ഹൈന്ദവം
हैंహై
ഹൈന്ദവം
ஹிહિં📍
Font Size:
ഹനുമത് പംചരത്നമ്
വീതാഖിലവിഷയേച്ഛം ജാതാനംദാശ്രുപുലകമത്യച്ഛമ്
സീതാപതി ദൂതാദ്യം വാതാത്മജമദ്യ ഭാവയേ ഹൃദ്യമ് ॥ 1 ॥
തരുണാരുണമുഖകമലം കരുണാരസപൂരപൂരിതാപാംഗമ്
സംജീവനമാശാസേ മംജുലമഹിമാനമംജനാഭാഗ്യമ് ॥ 2 ॥
ശംബരവൈരിശരാതിഗമംബുജദല വിപുലലോചനോദാരമ്
കംബുഗലമനിലദിഷ്ടം ബിംബജ്വലിതോഷ്ഠമേകമവലംബേ ॥ 3 ॥
ദൂരീകൃതസീതാര്തിഃ പ്രകടീകൃതരാമവൈഭവസ്ഫൂര്തിഃ
ദാരിതദശമുഖകീര്തിഃ പുരതോ മമ ഭാതു ഹനുമതോ മൂര്തിഃ ॥ 4 ॥
വാനരനികരാധ്യക്ഷം ദാനവകുലകുമുദരവികരസദൃശമ്
ദീനജനാവനദീക്ഷം പവനതപഃ പാകപുംജമദ്രാക്ഷമ് ॥ 5 ॥
ഏതത്പവനസുതസ്യ സ്തോത്രം യഃ പഠതി പംചരത്നാഖ്യമ്
ചിരമിഹ നിഖിലാന്ഭോഗാന്ഭുംക്ത്വാ ശ്രീരാമഭക്തിഭാഗ്ഭവതി ॥ 6 ॥
Recite with devotion and pure heart
Regular practice brings spiritual benefits