हैंహైHaindavamஹிહિં
📍
Font Size:
காமகலா காலீ பு⁴ஜங்க³ ப்ரயாத ஸ்தோத்ரம்
மஹாகால உவாச ।
அத² வக்ஷ்யே மஹேஶானி தே³வ்யா꞉ ஸ்தோத்ரமனுத்தமம் ।
யஸ்ய ஸ்மரணமாத்ரேண விக்⁴னா யாந்தி பராங்முகா²꞉ ॥ 1 ॥
விஜேதும்ʼ ப்ரதஸ்தே² யதா³ காலகஸ்யா-
-ஸுரான் ராவணோ முஞ்ஜமாலிப்ரவர்ஹான் ।
ததா³ காமகாலீம்ʼ ஸ துஷ்டாவ வாக்³பி⁴-
-ர்ஜிகீ³ஷுர்ம்ருʼதே⁴ பா³ஹுவீர்யேண ஸர்வான் ॥ 2 ॥
மஹாவர்தபீ⁴மாஸ்ருʼக³ப்³த்⁴யுத்த²வீசீ-
-பரிக்ஷாலிதா ஶ்ராந்தகந்த²ஶ்மஶானே ।
சிதிப்ரஜ்வலத்³வஹ்னிகீலாஜடாலே-
-ஶிவாகாரஶாவாஸனே ஸந்நிஷண்ணாம் ॥ 3 ॥
மஹாபை⁴ரவீயோகி³னீடா³கினீபி⁴꞉
கராலாபி⁴ராபாத³லம்ப³த்கசாபி⁴꞉ ।
ப்⁴ரமந்தீபி⁴ராபீய மத்³யாமிஷாஸ்ரா-
-ந்யஜஸ்ரம்ʼ ஸமம்ʼ ஸஞ்சரந்தீம்ʼ ஹஸந்தீம் ॥ 4 ॥
மஹாகல்பகாலாந்தகாத³ம்பி³னீத்விட்-
பரிஸ்பர்தி⁴தே³ஹத்³யுதிம்ʼ கோ⁴ரநாதா³ம் ।
ஸ்பு²ரத்³த்³வாத³ஶாதி³த்யகாலாக்³நிருத்³ர-
-ஜ்வலத்³வித்³யுதோ³க⁴ப்ரபா⁴து³ர்நிரீக்ஷ்யாம் ॥ 5 ॥
லஸந்நீலபாஷாணநிர்மாணவேதி³-
-ப்ரப⁴ஶ்ரோணிவிம்பா³ம்ʼ சலத்பீவரோரும் ।
ஸமுத்துங்க³பீனாயதோரோஜகும்பா⁴ம்ʼ
கடிக்³ரந்தி²தத்³வீபிக்ருʼத்யுத்தரீயாம் ॥ 6 ॥
ஸ்ரவத்³ரக்தவல்க³ந்ந்ருʼமுண்டா³வனத்³தா⁴-
-ஸ்ருʼகா³வத்³த⁴நக்ஷத்ரமாலைகஹாராம் ।
ம்ருʼதப்³ரஹ்மகுல்யோபக்லுப்தாங்க³பூ⁴ஷாம்ʼ
மஹாட்டாட்டஹாஸைர்ஜக³த்த்ராஸயந்தீம் ॥ 7 ॥
நிபீதானனாந்தாமிதோத்³வ்ருʼத்தரக்தோ-
-ச்ச²லத்³தா⁴ரயா ஸ்னாபிதோரோஜயுக்³மாம் ।
மஹாதீ³ர்க⁴த³ம்ʼஷ்ட்ராயுக³ன்யஞ்சத³ஞ்ச-
-ல்லலல்லேலிஹானோக்³ரஜிஹ்வாக்³ரபா⁴கா³ம் ॥ 8 ॥
சலத்பாத³பத்³மத்³வயாலம்பி³முக்த-
-ப்ரகம்பாலிஸுஸ்னிக்³த⁴ஸம்பு⁴க்³னகேஶாம் ।
பத³ந்யாஸஸம்பா⁴ரபீ⁴தாஹிராஜா-
-நனோத்³க³ச்ச²தா³த்மஸ்துதிவ்யஸ்தகர்ணாம் ॥ 9 ॥
மஹாபீ⁴ஷணாம்ʼ கோ⁴ரவிம்ʼஶார்த⁴வக்த்ரை-
-ஸ்ததா²ஸப்தவிம்ʼஶான்விதைர்லோசனைஶ்ச ।
புரோத³க்ஷவாமே த்³விநேத்ரோஜ்ஜ்வலாப்⁴யாம்ʼ
ததா²ன்யானனே த்ரித்ரிநேத்ராபி⁴ராமாம் ॥ 10 ॥
லஸத்³த்³வீபிஹர்யக்ஷபே²ருப்லவங்க³-
-க்ரமேலர்க்ஷதார்க்ஷத்³விபக்³ராஹவாஹை꞉ ।
முகை²ரீத்³ருʼஶாகாரிதைர்ப்⁴ராஜமானாம்ʼ
மஹாபிங்க³லோத்³யஜ்ஜடாஜூடபா⁴ராம் ॥ 11 ॥
பு⁴ஜை꞉ ஸப்தவிம்ʼஶாங்கிதைர்வாமபா⁴கே³
யுதாம்ʼ த³க்ஷிணே சாபி தாவத்³பி⁴ரேவ ।
க்ரமாத்³ரத்னமாலாம்ʼ கபாலம்ʼ ச ஶுஷ்கம்ʼ
ததஶ்சர்மபாஶம்ʼ ஸுதீ³ர்க⁴ம்ʼ த³தா⁴னாம் ॥ 12 ॥
தத꞉ ஶக்திக²ட்வாங்க³முண்ட³ம்ʼ பு⁴ஶுண்டீ³ம்ʼ
த⁴னுஶ்சக்ரக⁴ண்டாஶிஶுப்ரேதஶைலான் ।
ததோ நாரகங்காலப³ப்⁴ரூரகோ³ன்மா-
-த³வம்ʼஶீம்ʼ ததா² முத்³க³ரம்ʼ வஹ்னிகுண்ட³ம் ॥ 13 ॥
அதோ⁴ ட³ம்மரும்ʼ பாரிக⁴ம்ʼ பி⁴ந்தி³பாலம்ʼ
ததா² மௌஶலம்ʼ பட்டிஶம்ʼ ப்ராஶமேவம் ।
ஶதக்⁴னீம்ʼ ஶிவாபோதகம்ʼ சாத² த³க்ஷே
மஹாரத்னமாலாம்ʼ ததா² கர்த்ருʼக²ட்³கௌ³ ॥ 14 ॥
சலத்தர்ஜனீமங்குஶம்ʼ த³ண்ட³முக்³ரம்ʼ
லஸத்³ரத்னகும்ப⁴ம்ʼ த்ரிஶூலம்ʼ ததை²வ ।
ஶரான் பாஶுபத்யாம்ʼஸ்ததா² பஞ்ச குந்தம்ʼ
புன꞉ பாரிஜாதம்ʼ சு²ரீம்ʼ தோமரம்ʼ ச ॥ 15 ॥
ப்ரஸூனஸ்ரஜம்ʼ டி³ண்டி³மம்ʼ க்³ருʼத்⁴ரராஜம்ʼ
தத꞉ கோரகம்ʼ மாம்ʼஸக²ண்ட³ம்ʼ ஶ்ருவம்ʼ ச ।
ப²லம்ʼ பீ³ஜபூராஹ்வயம்ʼ சைவ ஸூசீம்ʼ
ததா² பர்ஶுமேவம்ʼ க³தா³ம்ʼ யஷ்டிமுக்³ராம் ॥ 16 ॥
ததோ வஜ்ரமுஷ்டிம்ʼ குணப்பம்ʼ ஸுகோ⁴ரம்ʼ
ததா² லாலனம்ʼ தா⁴ரயந்தீம்ʼ பு⁴ஜைஸ்தை꞉ ।
ஜவாபுஷ்பரோசிஷ்ப²ணீந்த்³ரோபக்லுப்த-
-க்வணந்நூபுரத்³வந்த்³வஸக்தாங்க்⁴ரிபத்³மாம் ॥ 17 ॥
மஹாபீதகும்பீ⁴னஸாவத்³த⁴னத்³த⁴
ஸ்பு²ரத்ஸர்வஹஸ்தோஜ்ஜ்வலத்கங்கணாம்ʼ ச ।
மஹாபாடலத்³யோதித³ர்வீகரேந்த்³ரா-
-வஸக்தாங்க³த³வ்யூஹஸம்ʼஶோப⁴மானாம் ॥ 18 ॥
மஹாதூ⁴ஸரத்த்விட்³பு⁴ஜங்கே³ந்த்³ரக்லுப்த-
-ஸ்பு²ரச்சாருகாடேயஸூத்ராபி⁴ராமாம் ।
சலத்பாண்டு³ராஹீந்த்³ரயஜ்ஞோபவீத-
-த்விடு³த்³பா⁴ஸிவக்ஷ꞉ஸ்த²லோத்³யத்கபாடாம் ॥ 19 ॥
பிஷங்கோ³ரகே³ந்த்³ராவனத்³தா⁴வஶோபா⁴-
-மஹாமோஹபீ³ஜாங்க³ஸம்ʼஶோபி⁴தே³ஹாம் ।
மஹாசித்ரிதாஶீவிஷேந்த்³ரோபக்லுப்த-
-ஸ்பு²ரச்சாருதாடங்கவித்³யோதிகர்ணாம் ॥ 20 ॥
வலக்ஷாஹிராஜாவனத்³தோ⁴ர்த்⁴வபா⁴ஸி-
-ஸ்பு²ரத்பிங்க³லோத்³யஜ்ஜடாஜூடபா⁴ராம் ।
மஹாஶோணபோ⁴கீ³ந்த்³ரநிஸ்யூதமூண்டோ³-
-ல்லஸத்கிங்கணீஜாலஸம்ʼஶோபி⁴மத்⁴யாம் ॥ 21 ॥
ஸதா³ ஸம்ʼஸ்மராமீத்³ருʼஶோம்ʼ காமகாலீம்ʼ
ஜயேயம்ʼ ஸுராணாம்ʼ ஹிரண்யோத்³ப⁴வானாம் ।
ஸ்மரேயுர்ஹி யே(அ)ன்யே(அ)பி தே வை ஜயேயு-
-ர்விபக்ஷான்ம்ருʼதே⁴ நாத்ர ஸந்தே³ஹலேஶ꞉ ॥ 22 ॥
படி²ஷ்யந்தி யே மத்க்ருʼதம்ʼ ஸ்தோத்ரராஜம்ʼ
முதா³ பூஜயித்வா ஸதா³ காமகாலீம் ।
ந ஶோகோ ந பாபம்ʼ ந வா து³꞉க²தை³ன்யம்ʼ
ந ம்ருʼத்யுர்ன ரோகோ³ ந பீ⁴திர்ன சாபத் ॥ 23 ॥
த⁴னம்ʼ தீ³ர்க⁴மாயு꞉ ஸுக²ம்ʼ பு³த்³தி⁴ரோஜோ
யஶ꞉ ஶர்மபோ⁴கா³꞉ ஸ்த்ரிய꞉ ஸூனவஶ்ச ।
ஶ்ரியோ மங்க³லம்ʼ பு³த்³தி⁴ருத்ஸாஹ ஆஜ்ஞா
லய꞉ ஸர்வ வித்³யா ப⁴வேன்முக்திரந்தே ॥ 24 ॥
இதி ஶ்ரீ மஹாகாலஸம்ʼஹிதாயாம்ʼ த³ஶம படலே ராவண க்ருʼத ஶ்ரீ காமகலா காலீ பு⁴ஜங்க³ ப்ரயாத ஸ்தோத்ரம் ॥
Recite with devotion and pure heart
Regular practice brings spiritual benefits