हैंహైHaindavamஹிહિં
📍
Font Size:
ചിദംബരേശ്വര സ്തോത്രം
കൃപാസമുദ്രം സുമുഖം ത്രിനേത്രം
ജടാധരം പാർവതീവാമഭാഗം ।
സദാശിവം രുദ്രമനന്തരൂപം
ചിദംബരേശം ഹൃദി ഭാവയാമി ॥ 1 ॥
വാചാമതീതം ഫണിഭൂഷണാംഗം
ഗണേശതാതം ധനദസ്യ മിത്രം ।
കന്ദർപനാശം കമലോത്പലാക്ഷം
ചിദംബരേശം ഹൃദി ഭാവയാമി ॥ 2 ॥
രമേശവന്ദ്യം രജതാദ്രിനാഥം
ശ്രീവാമദേവം ഭവദുഃഖനാശം ।
രക്ഷാകരം രാക്ഷസപീഡിതാനാം
ചിദംബരേശം ഹൃദി ഭാവയാമി ॥ 3 ॥
ദേവാദിദേവം ജഗദേകനാഥം
ദേവേശവന്ദ്യം ശശിഖണ്ഡചൂഡം ।
ഗൗരീസമേതം കൃതവിഘ്നദക്ഷം
ചിദംബരേശം ഹൃദി ഭാവയാമി ॥ 4 ॥
വേദാന്തവേദ്യം സുരവൈരിവിഘ്നം
ശുഭപ്രദം ഭക്തിമദന്തരാണാം ।
കാലാന്തകം ശ്രീകരുണാകടാക്ഷം
ചിദംബരേശം ഹൃദി ഭാവയാമി ॥ 5 ॥
ഹേമാദ്രിചാപം ത്രിഗുണാത്മഭാവം
ഗുഹാത്മജം വ്യാഘ്രപുരീശമാദ്യം ।
ശ്മശാനവാസം വൃഷവാഹനസ്ഥം
ചിദംബരേശം ഹൃദി ഭാവയാമി ॥ 6 ॥
ആദ്യന്തശൂന്യം ത്രിപുരാരിമീശം
നന്ദീശമുഖ്യസ്തുതവൈഭവാഢ്യം ।
സമസ്തദേവൈഃ പരിപൂജിതാംഘ്രിം
ചിദംബരേശം ഹൃദി ഭാവയാമി ॥ 7 ॥
തമേവ ഭാന്തം ഹ്യനുഭാതിസർവ-
-മനേകരൂപം പരമാർഥമേകം ।
പിനാകപാണിം ഭവനാശഹേതും
ചിദംബരേശം ഹൃദി ഭാവയാമി ॥ 8 ॥
വിശ്വേശ്വരം നിത്യമനന്തമാദ്യം
ത്രിലോചനം ചന്ദ്രകലാവതംസം ।
പതിം പശൂനാം ഹൃദി സന്നിവിഷ്ടം
ചിദംബരേശം ഹൃദി ഭാവയാമി ॥ 9 ॥
വിശ്വാധികം വിഷ്ണുമുഖൈരുപാസ്യം
ത്രിലോചനം പഞ്ചമുഖം പ്രസന്നം ।
ഉമാപതിം പാപഹരം പ്രശാന്തം
ചിദംബരേശം ഹൃദി ഭാവയാമി ॥ 10 ॥
കർപൂരഗാത്രം കമനീയനേത്രം
കംസാരിമിത്രം കമലേന്ദുവക്ത്രം ।
കന്ദർപഗാത്രം കമലേശമിത്രം
ചിദംബരേശം ഹൃദി ഭാവയാമി ॥ 11 ॥
വിശാലനേത്രം പരിപൂർണഗാത്രം
ഗൗരീകലത്രം ഹരിദംബരേശം ।
കുബേരമിത്രം ജഗതഃ പവിത്രം
ചിദംബരേശം ഹൃദി ഭാവയാമി ॥ 12 ॥
കല്യാണമൂർതിം കനകാദ്രിചാപം
കാന്താസമാക്രാന്തനിജാർധദേഹം ।
കപർദിനം കാമരിപും പുരാരിം
ചിദംബരേശം ഹൃദി ഭാവയാമി ॥ 13 ॥
കല്പാന്തകാലാഹിതചണ്ഡനൃത്തം
സമസ്തവേദാന്തവചോനിഗൂഢം ।
അയുഗ്മനേത്രം ഗിരിജാസഹായം
ചിദംബരേശം ഹൃദി ഭാവയാമി ॥ 14 ॥
ദിഗംബരം ശംഖസിതാല്പഹാസം
കപാലിനം ശൂലിനമപ്രയേം ।
നാഗാത്മജാവക്ത്രപയോജസൂര്യം
ചിദംബരേശം ഹൃദി ഭാവയാമി ॥ 15 ॥
സദാശിവം സത്പുരുഷൈരനേകൈഃ
സദാർചിതം സാമശിരഃ സുഗീതം ।
വൈയ്യാഘ്രചർമാംബരമുഗ്രമീശം
ചിദംബരേശം ഹൃദി ഭാവയാമി ॥ 16 ॥
ചിദംബരസ്യ സ്തവനം പഠേദ്യഃ
പ്രദോഷകാലേഷു പുമാൻ സ ധന്യഃ ।
ഭോഗാനശേഷാനനുഭൂയ ഭൂയഃ
സായുജ്യമപ്യേതി ചിദംബരസ്യ ॥ 17 ॥
ഇതി ശ്രീ ചിദംബരേശ്വര സ്തോത്രം സമ്പൂർണം ।
Recite with devotion and pure heart
Regular practice brings spiritual benefits