நமாமி க்ருʼஷ்ணரூபிணீம்ʼ க்ருʼஷ்ணாங்க³யஷ்டிதா⁴ரிணீம் । ஸமக்³ரதத்த்வஸாக³ரம்ʼ அபாரபாரக³ஹ்வராம் ॥ 1 ॥ ஶிவாப்ரபா⁴ம்ʼ ஸமுஜ்ஜ்வலாம்ʼ ஸ்பு²ரச்ச²ஶாங்கஶேக²ராம் । லலாடரத்னபா⁴ஸ்கராம்ʼ ஜக³த்ப்ரதீ³ப்திபா⁴ஸ்கராம் ॥ 2 ॥ மஹேந்த்³ரகஶ்யபார்சிதாம்ʼ ஸனத்குமாரஸம்ʼஸ்துதாம் । ஸுராஸுரேந்த்³ரவந்தி³தாம்ʼ யதா²ர்த²நிர்மலாத்³பு⁴தாம் ॥ 3 ॥ அதர்க்யரோசிரூர்ஜிதாம்ʼ விகாரதோ³ஷவர்ஜிதாம் । முமுக்ஷுபி⁴ர்விசிந்திதாம்ʼ விஶேஷதத்த்வஸூசிதாம் ॥ 4 ॥ ம்ருʼதாஸ்தி²நிர்மிதஸ்ரஜாம்ʼ ம்ருʼகே³ந்த்³ரவாஹநாக்³ரஜாம் । ஸுஶுத்³த⁴தத்த்வதோஷணாம்ʼ த்ரிவேத³பாரபூ⁴ஷணாம் ॥ 5 ॥ பு⁴ஜங்க³ஹாரஹாரிணீம்ʼ கபாலக²ண்ட³தா⁴ரிணீம் । ஸுதா⁴ர்மிகௌபகாரிணீம்ʼ ஸுரேந்த்³ரவைரிகா⁴தினீம் ॥ 6 ॥ குடா²ரபாஶசாபினீம்ʼ க்ருʼதாந்தகாமபே⁴தி³னீம் । ஶுபா⁴ம்ʼ கபாலமாலினீம்ʼ ஸுவர்ணகல்பஶாகி²னீம் ॥ 7 ॥ ஶ்மஶானபூ⁴மிவாஸினீம்ʼ த்³விஜேந்த்³ரமௌலிபா⁴வினீம் । தமோ(அ)ந்த⁴காரயாமினீம்ʼ ஶிவஸ்வபா⁴வகாமினீம் ॥ 8 ॥ ஸஹஸ்ரஸூர்யராஜிகாம்ʼ த⁴னஞ்ஜயோக்³ரகாரிகாம் । ஸுஶுத்³த⁴காலகந்த³லாம்ʼ ஸுப்⁴ருʼங்க³ப்³ருʼந்த³மஞ்ஜுலாம் ॥ 9 ॥ ப்ரஜாயினீம்ʼ ப்ரஜாவதீம்ʼ நமாமி மாதரம்ʼ ஸதீம் । ஸ்வகர்மகாரணே க³திம்ʼ ஹரப்ரியாம்ʼ ச பார்வதீம் ॥ 10 ॥ அனந்தஶக்திகாந்திதா³ம்ʼ யஶோ(அ)ர்த²பு⁴க்திமுக்திதா³ம் । புன꞉ புனர்ஜக³த்³தி⁴தாம்ʼ நமாம்யஹம்ʼ ஸுரார்சிதாம் ॥ 11 ॥ ஜயேஶ்வரி த்ரிலோசனே ப்ரஸீத³ தே³வி பாஹி மாம் । ஜயந்தி தே ஸ்துவந்தி யே ஶுப⁴ம்ʼ லப⁴ந்த்யமோக்ஷத꞉ ॥ 12 ॥ ஸதை³வ தே ஹதத்³விஷ꞉ பரம்ʼ ப⁴வந்தி ஸஜ்ஜுஷ꞉ । ஜரா꞉ பரே ஶிவே(அ)து⁴னா ப்ரஸாதி⁴ மாம்ʼ கரோமி கிம் ॥ 13 ॥ அதீவ மோஹிதாத்மனோ வ்ருʼதா² விசேஷ்டிதஸ்ய மே । குரு ப்ரஸாதி³தம்ʼ மனோ யதா²ஸ்மி ஜன்மப⁴ஞ்ஜன꞉ ॥ 14 ॥ ததா² ப⁴வந்து தாவகா யதை²வ கோ⁴ஷிதாலகா꞉ । இமாம்ʼ ஸ்துதிம்ʼ மமேரிதாம்ʼ பட²ந்தி காலிஸாத⁴கா꞉ । ந தே புன꞉ ஸுது³ஸ்தரே பதந்தி மோஹக³ஹ்வரே ॥ 15 ॥ இதி காலீரஹஸ்யே ப்³ரஹ்ம க்ருʼத ஶ்ரீ காலீ ஸ்துதி꞉ ॥