हैंహైHaindavamஹிહિં
📍
Font Size:
ത്രൈലോക്യമോഹന ഗണപതി കവചം
നമസ്തസ്മൈ ഗണേശായ സർവവിഘ്നവിനാശിനേ ।
കാര്യാരംഭേഷു സർവേഷു പൂജ്യതേ യഃ സുരൈരപി ॥ 1 ॥
ശ്രീമന്മഹാഗണപതേഃ കവചസ്യ ഋഷിഃ ശിവഃ ।
ഗണപതിർദേവതാ ച ഗായത്രീ ഛന്ദഃ ഏവ ച ।
ധർമാർഥകാമമോക്ഷേഷു വിനിയോഗഃ പ്രകീർതിതഃ ।
ശക്തിഃ സ്വാഹാ ഗ്ലൈം ബീജം വിനിയോഗസ്യ കീർതിതഃ ॥
അഥ ന്യാസഃ –
ഓം ശ്രീം ഹ്രീം ക്ലീം അംഗുഷ്ഠാഭ്യാം നമഃ ।
ഗ്ലൗം ഗം ഗണപതയേ തർജനീഭ്യാം നമഃ ।
വരവരദ മധ്യമാഭ്യാം നമഃ ।
സർവജനം മേ അനാമികാഭ്യാം നമഃ ।
വശമാനയ കനിഷ്ഠികാഭ്യാം നമഃ ।
സ്വാഹാ കരതലകരപൃഷ്ഠാഭ്യാം നമഃ ।
ഏവം ഹൃദയാദി ന്യാസഃ ॥
ധ്യാനം –
ഹസ്തീന്ദ്രാനനമിന്ദുചൂഡമരുണച്ഛായം ത്രിനേത്രം രസാ-
-ദാശ്ലിഷ്ടം പ്രിയയാ സപദ്മകരയാ സ്വാങ്കസ്ഥയാ സന്തതം ।
ബീജാപൂരഗദാധനുസ്ത്രിശിഖയുക് ചക്രാബ്ജപാശോത്പല
വ്രീഹ്യഗ്രസ്വവിഷാണരത്നകലശാൻ ഹസ്തൈർവഹന്തം ഭജേ ।
കവചം –
ഓം ബ്രഹ്മബീജം ശിരഃ പാതു കേവലം മുക്തിദായകം ।
ശ്രീം ബീജമക്ഷിണീ പാതു സർവസിദ്ധിസമർപകം ॥ 1 ॥
ഹൃല്ലേഖാ ശ്രോത്രയോഃ പാതു സർവശത്രുവിനാശിനീ ।
കാമബീജം കപോലൗ ച സർവദുഷ്ടനിവാരണം ॥ 2 ॥
ഗ്ലൗം ഗം ച ഗണപതയേ വാചം പാതു വിനായകഃ ।
വരബീജം തഥാ ജിഹ്വാം വരദം ഹസ്തയോസ്തഥാ ॥ 3 ॥
സർവജനം മേ ച ബാഹുദ്വയം കണ്ഠം ഗണേശ്വരഃ ।
വശം മേ പാതു ഹൃദയം പാതു സിദ്ധീശ്വരസ്തഥാ ॥ 4 ॥
നാഭിം ആനയ മേ പാതു സർവസിദ്ധിവിനായകഃ ।
ജംഘയോർഗുൽഫയോഃ സ്വാഹാ സർവാംഗം വിഘ്നനായകഃ ॥ 5 ॥
ഗണപതിസ്ത്വഗ്രതഃ പാതു ഗണേശഃ പൃഷ്ഠതസ്തഥാ ।
ദക്ഷിണേ സിദ്ധിദഃ പാതു വാമേ വിശ്വാർതിഹാരകഃ ॥ 6 ॥
ദുർജയോ രക്ഷതു പ്രാച്യാമാഗ്നേയ്യാം ഗണപസ്തഥാ ।
ദക്ഷിണസ്യാം ഗിരിജജോ നൈരൃത്യാം ശംഭുനന്ദനഃ ॥ 7 ॥
പ്രതീച്യാം സ്ഥാണുജഃ പാതു വായവ്യാമാഖുവാഹനഃ ।
കൗബേര്യാമീശ്വരഃ പാതു ഈശാന്യാമീശ്വരാത്മജഃ ॥ 8 ॥
അധോ ഗണപതിഃ പാതു ഊർധം പാതു വിനായകഃ ।
ഏതാഭ്യോ ദശദിഗ്ഭ്യസ്തു പാതു നിത്യം ഗണേശ്വരഃ ॥ 9 ॥
ഇതീദം കഥിതം ദേവി ബ്രഹ്മവിദ്യാകലേവരം ।
ത്രൈലോക്യമോഹനം നാമ കവചം ബ്രഹ്മരൂപകം ॥ 10 ॥
ഇതി ശ്രീമഹാഗണപതി ത്രൈലോക്യമോഹനകവചം സമ്പൂർണം ।
Recite with devotion and pure heart
Regular practice brings spiritual benefits