हैंహైHaindavamஹிહિં
📍
Font Size:
ഹനുമത്കവചമ്
അസ്യ ശ്രീ ഹനുമത് കവചസ്തോത്രമഹാമന്ത്രസ്യ വസിഷ്ഠ ഋഷിഃ അനുഷ്ടുപ് ഛന്ദഃ ശ്രീ ഹനുമാൻ ദേവതാ മാരുതാത്മജ ഇതി ബീജം അഞ്ജനാസൂനുരിതി ശക്തിഃ വായുപുത്ര ഇതി കീലകം ഹനുമത്പ്രസാദ സിദ്ധ്യർഥേ ജപേ വിനിയോഗഃ ॥
ഉല്ലംഘ്യ സിന്ധോസ്സലിലം സലീലം
യശ്ശോകവഹ്നിം ജനകാത്മജായാഃ ।
ആദായ തേനൈവ ദദാഹ ലങ്കാം
നമാമി തം പ്രാഞ്ജലിരാഞ്ജനേയം ॥ 1
മനോജവം മാരുതതുല്യവേഗം
ജിതേന്ദ്രിയം ബുദ്ധിമതാം വരിഷ്ഠം ।
വാതാത്മജം വാനരയൂഥമുഖ്യം
ശ്രീരാമദൂതം ശിരസാ നമാമി ॥ 2
ഉദ്യദാദിത്യസങ്കാശം ഉദാരഭുജവിക്രമം ।
കന്ദർപകോടിലാവണ്യം സർവവിദ്യാവിശാരദം ॥ 3
ശ്രീരാമഹൃദയാനന്ദം ഭക്തകല്പമഹീരുഹം ।
അഭയം വരദം ദോർഭ്യാം കലയേ മാരുതാത്മജം ॥ 4
ശ്രീരാമ രാമ രാമേതി രമേ രാമേ മനോരമേ ।
സഹസ്രനാമ തത്തുല്യം രാമനാമ വരാനനേ ॥ 5
പാദൗ വായുസുതഃ പാതു രാമദൂതസ്തദംഗുലീഃ ।
ഗുൽഫൗ ഹരീശ്വരഃ പാതു ജംഘേ ചാർണവലംഘനഃ ॥ 6
ജാനുനീ മാരുതിഃ പാതു ഊരൂ പാത്വസുരാന്തകഃ ।
ഗുഹ്യം വജ്രതനുഃ പാതു ജഘനം തു ജഗദ്ധിതഃ ॥ 7
ആഞ്ജനേയഃ കടിം പാതു നാഭിം സൗമിത്രിജീവനഃ ।
ഉദരം പാതു ഹൃദ്ഗേഹീ ഹൃദയം ച മഹാബലഃ ॥ 8
വക്ഷോ വാലായുധഃ പാതു സ്തനൗ ചാഽമിതവിക്രമഃ ।
പാർശ്വൗ ജിതേന്ദ്രിയഃ പാതു ബാഹൂ സുഗ്രീവമന്ത്രകൃത് ॥ 9
കരാവക്ഷ ജയീ പാതു ഹനുമാംശ്ച തദംഗുലീഃ ।
പൃഷ്ഠം ഭവിഷ്യദ്ര്ബഹ്മാ ച സ്കന്ധൗ മതി മതാം വരഃ ॥ 10
കണ്ഠം പാതു കപിശ്രേഷ്ഠോ മുഖം രാവണദർപഹാ ।
വക്ത്രം ച വക്തൃപ്രവണോ നേത്രേ ദേവഗണസ്തുതഃ ॥ 11
ബ്രഹ്മാസ്ത്രസന്മാനകരോ ഭ്രുവൗ മേ പാതു സർവദാ ।
കാമരൂപഃ കപോലേ മേ ഫാലം വജ്രനഖോഽവതു ॥ 12
ശിരോ മേ പാതു സതതം ജാനകീശോകനാശനഃ ।
ശ്രീരാമഭക്തപ്രവരഃ പാതു സർവകലേബരം ॥ 13
മാമഹ്നി പാതു സർവജ്ഞഃ പാതു രാത്രൗ മഹായശാഃ ।
വിവസ്വദന്തേവാസീ ച സന്ധ്യയോഃ പാതു സർവദാ ॥ 14
ബ്രഹ്മാദിദേവതാദത്തവരഃ പാതു നിരന്തരം ।
യ ഇദം കവചം നിത്യം പഠേച്ച ശൃണുയാന്നരഃ ॥ 15
ദീർഘമായുരവാപ്നോതി ബലം ദൃഷ്ടിം ച വിന്ദതി ।
പാദാക്രാന്താ ഭവിഷ്യന്തി പഠതസ്തസ്യ ശത്രവഃ ।
സ്ഥിരാം സുകീർതിമാരോഗ്യം ലഭതേ ശാശ്വതം സുഖം ॥ 16
ഇതി നിഗദിതവാക്യവൃത്ത തുഭ്യം
സകലമപി സ്വയമാഞ്ജനേയ വൃത്തം ।
അപി നിജജനരക്ഷണൈകദീക്ഷോ
വശഗ തദീയ മഹാമനുപ്രഭാവഃ ॥ 17
ഇതി ശ്രീ ഹനുമത് കവചം ॥
Recite with devotion and pure heart
Regular practice brings spiritual benefits