லக்ஷ்மீ ந்ருʼஸிம்ʼஹாஷ்டகம்

யம்ʼ த்⁴யாயஸே ஸ க்வ தவாஸ்தி தே³வ

இத்யுக்த ஊசே பிதரம்ʼ ஸஶஸ்த்ரம் ।

ப்ரஹ்லாத³ ஆஸ்தேகி²லகோ³ ஹரி꞉ ஸ

லக்ஷ்மீந்ருʼஸிம்ʼஹோ(அ)வது மாம்ʼ ஸமந்தாத் ॥ 1 ॥

ததா³ பதா³தாட³யதா³தி³தை³த்ய꞉

ஸ்தம்ப⁴ம்ʼ ததோ(அ)ஹ்னாய கு⁴ரூருஶப்³த³ம் ।

சகார யோ லோகப⁴யங்கரம்ʼ ஸ

லக்ஷ்மீந்ருʼஸிம்ʼஹோ(அ)வது மாம்ʼ ஸமந்தாத் ॥ 2 ॥

ஸ்தம்ப⁴ம்ʼ விநிர்பி⁴த்³ய விநிர்க³தோ யோ

ப⁴யங்கராகார உத³ஸ்தமேக⁴꞉ ।

ஜடானிபாதை꞉ ஸ ச துங்க³கர்ணோ

லக்ஷ்மீந்ருʼஸிம்ʼஹோ(அ)வது மாம்ʼ ஸமந்தாத் ॥ 3 ॥

பஞ்சானனாஸ்யோ மனுஜாக்ருʼதிர்யோ

ப⁴யங்கரஸ்தீக்ஷ்ணநகா²யுதோ⁴(அ)ரிம் ।

த்⁴ருʼத்வா நிஜோர்வோர்வித³தா³ர ஸோ(அ)ஸௌ

லக்ஷ்மீந்ருʼஸிம்ʼஹோ(அ)வது மாம்ʼ ஸமந்தாத் ॥ 4 ॥

வரப்ரதோ³க்தேரவிரோத⁴தோ(அ)ரிம்ʼ

ஜகா⁴ன ப்⁴ருʼத்யோக்தம்ருʼதம்ʼ ஹி குர்வன் ।

ஸ்ரக்³வத்தத³ந்த்ரம்ʼ நித³தௌ⁴ ஸ்வகண்டே²

லக்ஷ்மீந்ருʼஸிம்ʼஹோ(அ)வது மாம்ʼ ஸமந்தாத் ॥ 5 ॥

விசித்ரதே³ஹோ(அ)பி விசித்ரகர்மா

விசித்ரஶக்தி꞉ ஸ ச கேஸரீஹ ।

பாபம்ʼ ச தாபம்ʼ விநிவார்ய து³꞉க²ம்ʼ

லக்ஷ்மீந்ருʼஸிம்ʼஹோ(அ)வது மாம்ʼ ஸமந்தாத் ॥ 6 ॥

ப்ரஹ்லாத³꞉ க்ருʼதக்ருʼத்யோ(அ)பூ⁴த்³யத்க்ருʼபாலேஶதோ(அ)மரா꞉ ।

நிஷ்கண்டகம்ʼ ஸ்வதா⁴மாபு꞉ ஶ்ரீந்ருʼஸிம்ʼஹ꞉ ஸ பாது மாம் ॥ 7 ॥

த³ம்ʼஷ்ட்ராகராலவத³னோ ரிபூணாம்ʼ ப⁴யக்ருʼத்³ப⁴யம் ।

இஷ்டதோ³ ஹரதி ஸ்வஸ்ய வாஸுதே³வ꞉ ஸ பாது மாம் ॥ 8 ॥

இதி ஶ்ரீ லக்ஷ்மீந்ருʼஸிம்ʼஹாஷ்டகம் ।

Recite with devotion and pure heart

Regular practice brings spiritual benefits