ಲಕ್ಷ್ಮೀ ನೃಸಿಂಹಾಷ್ಟಕಂ

ಯಂ ಧ್ಯಾಯಸೇ ಸ ಕ್ವ ತವಾಸ್ತಿ ದೇವ

ಇತ್ಯುಕ್ತ ಊಚೇ ಪಿತರಂ ಸಶಸ್ತ್ರಂ ।

ಪ್ರಹ್ಲಾದ ಆಸ್ತೇಖಿಲಗೋ ಹರಿಃ ಸ

ಲಕ್ಷ್ಮೀನೃಸಿಂಹೋಽವತು ಮಾಂ ಸಮಂತಾತ್ ॥ 1 ॥

ತದಾ ಪದಾತಾಡಯದಾದಿದೈತ್ಯಃ

ಸ್ತಂಭಂ ತತೋಽಹ್ನಾಯ ಘುರೂರುಶಬ್ದಂ ।

ಚಕಾರ ಯೋ ಲೋಕಭಯಂಕರಂ ಸ

ಲಕ್ಷ್ಮೀನೃಸಿಂಹೋಽವತು ಮಾಂ ಸಮಂತಾತ್ ॥ 2 ॥

ಸ್ತಂಭಂ ವಿನಿರ್ಭಿದ್ಯ ವಿನಿರ್ಗತೋ ಯೋ

ಭಯಂಕರಾಕಾರ ಉದಸ್ತಮೇಘಃ ।

ಜಟಾನಿಪಾತೈಃ ಸ ಚ ತುಂಗಕರ್ಣೋ

ಲಕ್ಷ್ಮೀನೃಸಿಂಹೋಽವತು ಮಾಂ ಸಮಂತಾತ್ ॥ 3 ॥

ಪಂಚಾನನಾಸ್ಯೋ ಮನುಜಾಕೃತಿರ್ಯೋ

ಭಯಂಕರಸ್ತೀಕ್ಷ್ಣನಖಾಯುಧೋಽರಿಂ ।

ಧೃತ್ವಾ ನಿಜೋರ್ವೋರ್ವಿದದಾರ ಸೋಽಸೌ

ಲಕ್ಷ್ಮೀನೃಸಿಂಹೋಽವತು ಮಾಂ ಸಮಂತಾತ್ ॥ 4 ॥

ವರಪ್ರದೋಕ್ತೇರವಿರೋಧತೋಽರಿಂ

ಜಘಾನ ಭೃತ್ಯೋಕ್ತಮೃತಂ ಹಿ ಕುರ್ವನ್ ।

ಸ್ರಗ್ವತ್ತದಂತ್ರಂ ನಿದಧೌ ಸ್ವಕಂಠೇ

ಲಕ್ಷ್ಮೀನೃಸಿಂಹೋಽವತು ಮಾಂ ಸಮಂತಾತ್ ॥ 5 ॥

ವಿಚಿತ್ರದೇಹೋಽಪಿ ವಿಚಿತ್ರಕರ್ಮಾ

ವಿಚಿತ್ರಶಕ್ತಿಃ ಸ ಚ ಕೇಸರೀಹ ।

ಪಾಪಂ ಚ ತಾಪಂ ವಿನಿವಾರ್ಯ ದುಃಖಂ

ಲಕ್ಷ್ಮೀನೃಸಿಂಹೋಽವತು ಮಾಂ ಸಮಂತಾತ್ ॥ 6 ॥

ಪ್ರಹ್ಲಾದಃ ಕೃತಕೃತ್ಯೋಽಭೂದ್ಯತ್ಕೃಪಾಲೇಶತೋಽಮರಾಃ ।

ನಿಷ್ಕಂಟಕಂ ಸ್ವಧಾಮಾಪುಃ ಶ್ರೀನೃಸಿಂಹಃ ಸ ಪಾತು ಮಾಂ ॥ 7 ॥

ದಂಷ್ಟ್ರಾಕರಾಲವದನೋ ರಿಪೂಣಾಂ ಭಯಕೃದ್ಭಯಂ ।

ಇಷ್ಟದೋ ಹರತಿ ಸ್ವಸ್ಯ ವಾಸುದೇವಃ ಸ ಪಾತು ಮಾಂ ॥ 8 ॥

ಇತಿ ಶ್ರೀ ಲಕ್ಷ್ಮೀನೃಸಿಂಹಾಷ್ಟಕಂ ।

Recite with devotion and pure heart

Regular practice brings spiritual benefits