அமலா விஶ்வவந்த்³யா ஸா கமலாகரமாலினீ । விமலாப்⁴ரனிபா⁴ வோ(அ)வ்யாத் கமலா யா ஸரஸ்வதீ ॥ 1 ॥ வார்ணஸம்ʼஸ்தா²ங்க³ரூபா யா ஸ்வர்ணரத்னவிபூ⁴ஷிதா । நிர்ணயா பா⁴ரதி ஶ்வேதவர்ணா வோ(அ)வ்யாத் ஸரஸ்வதீ ॥ 2 ॥ வரதா³ப⁴யருத்³ராக்ஷவரபுஸ்தகதா⁴ரிணீ । ஸரஸா ஸா ஸரோஜஸ்தா² ஸாரா வோ(அ)வ்யாத் ஸராஸ்வதீ ॥ 3 ॥ ஸுந்த³ரீ ஸுமுகீ² பத்³மமந்தி³ரா மது⁴ரா ச ஸா । குந்த³பா⁴ஸா ஸதா³ வோ(அ)வ்யாத்³வந்தி³தா யா ஸரஸ்வதீ ॥ 4 ॥ ருத்³ராக்ஷலிபிதா கும்ப⁴முத்³ராத்⁴ருʼதகராம்பு³ஜா । ப⁴த்³ரார்த²தா³யினீ ஸாவ்யாத்³ப⁴த்³ராப்³ஜாக்ஷீ ஸரஸ்வதீ ॥ 5 ॥ ரக்தகௌஶேயரத்னாட்⁴யா வ்யக்தபா⁴ஷணபூ⁴ஷணா । ப⁴க்தஹ்ருʼத்பத்³மஸம்ʼஸ்தா² ஸா ஶக்தா வோ(அ)வ்யாத் ஸரஸ்வதீ ॥ 6 ॥ சதுர்முக²ஸ்ய ஜாயா யா சதுர்வேத³ஸ்வரூபிணீ । சதுர்பு⁴ஜா ச ஸா வோ(அ)வ்யாச்சதுர்வர்கா³ ஸரஸ்வதீ ॥ 7 ॥ ஸர்வலோகப்ரபூஜ்யா யா பர்வசந்த்³ரனிபா⁴னனா । ஸர்வஜிஹ்வாக்³ரஸம்ʼஸ்தா² ஸா ஸதா³ வோ(அ)வ்யாத் ஸரஸ்வதீ ॥ 8 ॥ ஸரஸ்வத்யஷ்டகம்ʼ நித்யம்ʼ ஸக்ருʼத் ப்ராதர்ஜபேன்னர꞉ । அஜ்ஞைர்விமுச்யதே ஸோ(அ)யம்ʼ ப்ராஜ்ஞைரிஷ்டஶ்ச லப்⁴யதே ॥ 9 ॥ இதி ஶ்ரீ ஸரஸ்வத்யஷ்டகம் ॥