हैंహైHaindavamஹிહિં
📍
Font Size:
ತಾರಾ ಸ್ತೋತ್ರಂ
ಧ್ಯಾನಂ ।
ಓಂ ಪ್ರತ್ಯಾಲೀಢಪದಾರ್ಚಿತಾಂಘ್ರಿಶವಹೃದ್ ಘೋರಾಟ್ಟಹಾಸಾ ಪರಾ
ಖಡ್ಗೇಂದೀವರಕರ್ತ್ರಿಕರ್ಪರಭುಜಾ ಹುಂಕಾರ ಬೀಜೋದ್ಭವಾ ।
ಸರ್ವಾ ನೀಲವಿಶಾಲಪಿಂಗಲಜಟಾಜೂಟೈಕ ನಾಗೈರ್ಯುತಾ
ಜಾಡ್ಯನ್ಯಸ್ಯ ಕಪಾಲಕೇ ತ್ರಿಜಗತಾಂ ಹಂತ್ಯುಗ್ರತಾರಾ ಸ್ವಯಂ ॥
ಶೂನ್ಯಸ್ಥಾಮತಿತೇಜಸಾಂ ಚ ದಧತೀಂ ಶೂಲಾಬ್ಜ ಖಡ್ಗಂ ಗದಾಂ
ಮುಕ್ತಾಹಾರಸುಬದ್ಧ ರತ್ನ ರಸನಾಂ ಕರ್ಪೂರ ಕುಂದೋಜ್ವಲಾಂ ।
ವಂದೇ ವಿಷ್ಣುಸುರೇಂದ್ರರುದ್ರನಮಿತಾಂ ತ್ರೈಲೋಕ್ಯ ರಕ್ಷಾಪರಾಂ
ನೀಲಾಂ ತಾಮಹಿಭೂಷಣಾಧಿವಲಯಾಮತ್ಯುಗ್ರತಾರಾಂ ಭಜೇ ॥
ಸ್ತೋತ್ರಂ ।
ಮಾತರ್ನೀಲಸರಸ್ವತಿ ಪ್ರಣಮತಾಂ ಸೌಭಾಗ್ಯಸಂಪತ್ಪ್ರದೇ
ಪ್ರತ್ಯಾಲೀಢಪದಸ್ಥಿತೇ ಶವಹೃದಿ ಸ್ಮೇರಾನನಾಂಭೋರುಹೇ ।
ಫುಲ್ಲೇಂದೀವರಲೋಚನೇ ತ್ರಿನಯನೇ ಕರ್ತ್ರೀಕಪಾಲೋತ್ಪಲೇ
ಖಡ್ಗಂ ಚಾದಧತೀ ತ್ವಮೇವ ಶರಣಂ ತ್ವಾಮೀಶ್ವರೀಮಾಶ್ರಯೇ ॥ 1 ॥
ವಾಚಾಮೀಶ್ವರಿ ಭಕ್ತಿಕಲ್ಪಲತಿಕೇ ಸರ್ವಾರ್ಥಸಿದ್ಧೀಶ್ವರಿ
ಗದ್ಯಪ್ರಾಕೃತಪದ್ಯಜಾತರಚನಾಸರ್ವಾರ್ಥಸಿದ್ಧಿಪ್ರದೇ ।
ನೀಲೇಂದೀವರಲೋಚನತ್ರಯಯುತೇ ಕಾರುಣ್ಯವಾರಾನ್ನಿಧೇ
ಸೌಭಾಗ್ಯಾಮೃತವರ್ಧನೇನ ಕೃಪಯಾಸಿಂಚ ತ್ವಮಸ್ಮಾದೃಶಂ ॥ 2 ॥
ಖರ್ವೇ ಗರ್ವಸಮೂಹಪೂರಿತತನೋ ಸರ್ಪಾದಿವೇಷೋಜ್ವಲೇ
ವ್ಯಾಘ್ರತ್ವಕ್ಪರಿವೀತಸುಂದರಕಟಿವ್ಯಾಧೂತಘಂಟಾಂಕಿತೇ ।
ಸದ್ಯಃಕೃತ್ತಗಲದ್ರಜಃಪರಿಮಿಲನ್ಮುಂಡದ್ವಯೀಮೂರ್ಧಜೇ
ಗ್ರಂಥಿಶ್ರೇಣಿನೃಮುಂಡದಾಮಲಲಿತೇ ಭೀಮೇ ಭಯಂ ನಾಶಯ ॥ 3 ॥
ಮಾಯಾನಂಗವಿಕಾರರೂಪಲಲನಾಬಿಂದ್ವರ್ಧಚಂದ್ರಾಂಬಿಕೇ
ಹುಂಫಟ್ಕಾರಮಯಿ ತ್ವಮೇವ ಶರಣಂ ಮಂತ್ರಾತ್ಮಿಕೇ ಮಾದೃಶಃ ।
ಮೂರ್ತಿಸ್ತೇ ಜನನಿ ತ್ರಿಧಾಮಘಟಿತಾ ಸ್ಥೂಲಾತಿಸೂಕ್ಷ್ಮಾ ಪರಾ
ವೇದಾನಾಂ ನಹಿ ಗೋಚರಾ ಕಥಮಪಿ ಪ್ರಾಜ್ಞೈರ್ನುತಾಮಾಶ್ರಯೇ ॥ 4 ॥
ತ್ವತ್ಪಾದಾಂಬುಜಸೇವಯಾ ಸುಕೃತಿನೋ ಗಚ್ಛಂತಿ ಸಾಯುಜ್ಯತಾಂ
ತಸ್ಯಾಃ ಶ್ರೀಪರಮೇಶ್ವರತ್ರಿನಯನಬ್ರಹ್ಮಾದಿಸಾಮ್ಯಾತ್ಮನಃ ।
ಸಂಸಾರಾಂಬುಧಿಮಜ್ಜನೇ ಪಟುತನುರ್ದೇವೇಂದ್ರಮುಖ್ಯಾಸುರಾನ್
ಮಾತಸ್ತೇ ಪದಸೇವನೇ ಹಿ ವಿಮುಖಾನ್ ಕಿಂ ಮಂದಧೀಃ ಸೇವತೇ ॥ 5 ॥
ಮಾತಸ್ತ್ವತ್ಪದಪಂಕಜದ್ವಯರಜೋಮುದ್ರಾಂಕಕೋಟೀರಿಣಸ್ತೇ
ದೇವಾ ಜಯಸಂಗರೇ ವಿಜಯಿನೋ ನಿಶ್ಶಂಕಮಂಕೇ ಗತಾಃ ।
ದೇವೋಽಹಂ ಭುವನೇ ನ ಮೇ ಸಮ ಇತಿ ಸ್ಪರ್ಧಾಂ ವಹಂತಃ ಪರೇ
ತತ್ತುಲ್ಯಾಂ ನಿಯತಂ ಯಥಾ ಶಶಿರವೀ ನಾಶಂ ವ್ರಜಂತಿ ಸ್ವಯಂ ॥ 6 ॥
ತ್ವನ್ನಾಮಸ್ಮರಣಾತ್ಪಲಾಯನಪರಾಂದ್ರಷ್ಟುಂ ಚ ಶಕ್ತಾ ನ ತೇ
ಭೂತಪ್ರೇತಪಿಶಾಚರಾಕ್ಷಸಗಣಾ ಯಕ್ಷಶ್ಚ ನಾಗಾಧಿಪಾಃ ।
ದೈತ್ಯಾ ದಾನವಪುಂಗವಾಶ್ಚ ಖಚರಾ ವ್ಯಾಘ್ರಾದಿಕಾ ಜಂತವೋ
ಡಾಕಿನ್ಯಃ ಕುಪಿತಾಂತಕಶ್ಚ ಮನುಜಾನ್ ಮಾತಃ ಕ್ಷಣಂ ಭೂತಲೇ ॥ 7 ॥
ಲಕ್ಷ್ಮೀಃ ಸಿದ್ಧಿಗಣಶ್ಚ ಪಾದುಕಮುಖಾಃ ಸಿದ್ಧಾಸ್ತಥಾ ವೈರಿಣಾಂ
ಸ್ತಂಭಶ್ಚಾಪಿ ವರಾಂಗನೇ ಗಜಘಟಾಸ್ತಂಭಸ್ತಥಾ ಮೋಹನಂ ।
ಮಾತಸ್ತ್ವತ್ಪದಸೇವಯಾ ಖಲು ನೃಣಾಂ ಸಿದ್ಧ್ಯಂತಿ ತೇ ತೇ ಗುಣಾಃ
ಕ್ಲಾಂತಃ ಕಾಂತಮನೋಭವೋಽತ್ರ ಭವತಿ ಕ್ಷುದ್ರೋಽಪಿ ವಾಚಸ್ಪತಿಃ ॥ 8 ॥
ತಾರಾಷ್ಟಕಮಿದಂ ಪುಣ್ಯಂ ಭಕ್ತಿಮಾನ್ ಯಃ ಪಠೇನ್ನರಃ ।
ಪ್ರಾತರ್ಮಧ್ಯಾಹ್ನಕಾಲೇ ಚ ಸಾಯಾಹ್ನೇ ನಿಯತಃ ಶುಚಿಃ ॥ 9 ॥
ಲಭತೇ ಕವಿತಾಂ ವಿದ್ಯಾಂ ಸರ್ವಶಾಸ್ತ್ರಾರ್ಥವಿದ್ಭವೇತ್
ಲಕ್ಷ್ಮೀಮನಶ್ವರಾಂ ಪ್ರಾಪ್ಯ ಭುಕ್ತ್ವಾ ಭೋಗಾನ್ಯಥೇಪ್ಸಿತಾನ್ ।
ಕೀರ್ತಿಂ ಕಾಂತಿಂ ಚ ನೈರುಜ್ಯಂ ಪ್ರಾಪ್ತ್ಯಾಂತೇ ಮೋಕ್ಷಮಾಪ್ನುಯಾತ್ ॥ 10 ॥
Recite with devotion and pure heart
Regular practice brings spiritual benefits