ராக⁴வேந்த்³ர மங்க³லாஷ்டகம்

ஶ்ரீமத்³ராமபாதா³ரவிந்த³மது⁴ப꞉ ஶ்ரீமத்⁴வவம்ʼஶாதி⁴ப꞉

ஸச்சிஷ்யோடு³க³ணோடு³ப꞉ ஶ்ரிதஜக³த்³கீ³ர்வாணஸத்பாத³ப꞉ ।

அத்யர்த²ம்ʼ மனஸா க்ருʼதாச்யுதஜப꞉ பாபாந்த⁴காராதப꞉

ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம்ʼ மங்க³லம் ॥ 1 ॥

கர்மந்தீ³ந்த்³ரஸுதீ⁴ந்த்³ரஸத்³கு³ருகராம்போ⁴ஜோத்³ப⁴வ꞉ ஸந்ததம்ʼ

ப்ராஜ்யத்⁴யானவஶீக்ருʼதாகி²லஜக³த்³வாஸ்தவ்யலக்ஷ்மீத⁴வ꞉ ।

ஸச்சா²ஸ்த்ராதி³ விதூ³ஷகாகி²லம்ருʼஷாவாதீ³ப⁴கண்டீ²ரவ꞉

ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம்ʼ மங்க³லம் ॥ 2 ॥

ஸாலங்காரககாவ்யநாடககலாகாணாத³பாதஞ்ஜல-

த்ரய்யர்த²ஸ்ம்ருʼதிஜைமினீயகவிதாஸங்கீதபாரங்க³த꞉ ।

விப்ரக்ஷத்ரவிட³ங்க்⁴ரிஜாதமுக²ரானேகப்ரஜாஸேவித꞉

ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம்ʼ மங்க³லம் ॥ 3 ॥

ரங்கோ³த்துங்க³தரங்க³மங்க³லகர ஶ்ரீதுங்க³ப⁴த்³ராதட-

ப்ரத்யக்ஸ்த²த்³விஜபுங்க³வாலய லஸன்மந்த்ராலயாக்²யே புரே ।

நவ்யேந்த்³ரோபலநீலப⁴வ்யகரஸத்³வ்ருʼந்தா³வனாந்தர்க³த꞉

ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம்ʼ மங்க³லம் ॥ 4 ॥

வித்³வத்³ராஜஶிர꞉கிரீடக²சிதானர்க்⁴யோருரத்னப்ரபா⁴

ராகா³கௌ⁴க⁴ஹபாது³காத்³வயசர꞉ பத்³மாக்ஷமாலாத⁴ர꞉ ।

பா⁴ஸ்வத்³த³ண்டகமண்ட³லூஜ்ஜ்வலகரோ ரக்தாம்ப³ராட³ம்ப³ர꞉

ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம்ʼ மங்க³லம் ॥ 5 ॥

யத்³வ்ருʼந்தா³வனஸத்ப்ரத³க்ஷிணநமஸ்காராபி⁴ஷேகஸ்துதி-

த்⁴யானாராத⁴னம்ருʼத்³விலேபனமுகா²னேகோபசாரான் ஸதா³ ।

காரம்ʼ காரமபி⁴ப்ரயாந்தி சதுரோ லோகா꞉ புமர்தா²ன் ஸதா³

ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம்ʼ மங்க³லம் ॥ 6 ॥

வேத³வ்யாஸமுனீஶமத்⁴வயதிராட் டீகார்யவாக்யாம்ருʼதம்ʼ

ஜ்ஞாத்வா(அ)த்³வைதமதம்ʼ ஹலாஹலஸமம்ʼ த்யக்த்வா ஸமாக்²யாப்தயே ।

ஸங்க்²யாவத்ஸுக²தா³ம்ʼ த³ஶோபநிஷதா³ம்ʼ வ்யாக்²யாம்ʼ ஸமாக்²யன்முதா³

ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம்ʼ மங்க³லம் ॥ 7 ॥

ஶ்ரீமத்³வைஷ்ணவலோகஜாலககு³ரு꞉ ஶ்ரீமத்பரிவ்ராட்³கு³ரு꞉

ஶாஸ்த்ரே தே³வகு³ரு꞉ ஶ்ரிதாமரதரு꞉ ப்ரத்யூஹகோ³த்ரஸ்வரு꞉ ।

சேதோ(அ)தீதஶிருஸ்ததா² ஜிதவருஸ்ஸத்ஸௌக்²யஸம்பத்கரு꞉

ஶ்ரீமத்ஸத்³கு³ருராக⁴வேந்த்³ரயதிராட் குர்யாத்³த்⁴ருவம்ʼ மங்க³லம் ॥ 8 ॥

யஸ்ஸந்த்⁴யாஸ்வநிஶம்ʼ கு³ரோர்யதிபதே꞉ ஸன்மங்க³லஸ்யாஷ்டகம்ʼ

ஸத்³ய꞉ பாபஹரம்ʼ ஸ்வஸேவி விது³ஷாம்ʼ ப⁴க்த்யைததா³பா⁴ஷிதம் ।

ப⁴க்த்யா வக்தி ஸுஸம்பத³ம்ʼ ஶுப⁴பத³ம்ʼ தீ³ர்கா⁴யுராரோக்³யகம்ʼ

கீர்திம்ʼ புத்ரகலத்ரபா³ந்த⁴வஸுஹ்ருʼன்மூர்தி꞉ ப்ரயாதி த்⁴ருவம் ॥

இதி ஶ்ரீமத³ப்பணாசார்யக்ருʼதம்ʼ ராக⁴வேந்த்³ரமங்க³லாஷ்டகம்ʼ ஸம்பூர்ணம் ।

Recite with devotion and pure heart

Regular practice brings spiritual benefits