caupāī – siṃdhu tarana, siya-soca harana, rabi bāla barana tanu । bhuja bisāla, mūrati karāla kālahu ko kāla janu ॥ gahana-dahana-niradahana laṃka niḥsaṃka, baṃka-bhuva । jātudhāna-balavāna māna-mada-davana pavanasuva ॥ kaha tulasidāsa sevata sulabha sevaka hita saṃtata nikaṭa । guna ganata, namata, sumirata japata samana sakala-saṃkaṭa-vikaṭa ॥ 1 ॥ svarna-saila-saṃkāsa koṭi-ravi taruna teja ghana । ura visāla bhuja daṃḍa caṃḍa nakha-vajratana ॥ piṃga nayana, bhṛkuṭī karāla rasanā dasanānana । kapisa kesa karakasa laṃgūra, khala-dala-bala-bhānana ॥ kaha tulasidāsa basa jāsu ura mārutasuta mūrati vikaṭa । saṃtāpa pāpa tehi puruṣa pahi sapanehum̐ nahiṃ āvata nikaṭa ॥ 2 ॥ jhūlanā – paṃcamukha-chaḥmukha bhṛgu mukhya bhaṭa asura sura, sarva sari samara samarattha sūro । bāṃkuro bīra birudaita birudāvalī, beda baṃdī badata paijapūro ॥ jāsu gunagātha raghunātha kaha jāsubala, bipula jala bharita jaga jaladhi jhūro । duvana dala damana ko kauna tulasīsa hai, pavana ko pūta rajapūta ruro ॥ 3 ॥ ghanākṣarī – bhānusoṃ paḍhana hanumāna ge bhānumana, anumāni sisu keli kiyo phera phāraso । pāchile pagani gama gagana magana mana, krama ko na bhrama kapi bālaka bihāra so ॥ kautuka biloki lokapāla harihara vidhi, locanani cakācauṃdhī cittani khabāra so। bala kaiṃdho bīra rasa dhīraja kai, sāhasa kai, tulasī sarīra dhare sabani sāra so ॥ 4 ॥ bhārata meṃ pāratha ke ratha kethū kapirāja, gājyo suni kururāja dala hala bala bho । kahyo drona bhīṣama samīra suta mahābīra, bīra-rasa-bāri-nidhi jāko bala jala bho ॥ bānara subhāya bāla keli bhūmi bhānu lāgi, phalam̐ga phalām̐ga hūteṃ ghāṭi nabha tala bho । nāī-nāī-mātha jori-jori hātha jodhā jo haiṃ, hanumāna dekhe jagajīvana ko phala bho ॥ 5 ॥ go-pada payodhi kari, holikā jyoṃ lāī laṃka, nipaṭa niḥsaṃka para pura gala bala bho । drona so pahāra liyo khyāla hī ukhāri kara, kaṃduka jyoṃ kapi khela bela kaiso phala bho ॥ saṃkaṭa samāja asamaṃjasa bho rāma rāja, kāja juga pūgani ko karatala pala bho । sāhasī samattha tulasī ko nāī jā kī bām̐ha, loka pāla pālana ko phira thira thala bho ॥ 6 ॥ kamaṭha kī pīṭhi jāke goḍani kī gāḍaiṃ māno, nāpa ke bhājana bhari jala nidhi jala bho । jātudhāna dāvana parāvana ko durga bhayo, mahā mīna bāsa timi tomani ko thala bho ॥ kuṃbhakarana rāvana payoda nāda īdhana ko, tulasī pratāpa jāko prabala anala bho । bhīṣama kahata mere anumāna hanumāna, sārikho trikāla na triloka mahābala bho ॥ 7 ॥ dūta rāma rāya ko sapūta pūta paunako tū, aṃjanī ko naṃdana pratāpa bhūri bhānu so । sīya-soca-samana, durita doṣa damana, sarana āye avana lakhana priya prāṇa so ॥ dasamukha dusaha daridra daribe ko bhayo, prakaṭa tiloka oka tulasī nidhāna so । jñāna gunavāna balavāna sevā sāvadhāna, sāheba sujāna ura ānu hanumāna so ॥ 8 ॥ davana duvana dala bhuvana bidita bala, beda jasa gāvata bibudha baṃdī chora ko । pāpa tāpa timira tuhina nighaṭana paṭu, sevaka saroruha sukhada bhānu bhora ko ॥ loka paraloka teṃ bisoka sapane na soka, tulasī ke hiye hai bharoso eka ora ko । rāma ko dulāro dāsa bāmadeva ko nivāsa। nāma kali kāmataru kesarī kisora ko ॥ 9 ॥ mahābala sīma mahā bhīma mahābāna ita, mahābīra bidita barāyo raghubīra ko । kulisa kaṭhora tanu jora parai rora rana, karunā kalita mana dhāramika dhīra ko ॥ durjana ko kālaso karāla pāla sajjana ko, sumire harana hāra tulasī kī pīra ko । sīya-sukha-dāyaka dulāro raghunāyaka ko, sevaka sahāyaka hai sāhasī samīra ko ॥ 10 ॥ racibe ko bidhi jaise, pālibe ko hari hara, mīca māribe ko, jyāībe ko sudhāpāna bho । dharibe ko dharani, tarani tama dalibe ko, sokhibe kṛsānu poṣibe ko hima bhānu bho ॥ khala duḥkha doṣibe ko, jana paritoṣibe ko, mām̐gibo malīnatā ko modaka dudāna bho । ārata kī ārati nivāribe ko tihum̐ pura, tulasī ko sāheba haṭhīlo hanumāna bho ॥ 11 ॥ sevaka syokāī jāni jānakīsa mānai kāni, sānukūla sūlapāni navai nātha nām̐ka ko । devī deva dānava dayāvane hvai joraiṃ hātha, bāpure barāka kahā aura rājā rām̐ka ko ॥ jāgata sovata baiṭhe bāgata binoda moda, tāke jo anartha so samartha eka ām̐ka ko । saba dina ruro parai pūro jahām̐ tahām̐ tāhi, jāke hai bharoso hiye hanumāna hām̐ka ko ॥ 12 ॥ sānuga sagauri sānukūla sūlapāni tāhi, lokapāla sakala lakhana rāma jānakī । loka paraloka ko bisoka so tiloka tāhi, tulasī tamāi kahā kāhū bīra ānakī ॥ kesarī kisora baṃdīchora ke nevāje saba, kīrati bimala kapi karunānidhāna kī । bālaka jyoṃ pāli haiṃ kṛpālu muni siddhatā ko, jāke hiye hulasati hām̐ka hanumāna kī ॥ 13 ॥ karunānidhāna balabuddhi ke nidhāna hau, mahimā nidhāna gunajñāna ke nidhāna hau । bāma deva rupa bhūpa rāma ke sanehī, nāma, leta deta artha dharma kāma nirabāna hau ॥ āpane prabhāva sītārāma ke subhāva sīla, loka beda bidhi ke bidūṣa hanumāna hau । mana kī bacana kī karama kī tihūm̐ prakāra, tulasī tihāro tuma sāheba sujāna hau ॥ 14 ॥ mana ko agama tana sugama kiye kapīsa, kāja mahārāja ke samāja sāja sāje haim । devabaṃdī chora ranarora kesarī kisora, juga juga jaga tere birada birāje haim । bīra barajora ghaṭi jora tulasī kī ora, suni sakucāne sādhu khala gana gāje haim । bigarī sam̐vāra aṃjanī kumāra kīje mohiṃ, jaise hota āye hanumāna ke nivāje haim ॥ 15 ॥ savaiyā jāna siromani ho hanumāna sadā jana ke mana bāsa tihāro । ḍhāro bigāro maiṃ kāko kahā kehi kārana khījhata hauṃ to tihāro ॥ sāheba sevaka nāte to hāto kiyo so tahāṃ tulasī ko na cāro । doṣa sunāye taiṃ āgehum̐ ko hośiyāra hvaiṃ hoṃ mana to hiya hāro ॥ 16 ॥ tere thapai uthapai na mahesa, thapai thira ko kapi je ura ghāle । tere nibāje garība nibāja birājata bairina ke ura sāle ॥ saṃkaṭa soca sabai tulasī liye nāma phaṭai makarī ke se jāle । būḍha bhaye bali merihiṃ bāra, ki hāri pare bahutai nata pāle ॥ 17 ॥ siṃdhu tare baḍe bīra dale khala, jāre haiṃ laṃka se baṃka mavāse । taiṃ rani kehari kehari ke bidale ari kuṃjara chaila chavāse ॥ toso samattha susāheba seī sahai tulasī dukha doṣa davā se । bānarabāja ! baḍhe khala khecara, lījata kyoṃ na lapeṭi lavāse ॥ 18 ॥ accha vimardana kānana bhāni dasānana ānana bhā na nihāro । bāridanāda akaṃpana kuṃbhakarana se kuṃjara kehari vāro ॥ rāma pratāpa hutāsana, kaccha, vipaccha, samīra samīra dulāro । pāpa te sāpa te tāpa tihūm̐ teṃ sadā tulasī kaha so rakhavāro ॥ 19 ॥ ghanākṣarī – jānata jahāna hanumāna ko nivājyo jana, mana anumāni bali bola na bisāriye । sevā joga tulasī kabahum̐ kahā cūka parī, sāheba subhāva kapi sāhibī saṃbhāriye ॥ aparādhī jāni kījai sāsati sahasa bhāṃti, modaka marai jo tāhi māhura na māriye । sāhasī samīra ke dulāre raghubīra jū ke, bām̐ha pīra mahābīra begi hī nivāriye ॥ 20 ॥ bālaka biloki, bali bāreṃ teṃ āpano kiyo, dīnabaṃdhu dayā kīnhīṃ nirupādhi nyāriye । rāvaro bharoso tulasī ke, rāvaroī bala, āsa rāvarīyai dāsa rāvaro vicāriye ॥ baḍo bikarāla kali kāko na bihāla kiyo, māthe pagu bali ko nihāri so nibāriye । kesarī kisora ranarora barajora bīra, bām̐ha pīra rāhu mātu jyauṃ pachāri māriye ॥ 21 ॥ uthape thapanathira thape uthapanahāra, kesarī kumāra bala āpano saṃbāriye । rāma ke gulāmani ko kāma taru rāmadūta, mose dīna dūbare ko takiyā tihāriye ॥ sāheba samartha to soṃ tulasī ke māthe para, soū aparādha binu bīra, bām̐dhi māriye । pokharī bisāla bām̐hu, bali, bāricara pīra, makarī jyoṃ pakari ke badana bidāriye ॥ 22 ॥ rāma ko saneha, rāma sāhasa lakhana siya, rāma kī bhagati, soca saṃkaṭa nivāriye । muda marakaṭa roga bārinidhi heri hāre, jīva jāmavaṃta ko bharoso tero bhāriye ॥ kūdiye kṛpāla tulasī suprema pabbayateṃ, suthala subela bhālū baiṭhi kai vicāriye । mahābīra bām̐kure barākī bām̐ha pīra kyoṃ na, laṃkinī jyoṃ lāta ghāta hī marori māriye ॥ 23 ॥ loka paralokahum̐ tiloka na vilokiyata, tose samaratha caṣa cārihūm̐ nihāriye । karma, kāla, lokapāla, aga jaga jīvajāla, nātha hātha saba nija mahimā bicāriye ॥ khāsa dāsa rāvaro, nivāsa tero tāsu ura, tulasī so, deva dukhī dekhiata bhāriye । bāta tarumūla bām̐hūsūla kapikacchu beli, upajī sakeli kapi keli hī ukhāriye ॥ 24 ॥ karama karāla kaṃsa bhūmipāla ke bharose, bakī baka bhaginī kāhū teṃ kahā ḍaraigī । baḍī bikarāla bāla ghātinī na jāta kahi, bām̐hū bala bālaka chabīle choṭe charaigī ॥ āī hai banāī beṣa āpa hī bicāri dekha, pāpa jāya saba ko gunī ke pāle paraigī । pūtanā pisācinī jyauṃ kapi kānha tulasī kī, bām̐ha pīra mahābīra tere māre maraigī ॥ 25 ॥ bhāla kī ki kāla kī ki roṣa kī tridoṣa kī hai, bedana biṣama pāpa tāpa chala chām̐ha kī । karamana kūṭa kī ki jaṃtra maṃtra būṭa kī, parāhi jāhi pāpinī malīna mana mām̐ha kī ॥ paihahi sajāya, nata kahata bajāya tohi, bābarī na hohi bāni jāni kapi nām̐ha kī । āna hanumāna kī duhāī balavāna kī, sapatha mahābīra kī jo rahai pīra bām̐ha kī ॥ 26 ॥ siṃhikā sam̐hāri bala surasā sudhāri chala, laṃkinī pachāri māri bāṭikā ujārī hai । laṃka parajāri makarī bidāri bāra bāra, jātudhāna dhāri dhūri dhānī kari ḍārī hai ॥ tori jamakātari maṃdodarī kaṭhori ānī, rāvana kī rānī meghanāda mahatārī hai । bhīra bām̐ha pīra kī nipaṭa rākhī mahābīra, kauna ke sakoca tulasī ke soca bhārī hai ॥ 27 ॥ tero bāli keli bīra suni sahamata dhīra, bhūlata sarīra sudhi sakra ravi rāhu kī । terī bām̐ha basata bisoka loka pāla saba, tero nāma leta rahaiṃ ārati na kāhu kī ॥ sāma dāma bheda vidhi bedahū labeda sidhi, hātha kapinātha hī ke coṭī cora sāhu kī । ālasa anakha parihāsa kai sikhāvana hai, ete dina rahī pīra tulasī ke bāhu kī ॥ 28 ॥ ṭūkani ko ghara ghara ḍolata kam̐gāla boli, bāla jyoṃ kṛpāla nata pāla pāli poso hai । kīnhī hai sam̐bhāra sāra am̐janī kumāra bīra, āpano bisāri haiṃ na merehū bharoso hai ॥ itano parekho saba bhāṃti samaratha āju, kapirāja sāṃcī kahauṃ ko tiloka toso hai । sāsati sahata dāsa kīje pekhi parihāsa, cīrī ko marana khela bālakani koso hai ॥ 29 ॥ āpane hī pāpa teṃ tripāta teṃ ki sāpa teṃ, baḍhī hai bām̐ha bedana kahī na sahi jāti hai । auṣadha aneka jaṃtra maṃtra ṭoṭakādi kiye, bādi bhaye devatā manāye adhīkāti hai ॥ karatāra, bharatāra, haratāra, karma kāla, ko hai jagajāla jo na mānata itāti hai । cero tero tulasī tū mero kahyo rāma dūta, ḍhīla terī bīra mohi pīra teṃ pirāti hai ॥ 30 ॥ dūta rāma rāya ko, sapūta pūta vāya ko, samatva hātha pāya ko sahāya asahāya ko । bām̐kī biradāvalī bidita beda gāiyata, rāvana so bhaṭa bhayo muṭhikā ke dhāya ko ॥ ete baḍe sāheba samartha ko nivājo āja, sīdata susevaka bacana mana kāya ko । thorī bām̐ha pīra kī baḍī galāni tulasī ko, kauna pāpa kopa, lopa prakaṭa prabhāya ko ॥ 31 ॥ devī deva danuja manuja muni siddha nāga, choṭe baḍe jīva jete cetana aceta haim । pūtanā pisācī jātudhānī jātudhāna bāga, rāma dūta kī rajāī māthe māni leta haim ॥ ghora jaṃtra maṃtra kūṭa kapaṭa kuroga joga, hanumāna āna suni chāḍata niketa haim । krodha kīje karma ko prabodha kīje tulasī ko, sodha kīje tinako jo doṣa dukha deta haim ॥ 32 ॥ tere bala bānara jitāye rana rāvana soṃ, tere ghāle jātudhāna bhaye ghara ghara ke । tere bala rāma rāja kiye saba sura kāja, sakala samāja sāja sāje raghubara ke ॥ tero gunagāna suni gīrabāna pulakata, sajala bilocana biraṃci harihara ke । tulasī ke māthe para hātha phero kīsa nātha, dekhiye na dāsa dukhī toso kanigara ke ॥ 33 ॥ pālo tere ṭūka ko parehū cūka mūkiye na, kūra kauḍī dūko hauṃ āpanī ora heriye । bhorānātha bhore hī saroṣa hota thore doṣa, poṣi toṣi thāpi āpano na ava ḍeriye ॥ am̐bu tū hauṃ am̐bu cūra, am̐bu tū hauṃ ḍiṃbha so na, būjhiye bilaṃba avalaṃba mere teriye । bālaka bikala jāni pāhi prema pahicāni, tulasī kī bām̐ha para lāmī lūma pheriye ॥ 34 ॥ gheri liyo rogani, kujogani, kulogani jyauṃ, bāsara jalada ghana ghaṭā dhuki dhāī hai । barasata bāri pīra jāriye javāse jasa, roṣa binu doṣa dhūma mūla malināī hai ॥ karunānidhāna hanumāna mahā balavāna, heri ham̐si hām̐ki phūṃki phauṃjai te uḍāī hai । khāye huto tulasī kuroga rāḍha rākasani, kesarī kisora rākhe bīra bariāī hai ॥ 35 ॥ savaiyā – rāma gulāma tu hī hanumāna gosām̐ī susām̐ī sadā anukūlo । pālyo hauṃ bāla jyoṃ ākhara dū pitu mātu soṃ maṃgala moda samūlo ॥ bām̐ha kī bedana bām̐ha pagāra pukārata ārata ānam̐da bhūlo । śrī raghubīra nivāriye pīra rahauṃ darabāra paro laṭi lūlo ॥ 36 ॥ ghanākṣarī – kāla kī karālatā karama kaṭhināī kīdhau, pāpa ke prabhāva kī subhāya bāya bāvare । bedana kubhām̐ti so sahī na jāti rāti dina, soī bām̐ha gahī jo gahī samīra ḍābare ॥ lāyo taru tulasī tihāro so nihāri bāri, sīṃciye malīna bho tayo hai tihum̐ tāvare । bhūtani kī āpanī parāye kī kṛpā nidhāna, jāniyata sabahī kī rīti rāma rāvare ॥ 37 ॥ pām̐ya pīra peṭa pīra bām̐ha pīra muṃha pīra, jara jara sakala pīra mī hai । deva bhūta pitara karama khala kāla graha, mohi para davari damānaka sī dī hai ॥ hauṃ to binu mola ke bikāno bali bāre hīteṃ, oṭa rāma nāma kī lalāṭa likhi lī hai । kum̐bhaja ke kiṃkara bikala būḍhe gokhurani, hāya rāma rāya aisī hāla kahūm̐ bhī hai ॥ 38 ॥ bāhuka subāhu nīca līcara marīca mili, mum̐ha pīra ketujā kuroga jātudhāna hai । rāma nāma japa jāga kiyo cahoṃ sānurāga, kāla kaise dūta bhūta kahā mere māna hai ॥ sumire sahāya rāma lakhana ākhara daūu, jinake samūha sāke jāgata jahāna hai । tulasī sam̐bhāri tāḍakā sam̐hāri bhāri bhaṭa, bedhe baragada se banāī bānavāna hai ॥ 39 ॥ bālapane sūdhe mana rāma sanamukha bhayo, rāma nāma leta mām̐gi khāta ṭūka ṭāka haum । parayo loka rīti meṃ punīta prīti rāma rāya, moha basa baiṭho tori taraki tarāka haum ॥ khoṭe khoṭe ācarana ācarata apanāyo, aṃjanī kumāra sodhyo rāmapāni pāka haum । tulasī gusām̐ī bhayo bhoṃḍe dina bhūla gayo, tāko phala pāvata nidāna paripāka haum ॥ 40 ॥ asana basana hīna biṣama biṣāda līna, dekhi dīna dūbaro karai na hāya hāya ko । tulasī anātha so sanātha raghunātha kiyo, diyo phala sīla siṃdhu āpane subhāya ko ॥ nīca yahi bīca pati pāi bharu hāīgo, bihāi prabhu bhajana bacana mana kāya ko । tā teṃ tanu peṣiyata ghora baratora misa, phūṭi phūṭi nikasata lona rāma rāya ko ॥ 41 ॥ jīo jaga jānakī jīvana ko kahāi jana, maribe ko bārānasī bāri sura sari ko । tulasī ke dohūm̐ hātha modaka haiṃ aise ṭhām̐ū, jāke jiye muye soca karihaiṃ na lari ko ॥ mo ko jhūm̐ṭo sām̐co loga rāma kau kahata saba, mere mana māna hai na hara ko na hari ko । bhārī pīra dusaha sarīra teṃ bihāla hota, soū raghubīra binu sakai dūra kari ko ॥ 42 ॥ sītāpati sāheba sahāya hanumāna nita, hita upadeśa ko mahesa māno guru kai । mānasa bacana kāya sarana tihāre pām̐ya, tumhare bharose sura maiṃ na jāne sura kai ॥ byādhi bhūta janita upādhi kāhu khala kī, samādhi kī jai tulasī ko jāni jana phura kai । kapinātha raghunātha bholānātha bhūtanātha, roga siṃdhu kyoṃ na ḍāriyata gāya khura kai ॥ 43 ॥ kahoṃ hanumāna soṃ sujāna rāma rāya soṃ, kṛpānidhāna saṃkara soṃ sāvadhāna suniye । haraṣa viṣāda rāga roṣa guna doṣa mī, biracī biraṃcī saba dekhiyata duniye ॥ māyā jīva kāla ke karama ke subhāya ke, karaiyā rāma beda kaheṃ sām̐cī mana guniye । tumha teṃ kahā na hoya hā hā so bujhaiye mohiṃ, hauṃ hūm̐ rahoṃ maunahī vayo so jāni luniye ॥ 44 ॥