हैंహైHaindavamஹிહિં
📍
Font Size:
രാഘവേന്ദ്ര സ്തോത്രം
ശ്രീപൂർണബോധഗുരുതീർഥപയോബ്ധിപാരാ
കാമാരിമാക്ഷവിഷമാക്ഷശിരഃ സ്പൃശന്തീ ।
പൂർവോത്തരാമിതതരംഗചരത്സുഹംസാ
ദേവാലിസേവിതപരാംഘ്രിപയോജലഗ്നാ ॥ 1 ॥
ജീവേശഭേദഗുണപൂർതിജഗത്സുസത്ത്വ-
-നീചോച്ചഭാവമുഖനക്രഗണൈഃ സമേതാ ।
ദുർവാദ്യജാപതിഗിലൈർഗുരുരാഘവേന്ദ്ര-
-വാഗ്ദേവതാസരിദമും വിമലീ കരോതു ॥ 2 ॥
ശ്രീരാഘവേന്ദ്രഃ സകലപ്രദാതാ
സ്വപാദകഞ്ജദ്വയഭക്തിമദ്ഭ്യഃ ।
അഘാദ്രിസംഭേദനദൃഷ്ടിവജ്രഃ
ക്ഷമാസുരേന്ദ്രോഽവതു മാം സദാഽയം ॥ 3 ॥
ശ്രീരാഘവേന്ദ്രോ ഹരിപാദകഞ്ജ-
-നിഷേവണാല്ലബ്ധസമസ്തസമ്പത് ।
ദേവസ്വഭാവോ ദിവിജദ്രുമോഽയ-
-മിഷ്ടപ്രദോ മേ സതതം സ ഭൂയാത് ॥ 4 ॥
ഭവ്യസ്വരൂപോ ഭവദുഃഖതൂല-
-സംഘാഗ്നിചര്യഃ സുഖധൈര്യശാലീ ।
സമസ്തദുഷ്ടഗ്രഹനിഗ്രഹേശോ
ദുരത്യയോപപ്ലവസിന്ധുസേതുഃ ॥ 5 ॥
നിരസ്തദോഷോ നിരവദ്യവേഷഃ
പ്രത്യർഥിമൂകത്ത്വനിദാനഭാഷഃ ।
വിദ്വത്പരിജ്ഞേയമഹാവിശേഷോ
വാഗ്വൈഖരീനിർജിതഭവ്യശേഷഃ ॥ 6 ॥
സന്താനസമ്പത്പരിശുദ്ധഭക്തി-
-വിജ്ഞാനവാഗ്ദേഹസുപാടവാദീൻ ।
ദത്വാ ശരീരോത്ഥസമസ്തദോഷാൻ
ഹത്ത്വാ സ നോഽവ്യാദ്ഗുരുരാഘവേന്ദ്രഃ ॥ 7 ॥
യത്പാദോദകസഞ്ചയഃ സുരനദീമുഖ്യാപഗാസാദിതാ-
-സംഖ്യാനുത്തമപുണ്യസംഘവിലസത്പ്രഖ്യാതപുണ്യാവഹഃ ।
ദുസ്താപത്രയനാശനോ ഭുവി മഹാവന്ധ്യാസുപുത്രപ്രദോ
വ്യംഗസ്വംഗസമൃദ്ധിദോ ഗ്രഹമഹാപാപാപഹസ്തം ശ്രയേ ॥ 8 ॥
യത്പാദകഞ്ജരജസാ പരിഭൂഷിതാംഗാ
യത്പാദപദ്മമധുപായിതമാനസാ യേ ।
യത്പാദപദ്മപരികീർതനജീർണവാച
-സ്തദ്ദർശനം ദുരിതകാനനദാവഭൂതം ॥ 9 ॥
സർവതന്ത്രസ്വതന്ത്രോഽസൗ ശ്രീമധ്വമതവർധനഃ
വിജയീന്ദ്രകരാബ്ജോത്ഥസുധീന്ദ്രവരപുത്രകഃ ॥ 10 ॥
ശ്രീരാഘവേന്ദ്രോ യതിരാട് ഗുരുർമേ സ്യാദ്ഭയാപഹഃ
ജ്ഞാനഭക്തിസുപുത്രായുര്യശഃ ശ്രീപുണ്യവർധനഃ ॥ 11 ॥
പ്രതിവാദിജയസ്വാന്തഭേദചിഹ്നാദരോ ഗുരുഃ ।
സർവവിദ്യാപ്രവീണോഽന്യോ രാഘവേന്ദ്രാന്ന വിദ്യതേ ॥ 12 ॥
അപരോക്ഷീകൃതശ്രീശഃ സമുപേക്ഷിതഭാവജഃ ।
അപേക്ഷിതപ്രദാതാഽന്യോ രാഘവേന്ദ്രാന്ന വിദ്യതേ ॥ 13 ॥
ദയാദാക്ഷിണ്യവൈരാഗ്യവാക്പാടവമുഖാങ്കിതഃ ।
ശാപാനുഗ്രഹശക്തോഽന്യോ രാഘവേന്ദ്രാന്ന വിദ്യതേ ॥ 14 ॥
അജ്ഞാനവിസ്മൃതിഭ്രാന്തിസംശയാഽപസ്മൃതിക്ഷയാഃ ।
തന്ദ്രാകമ്പവചഃകൗണ്ഠ്യമുഖാ യേ ചേന്ദ്രിയോദ്ഭവാഃ ।
ദോഷാസ്തേ നാശമായാന്തി രാഘവേന്ദ്രപ്രസാദതഃ ॥ 15 ॥
ഓം ശ്രീരാഘവേന്ദ്രായ നമഃ ഇത്യഽഷ്ടാക്ഷരമന്ത്രതഃ ।
ജപിതാദ്ഭാവിതാന്നിത്യം ഇഷ്ടാർഥാഃ സ്യുർന സംശയഃ ॥ 16 ॥
ഹന്തു നഃ കായജാൻ ദോഷാൻ ആത്മാത്മീയസമുദ്ഭവാൻ ।
സർവാനപി പുമർഥാംശ്ച ദദാതു ഗുരുരാത്മവിത് ॥ 17 ॥
ഇതി കാലത്രയേ നിത്യം പ്രാർഥനാം യഃ കരോതി സഃ ।
ഇഹാമുത്രാപ്തസർവേഷ്ടോ മോദതേ നാത്ര സംശയഃ ॥ 18 ॥
അഗമ്യമഹിമാ ലോകേ രാഘവേന്ദ്രോ മഹായശാഃ ।
ശ്രീമധ്വമതദുഗ്ധാബ്ധിചന്ദ്രോഽവതു സദാഽനഘഃ ॥ 19 ॥
സർവയാത്രാഫലാവാപ്ത്യൈ യഥാശക്തിപ്രദക്ഷിണം ।
കരോമി തവ സിദ്ധസ്യ ബൃന്ദാവനഗതം ജലം ॥ 20 ॥
ശിരസാ ധാരയാമ്യദ്യ സർവതീർഥഫലാപ്തയേ ।
സർവാഭീഷ്ടാർഥസിദ്ധ്യർഥം നമസ്കാരം കരോമ്യഹം ।
തവ സങ്കീർതനം വേദശാസ്ത്രാർഥജ്ഞാനസിദ്ധയേ ॥ 21 ॥
സംസാരേഽക്ഷയസാഗരേ പ്രകൃതിതോഽഗാധേ സദാ ദുസ്തരേ
സർവാവദ്യജലഗ്രഹൈരനുപമൈഃ കാമാദിഭംഗാകുലേ ।
നാനാവിഭ്രമദുർഭ്രമേഽമിതഭയസ്തോമാദിഫേനോത്കടേ
ദുഃഖോത്കൃഷ്ടവിഷേ സമുദ്ധര ഗുരോ മാ മഗ്നരൂപം സദാ ॥ 22 ॥
രാഘവേന്ദ്രഗുരുസ്തോത്രം യഃ പഠേദ്ഭക്തിപൂർവകം ।
തസ്യ കുഷ്ഠാദിരോഗാണാം നിവൃത്തിസ്ത്വരയാ ഭവേത് ॥ 23 ॥
അന്ധോഽപി ദിവ്യദൃഷ്ടിഃ സ്യാദേഡമൂകോഽപി വാക്പതിഃ ।
പൂർണായുഃ പൂർണസമ്പത്തിഃ സ്തോത്രസ്യാഽസ്യ ജപാദ്ഭവേത് ॥ 24 ॥
യഃ പിബേജ്ജലമേതേന സ്തോത്രേണൈവാഭിമന്ത്രിതം ।
തസ്യ കുക്ഷിഗതാ ദോഷാഃ സർവേ നശ്യന്തി തത് ക്ഷണാത് ॥ 25 ॥
യദ്വൃന്ദാവനമാസാദ്യ പംഗുഃ ഖഞ്ജോഽപി വാ ജനഃ ।
സ്തോത്രേണാനേന യഃ കുര്യാത് പ്രദക്ഷിണനമസ്കൃതീ ॥ 26 ॥
സ ജംഘാലോ ഭവേദേവ ഗുരുരാജപ്രസാദതഃ ।
സോമസൂര്യോപരാഗേ ച പുഷ്യാർകാദിസമാഗമേ ॥ 27 ॥
യോഽനുത്തമമിദം സ്തോത്രമഷ്ടോത്തരശതം ജപേത് ।
ഭൂതപ്രേതപിശാചാദി പീഡാ തസ്യ ന ജായതേ ॥ 28 ॥
ഏതത് സ്തോത്രം സമുച്ചാര്യ ഗുരോർവൃന്ദാവനാന്തികേ ।
ദീപസമ്യോജനാജ്ജ്ഞാനം പുത്രലാഭോ ഭവേദ്ധ്രുവം ॥ 29 ॥
പരവാദിജയോ ദിവ്യജ്ഞാനഭക്ത്യാദിവർധനം ।
സർവാഭീഷ്ടപ്രവൃദ്ധിഃ സ്യാന്നാത്ര കാര്യാ വിചാരണാ ॥ 30 ॥
രാജചോരമഹാവ്യാഘ്രസർപനക്രാദിപീഡനം ।
ന ജായതേഽസ്യ സ്തോത്രസ്യ പ്രഭാവാന്നാത്ര സംശയഃ ॥ 31 ॥
യോ ഭക്ത്യാ ഗുരുരാഘവേന്ദ്രചരണദ്വന്ദ്വം സ്മരൻ യഃ പഠേത്
സ്തോത്രം ദിവ്യമിദം സദാ ന ഹി ഭവേത്തസ്യാസുഖം കിഞ്ചന ।
കിം ത്വിഷ്ടാർഥസമൃദ്ധിരേവ കമലാനാഥപ്രസാദോദയാത്
കീർതിർദിഗ്വിദിതാ വിഭൂതിരതുലാ സാക്ഷീ ഹയാസ്യോഽത്ര ഹി ॥ 32 ॥
ഇതി ശ്രീ അപ്പണ്ണാചാര്യവിരചിതം ശ്രീരാഘവേന്ദ്ര സ്തോത്രം സമ്പൂർണം ॥
Recite with devotion and pure heart
Regular practice brings spiritual benefits