മഹാകാല ഉവാച । അഥ വക്ഷ്യേ മഹേശാനി മഹാപാതകനാശനം । ഗദ്യം സഹസ്രനാമ്നസ്തു സഞ്ജീവനതയാ സ്ഥിതം ॥ 1 ॥ പഠൻ യത്സഫലം കുര്യാത് പ്രാക്തനം സകലം പ്രിയേ । അപഠൻ വിഫലം തത്തത്തദ്വസ്തു കഥയാമി തേ ॥ 2 ॥ ഓം ഫ്രേം ജയ ജയ കാമകലാകാലി കപാലിനി സിദ്ധികരാലി സിദ്ധിവികരാലി മഹാവലിനി ത്രിശുലിനി നരമുണ്ഡമാലിനി ശവവാഹിനി കാത്യായനി മഹാട്ടഹാസിനി സൃഷ്ടിസ്ഥിതിപ്രലയകാരിണി ദിതിദനുജമാരിണി ശ്മശാനചാരിണി । മഹാഘോരരാവേ അധ്യാസിതദാവേ അപരിമിതബലപ്രഭാവേ । ഭൈരവീയോഗിനീഡാകിനീസഹവാസിനി ജഗദ്ധാസിനി സ്വപദപ്രകാശിനി । പാപൗഘഹാരിണി ആപദുദ്ധാരിണി അപമൃത്യുവാരിണി । ബൃഹന്മദ്യമാനോദരി സകലസിദ്ധികരി ചതുർദശഭുവനേശ്വരി । ഗുണാതീതപരമസദാശിവമോഹിനി അപവർഗരസദോഹിനി രക്താർണവലോഹിനി । അഷ്ടനാഗരാജഭൂഷിതഭുജദണ്ഡേ ആകൃഷ്ടകോദണ്ഡേ പരമപ്രചണ്ഡേ । മനോവാഗഗോചരേ മഖകോടിമന്ത്രമയകലേവരേ മഹാഭീഷണതരേ പ്രചലജടാഭാരഭാസ്വരേ സജലജലദമേദുരേ ജന്മമൃത്യുപാശഭിദുരേ സകലദൈവതമയസിംഹാസനാധിരൂഢേ ഗുഹ്യാതിഗുഹ്യ പരാപരശക്തിതത്ത്വരൂഢേ വാങ്മയീകൃതമൂഢേ । പ്രകൃത്യപരശിവനിർവാണസാക്ഷിണി ത്രിലോകീരക്ഷണി ദൈത്യദാനവഭക്ഷിണി । വികടദീർഘദംഷ്ട്ര സഞ്ചൂർണിതകോടിബ്രഹ്മകപാലേ ചന്ദ്രഖണ്ഡാങ്കിതഭാലേ ദേഹപ്രഭാജിതമേഘജാലേ । നവപഞ്ചചക്രനയിനി മഹാഭീമഷോഡശശയിനി സകലകുലാകുലചക്രപ്രവർതിനി നിഖിലരിപുദലകർതിനി മഹാമാരീഭയനിവർതിനി ലേലിഹാനരസനാകരാലിനി ത്രിലോകീപാലിനി ത്രയസ്ത്രിംശത്കോടിശസ്ത്രാസ്ത്രശാലിനി । പ്രജ്വലപ്രജ്വലനലോചനേ ഭവഭയമോചനേ നിഖിലാഗമാദേശിതഷ്ഠുസുരോചനേ । പ്രപഞ്ചാതീതനിഷ്കലതുരീയാകാരേ അഖണ്ഡാനന്ദാധാരേ നിഗമാഗമസാരേ । മഹാഖേചരീസിദ്ധിവിധായിനി നിജപദപ്രദായിനി മഹാമായിനി ഘോരാട്ടഹാസസന്ത്രാസിതത്രിഭുവനേ ചരണകമലദ്വയവിന്യാസഖർവീകൃതാവനേ വിഹിതഭക്താവനേ । ഓം ക്ലീം ക്രോം സ്ഫ്രോം ഹൂം ഹ്രീം ഛ്രീം സ്ത്രീം ഫ്രേം ഭഗവതി പ്രസീദ പ്രസീദ ജയ ജയ ജീവ ജീവ ജ്വല ജ്വല പ്രജ്വല പ്രജ്വല ഹസ ഹസ നൃത്യ നൃത്യ ക ഛ ഭഗമാലിനി ഭഗപ്രിയേ ഭഗാതുരേ ഭഗാങ്കിതേ ഭഗരൂപിണി ഭഗപ്രദേ ഭഗലിംഗദ്രാവിണി । സംഹാരഭൈരവസുരതരസലോലുപേ വ്യോമകേശി പിംഗകേശി മഹാശംഖസമാകുലേ ഖർപരവിഹസ്തഹസ്തേ രക്താർണവദ്വീപപ്രിയേ മദനോന്മാദിനി । ശുഷ്കനരകപാലമാലാഭരണേ വിദ്യുത്കോടിസമപ്രഭേ നരമാംസഖണ്ഡകവലിനി । വമദഗ്നിമുഖി ഫേരുകോടിപരിവൃതേ കരതാലികാത്രാസിതത്രിവിഷ്ടപേ । നൃത്യ പ്രസാരിതപാദാഘാതപരിവർതിതഭൂവലയേ । പദഭാരാവനമ്രീകൃതകമഠശേഷാഭോഗേ । കുരുകുല്ലേ കുഞ്ചതുണ്ഡി രക്തമുഖി യമഘണ്ടേ ചർചികേ । ദൈത്യാസുര ദൈത്യരാക്ഷസ ദാനവ കുഷ്മാണ്ഡ പ്രേത ഭൂത ഡാകിനീ വിനായക സ്കന്ദ ഘോണക ക്ഷേത്രപാല പിശാച ബ്രഹ്മരാക്ഷസ വേതാല ഗുഹ്യക സർപനാഗ ഗ്രഹനക്ഷത്രോത്പാത ചൗരാഗ്നി സ്വാപദയുദ്ധവജ്രോപലാശനി വർഷവിദ്യുന്മേഘവിഷോപവിഷ കപടകൃത്യാഭിചാര ദ്വേഷവശീകരണോച്ചാടനോന്മാദാപസ്മാര ഭൂതപ്രേതപിശാചാവേശ നദനദീ സമുദ്രാവർതകാന്താര ഘോരാന്ധകാര മഹാമാരീ ബാലഗ്രഹ ഹിംസ്ര സർവസ്വാപഹാരി മായാവിദ്യുദ്ദസ്യുവഞ്ചക ദിവാചര രാത്രിഞ്ചര സന്ധ്യാചര ശൃംഗിനഖി ദംഷ്ട്രി വിദ്യുദുൽകാരണ്യദരപ്രാന്തരാദി നാനാവിധമഹോപദ്രവഭഞ്ജനി । സർവമന്ത്രതന്ത്രയന്ത്ര കുപ്രയോഗപ്രമർദിനി । ഷഡാമ്നായ സമയ വിദ്യാപ്രകാശിനി ശ്മശാനാധ്യാസിനി । നിജബല പ്രഭാവ പരാക്രമ ഗുണവശീകൃത കോടിബ്രഹ്മാണ്ഡവർതി ഭൂതസംഘേ । വിരാഡ്രൂപിണി സർവദേവമഹേശ്വരി സർവജനമനോരഞ്ജനി സർവപാപപ്രണാശിനി അധ്യാത്മികാധിദൈവികാധിഭൗതികാദി വിവിധഹൃദയാധിനിർദലിനി കൈവല്യനിർവാണവലിനി ദക്ഷിണകാലി ഭദ്രകാലി ചണ്ഡകാലി കാമകലാകാലി കൗലാചാരവ്രതിനി കൗലാചാരകൂജിനി കുലധർമസാധനി ജഗത്കാരണകാരിണി മഹാരൗദ്രി രൗദ്രാവതാരേ അബീജേ നാനാബീജേ ജഗദ്ബീജേ കാലേശ്വരി കാലാതീതേ ത്രികാലസ്ഥായിനി മഹാഭൈരവേ ഭൈരവഗൃഹിണി ജനനി ജനജനനനിവർതിനി പ്രലയാനലജ്വാലാജാലജിഹ്വേ വിഖർവോരു ഫേരുപോതലാലിനി മൃത്യുഞ്ജയഹൃദയാനന്ദകരി വിലോലവ്യാലകുണ്ഡല ഉലൂകപക്ഷച്ഛത്രമഹാഡാമരി നിയുതവക്ത്രബാഹുചരണേ സർവഭൂതദമനി നീലാഞ്ജനസമപ്രഭേ യോഗീന്ദ്ര ഹൃദയാംബുജാസനസ്ഥിത നീലകണ്ഠ ദേഹാർധഹാരിണി ഷോഡശ കലാന്തവാസിനി ഹകാരാർധചാരിണി കാലസങ്കർഷിണി കപാലഹസ്തേ മദഘൂർണിതലോചനേ നിർവാണദീക്ഷാപ്രസാദപ്രദേ നിന്ദാനന്ദാധികാരിണി മാതൃഗണമധ്യചാരിണി ത്രയസ്ത്രിംശത്കോടിത്രിദശ തേജോമയവിഗ്രഹേ പ്രലയാഗ്നിരോചിനി വിശ്വകർത്രി വിശ്വാരാധ്യേ വിശ്വജനനി വിശ്വസംഹാരിണി വിശ്വവ്യാപികേ വിശ്വേശ്വരി നിരുപമേ നിർവികാരേ നിരഞ്ജനേ നിരീഹേ നിസ്തരംഗേ നിരാകാരേ പരമേശ്വരി പരമാനന്ദേ പരാപരേ പ്രകൃതിപുരുഷാത്മികേ പ്രത്യയഗോചരേ പ്രമാണഭൂതേ പ്രണവസ്വരൂപേ സംസാരസാരേ സച്ചിദാനന്ദേ സനാതനി സകലേ സകലകലാതീതേ സാമരസ്യസമയിനി കേവലേ കൈവല്യരൂപേ കല്പനാതിഗേ കാലലോപിനി കാമരഹിതേ കാമകലാകാലി ഭഗവതി ॥ ഓം ഖ്ഫ്രേം ഹ്സൗഃ സൗഃ ശ്രീം ഐം ഹ്രൗം ക്രോം സ്ഫ്രോം സർവസിദ്ധിം ദേഹി ദേഹി മനോരഥാൻ പൂരയ പൂരയ മുക്തിം നിയോജയ നിയോജയ ഭവപാശം സമുന്മൂലയ സമുന്മൂലയ ജന്മമൃത്യൂ താരയ താരയ പരവിദ്യാം പ്രകാശയ പ്രകാശയ അപവർഗം നിർമാഹി നിർമാഹി സംസാരദുഃഖം യാതനാം വിച്ഛേദയ വിച്ഛേദയ പാപാനി സംശമയ സംശമയ ചതുർവർഗം സാധയ സാധയ ഹ്രാം ഹ്രീം ഹ്രൂം ഹ്രൈം ഹ്രൗം യാൻ വയം ദ്വിഷ്മോ യേ ചാസ്മാൻ വിദ്വിഷന്തി താൻ സർവാൻ വിനാശയ വിനാശയ മാരയ മാരയ ശോഷയ ശോഷയ ക്ഷോഭയ ക്ഷോഭയ മയി കൃപാം നിവേശയ നിവേശയ ഫ്രേം ഖ്ഫ്രേം ഹസ്ഫ്രേം ഹ്സ്ഖ്ഫ്രേം ഹൂം സ്ഫ്രോം ക്ലീം ഹ്രീം ജയ ജയ ചരാചരാത്മക ബ്രഹ്മാണ്ഡോദരവർതി ഭൂതസംഘാരാധിതേ പ്രസീദ പ്രസീദ തുഭ്യം ദേവി നമസ്തേ നമസ്തേ നമസ്തേ ॥ ഇതീദം ഗദ്യമുദിതം മന്ത്രരൂപം വരാനനേ । സഹസ്രനാമസ്തോത്രസ്യ ആദാവന്തേ ച യോജയേത് ॥ 3 ॥ അശക്നുവാനൗ ദ്വൗ വാരൗ പഠേച്ഛേഷ ഇമം സ്തവം । സഹസ്രനാമസ്തോത്രസ്യ തദൈവ പ്രാപ്യതേ ഫലം ॥ 4 ॥ അപഠൻ ഗദ്യമേതത്തു തത്ഫലം ന സമാപ്നുയാത് । യത്ഫലം സ്തോത്രരാജസ്യ പാഠേനാപ്നോതി സാധകഃ । തത്ഫലം ഗദ്യപാഠേന ലഭതേ നാത്ര സംശയഃ ॥ 5 ॥ ഇതി മഹാകാലസംഹിതായാം ദ്വാദശതമഃ പടലേ ശ്രീ കാമകലാ കാലീ സഞ്ജീവന ഗദ്യ സ്തോത്രം ॥