhṛtvā paṭhanādgranthaṃ yājñavalkyaśchakāra saḥ ॥ 69 ॥ ṛṣyaśṛṅgō bharadvājaśchāstīkō dēvalastathā । jaigīṣavyō'tha jābāliryaddhṛtvā sarvapūjitaḥ ॥ 70 ॥ kavachasyāsya viprēndra ṛṣirēṣa prajāpatiḥ । svayaṃ bṛhaspatiśChandō dēvō rāsēśvaraḥ prabhuḥ ॥ 71 ॥ sarvatattvaparijñānē sarvārthē'pi cha sādhanē । kavitāsu cha sarvāsu viniyōgaḥ prakīrtitaḥ ॥ 72 ॥ ( kavachaṃ ) ōṁ hrīṃ sarasvatyai svāhā śirō mē pātu sarvataḥ । śrīṃ vāgdēvatāyai svāhā bhālaṃ mē sarvadā'vatu ॥ 73 ॥ ōṁ hrīṃ sarasvatyai svāhēti śrōtrē pātu nirantaram । ōṁ śrīṃ hrīṃ bhagavatyai sarasvatyai svāhā nētrayugmaṃ sadā'vatu ॥ 74 ॥ aiṃ hrīṃ vāgvādinyai svāhā nāsāṃ mē sarvadā'vatu । hrīṃ vidyādhiṣṭhātṛdēvyai svāhā chōṁṣṭha sadā'vatu ॥ 75 ॥ ōṁ śrīṃ hrīṃ brāhmyai svāhēti dantapaṅktiṃ sadā'vatu । aimityēkākṣarō mantrō mama kaṇṭhaṃ sadā'vatu ॥ 76 ॥ ōṁ śrīṃ hrīṃ pātu mē grīvāṃ skandhaṃ mē śrīṃ sadā'vatu । ōṁ hrīṃ vidyādhiṣṭhātṛdēvyai svāhā vakṣaḥ sadā'vatu ॥ 77 ॥ ōṁ hrīṃ vidyāsvarūpāyai svāhā mē pātu nābhikām । ōṁ hrīṃ klīṃ vāṇyai svāhēti mama pṛṣṭhaṃ sadā'vatu ॥ 78 ॥ ōṁ sarvavarṇātmikāyai pādayugmaṃ sadā'vatu । ōṁ rāgādhiṣṭhātṛdēvyai sarvāṅgaṃ mē sadā'vatu ॥ 79 ॥ ōṁ sarvakaṇṭhavāsinyai svāhā prachyāṃ sadā'vatu । ōṁ hrīṃ jihvāgravāsinyai svāhā'gnidiśi rakṣatu ॥ 80 ॥ ōṁ aiṃ hrīṃ śrīṃ sarasvatyai budhajananyai svāhā । satataṃ mantrarājō'yaṃ dakṣiṇē māṃ sadā'vatu ॥ 81 ॥ ōṁ hrīṃ śrīṃ tryakṣarō mantrō nairṛtyāṃ mē sadā'vatu । kavijihvāgravāsinyai svāhā māṃ vāruṇē'vatu ॥ 82 ॥ ōṁ sadambikāyai svāhā vāyavyē māṃ sadā'vatu । ōṁ gadyapadyavāsinyai svāhā māmuttarē'vatu ॥ 83 ॥ ōṁ sarvaśāstravāsinyai svāhaiśānyāṃ sadā'vatu । ōṁ hrīṃ sarvapūjitāyai svāhā chōrdhvaṃ sadā'vatu ॥ 84 ॥ aiṃ hrīṃ pustakavāsinyai svāhā'dhō māṃ sadāvatu । ōṁ granthabījarūpāyai svāhā māṃ sarvatō'vatu ॥ 85 ॥ iti tē kathitaṃ vipra sarvamantraughavigraham । idaṃ viśvajayaṃ nāma kavachaṃ brahmārūpakam ॥ 86 ॥ purā śrutaṃ dharmavaktrātparvatē gandhamādanē । tava snēhānmayā''khyātaṃ pravaktavyaṃ na kasyachit ॥ 87 ॥ gurumabhyarchya vidhivadvastrālaṅkārachandanaiḥ । praṇamya daṇḍavadbhūmau kavachaṃ dhārayētsudhīḥ ॥ 88 ॥ pañchalakṣajapēnaiva siddhaṃ tu kavachaṃ bhavēt । yadi syātsiddhakavachō bṛhaspati samō bhavēt ॥ 89 ॥ mahāvāgmī kavīndraścha trailōkyavijayī bhavēt । śaknōti sarvaṃ jētuṃ sa kavachasya prabhāvataḥ ॥ 90 ॥ idaṃ tē kāṇvaśākhōktaṃ kathitaṃ kavachaṃ munē । stōtraṃ pūjāvidhānaṃ cha dhyānaṃ vai vandanaṃ tathā ॥ 91 ॥ iti śrī brahmavaivartē mahāpurāṇē prakṛtikhaṇḍē nāradanārāyaṇasaṃvādē sarasvatīkavachaṃ nāma chaturthō'dhyāyaḥ ।