கர்பூரம்ʼ மத்⁴யமாந்த்ய ஸ்வரபரரஹிதம்ʼ ஸேந்து³வாமாக்ஷியுக்தம்ʼ பீ³ஜம்ʼ தே மாதரேதத்த்ரிபுரஹரவது⁴ த்ரி꞉க்ருʼதம்ʼ யே ஜபந்தி । தேஷாம்ʼ க³த்³யானி பத்³யானி ச முக²குஹராது³ல்லஸந்த்யேவ வாச꞉ ஸ்வச்ச²ந்த³ம்ʼ த்⁴வாந்ததா⁴ராத⁴ரருசிருசிரே ஸர்வஸித்³தி⁴ம்ʼ க³தானாம் ॥ 1 ॥ ஈஶான꞉ ஸேந்து³வாமஶ்ரவணபரிக³தோ பீ³ஜமன்யன்மஹேஶி த்³வந்த்³வம்ʼ தே மந்த³சேதா யதி³ ஜபதி ஜனோ வாரமேகம்ʼ கதா³சித் । ஜித்வா வாசாமதீ⁴ஶம்ʼ த⁴னத³மபி சிரம்ʼ மோஹயன்னம்பு³ஜாக்ஷி வ்ருʼந்த³ம்ʼ சந்த்³ரார்த⁴சூடே³ ப்ரப⁴வதி ஸ மஹாகோ⁴ரபா³ணாவதம்ʼஸே ॥ 2 ॥ ஈஶோ வைஶ்வானரஸ்த²꞉ ஶஶத⁴ரவிலஸத்³வாமநேத்ரேண யுக்தோ பீ³ஜம்ʼ தே த்³வந்த்³வமன்யத்³விக³லிதசிகுரே காலிகே யே ஜபந்தி । த்³வேஷ்டாரம்ʼ க்⁴னந்தி தே ச த்ரிபு⁴வனமபி தே வஶ்யபா⁴வம்ʼ நயந்தி ஸ்ருʼக்கத்³வந்த்³வாஸ்ரதா⁴ராத்³வயத⁴ரவத³னே த³க்ஷிணே காலிகேதி ॥ 3 ॥ ஊர்த்⁴வே வாமே க்ருʼபாணம்ʼ கரகமலதலே சி²ன்னமுண்ட³ம்ʼ ததோ²(அ)த⁴꞉ ஸவ்யே(அ)பீ⁴திம்ʼ வரம்ʼ ச த்ரிஜக³த³க⁴ஹரே த³க்ஷிணே காலிகே ச । ஜப்த்வைதந்நாம யே வா தவ விமலதனும்ʼ பா⁴வயந்த்யேதத³ம்ப³ தேஷாமஷ்டௌ கரஸ்தா²꞉ ப்ரகடிதரத³னே ஸித்³த⁴யஸ்த்ர்யம்ப³கஸ்ய ॥ 4 ॥ வர்கா³த்³யம்ʼ வஹ்நிஸம்ʼஸ்த²ம்ʼ விது⁴ரதிவலிதம்ʼ தத்த்ரயம்ʼ கூர்சயுக்³மம்ʼ லஜ்ஜாத்³வந்த்³வம்ʼ ச பஶ்சாத் ஸ்மிதமுகி²தத³த⁴ஷ்ட²த்³வயம்யோஜயித்வா । மாதர்யே த்வாம்ʼ ஜபந்தி ஸ்மரஹரமஹிலே பா⁴வயந்த꞉ ஸ்வரூபம்ʼ தே லக்ஷ்மீலாஸ்யலீலாகமலத³லத்³ருʼஶ꞉ காமரூபா ப⁴வந்தி ॥ 5 ॥ ப்ரத்யேகம்ʼ வா த்³வயம்ʼ வா த்ரயமபி ச பரம்ʼ பீ³ஜமத்யந்தகு³ஹ்யம்ʼ த்வன்நாம்னா யோஜயித்வா ஸகலமபி ஸதா³ பா⁴வயந்தோ ஜபந்தி । தேஷாம்ʼ நேத்ராரவிந்தே³ விஹரதி கமலா வக்த்ரஶுப்⁴ராம்ʼஶுபி³ம்பே³ வாக்³தே³வீ தே³வி முண்ட³ஸ்ரக³திஶயலஸத்கண்ட² பீனஸ்தனாட்⁴யே ॥ 6 ॥ க³தாஸூனாம்ʼ பா³ஹுப்ரகரக்ருʼதகாஞ்சீபரிலஸ- -ந்நிதம்பா³ம்ʼ தி³க்³வஸ்த்ராம்ʼ த்ரிபு⁴வனவிதா⁴த்ரீம்ʼ த்ரிநயனாம் । ஶ்மஶானஸ்தே² தல்பே ஶவஹ்ருʼதி³ மஹாகாலஸுரத- -ப்ரஸக்தாம்ʼ த்வாம்ʼ த்⁴யாயன் ஜனனி ஜட³சேதா அபி கவி꞉ ॥ 7 ॥ ஶிவாபி⁴ர்கோ⁴ராபி⁴꞉ ஶவனிவஹமுண்டா³(அ)ஸ்தி² நிகரை꞉ பரம்ʼ ஸங்கீர்ணாயாம்ʼ ப்ரகடிதசிதாயாம்ʼ ஹரவதூ⁴ம் । ப்ரவிஷ்டாம்ʼ ஸந்துஷ்டாமுபரிஸுரதேனாதி யுவதீ ஸதா³ த்வாம்ʼ த்⁴யாயந்தி க்வசித³பி ந தேஷாம்ʼ பரிப⁴வ꞉ ॥ 8 ॥ வதா³மஸ்தே கிம்ʼ வா ஜனனி வயமுச்சைர்ஜட³தி⁴யோ ந தா⁴தா நாபீஶோ ஹரிரபி ந தே வேத்தி பரமம் । ததா²பி த்வத்³ப⁴க்திர்முக²ரயதி சாஸ்மாகமஸிதே ததே³தத் க்ஷந்தவ்யம்ʼ ந க²லு பஶுரோஷ꞉ ஸமுசித꞉ ॥ 9 ॥ ஸமந்தாதா³பீனஸ்தனஜக⁴னத்³ருʼக்³யௌவனவதீ ரதாஸக்தோ நக்தம்ʼ யதி³ ஜபதி ப⁴க்தஸ்தவ மனும் । விவாஸாஸ்த்வாம்ʼ த்⁴யாயன் க³லிதசிகுரஸ்தஸ்ய வஶகா³꞉ ஸமஸ்தா꞉ ஸித்³தௌ⁴கா⁴ பு⁴வி சிரதரம்ʼ ஜீவதி கவி꞉ ॥ 10 ॥ ஸமா꞉ ஸ்வஸ்தீ²பூ⁴தாம்ʼ ஜபதி விபரீதாம்ʼ யதி³ ஸதா³ விசிந்த்ய த்வாம்ʼ த்⁴யாயன்னதிஶயமஹாகாலஸுரதாம் । ததா³ தஸ்ய க்ஷோணீதலவிஹரமாணஸ்ய விது³ஷ꞉ கராம்போ⁴ஜே வஶ்யா ஹரவது⁴ மஹாஸித்³தி⁴ நிவஹா꞉ ॥ 11 ॥ ப்ரஸூதே ஸம்ʼஸாரம்ʼ ஜனனி ஜக³தீம்ʼ பாலயதி ச ஸமஸ்தம்ʼ க்ஷித்யாதி³ ப்ரலயஸமயே ஸம்ʼஹரதி ச । அதஸ்த்வாம்ʼ தா⁴தா(அ)பி த்ரிபு⁴வனபதி꞉ ஶ்ரீபதிரபி மஹேஶோ(அ)பி ப்ராய꞉ ஸகலமபி கிம்ʼ ஸ்தௌமி ப⁴வதீம் ॥ 12 ॥ அனேகே ஸேவந்தே ப⁴வத³தி⁴ககீ³ர்வாணனிவஹான் விமூடா⁴ஸ்தே மாத꞉ கிமபி ந ஹி ஜானந்தி பரமம் । ஸமாராத்⁴யாமாத்³யாம்ʼ ஹரிஹரவிரிஞ்ச்யாதி³விபு³தை⁴꞉ ப்ரபன்னோ(அ)ஸ்மி ஸ்வைரம்ʼ ரதிரஸமஹாநந்த³நிரதாம் ॥ 13 ॥ த⁴ரித்ரீ கீலாலம்ʼ ஶுசிரபி ஸமீரோ(அ)பி க³க³னம்ʼ த்வமேகா கல்யாணீ கி³ரிஶரமணீ காலி ஸகலம் । ஸ்துதி꞉ கா தே மாதஸ்தவ கருணயா மாமக³திகம்ʼ ப்ரஸன்னா த்வம்ʼ பூ⁴யா ப⁴வமனனுபூ⁴யான்மம ஜனு꞉ ॥ 14 ॥ ஶ்மஶானஸ்த²꞉ ஸுஸ்தோ² க³லிதசிகுரோ தி³க்படத⁴ர꞉ ஸஹஸ்ரம்ʼ த்வர்காணாம்ʼ நிஜக³லிதவீர்யேண குஸுமம் । ஜபம்ʼஸ்த்வத் ப்ரத்யேகம்ʼ மனுமபி தவ த்⁴யானநிரதோ மஹாகாலி ஸ்வைரம்ʼ ஸ ப⁴வதி த⁴ரித்ரீ பரிவ்ருʼட⁴꞉ ॥ 15 ॥ க்³ருʼஹே ஸம்மார்ஜன்யா பரிக³லித வீர்யம்ʼ ஹி சிகுரம்ʼ ஸமூலம்ʼ மத்⁴யாஹ்னே விதரதி சிதாயாம்ʼ குஜதி³னே । ஸமுச்சார்ய ப்ரேம்ணா மனுமபி ஸக்ருʼத் காலி ஸததம்ʼ க³ஜாரூடோ⁴ யாதி க்ஷிதிபரிவ்ருʼட⁴꞉ ஸத்கவிவர꞉ ॥ 16 ॥ ஸுபுஷ்பைராகீர்ணம்ʼ குஸுமத⁴னுஷோமந்தி³ரமஹோ புரோ த்⁴யாயன் த்⁴யாயன் யதி³ ஜபதி ப⁴க்தஸ்தவ மனும் । ஸக³ந்த⁴ர்வஶ்ரேணீபதிரபி கவித்வாம்ருʼதநதீ³ நதீ³ன꞉ பர்யந்தே பரமபத³லீன꞉ ப்ரப⁴வதி ॥ 17 ॥ த்ரிபஞ்சாரே பீடே² ஶவஶிவஹ்ருʼதி³ ஸ்மேரவத³னாம்ʼ மஹாகாலேனோச்சைர்மத³னரஸலாவண்யநிரதாம் । ஸமாஸக்தோ நக்தம்ʼ ஸ்வயமபி ரதாநந்த³நிரதோ ஜனோ யோ த்⁴யாயேத்த்வாம்ʼ ஜனனி கில ஸஸ்யாத் ஸ்மரஹர꞉ ॥ 18 ॥ ஸலோமாஸ்தி² ஸ்வைரம்ʼ பலலமபி மார்ஜாரமஸிதே பரம்ʼ சௌஷ்ட்ரம்ʼ மைஷம்ʼ நரமஹிஷயோஶ்சா²க³மபி வா । ப³லிம்ʼ தே பூஜாயாமபி விதரதாம்ʼ மர்த்யவஸதாம்ʼ ஸதாம்ʼ ஸித்³தி⁴꞉ ஸர்வா ப்ரதிபத³மபூர்வா ப்ரப⁴வதி ॥ 19 ॥ வஶீ லக்ஷம்ʼ மந்த்ரம்ʼ ப்ரஜபதி ஹவிஷ்யாஶனரதோ தி³வா மாதர்யுஷ்மச்சரணயுக³ல த்⁴யான நிபுண꞉ । பரம்ʼ நக்தம்ʼ நக்³னோ நிது⁴வன வினோதே³ன ச மனும்ʼ ஜபேல்லக்ஷம்ʼ ஸம்யக் ஸ்மரஹரஸமான꞉ க்ஷிதிதலே ॥ 20 ॥ இத³ம்ʼ ஸ்தோத்ரம்ʼ மாதஸ்தவ மனுஸமுத்³தா⁴ரண ஜனு꞉ ஸ்வரூபாக்²யம்ʼ பாதா³ம்பு³ஜயுக³லபூஜாவிதி⁴யுதம் । நிஶார்தே⁴ வா பூஜாஸமயமதி⁴ வா யஸ்து பட²தி ப்ரலாபஸ்தஸ்யாபி ப்ரஸரதி கவித்வாம்ருʼதரஸ꞉ ॥ 21 ॥ குரங்கா³க்ஷீப்³ருʼந்த³ம்ʼ தமனுஸரதி ப்ரேமதரலம்ʼ வஶஸ்தஸ்ய க்ஷோணீபதிரபி குபே³ரப்ரதிநிதி⁴꞉ । ரிபு꞉ காராகா³ரம்ʼ கலயதி ச தம்ʼ கேலிகலயா சிரம்ʼ ஜீவன்முக்த꞉ ஸ ப⁴வதி ச ப⁴க்த꞉ ப்ரதிஜனு꞉ ॥ 22 ॥ இதி ஶ்ரீ மஹாகாலவிரசிதம்ʼ ஶ்ரீ காலீ கர்பூர ஸ்தோத்ரம் ।