ശ്രീ രാമദൂത സ്തോത്രം

രം രം രം രക്തവർണം ദിനകരവദനം തീക്ഷ്ണദംഷ്ട്രാകരാലം

രം രം രം രമ്യതേജം ഗിരിചലനകരം കീർതിപഞ്ചാദി വക്ത്രം ।

രം രം രം രാജയോഗം സകലശുഭനിധിം സപ്തഭേതാലഭേദ്യം

രം രം രം രാക്ഷസാന്തം സകലദിശയശം രാമദൂതം നമാമി ॥ 1 ॥

ഖം ഖം ഖം ഖഡ്ഗഹസ്തം വിഷജ്വരഹരണം വേദവേദാംഗദീപം

ഖം ഖം ഖം ഖഡ്ഗരൂപം ത്രിഭുവനനിലയം ദേവതാസുപ്രകാശം ।

ഖം ഖം ഖം കല്പവൃക്ഷം മണിമയമകുടം മായ മായാസ്വരൂപം

ഖം ഖം ഖം കാലചക്രം സകലദിശയശം രാമദൂതം നമാമി ॥ 2 ॥

ഇം ഇം ഇം ഇന്ദ്രവന്ദ്യം ജലനിധികലനം സൗമ്യസാമ്രാജ്യലാഭം

ഇം ഇം ഇം സിദ്ധിയോഗം നതജനസദയം ആര്യപൂജ്യാർചിതാംഗം ।

ഇം ഇം ഇം സിംഹനാദം അമൃതകരതലം ആദിഅന്ത്യപ്രകാശം

ഇം ഇം ഇം ചിത്സ്വരൂപം സകലദിശയശം രാമദൂതം നമാമി ॥ 3 ॥

സം സം സം സാക്ഷിഭൂതം വികസിതവദനം പിംഗലാക്ഷം സുരക്ഷം

സം സം സം സത്യഗീതം സകലമുനിനുതം ശാസ്ത്രസമ്പത്കരീയം ।

സം സം സം സാമവേദം നിപുണ സുലലിതം നിത്യതത്ത്വസ്വരൂപം

സം സം സം സാവധാനം സകലദിശയശം രാമദൂതം നമാമി ॥ 4 ॥

ഹം ഹം ഹം ഹംസരൂപം സ്ഫുടവികടമുഖം സൂക്ഷ്മസൂക്ഷ്മാവതാരം

ഹം ഹം ഹം അന്തരാത്മം രവിശശിനയനം രമ്യഗംഭീരഭീമം ।

ഹം ഹം ഹം അട്ടഹാസം സുരവരനിലയം ഊർധ്വരോമം കരാലം

ഹം ഹം ഹം ഹംസഹംസം സകലദിശയശം രാമദൂതം നമാമി ॥ 5 ॥

ഇതി ശ്രീ രാമദൂത സ്തോത്രം ॥

Recite with devotion and pure heart

Regular practice brings spiritual benefits