हैंహైHaindavamஹிહિં
📍
Font Size:
ഗണേശ അഷ്ടകം
സർവേ ഉചുഃ –
യതോഽനന്തശക്തേരനന്താശ്ച ജീവാ
യതോ നിർഗുണാദപ്രമേയാ ഗുണാസ്തേ ।
യതോ ഭാതി സർവം ത്രിധാ ഭേദഭിന്നം
സദാ തം ഗണേശം നമാമോ ഭജാമഃ ॥ 1 ॥
യതശ്ചാവിരാസീജ്ജഗത്സർവമേത-
-ത്തഥാബ്ജാസനോ വിശ്വഗോ വിശ്വഗോപ്താ ।
തഥേന്ദ്രാദയോ ദേവസംഘാ മനുഷ്യാഃ
സദാ തം ഗണേശം നമാമോ ഭജാമഃ ॥ 2 ॥
യതോ വഹ്നിഭാനൂ ഭവോ ഭൂർജലം ച
യതഃ സാഗരാശ്ചന്ദ്രമാ വ്യോമ വായുഃ ।
യതഃ സ്ഥാവരാ ജംഗമാ വൃക്ഷസംഘാഃ
സദാ തം ഗണേശം നമാമോ ഭജാമഃ ॥ 3 ॥
യതോ ദാനവാഃ കിന്നരാ യക്ഷസംഘാ
യതശ്ചാരണാ വാരണാഃ ശ്വാപദാശ്ച ।
യതഃ പക്ഷികീടാ യതോ വീരുധശ്ച
സദാ തം ഗണേശം നമാമോ ഭജാമഃ ॥ 4 ॥
യതോ ബുദ്ധിരജ്ഞാനനാശോ മുമുക്ഷോ-
-ര്യതഃ സമ്പദോ ഭക്തസന്തോഷദാഃ സ്യുഃ ।
യതോ വിഘ്നനാശോ യതഃ കാര്യസിദ്ധിഃ
സദാ തം ഗണേശം നമാമോ ഭജാമഃ ॥ 5 ॥
യതഃ പുത്രസമ്പദ്യതോ വാഞ്ഛിതാർഥോ
യതോഽഭക്തവിഘ്നാസ്തഥാഽനേകരൂപാഃ ।
യതഃ ശോകമോഹൗ യതഃ കാമ ഏവ
സദാ തം ഗണേശം നമാമോ ഭജാമഃ ॥ 6 ॥
യതോഽനന്തശക്തിഃ സ ശേഷോ ബഭൂവ
ധരാധാരണേഽനേകരൂപേ ച ശക്തഃ ।
യതോഽനേകധാ സ്വർഗലോകാ ഹി നാനാ
സദാ തം ഗണേശം നമാമോ ഭജാമഃ ॥ 7 ॥
യതോ വേദവാചോ വികുണ്ഠാ മനോഭിഃ
സദാ നേതി നേതീതി യത്താ ഗൃണന്തി ।
പരബ്രഹ്മരൂപം ചിദാനന്ദഭൂതം
സദാ തം ഗണേശം നമാമോ ഭജാമഃ ॥ 8 ॥
ശ്രീഗണേശ ഉവാച –
പുനരൂചേ ഗണാധീശഃ സ്തോത്രമേതത്പഠേന്നരഃ ।
ത്രിസന്ധ്യം ത്രിദിനം തസ്യ സർവകാര്യം ഭവിഷ്യതി ॥ 9 ॥
യോ ജപേദഷ്ടദിവസം ശ്ലോകാഷ്ടകമിദം ശുഭം ।
അഷ്ടവാരം ചതുർഥ്യാം തു സോഽഷ്ടസിദ്ധീരവാപ്നുയാത് ॥ 10 ॥
യഃ പഠേന്മാസമാത്രം തു ദശവാരം ദിനേ ദിനേ ।
സ മോചയേദ്ബന്ധഗതം രാജവധ്യം ന സംശയഃ ॥ 11 ॥
വിദ്യാകാമോ ലഭേദ്വിദ്യാം പുത്രാർഥീ പുത്രമാപ്നുയാത് ।
വാഞ്ഛിതാഁല്ലഭതേ സർവാനേകവിംശതിവാരതഃ ॥ 12 ॥
യോ ജപേത്പരയാ ഭക്ത്യാ ഗജാനനപരോ നരഃ ।
ഏവമുക്ത്വാ തതോ ദേവശ്ചാന്തർധാനം ഗതഃ പ്രഭുഃ ॥ 13 ॥
ഇതി ശ്രീഗണേശപുരാണേ ഉപാസനാഖണ്ഡേ ശ്രീഗണേശാഷ്ടകം ।
Recite with devotion and pure heart
Regular practice brings spiritual benefits