நீலாலகாம்ʼ ஶஶிமுகீ²ம்ʼ நவபல்லவோஷ்டீ²ம்ʼ சாம்பேயபுஷ்பஸுஷமோஜ்ஜ்வலதி³வ்யனாஸாம் । பத்³மேக்ஷணாம்ʼ முகுரஸுந்த³ரக³ண்ட³பா⁴கா³ம்ʼ த்வாம்ʼ ஸாம்ப்ரதம்ʼ த்ரிபுரஸுந்த³ரி தே³வி வந்தே³ ॥ 1 ॥ ஶ்ரீகுந்த³குட்³மலஶிகோ²ஜ்ஜ்வலத³ந்தப்³ருʼந்த³- -மந்த³ஸ்மிதத்³யுதிதிரோஹிதசாருவாணீம் । நாநாமணிஸ்த²கி³தஹாரஸுசாருகண்டீ²ம்ʼ த்வாம்ʼ ஸாம்ப்ரதம்ʼ த்ரிபுரஸுந்த³ரி தே³வி வந்தே³ ॥ 2 ॥ பீனஸ்தனீம்ʼ க⁴னபு⁴ஜாம்ʼ விபுலாப்³ஜஹஸ்தாம்ʼ ப்⁴ருʼங்கா³வலீஜிதஸுஶோபி⁴தரோமராஜிம் । மத்தேப⁴கும்ப⁴குசபா⁴ரஸுனம்ரமத்⁴யாம்ʼ த்வாம்ʼ ஸாம்ப்ரதம்ʼ த்ரிபுரஸுந்த³ரி தே³வி வந்தே³ ॥ 3 ॥ ரம்போ⁴ஜ்ஜ்வலோருயுக³லாம்ʼ ம்ருʼக³ராஜபத்ரா- -மிந்த்³ராதி³தே³வமகுடோஜ்ஜ்வலபாத³பத்³மாம் । ஹேமாம்ப³ராம்ʼ க⁴னக்⁴ருʼதாஞ்சிதக²ட்³க³வல்லீம்ʼ த்வாம்ʼ ஸாம்ப்ரதம்ʼ த்ரிபுரஸுந்த³ரி தே³வி வந்தே³ ॥ 4 ॥ மத்தேப⁴வக்த்ரஜனனீம்ʼ ம்ருʼட³தே³ஹயுக்தாம்ʼ ஶைலாக்³ரமத்⁴யநிலயாம்ʼ வரஸுந்த³ராங்கீ³ம் । கோடீஶ்வராக்²யஹ்ருʼதி³ஸம்ʼஸ்தி²தபாத³பத்³மாம்ʼ த்வாம்ʼ ஸாம்ப்ரதம்ʼ த்ரிபுரஸுந்த³ரி தே³வி வந்தே³ ॥ 5 ॥ பா³லே த்வத்பாத³யுக³லம்ʼ த்⁴யாத்வா ஸம்ப்ரதி நிர்மிதம் । நவீனம்ʼ பஞ்சரத்னம்ʼ ச தா⁴ர்யதாம்ʼ சரணத்³வயே ॥ 6 ॥ இதி ஶ்ரீ த்ரிபுரஸுந்த³ரீ பஞ்சரத்ன ஸ்தோத்ரம் ।