jaya tuṅgātaṭavasate vara mantrālayamūrte । kuru karuṇāṃ mayi bhīte parimalatatakīrte ॥ tava pādārcanasakte tava nāmāmṛtamatte diśadivyāṃ dṛśamūrte tava santata bhakte ॥ kṛtagītāsuvivṛtte kavijanasaṃstutavṛtte । kuru vasatiṃ mama citte parivṛta bhaktārte ॥ yogīndrārcitapāde yogijanārpitamode । timmaṇṇānvayacandre ramatāṃ mama hṛdayam ॥ taptasukāñcanasadṛśe daṇḍakamaṇḍalahaste । japamālāvarabhūṣe ramatāṃ mama hṛdayam ॥ śrīrāmārpitacitte kāṣāyāmbarayukte । śrītulasīmaṇimāle ramatāṃ mama hṛdayam ॥ madhvamunīḍitatattvaṃ vyākhyāntaṃ parivāre । īḍehaṃ satataṃ me saṅkaṭaparihāram ॥ vaiṇikavaṃśottaṃsaṃ varavidvanmaṇimānyam । varadāne kalpataruṃ vande gururājam ॥ suśamīndrāryakumārai-rvidyendrairgurubhaktyā । racitā śrīgurugāthā sajjanamodakarī ॥ iti śrī suvidyendratīrtha viracita śrī rāghavendra aṣṭakam ॥