गजाननाय गांगेयसहजाय सदात्मने । गौरीप्रिय तनूजाय गणेशायास्तु मंगलम् ॥ 1 ॥ नागयज्ञोपवीदाय नतविघ्नविनाशिने । नंद्यादि गणनाथाय नायकायास्तु मंगलम् ॥ 2 ॥ इभवक्त्राय चेंद्रादि वंदिताय चिदात्मने । ईशानप्रेमपात्राय नायकायास्तु मंगलम् ॥ 3 ॥ सुमुखाय सुशुंडाग्रात्-क्षिप्तामृतघटाय च । सुरबृंद निषेव्याय चेष्टदायास्तु मंगलम् ॥ 4 ॥ चतुर्भुजाय चंद्रार्धविलसन्मस्तकाय च । चरणावनतानंततारणायास्तु मंगलम् ॥ 5 ॥ वक्रतुंडाय वटवे वन्याय वरदाय च । विरूपाक्ष सुतायास्तु मंगलम् ॥ 6 ॥ प्रमोदमोदरूपाय सिद्धिविज्ञानरूपिणे । प्रकृष्टा पापनाशाय फलदायास्तु मंगलम् ॥ 7 ॥ मंगलं गणनाथाय मंगलं हरसूनने । मंगलं विघ्नराजाय विघहर्त्रेस्तु मंगलम् ॥ 8 ॥ श्लोकाष्टकमिदं पुण्यं मंगलप्रद मादरात् । पठितव्यं प्रयत्नेन सर्वविघ्ननिवृत्तये ॥