niścaya prema pratīti tĕ, binaya karai sanamāna । tehi ke kāraja sakala subha, siddha karai hanumāna ॥ caupāī – jaya hanumanta santa hitakārī । suna lījai prabhu araja hamārī ॥ jana ke kāja bilamba na kījai । ātura dauri mahā sukha dījai ॥ jaise kūdi sindhu mahipārā । surasā badana paiṭhi bistārā ॥ āge jāya laṅkinī rokā । mārehu lāta gī suralokā ॥ jāya bibhīṣana ko sukha dīnhā । sītā nirakhi paramapada līnhā ॥ bāga ujāri sindhu mahaṃ borā । ati ātura jamakātara torā ॥ akṣaya kumāra māri saṃhārā । lūma lapeṭi laṅka ko jārā ॥ lāha samāna laṅka jari gī । jaya jaya dhuni surapura nabha bhī ॥ aba bilamba kehi kārana svāmī । kṛpā karahu ura antarayāmī ॥ jaya jaya lakhana prāna ke dātā । ātura hvai dukha karahu nipātā ॥ jai hanumāna jayati bala-sāgara । sura-samūha-samaratha bhaṭa-nāgara ॥ oṃ hanu hanu hanu hanumanta haṭhīle । bairihi māru bajra kī kīle ॥ oṃ hnīṃ hnīṃ hnīṃ hanumanta kapīsā । oṃ huṃ huṃ huṃ hanu ari ura sīsā ॥ jaya añjani kumāra balavantā । śaṅkarasuvana bīra hanumantā ॥ badana karāla kāla-kula-ghālaka । rāma sahāya sadā pratipālaka ॥ bhūta, preta, pisāca nisācara । agina betāla kāla mārī mara ॥ inheṃ māru, tohi sapatha rāma kī । rākhu nātha marajāda nāma kī ॥ satya hohu hari sapatha pāi kai । rāma dūta dharu māru dhāi kai ॥ jaya jaya jaya hanumanta agādhā । dukha pāvata jana kehi aparādhā ॥ pūjā japa tapa nema acārā । nahiṃ jānata kachu dāsa tumhārā ॥ bana upabana maga giri gṛha māhīm । tumhare bala hauṃ ḍarapata nāhīm ॥ janakasutā hari dāsa kahāvau । tākī sapatha bilamba na lāvau ॥ jai jai jai dhuni hota akāsā । sumirata hoya dusaha dukha nāsā ॥ carana pakari, kara jori manāvaum । yahi ausara aba kehi goharāvaum ॥ uṭhu, uṭhu, calu, tohi rāma duhāī । pāyaṃ parauṃ, kara jori manāī ॥ oṃ caṃ caṃ caṃ caṃ capala calantā । oṃ hanu hanu hanu hanu hanumantā ॥ oṃ haṃ haṃ hāṅka deta kapi cañcala । oṃ saṃ saṃ sahami parāne khala-dala ॥ apane jana ko turata ubārau । sumirata hoya ānanda hamārau ॥ yaha bajaraṅga-bāṇa jehi mārai । tāhi kahau phiri kavana ubārai ॥ pāṭha karai bajaraṅga-bāṇa kī । hanumata rakṣā karai prāna kī ॥ yaha bajaraṅga bāṇa jo jāpaim । tāsoṃ bhūta-preta saba kāpaim ॥ dhūpa deya jo japai hamesā । tāke tana nahiṃ rahai kalesā ॥ dohā – ura pratīti dṛr̤ha, sarana hvai, pāṭha karai dhari dhyāna । bādhā saba hara, karaiṃ saba kāma saphala hanumāna ॥