ಧ್ಯಾನಂ – ಬಾಲಾರ್ಕಮಂಡಲಾಭಾಸಾಂ ಚತುರ್ಬಾಹಾಂ ತ್ರಿಲೋಚನಾಂ । ಪಾಶಾಂಕುಶ ಶರಾಞ್ಶ್ಚಾಪಾನ್ ಧಾರಯಂತೀಂ ಶಿವಾಂ ಭಜೇ ॥ 1 ॥ ಬಾಲಾರ್ಕಯುತತೈಜಸಾಂ ತ್ರಿನಯನಾಂ ರಕ್ತಾಂಬರೋಲ್ಲಾಸಿನೀಂ । ನಾನಾಲಂಕೃತಿರಾಜಮಾನವಪುಷಂ ಬಾಲೇಂದು ಯುಕ್ ಶೇಖರಾಂ । ಹಸ್ತೈರಿಕ್ಷುಧನುಃ ಸೃಣಿಂ ಸುಮಶರಾಂ ಪಾಶಂ ಮುದಾಬಿಭ್ರತೀಂ ಶ್ರೀಚಕ್ರಸ್ಥಿತ ಸುಂದರೀಂ ತ್ರಿಜಗತಾಮಾಧಾರಭೂತಾಂ ಭಜೇ ॥ 2 ॥ ಪದ್ಮರಾಗ ಪ್ರತೀಕಾಶಾಂ ಸುನೇತ್ರಾಂ ಚಂದ್ರಶೇಖರಾಂ ನವರತ್ನಲಸದ್ಭೂಷಾಂ ಭೂಷಿತಾಪಾದಮಸ್ತಕಾಂ ॥ 3 ॥ ಪಾಶಾಂಕುಶೌ ಪುಷ್ಪ ಶರಾನ್ ದಧತೀಂ ಪುಂಡ್ರಚಾಪಕಂ ಪೂರ್ಣ ತಾರುಣ್ಯ ಲಾವಣ್ಯ ತರಂಗಿತ ಕಲೇಬರಾಂ ॥ 4 ॥ ಸ್ವ ಸಮಾನಾಕಾರವೇಷಕಾಮೇಶಾಶ್ಲೇಷ ಸುಂದರಾಂ । ಚತುರ್ಭುಜೇ ಚಂದ್ರಕಲಾವತಂಸೇ ಕುಚೋನ್ನತೇ ಕುಂಕುಮ ರಾಗ ಶ್ರೋಣೇ ಪುಂಡ್ರೇಕ್ಷು ಪಾಶಾಂಕುಶ ಪುಷ್ಪಬಾಣ ಹಸ್ತೇ ನಮಸ್ತೇ ಜಗದೇಕ ಮಾತಃ ॥ ಸ್ತೋತ್ರಂ – ಶ್ರೀಂ ಬೀಜೇ ನಾದ ಬಿಂದುದ್ವಿತಯ ಶಶಿ ಕಲಾಕಾರರೂಪೇ ಸ್ವರೂಪೇ ಮಾತರ್ಮೇ ದೇಹಿ ಬುದ್ದಿಂ ಜಹಿ ಜಹಿ ಜಡತಾಂ ಪಾಹಿಮಾಂ ದೀನ ದೀನಂ । ಅಜ್ಞಾನ ಧ್ವಾಂತ ನಾಶಕ್ಷಮರುಚಿರುಚಿರ ಪ್ರೋಲ್ಲಸತ್ಪಾದ ಪದ್ಮೇ ಬ್ರಹ್ಮೇಶಾದ್ಯಃಸುರೇಂದ್ರೈಃ ಸುರಗಣ ವಿನತೈಃ ಸಂಸ್ತುತಾಂ ತ್ವಾಂ ನಮಾಮಿ ॥ 1 ॥ ಕಲ್ಪೋ ಸಂಪರಣ ಕಲ್ಪಿತ ತಾಂಡವಸ್ಯ ದೇವಸ್ಯ ಖಂಡಪರಶೋಃ ಪರಭೈರವಸ್ಯ । ಪಾಶಾಂಕುಶೈಕ್ಷವಶರಾಸನ ಪುಷ್ಪಬಾಣಾ ಸಸಾಕ್ಷಿಣೀ ವಿಜಯತೇ ತವ ಮೂರ್ತಿರೇಕಾ ॥ 2 ॥ ಹ್ರೀಂಕಾರಮೇವ ತವನಾಮ ಗೃಣಂತಿ ಯೇವಾ ಮಾತಃ ತ್ರಿಕೋಣನಿಲಯೇ ತ್ರಿಪುರೇ ತ್ರಿನೇತ್ರೇ । ತ್ವತ್ಸಂಸ್ಮೃತೌ ಯಮಭಟಾಭಿ ಭವಂ ವಿಹಾಯ ದೀವ್ಯಂತಿ ನಂದನ ವನೇ ಸಹಲೋಕಪಾಲೈಃ ॥ 3 ॥ ಋಣಾಂಕಾನಲ ಭಾನುಮಂಡಲಲಸಚ್ಛ್ರೀಚಕ್ರಮಧ್ಯೇಸ್ಥಿತಾಂ ಬಾಲಾರ್ಕದ್ಯುತಿ ಭಾಸುರಾಂ ಕರತಲೈಃ ಪಾಶಾಂಕುಶೌ ಬಿಭ್ರತೀಂ । ಚಾಪಂ ಬಾಣಮಪಿ ಪ್ರಸನ್ನವದನಾಂ ಕೌಸುಂಭವಸ್ತ್ರಾನ್ವಿತಾಂ ತಾಂ ತ್ವಾಂ ಚಂದ್ರಕಲಾವತಂಸಮುಕುಟಾಂ ಚಾರುಸ್ಮಿತಾಂ ಭಾವಯೇ ॥ 4 ॥ ಸರ್ವಜ್ಞತಾಂ ಸದಸಿವಾಕ್ಪಟುತಾಂ ಪ್ರಸೂತೇ ದೇವಿ ತ್ವದಂಘ್ರಿ ನರಸಿರುಹಯೋಃ ಪ್ರಣಾಮಃ । ಕಿಂಚಿತ್ಸ್ಫುರನ್ಮುಕುಟಮುಜ್ವಲಮಾತಪತ್ರಂ ದ್ವೌಚಾಮರೇ ಚ ಮಹತೀಂ ವಸುಧಾಂ ದಧಾತಿ ॥ 5 ॥ ಕಲ್‌ಯ಼ಾಣವೃಷ್ಟಿಭಿರಿವಾಮೃತಪೂರಿತಾಭಿಃ ಲಕ್ಷ್ಮೀ ಸ್ವಯಂವರಣಮಂಗಲದೀಪಕಾಭಿಃ । ಸೇವಾಭಿರಂಬ ತವಪಾದಸರೋಜಮೂಲೇ ನಾಕಾರಿಕಿಮ್ಮನಸಿ ಭಕ್ತಿಮತಾಂ ಜನಾನಾಂ ॥ 6 ॥ ಶಿವಶಕ್ತಿಃ ಕಾಮಃ ಕ್ಷಿತಿರಥರವಿಃ ಶಾಂತ ಕಿರಣಃ ಸ್ಮರೋ ಹಂಸಃ ಶಕ್ರಸ್ತದನು ಚ ಪರಾಮಾರಹರಯಃ । ಅಮೀ ಹೃಲ್ಲೇಖಾಭಿಸ್ತಿ ಸೃಭಿರವಸಾನೇಷು ಘಟಿತಾ ಭಜಂತೇ ವರ್ಣಾಸ್ತೇ ತವಜನನಿ ನಾಮವಯವತಾಂ ॥ 7 ॥ ಕದಾಕಾಲೇ ಮಾತಃ ಕಥಯಕಲಿತಾ ಲಕ್ತಕರಸಂ ಪಿಬೇಯಂ ವಿದ್ಯಾರ್ಧೀ ತವ ಚರಣ ನಿರ್ಣೇಜನಜಲಂ । ಪ್ರಕೃತ್ಯಾ ಮೂಕಾನಾಮಪಿ ಚ ಕವಿತಾ ಕಾರಣತಯಾ ಸದಾಧತ್ತೇ ವಾಣೀ ಮುಖಕಮಲ ತಾಂಬೂಲ ರಸತಾಂ ॥ 8 ॥